मंत्र उच्चारण Mantra Pronunciation

कल्याणवृष्टिभिरिवामृतपूरिताभि-

र्लक्ष्मीस्वयंवरणमङ्गलदीपिकाभिः ।

सेवाभिरम्ब तव पादसरोजमूले

नाकारि किं मनसि भाग्यवतां जनानाम् ॥ १॥

एतावदेव जननि स्पृहणीयमास्ते

त्वद्वन्दनेषु सलिलस्थगिते च नेत्रे ।

सान्निध्यमुद्यदरुणायुतसोदरस्य

त्वद्विग्रहस्य परया सुधयाप्लुतस्य ॥ २॥

ईशात्वनामकलुषाः कति वा न सन्ति

ब्रह्मादयः प्रतिभवं प्रलयाभिभूताः ।

एकः स एव जननि स्थिरसिद्धिरास्ते

यः पादयोस्तव सकृत्प्रणतिं करोति ॥ ३॥

लब्ध्वा सकृत्त्रिपुरसुन्दरि तावकीनं

कारुण्यकन्दलितकान्तिभरं कटाक्षम् ।

कन्दर्पकोटिसुभगास्त्वयि भक्तिभाजः

संमोहयन्ति तरुणीर्भुवनत्रयेऽपि ॥ ४॥

ह्रींकारमेव तव नाम गृणन्ति वेदा

मातस्त्रिकोणनिलये त्रिपुरे त्रिनेत्रे ।

त्वत्संस्मृतौ यमभटाभिभवं विहाय

दीव्यन्ति नन्दनवने सह लोकपालैः ॥ ५॥

हन्तुः पुरामधिगलं परिपीयमानः

क्रूरः कथं न भविता गरलस्यवेगः ।

नाश्वासनाय यदि मातरिदं तवार्धं

देवस्य शश्वदमृताप्लुतशीतलस्य ॥ ६॥

सर्वज्ञतां सदसि वाक्पटुतां प्रसूते

देवि त्वदङ्घ्रिसरसीरुहयोः प्रणामः ।

किं च स्फुरन्मुकुटमुज्ज्वलमातपत्रं

द्वे चामरे च महतीं वसुधां ददाति ॥ ७॥

कल्पद्रुमैरभिमतप्रतिपादनेषु

कारुण्यवारिधिभिरम्ब भवत्कटाक्षैः ।

आलोकय त्रिपुरसुन्दरि मामनाथं

त्वय्येव भक्तिभरितं त्वयि बद्धतृष्णम् ॥ ८॥

हन्तेतरेष्वपि मनांसि निधाय चान्ये

भक्तिं वहन्ति किल पामरदैवतेषु ।

त्वामेव देवि मनसा समनुस्मरामि

त्वामेव नौमि शरणं जननि त्वमेव ॥ ९॥

लक्ष्येषु सत्स्वपि कटाक्षनिरीक्षणाना-

मालोकय त्रिपुरसुन्दरि मां कदाचित् ।

नूनं मया तु सदृशः करुणैकपात्रं

जातो जनिष्यति जनो न च जायते वा ॥ १०॥

ह्रींह्रीमिति प्रतिदिनं जपतां तवाख्यां

किं नाम दुर्लभमिहत्रिपुराधिवासे ।

मालाकिरीटमदवारणमाननीया

तान्सेवते वसुमती स्वयमेव लक्ष्मीः ॥ ११॥

सम्पत्कराणि सकलेन्द्रियनन्दनानि

साम्राज्यदाननिरतानि सरोरुहाक्षि ।

त्वद्वन्दनानि दुरिताहरणोद्यतानि

मामेव मातरनिशं कलयन्तु नान्यम् ॥ १२॥

कल्पोपसंहृतिषु कल्पितताण्डवस्य

देवस्य खण्डपरशोः परभैरवस्य ।

पाशाङ्कुशैक्षवशरासनपुष्पबाणा

सा साक्षिणी विजयते तव मूर्तिरेका ॥ १३॥

लग्नं सदा भवतु मातरिदं तवार्धं

तेजः परं बहुलकुङ्कुम पङ्कशोणम् ।

भास्वत्किरीटममृतांशुकलावतंसं

मध्ये त्रिकोणनिलयं परमामृतार्द्रम् ॥ १४॥

ह्रींकारमेव तव नाम तदेव रूपं

त्वन्नाम दुर्लभमिह त्रिपुरे गृणन्ति ।

त्वत्तेजसा परिणतं वियदादिभूतं

सौख्यं तनोति सरसीरुहसम्भवादेः ॥ १५॥

ह्रींकारत्रयसम्पुटेन महता मन्त्रेण सन्दीपितं

स्तोत्रं यः प्रतिवासरं तव पुरो मातर्जपेन्मन्त्रवित् ।

तस्य क्षोणिभुजो भवन्ति वशगा लक्ष्मीश्चिरस्थायिनी

वाणी निर्मलसूक्तिभारभरिता जागर्ति दीर्घं वयः ॥ १६॥

इति श्रीमत्परमहंसपरिव्राजकाचार्यस्य

श्रीगोविन्दभगवत्पूज्यपादशिष्यस्य

श्रीमच्छङ्करभगवतः कृतौ

कल्याणवृष्टिस्तवः सम्पूर्णः ॥

श्री सिद्ध कुंजिका स्तोत्र 

ॐ  ऐं ह्रीं क्लीं चामुंडायै विच्चे !! 

ॐ ग्लौं हुं क्लीं जूं स: ज्वालय ज्वालय ज्वल ज्वल प्रज्वल प्रज्वल ऐं ह्रीं क्लीं चामुंडायै विच्चे ज्वल हं सं लं क्षं फट स्वाहा !! इति मंत्र: !! 

नमस्ते रुद्ररुपिण्ये नमस्ते मधुमर्दिनि ! 

नम: कैटभहारिण्यै नमस्ते महिषार्दिनि !! १!! 

नमस्ते शुभहंत्र्यै च निशुंभासुरघातिनि !!२!! 

जाग्रतं हि महादेवि जपं सिद्धं कुरुष्व मे ! 

ऐंकारी सृष्टिरुपायै ह्रींकारी प्रतिपालिका !! ३!! 

क्लींकारी कामरुपिण्यै बीजरुपे नमोस्तुते ! 

चामुंडा चण्डघाती च यैकारी वरदायिनि !! ४!! 

विच्चे चाभयदा नित्यं नमस्ते मंत्ररुपिणि !! ५!! 

धां धीं धूं धूर्जटे: पत्नी वां वीं वूं वागधीश्वरी ! 

क्रां क्रीं क्रूं कालिका देवि शां शीं शूं मे शुभं कुरु !! ६!! 

हुं हुं हुंकाररुपिण्यै जं जं जं जंभनादिनी ! 

भ्रां भ्रीं भ्रूं भैरवी भद्रे भवान्यै ते नमो नम: !! ७ !! 

अं कं चं टं तं पं यं शं वीं दुं ऐं वीं हं क्षं धिजाग्रं धिजाग्रं त्रोटय त्रोटय दीप्तं कुरु कुरु स्वाहा !! 

पां पीं पूं पार्वती पूर्णा खां खीं खूं खेचरी तथा !! ८ !! 

सां सीं सूं सप्तशती देव्या मंत्रसिद्धीं कुरुष्व मे !! 

श्री भगवान दत्तात्रेय अष्टोत्तर शतनाम 

01) ॐ अनसूयासुताय नम: 

02) ॐ दत्ताय नम: 

03) ॐ अत्रिपुत्राय नम: 

04) ॐ महामुनये नम: 

05) ॐ योगींद्राय नम: 

06) ॐ पुण्यपुरुषाय नम: 

07) ॐ देवेशाय नम: 

08) ॐ जगदीश्वराय नम: 

09) ॐ परमात्मने नम: 

10) ॐ परस्मै ब्रह्मणे नम: 

11) ॐ सदानंदाय नम: 

12) ॐ जगद्गुरवे नम: 

13) ॐ नित्यतृप्ताय नम: 

14) ॐ निर्विकाराय नम: 

15) ॐ निर्विकल्पाय नम: 

16) ॐ निरंजनाय नम: 

17) ॐ गुणात्मकाय नम: 

18) ॐ गुणातीताय नम: 

19) ॐ ब्रह्मविष्णुशिवात्मकाय नम: 

20) ॐ नानारुपधराय नम: 

21) ॐ नित्याय नम: 

22) ॐ शांताय नम: 

23) ॐ दांताय नम: 

24) ॐ कृपानिधये नम: 

25) ॐ भक्तिप्रियाय नम: 

26) ॐ भवहराय नम: 

27) ॐ भगवते नम: 

28) ॐ भवनाशाय नम: 

29) ॐ आदिदेवाय नम: 

30) ॐ महादेवाय नम: 

31) ॐ सर्वेशाय नम: 

32) ॐ भुवनेश्वराय नम: 

33) ॐ वेदांतवेद्याय नम: 

34) ॐ वरदाय नम: 

35) ॐ विश्वरुपाय नम: 

36) ॐ अव्ययाय नम: 

37) ॐ हरये नम: 

38) ॐ सच्चिदानंदाय नम: 

39) ॐ सर्वेशाय नम: 

40) ॐ योगीशाय नम: 

41) ॐ भक्तवत्सलाय नम: 

42) ॐ दिगंबराय नम: 

43) ॐ दिव्यमूर्तये नम: 

44) ॐ दिव्यविभूतिविभूषणाय नम: 

45) ॐ अनादिसिद्धाय नम: 

46) ॐ सुलभाय नम: 

47) ॐ भक्तवांछितदायकाय नम: 

48) ॐ एकाय नम: 

49) ॐ अनेकाय नम: 

50) ॐ अद्वितियाय नम: 

51) ॐ निगमागमपंडिताय नम: 

52) ॐ भुक्तिमुक्तिप्रदात्रे नम: 

53) ॐ कार्तवीर्यवरप्रदाय नम: 

54) ॐ  शाश्वतांगाय  नम: 

55) ॐ विशुद्धात्मने नम: 

56) ॐ विश्वात्मने नम: 

57) ॐ विश्वतोमुखाय नम: 

58) ॐ सर्वेश्वराय नम: 

59) ॐ सदातुष्टाय नम: 

60) ॐ सर्वमंगलदायकाय नम: 

61) ॐ निष्कलंकाय नम: 

62) ॐ निराभासाय नम: 

63) ॐ निर्विकल्पाय नम: 

64) ॐ निराश्रयाय नम: 

65) ॐ पुरुषोत्तमाय नम: 

66) ॐ लोकनाथाय नम: 

67) ॐ पुराणपुरुषाय नम: 

68) ॐ अनघाय नम: 

69) ॐ अपारमहिम्ने नम: 

70) ॐ अनंताय नम: 

71) ॐ आद्यंतरहिताकृतये नम: 

72) ॐ संसारवनदानाग्नये नम: 

73) ॐ भवसागरतारकाय नम: 

74) ॐ श्रीनिवासाय नम: 

75) ॐ  विशालाक्षाय नम: 

76) ॐ क्षीराब्धिशयनाय नम: 

77) ॐ अच्युताय नम: 

78) ॐ सर्वपापक्षयकराय नम: 

79) ॐ  तापत्रयनिवारणाय नम: 

80) ॐ लोकेशाय नम: 

81) ॐ सर्वभूतेशाय नम: 

82) ॐ व्यापकाय नम: 

83) ॐ करुणामयाय नम: 

84) ॐ ब्रह्मादिवंदितपदाय नम: 

85) ॐ मुनिवंद्याय नम: 

86) ॐ स्तुतिप्रियाय नम: 

87) ॐ नामरुपक्रियातीताय नम: 

88) ॐ नि:स्पृहाय नम: 

89) ॐ  निर्मलात्मकाय नम: 

90) ॐ मायाधीशाय नम: 

91) ॐ महात्मने नम: 

92) ॐ महादेवाय नम: 

93) ॐ महेश्वराय नम: 

94) ॐ व्याघ्रचर्मांबरधराय नम: 

95) ॐ नागकुंडलभूषणाय नम: 

96) ॐ सर्वज्ञाय नम: 

97) ॐ करुणासिंधवे नम: 

98) ॐ सर्पहाराय नम: 

99) ॐ सदाशिवाय नम: 

100) ॐ सह्याद्रिवासाय नम: 

101) ॐ सर्वात्मने नम: 

102) ॐ भवबंधविमोचनाय नम: 

103) ॐ विश्वंभराय नम: 

104) ॐ विश्वनाथाय नम: 

105) ॐ जगन्नाथाय नम: 

106) ॐ जगत्प्रभवे नम: 

107) ॐ योगज्ञाय नम: 

108) ॐ द्रां बीजरुपाय नम: