අවුරුදු 75 ක දරුණුම පාඩමකින් පස්සෙ, රටට ඇති එකම විසඳුමයැයි බලාපොරොත්තුවෙන් අද, පීඩිත ජනතාව ජාතික ජන බලවේගයේ මාලිමාව වටා රොක්වෙමින් ඉන්නවා. ඒ වෙනස දකින රනිල් රාජපක්ෂ ඇතුලු පාලකයින් භීතියට සහ කලබලයට පත් වෙලා.

මේ පාලකයින් අවුරුද්දකට ආසන්න කාලයක් කල් දාපු පලාත් පාලන මැතිවරණය අහෝසි කරගන්න කී සැරයක් උප්පරවැට්ටි දැම්මද? දැන් අමූලික බොරුවක් කියනවා තැපැල් ඡන්ද පත්‍රිකා අච්චු ගහන්න සල්ලි නෑ කියලා. ඊයෙ හෙලිදරව් උනා, දැනට ඡන්ද පත්‍රිකා ලක්ෂ 3කට වඩා මුද්‍රණය කර ඇති බවත්, චන්ද දෙකකට අවශ්‍ය පත්‍රිකා මුද්‍රණයට කඩදාසි ඇති බවත්. තමාට විරුද්ධව නැගී සිටිනා ජන ගඟට බියෙන්, තැති ගත් රනිල් රාජපක්ෂලා මැතිවරණ කල් දැමීමෙන් සාක්ෂත් කරගන්නා අරමුණ කුමක්ද?

1982, ජනමත විමසුමක් කර ඡන්ද මංකොල්ල කාපු ජේ ආර්, දෙමළ විරෝධී ජූලි කලබලය ඇතිකරලා, JVP ඇතුළු පක්ෂ කිහිපයක් තහනම් කලා. ඒකෙ අතුරු ඵලයක් හැටියට තමයි, 88, 89, J.R ප්‍රේමදාස ඇතුළු UNPය 60000 කට අධික තරුන පිරිසකගේ ලේවල රස බැලුවෙ. ඒ වගේම J.R ගෙ බෑණා රනිල් සහ රාජපක්ෂලා දන්නවා ඡන්දය කල් දැම්මොත් මිනිස්සු පාරට බහිනා බව. ඒක රනිල් රාජපක්ෂ සැලැස්මේ ප්‍රධානම කොටස. රනිල් කියන්නෙ, ඉංග්‍රීසි කතාකරන, කලිසම් කෝට්වලින් තමාගේ වංචනික නිරුවත වසා ගැනීමට දන්නා, J.R මාමා වගේම ඉතාමත් තීක්ෂණ නරි මොළයක් ඇත්තෙක්.

ජාතික ජන බලවේගයත්, මේ අවස්ථාවේ උභතෝකෝටික ප්‍රශ්නයකට මුහුණ දීලයි ඇත්තෙ. ඡන්දය කල් දැම්මොත්, කරකියා ගන්නට කිසිවක් නැති අසරණ මිනිසුන් බලාපොරොත්තු වෙනවා එයාල පාරට බහින කොට, මාලිමාව එයාලට නායකත්වය දෙයි කියල. මොකද රට බේරා ගත හැකි එකම ගැලවුම් පක්ෂය හැටියට මිනිසුන් එයාල තෝරා ගෙන ඉවරයි. පාරෙ සටනක් කියන්නෙ රට ලේ විලක් බවට පත් කරන තක්කඩි පාලකයින්ගෙ මර උගුලක් විතරක් නෙවෙයි, ඉතිහාසයේ සිදු උනා වගේ ජනප්‍රිය පක්ෂ තහනම් කර ජනතාවගේ ජනමතය හැකිලීමට යොදාගන්නා කූට උපක්‍රමයක්. JVPය දෙවරක් මේ උගුලට අහුවුනා.

ඒ භයානක තත්වය ගැන තේරුමක් ඇති ජාතික ජන බලවේග නායකත්වය පාරට නොබහින්න තීරණය කලොත්, එයාල ගැන ජනතාව කලකිරෙනවා. එයාලට මේක කැඳයි රැවුලයි දෙකම බේරා ගත යුතු අවස්ථාවක්.

දශක 7කට වැඩි කාලයක්, දිගින් දිගටම රැවටුනු අපි අපේ දරුවන් වෙනුවෙන්, රට බේරා ගැනීමේ අවසාන බලාපොරොත්තුව ඉෂ්ඨ වේද, නැතිනම් ඒ අවස්ථාව පාලකයින් විසින් විනාශ කර දමාවිද කියා නොඉවසිල්ලෙන් බලා සිටිනවා.

Unpaid Care Work

Politics Plus with AJBy AJDec 10, 2022