Skip to main content
BELIEVER

BELIEVER

By Believer
لأن لنفسك عليك حق, صنعنا بودكاست بليفر لتذكرك اسبوعيا بمواضيع تخص اهتمامك بنفسك,روحك, حياتك وكل مايخصها بحيث انك تكون دائما النسخة الأفضل منك يوم بعد يوم وتصل لاهدافك اسرع واسهل.
اجلب مشروبك الساخن المفضل واجلس لتستمع وتستمتع وتستفيد بكل مواضيعنا .
Where to listen
Apple Podcasts Logo

Apple Podcasts

Google Podcasts Logo

Google Podcasts

Overcast Logo

Overcast

Pocket Casts Logo

Pocket Casts

RadioPublic Logo

RadioPublic

Spotify Logo

Spotify

19 : فرصة جديدة
كل عام وأنتم بِألف خير، ومرحبًا بكُم في حلقة جديدة وموسم جديد... حلقة اليوم بنهدرزوا فيها على البديات الجديدة وكيف تقدر تبدا من جديد وتستمر في مشوار انجازاتك بعد بريك أو بعد فترة خمول أو زي في حالة الفترة هذه بعد شهر رمضان المبارك يلي أعطانا قوة وطاقة ونشاط لازم نستغلوها بأفضل الطرق حتى نبدوا بداية صح وبداية جديدة، استمعوا واستمتعوا🌸... INSTA : itisbeliever
24:17
June 29, 2022
نبي نتعلم لغة جديدة !.
في حلقة اليوم من بودكاست بلّيفر، تكلمت على عملية تعلم أي لغة جديدة، كيف تبدا وكيف تستمر وكيف تقسم تعلمك للّغة، وماهي العوامل والمهارات الأساسية يلي حتركز عليه + شوية تحفيزات تخليك تبدا مسيرتك للتعلم . Instagram: believer. Be Facebook: believer | FB group: believer
29:13
June 29, 2022
كيف تتخلص من التفكير المفرط / السلبي ؟
الأفكار هي أساس حياتنا، والأفكار انواع منها الإيجابي ومنها السلبي، ولو كثرت الأفكار بأنواعها داخل عقلنا وعطيناها تركيز كبير، حنكونوا في حالة تفكير مفرط، والحالة هذه ليها تأثير على حياتنا بشكل أو بـ أخر ، لأنها تخليك تعيش في عقلك أكثر من انك تعيش حياتك، لهذا حلقة اليوم من البودكاست باذن الله حنشرحوا فيها ماهية التفكير المفرط وشن التمارين والخطوات يلي ممكن نطبقوها يومياًّ بحيث نتخلصوا او نقللوا من حدة التفكير الزائد هذه ونردوا تفكيرنا للتوازن الصحيح، استمعوا واستمتعوا 🌸 INSTAGRAM : https://www.instagram.com/believer.be/
29:48
June 29, 2022
الروتين، ممل أم مهم ؟
" الروتين " ، في الغالب الكلمة تدُل على الملل وفعل نفس الشيء مراراً وتكراراً، ولكن نقدر نخلوا الروتين هذا شيء يعود لينا بالفائدة في يومنا وحياتنا، شن أهمية الروتين، وشن الحاجات يلي يزيدها الروتين لحياتي، شن حنستفيد لو درت روتين لنفسي، هل الروتين صباحي فقط او يومي كله عبارة عند روتينات متقسمة ؟.. هذا كله باذن الله حنحكي عليه في حلقة اليوم من البودكاست وحتكون تغيير لفكرة وكلمة الروتين بالكامل وحنشوفوه من جانب اجمل ونكونوا مستعدين نديروا روتين خاص بينا .. استمعوا واستمتعوا.
20:59
June 29, 2022
تخطيط شهري - Hello September
بين كل فترة وفترة محتاجين نوقفوا، نرتبوا انفسنا، اهدافنا، وحياتنا ومحلاها لما تكون الفترة هذه في البدايات، زي مثلا بداية الشهر، في الحلقة هذه حنراجعوا مع بعض الشهر يلي فات ونخططوا للشهر الجديد، الحلقة تفاعلية بحيث تقدروا توقفوا وتكتبوا مع كل سؤال ونقطة، استمعوا واستمتعوا. اشياء تم ذكرها في الحلقة : ( قناة اليوتيوبر اسمها : lavendaire ) ، تحدي الـ 21 يوم للتغيير على قناة بليفر على التلجرام ( https://t.me/joinchat/AAAAAFGnkbh56k4moAjhGg ).
18:47
June 29, 2022
مستويات التغيير | كيف نلتزم بالعادات ؟
من أساسيات التغيير هي اكتساب العادات الجيدة لجعلنا أشخاص بنسخ أفضل، ولكن الإلتزام بها هو المشكلة يلي تواجه معظمنا، وكيف نعرف العادة هذه أمتا نتيجتها تكون واضحة ، وكيف نبني التغيير والعادات على أساس صح ؟، كل هذا في حلقة اليوم، استمعوا واستمتعوا.
25:52
June 29, 2022
قاعدة الخمس ثواني" 5 4 3 2 1 انطلق "
موسم جديد، وحلقة جديدة من بودكاست بليفر.. موضوع الحلقة يتكلم على قاعدة سهلة وبسيطة في مضمونها ولكن نوعا ما محتاجة جهد وطاقة منّا، هي صح تعد من الخمسة للواحد وتنطلق، لكن شن مفهومها؟، وشن الفائدة منها ؟، وكيف حتساعدنا ان حنا فعلا نديروا انجاز؟.. استمعوا واستمتعوا.
13:38
June 29, 2022
بلّيفريَّات | أين تجد السعادة ؟
سلسلة بلّيفريَّات | عبارة عن حلقات خلال العشر اواخر من رمضان ان شاء الله.. تفيدك بمواضيع مختلفة ومفيدة باذن الله .. واليوم حندوروا السعادة ونشوفوا وين ممكن نلقوها !.. استمعوا واستمتعوا ...
13:51
June 29, 2022
كيف تصنع محتوى صوتي " بودكاست "
الحلقة هذه كانت بالمشاركة مع قروب libyan podcasts على الفيس بوك .. وقدمت الحلقة الاولى فيها .. بعنوان " ماهي البودكاست .. وكيف تصنع محتوى صوتي ويكون ليك بودكاست خاصة بيك .. نشكر القروب على تقديمي معاهم وشوفوهم على الفيس بوك حيفيدكم هلبة القنوات يلي تقدم فيه من محتويات مفيدة ..استمع واستمتع .. بليفر على الانستاقرام : https://www.instagram.com/believer.be/?hl=en
15:36
June 29, 2022
حالة السلام الداخلي - inner peace
كلنا سمعنا بكلمة السلام الداخلي .. هل هو شعور .. فكرة .. او هو عادة ؟ ... اليوم حنحكوا على كل شي يخص السلام الداخلي هذا .. وكيف نقدروا نتبنوه في اسلوب حياتنا .. وشن مفروض نحسوا لما نكونوا في سلام داخلي .. وكيف نوصل للحالة هذه ؟ .... استمعوا واستمتعوا ... الكتب المذكورة في الحلقة : the power of now - قوة الان . The untethered soul
31:14
June 29, 2022
شهر عزلة !.. شن تعلمت ؟
لأن الحياة دروس.. ولأن مع كل مشوار في حياتنا ومع كل تجربة نتعلموا درس جديد.. ولأن حنا في تجربة من أكبر التجارب يلي صارت في العالم أجمع.. في الأكيد تعلمنا دروس لحد الأن.. لهذا حنشارك معاكم عشرة دروس تعلمتها .. وبإذن الله حتستفيدوا منها حتى انتم .
27:14
June 29, 2022
كورونا!...أفكار...وهدرزة
في زمن الوباء العالمي أو مايسمى بالكورونا!... محتاجين نشوفوا الجانب الإيجابي أكثر منه السلبي...محتاجين نطبقوا أفكار تبعدنا عن السلبيات... ومحتاجين نعبوا وقت فراغنا بما يفيدنا ويخلينا نسخ أفضل نطلعوا بيها بعد إنتهاء الأزمة... لهذا الحلقة هذه حيكون فيها كل هذا وأكثر... استمعوا واستمتعوا.
28:41
June 29, 2022
الشيء الثابت هو التغيير
كلنا نبو نتغيرو، وللأفضل، كلنا بدون مبالغة حاولنا في يوم من الايام ان نتغيرو ونكونو افضل نسخة من أنفسنا، لكن غالبيتنا ماقدرش يكمل، ماقدرش يوصل وماقدرش يحقق التغيير يلي يتمناه يصير في حياته ، الحلقة حتحكيلكم على التغيير، مفهومه، وشن الأفكار الخاطئة يلي نعرفوها عليه، وأكيدة كيف نقدرو نطبقوا خطوات فعلية لتغيير أفضل ودائم .
36:42
June 29, 2022
ســر التحفِيز
التحفيز هو شعور داخلي يخلينا نديرو الشي يلي نطمحو ليه وننجزوه بكل نشاط وطموح به الشعور هذا يجينا مرات ومرات لا هل حنقعدو ديمة نستنوا ان الشعور هذا يجي بروحه ؟! هل حنقعدو مقعمزين وقت يجي الشعور هذا تمام ووقت مايجيش هاه نستنوا ؟! اكيد الجواب لا ، ولهذا حلقة اليوم من البودكاست حتعطيكم الجواب الصح والطرق الصح بإذن الله .
27:50
June 29, 2022
It will pass - سَتَمْضِي
تمر برحلة صعبة، صدمة، خذلان، ..؟ حاس ان الوقت قاعد يمشي بطيييء وان الحياة مش عادلة معاك، حاس ان المرحلة هذه مستحيل حتمر وانت داخلها تشوف انها نهاية كل شي او لو كنت متفائل شوية حتقول مش حنقدر نطلع منها فيسع، وهلبة مشاعر مع افكار تسبب في ان حنا كل يوم نحسو نفسنا للأسوأ، حلقة اليوم حتكون باذن الله المساعد ليكم ولمروركم خلال المرحلة هذه باقل اضرار ممكنة وبمفهوم افضل واعمق 3>
27:46
June 29, 2022
know your purpose - اعرف هدفك : سببك
كلنا نكتبو في اهداف نبو نوصلوها، وعادات نبو نبنوها، واسلوب حياة نبو نتبنوه، لكن اغلبنا مايشوفش للصورة الكبيرة( للسبب الاساسي لهذا كله ) ، لما نبني عادة شن السبب يلي يخليني نبنيها شن الهدف يلي اكبر من العادة هذه نفسها يلي نبي نوصله. كيف نعرف هدفي وسببي في الحياة هذه، كيف نعرف شن نبي ولي وين نبي نوصل ، كيف نعرف مساري وناخد التحفيز ديمة حتى نكمل المسار هذا. استمعو لموضوع اليوم وباذن الله حيكون كله واضح عندكم ^^
34:02
June 29, 2022
Back on track- الرجوع الى المسار
نقررو ناخدو بريك ونقررو نعطو نفسنا فترة نرتاحو فيها وفترة نقاهة حلوة سواء الفترة هذه سفر او مناسبة او فترة قررت انك تاخدها او عيد او اي شي ، المهم انك خديت بريك وقدره وقررنا بعده نرجعو لحياتنا الطبيعية ! ولاهدافنا وعاداتنا وكل شي نبو نوصلوه، لكن نكتشفو ان معاش عندنا تحفيز للشي هذا وكل يوم نأجلو في العودة الى مالا نهاية. حلقة اليوم حتكون كلها على كيف نبنو تحفيز ونخلو نفسيتنا مهيئة ومستعدة انها ترجع للمسار وترجع للروتين المفروض، وفوق من هذا كله كيف نديرو الفعل والخطوة فعليا اتجاه التحفيز هذا .
25:56
June 29, 2022
comfort zone - منطقة الراحة
" لو كنت تبي توصل لشيء ماعمرك وصلته, دير شي ماعمرك درته " منطقة الراحة مصطلح يطلق عالمكان يلي نكونو مرتاحين فيه يعني مكان مانبذلوش في اي مجهود او نحاولو نوصلو لاي شي, هو صح الراحة والكسل حلو لكن طالما حنا قاعدين داخل المنطقة هذه مستحيل حنوصلو لاهدافنا او اي افكار نبو نفذوها في حياتنا, الراحة داخل المنطقة هذه مؤقتة وبعد يمشي الوقت علينا حتنقلب الراحة الى ندم . فيعني بش نحسو بالراحة النفسية داخلنا ونحققو كل شي نبوه لازم نطلعو منها وهذا علاش حلقة اليوم حتساعدكم باذن الله على انكم تفتحو المجال لأنفسكم وتكونوا خارج الدائرة هذه. 
18:30
June 29, 2022
Test
Test
00:07
September 26, 2021