Fjölburafjör

Drífa Hrund á 4 börn. 15 og 17 ára stelpur og 10 mánaða tvíbura. Hún segir okkur frá meðgöngu og fæðingu og talar um muninn á að eignast barn 21 árs og 38 ára.

Þegar hjónin Helga og Bergur kynntust áttuðu þau sig á því að þau ættu margt sameiginlegt. Eitt af því var að þau eiga bæði tvíbura. Þau segja okkur frá því hvernig er að vera tvíburaforeldri með líkamlega fötlun og einnig kemur Helga með mörg góð ráð.

Katrín Björk er fyrrverandi formaður Tilveru - sem eru samtök um ófrjósemi. Katrín og eiginmaður hennar, Eyþór Máni eru þríbura- og tvíburaforeldrar. Hjónin hafa gengið í gegnum ófá áföllin eins og ófrjósemi, barnsmissi á meðgöngu, brjóstakrabbamein og mótorhjólaslys. Katrín studdist við möntruna „Ég tek því sem höndum ber” til að hjálpa sér í gegnum erfiða tíma. Þau hjónin eru sannkallað ofurfólk!

Stutt spjall eftir smá pásu þar sem við tölum um sögur af fjölburum sem eru sumar ótrúlegar en mjög skemmtilegar.

Angelien eignaðist tvíbura eftir 30 vikna meðgöngu. Hún segir okkur frá TTTS (Twin-to-twin transfusion syndrome) og ferð þeirra hjóna til Belgíu þar sem annar tvíburinn fer í blóðgjöf í móðurkviði, aðgerðir sem hann fór í eftir fæðingu, lífið með 5 börn og kulnun.

Erla hafði farið í 9 uppsetningar á fósturvísum hjá Art Medica (sem hét þá) og upplifað fósturmissi þegar þau hjón ákváðu að gerast fósturforeldrar. Daginn eftir símhringingu frá barnaverndarnefnd fóru þau á fund og voru komin heim með strákinn sinn sama dag. Þau ákváðu að fara í eina uppsetningu þar sem þau áttu fósturvísi í frysti og voru komin með jákvætt óléttupróf þegar strákurinn þeirra var nýorðinn 1 árs. Þau eignast þá stelpuna sína og þegar hún er 6 mánaða verður hún ólétt af tvíburum sem kom þeim virkilega mikið á óvart. Þau urðu því 4 barna foreldrar á minna en 3 árum.

Í kjaftatörn ætlum við að ræða allt og ekkert. Í þessum þætti förum við yfir nokkrar spurningar sem við höfum fengið sendar og spjöllum út frá þeim.

Lilja Dögg fæddist með cystu æxli á eggjastokk og þegar hún var þriggja daga gömul var hann fjarlægður og hún því alltaf verið með einn eggjastokk. Þess vegna var við því búist að barneignir gætu tekið lengri tíma og áttu þau sko heldur betur ekki von á að eignast tvíbura.

Í þessum þætti kynnum við okkur og segjum okkar sögu. Við eignuðumst 4 börn á 21 mánuði. Förum yfir erfiðleika ásamt gleðinni og öllu sem fylgir.