ع نار

ايش يعني نسويه؟ 

ليش النضال النسوي مهم؟ 

ايش اهمية الرابط بين النضال النسويه والنضال الوطنيه؟

وكيف ممكن نكون نسويات ونسويين؟ 

"كل ما اجي اكتب اشي عن الشيخ جرّاح قلبي بنكمش ودقاته بتزيد.

الشيخ جرّاح مش الحي اللي كبرت فيه، بس هي أكثر حارة حسيت بانتماء وحب الها. أهلها أهلي وزعلها زعلي.

مشاهد اليوم بتوجّع.. والبُعد بقتل."

هيك كتبت صديقتي هديل عزام جلاجل من حراك نقف معًا يوم اقتحام عضو الكنيست العنصري ايتامار بن غڤير للشيخ جراح وبناء خيمة لمكتبه هناك - الحي اللي كل اهله مهددين بالتهجير القسري. وحدة من العائلات هي عائلة سالم, تحدد تهجيرها لشهر آذار القريب.

مقابلة مع عضو الكنيست سامي ابو شحادة عن اقتراح قانون رفع الحد الادنى للاجور ل40 شيكل للساعة.

هذا الاقتراح بلش كحملة بالميادين وحصل على دعم شعبي وسيع وانحكى عنه كتير بالاعلام. شو اهمية هذه الخطوة؟ وكيف بتعكس عمل نواب القائمة المشتركة بالقضايا الاقتصادية-اجتماعية؟

أصحاب ولا أعز - تدور احداث الفيلم حول مجموعة اصحاب الي اجتمعوا على عشاء وقرروا يلعبوا لعبه وكل واحد يحط تلفونه ع الطاوله بشرط ان كل الموجودين يسمعوا ويشوفوا كل الرسائل. حتى تحولت من لعبه شيقه لفضح اسرار.


فيلم  دراما-كوميدي من اخراج وسام سميره وبطولة منى زكي، جورج خباز ومجموعة نجوم سينما مصريين ولبنانيين. وهو يعتبر اول فيلم عربي من إنتاج نيتفليكس. الفيلم لاقى معارضة وهجمة شرسة من العالم العربي بحجة مخالفة القيم المجتمعية.

النكبه الفلسطينيه تعد من ابشع الاحداث في تاريخ البشرية. شو بنعرف عن هذا الحدث؟ شو الجرائم الي ارتكبوها جيش الاحتلال الاسرائيلي؟

اليوم راح نحكي عن قصة، تعذيب، اغتصاب وقتل شابه/فتاه/أمرأه بدويه فلسطينيه من قبل جيش الاحتلال الاسرائيلي سنة 1949. لنحذر المستمعين، راح يتم كشف احداث جنسيه مروعه.

اعداد وتقديم: سليمان التيهي

قبل أيام، أطلق الزميل الصحافي رامي يونس، برنامج على قنوات هيئة البث ومواقع التواصل التابعة للهيئة، برنامج اسمه "الجهة الثانية"، وهو عبارة عن حلقات قصيرة بتطرح مواضيع وبتكشف عن مغالطات بقوم فيها السياسيين ووسائل الاعلام وجهات أخرى، على غرار برنامج מהצד השני للصحافي غاي زوهر

اعداد: بكر زعبي

تقديم: سليمان التيهي

مابينَ قريةٌ ومَدينةٌ إختلافٌ كَبير فَما بالَك عَزيزي المُستمع في قَرية غَيرُ مُعترف بِها؟

لِنتعرف اولًا ماهي القرية الغير مُعترف بِها؟

في البداية تعريف القرية اللي مُش معترف فيها هي قرية اللي الحكومة الاسرائيلة مابتعترف فيها كقرية، وكمان ماعندهم بُنية تحتية، وبينفع نحكي انه اساسيات الحياة مُش متوفرة الهم ( مِن كهرباء. لمي، لانترنت، ومؤسسات تعليمية، صحية، وكثير اشياء مابنخلص واحنا نعد.

مايقارب ال 38 قرية موجودة في صحراء النقب في جنوب فلسطين، الحكومة الاسرائيلة بترُفض الإعتراف بهالقرى وبتعتبر انهم ساكنين مُش قانوني ، اما سُكان القرية بيعتبروا انهم بارضهم رُغم كل العيشة الصعبة اللي بيواجهوها بحياتهم إلا انهم صامدين رُغم الهدم اللي بيهدموه الحكومة بادعاء ان البناء هو غير قانوني.

تقديم: سليمان التيهي

حوار مفتوح مع رلى داوود مديرة مشتركة في حراك نقف معا حول الشراكة العربية - يهويدية. عن الازمات والمواضيع التي يواجهها الحراك

وعن الفرص المتاحة

وعن حل الدولتين او الدولة الواحدة

تقديم: رغد ابو رياش

طحينة الارز، منصور عباس ومساهمتهم بخلق مساحة لمجتمع الميم في المجتمع العربي.
مجتمعنا العربي مكون من عدة هويات جندريه وتوجهات جنسيه مختلفه. شو تأثير المجتمع العربي؟ شو دور الكنسيت لما النقاش يكون حول المثليه الجنسيه؟ وشو دور مجتمع الميم؟ حلقة خاصة مع خضر ابو سيف.

الخط الساخن لمجتمع الميم:0548732110

تقديم: رلى داوود

بنقلة نوعية وجديدة بدأت شبكة نتفليكس بعرض مجموعة "قصص فلسطينية" الي بتضم 32 فيلم لصانعي أفلام فلسطينيين، أو أفلام تتحدث عن قصص فلسطينية , منها افلام وثائقية وافلام قصصية\درامية الي بتناقش وبتعرض حياة كاملة, احلام والآم وطموحات وقصص انسانية عميقة.

اعداد: رغد ابو رياش

تقديم: سليمان التيهي

طمس الهويه الفلسطينيه 

فيلم فليكن صباحا هو فيلم من انتاج إسرائيلي-فرنسي، لكن مستوحى من رواية فلسطينيه للكاتب سيد قشوع وكل الممثلين بالفلم فلسطينيين. لكن مع ذلك الفيلم صنف في مهرجان "كان" كفيلم اسرائيلي. 

عدد الطلاب الجامعيين العرب هو حوالي 43,000 طالب. كونهم فقط11% من عامة الطلاب للقب اول. بالمقارنه لعدد الطلاب قبل عشر سنين، الرقم تضاعف.

مثلا، حسب المجلس للتعليم العالي في ال2008 نسبة الطلاب العرب كانت بس 8% وبال2018 النسبه وصلت ل18%.

أعداد وتقديم: سليمان التيهي

وفاء، جومانا، ميَّسر واسماء كتير اسمعنا عنها لنساء قُتلوا ،وفي الغالب كان معروف من هو القاتل ، بس للاسف ما تمت محاسبته .

كيف ممكن نوقف هذه الجرائم؟ 

مين المسؤول عن توقيفها؟

هل السلطة معنيّة بمحاسبة المجرمين؟

اعداد وتقديم: هدى ناصر

أسئلة كثير انطرحت من وقت ما انتشر الخبر لليوم - وين ممكن يكونوا الأسرى الفارّين؟ وين راحوا بالرمل؟ كيف حفروا نفق الهروب؟ كيف تجاوزوا جدران السجن؟ ليش سارعت مصلحة السجون باستصدار أمر حظر نشر من المحكمة؟ وكثير أسئلة غيرها ولا واحد منهم اله جواب واضح. لهيك حلقتنا اليوم راح تتطرق لأمور أخرى لا تقل أهمية.

واحد من هاي الأمور هو تعامل الإعلام والإعلاميين الإسرائيليين مع الحدث. وهون حابين نعطي أمثلة. اسمعوا:

* لاحظتوا مثلًا انه الإعلاميين الإسرائيليين اختاروا يستعملوا وصف "مخربين" بدل "أسرى". هروب مخربين.. المخربين لسا ما بيّنوا.. المخربين هربوا هيك وحفروا هيك وطلعوا من هون وراحوا على هناك.. طول الوقت - المخربين. هذا الإشي مش عبثي، بل هو جزء من عملية زرع المصطلحات بعقول الجمهور لحد ما يذوّتها ويصير هو كمان يستعملها بدون ما حتى يسأل حاله قديش هي صحيحة!


اعداد: هديل عزام جلاجل

تقديم: رلى داوود

شو خلّى وزيرة المساواة الاجتماعية تتوجه تحديدًا ل-"حفيظة" للترويج لحملة تشجيع التطعيم ضد الكورونا، وشو كان رد "حفيظة" على الهجوم اللي تعرضت له في أعقاب الإعلان بمشاركة الوزيرة مراف كوهين؟

ضيفنا بالحلقة الجديدة من "عَ نار" مميز ومتابعينه كتار.

اسمعوا حافظ محروم، بالحلقة اللي بحكي فيها كمان عن الحملة، وكمان عن دور المؤثرين الشباب بخدمة ودفع قضايا مجتمعية.

اعداد: رلى داوود، سالي عبد وهديل عزام جلاجل

تقديم،: رلى داوود

المؤسف والمثير للغضب اكثر انه ضحايا الجريمة المنظمة سنة عن سنة بتزيد نسبة الأبرياء فيهم،  اطفال ونساء، ضحايا عن جنب وطرف. ناس ماشية بالشارع بالغلط انقتلت، عائلات ارتكبت بحقها مجازر انتقاما من فرد من افرادها، طفل طلع يوخذ بيتسا انقتل قبال باب بيته، طفلة على باب بيتها انقتلت، عائلة هاربة من الاجرام وقتلوها، عريس على وشك الزواج انقتل، عريس خاطب جديد، رب اسرة ورجل اعمال، امرأة بمكان عملها.

اعداد: هدى ناصر

تقديم: سالي عبد

سياسة رفيفو اشتغلت بحسب أسس عنصرية: تقوية النواة التوراتية في البلد مقابل التحريض الدائم على المواطنين العرب. إعطاء شرعية من خلال سلب شرعية العرب ووصفهم  بكل خطاب على أنهم مافيا، وانو العنف بثقافتهم . استعمال ظاهرة الجريمة والعنف المستمرة في اللد بهدف لوم فئة وحدة بمشاكل البلد، بدل جلب حلول جذرية للسكّان.

اعداد وتقديم: رلا داوود

اللي بيصير في الخليل ولساته بيصير بذكرنا كمان بالاستيطان بالقدس والشيخ جراح وسلوان، فيهن التهجير القسري والاستيطان مقنن بيتم عبر المحاكم ايضا

اعداد وتقديم: هدى ناصر

في ظل التصديق على بناء مستوطنات جديدة وحملات التهجير القسري والاستيطان في القدس بن اند جريز تعلن عن التوقف بيع مثلجاتها للمستوطنات موقف انساني واخلاقي قبل كل شيء ولقيت ترحاب كبير من الفلسطينيين بشكل خاص ومن العالم بشكل عام. بتدل على رفض دعم المستوطنات، يعني وبشكل اخر انه مستوطناتهم غير قانونية وغير شرعية وما بنعترف فيها وما بدنا نتعامل معها.

اعداد وتقديم: هدى ناصر

كلنا شفنا عنف الشرطة بالشيخ جراح وبسلوان وبام الفحم والناصرة، الاعتداء على الصبايا والشباب على الكبار والصغار. الضرب الترهيب العنف والاعتقال.

سياسة القمع الاسرائيلية هي سياسة ممنهجة بهدف سحق الاحتجاجات والقضاء على المعنويات، وعلى الروح النضالية والمقاومة.

أعداد وتقديم: هدى ناصر

الاحتجاجات الشعبية في بيتا وجبل صبيح. شو هو الاحتجاج؟ ليش احنا بنحتج، ليش لازم نعترض نرفض نقاوم ونعبر عن رأينا؟ شو فائدته؟ وشو ممكن نتعلم من نماذج احتجاجية سابقة 

في اعقاب هبة الكرامة واضراب الكرامة، في ظل الاحتجاج على التهجير القسري بالشيخ جراح وسلوان، الاحتجاجات على الاستيطان في انحاء الضفة الغربية وبالاخص الاحتجاجات الشعبية في بيتا وجبل صبيح. شو هو الاحتجاج؟ ليش احنا بنحتج، ليش لازم نعترض نرفض نقاوم ونعبر عن رأينا؟ شو فائدته؟ وشو ممكن نتعلم من نماذج احتجاجية سابقة 

هل غير او سيغير دخول منصور عباس والقائمة الموحدة الائتلاف من واقعنا؟
حلقتنا اليوم عن واقعية، انجازات وبراغماتية او ذل وخسارة ولا مبدأية، منصور عباس ونهجه الجديد… ما سبق هذا النهج وما بعده.

اعداد وتقديم: هدى ناصر.
موسيقى: ليام