A Estación Cultural

Esta longa viaxe chegou á súa fin.

E nesta última parada deixámosvos a conversa coa Concelleira de Cultura de Vedra para darlle o peche que se merece esta marabillosa primeira tempada.

Mulleres Valentes é unha exposición de Rosa de Cabanas, unha artista que nos comparte a todos e todas como foi o proceso creativo para darlle vida a este marabilloso proxecto.

Se algo caracteriza ao Concello de Vedra é a súa gran actividade cultural, neste panorama destacan os seus dous grupos de pandereteiras: Silandeira e Dedaleiras. Hoxe falamos con elas para que nos conten a súa experiencia e traxectoria no universo da música tradicional.

Conversamos xunto a Antía Ameixeiras e Sabela Caamaño sobre os seus inicios na música, o seu proxecto musical na actualidade e o rol que cumpren dentro do universo musical galego.

Para comezar a nosa radio deste festival de marzo, queremos convidar a varias participantes da Asociación Berenguela pola Igualdade,  un colectivo que se autopercibe feminista e que fai distintas actividades para dinamizar a igualdade en territorios rurais.

Falamos co presidente da Federación de Asociacións de Alfombristas Galegos de Arte Efémera (Fagaarte) Manuel Alonso.

Galicia é terra de alfombristas e a entidade busca representar aos traballadores e espallar o seu traballo polo mundo enteiro. Nesta ocasión participan activamente no Festival da Camelia.

María Luisa Villaverde leva anos coleccionando camelias, pero máis aló ten a capacidade de transmitir a súa paixón de coleccionista e fixo que todo o mundo se namorase dela.

Se escoitas un asubío dun paxaro podería ser María Luisa.

Nesta ocasión, a Estación Cultural céntrase na Terra. Falamos con Rubén, representante de AMABUL, asociación medioambiental que procura mellorar a contorna coa axuda da pedagoxía ambiental.

Falamos do traballo que realizan para protexer a contorna e concienciar á poboación dende unha perspectiva ambiental.

Lola e Monserrat levan anos traballando xuntas como veciñas que se adican dun xeito creativo e participativo a traballar arranxos coma os que vimos na Festa da Camelia. Destacan que o traballo en equipo é fundamental e invitan ás novas xeracións a que se animen a participar.

O alcalde de Vedra, Carlos Martínez Carrillo dá a coñecer as exposicións artísticas que se desenvolven na Estación Cultural

Conversa con Emily Rodríguez, creadora literaria e Marisa Otero, creadora de cine. Falaron dende a perspectiva das súas disciplinas, da súa primeira vinculación coa creatividade, os procesos creativos e o de profesionalización da súa paixón.

Neste episodio falamos da creación nun sentido artístico e social.

Conversamos cos artistas que participaron no festival de xaneiro da Estación cultural:

• Okeoh: Que significa para ti o rock nun concello rural?
• Charanga BB+: Como poderías definir o que é unha charanga?
• Pauliña: Como te metiches no rock?

E sobre todo contáronnos como é traballar en colaboración con outros músicos.

Nesta Estación Cultural sabemos que a Arte é unha ferramenta interxeracional que abarca toda a nosa vida, non só o traballo ou o oficio, senón tamén a paixón e a canalización.

Por iso, neste episodio conversamos con Antonio, o gran mestre de Vedra e tamén co alumnado da Escola Unitaria de Sarandón que fixo as ilustracións para o libro de contos “Feitizo no Val”, do autor do libro: José Manuel Lobato.

A cultura é unha ferramenta fundamental para o desenvolvemento dun pobo e para a construción da súa identidade.

Falamos coa Conselleira da Cultura das actuacións que se están a levar a cabo en prol da cultura en Vedra.

Falamos con músicos de Vedra sobre a vinculación entre a tradición e a industria musical. Sobre a relación entre a música tradicional e a música doutros territorios, sobre as principais influencias que tivo e as que aínda ten a nosa música.

Seguimos a conversa cos avós e avoas de Vedra.

A vida no rural

Lembranzas das festas, bailes e actividades de cando eran mozos e mozas e a comparación coas festas de hoxe.

Conversamos cos artistas dos distintos coros locais.

A importancia da cultura para manter viva a memoria.

Lembranzas das festas, bailes e actividades de cando eran mozos e mozas e a comparación coas festas de hoxe.

Nesta ocasión falamos coas artesás de Vedra, María Ghaiteiro de “Nobelo a Nobelo” e María de “Mailo”.

Manifestaron a importancia do traballo colectivo e local en Vedra.

Tamén compartiron consellos para aquelas persoas que queiran adoptar a artesanía como forma de vida.

Falamos con Sofía Riveiro da “Asociación Cultural Raiceiros” entidade afincada en divulgar e difundir a cultura popular da zona do Ulla, sobre as tarefas que desenvolven dende este espazo para manter viva a cultura e a memoria.

Falamos da memoria coas mozas do Instituto CEIP Ortigueira. 

Que significado ten a memoria para ti?

Cales son eses recordos que nunca esqueciches?

Este podcast xorde da nosa radio aberta e participativa. Buscamos facer visible o invisible e utilizar a fala como ferramenta dinamizadora e mostrar a diversidade da nosa cultura.

Convidámosvos a escoitar as entrevistas que fixemos dende a Estación de Santa Cruz de Ribadulla en Vedra