Bizncast

بوديو بدأت في مصر بدون منافسين 

ويمكن دي من أهم عوامل النجاح اللي أكيد هتكون في صف المنصة مع الوقت لكن مش العامل الوحيد 

القصة بدأت مع وسام أبو زيد في شيكاغو أثناء دراسته هناك اللي يمكن مكنش ليها علاقة أوي بريادة الأعمال 

لكن القدر بيوديه للمسابقة اللي بدأ منها كل حاجة لوحده ثم توالت النجاحات 

تقدر تزور موقع بوديو من هنا ومن خلاله تحمل التطبيق 

https://podu.me/

هستنى الفيدباك بتاعك بعد الحلقة

يمكن عوامل التميز بتكون متوفرة بسهولة في القاهرة مقارنة بباقي المحافظات 

لكن الأكيد ان العوامل دي بتكون ضعيفة جدا في صعيد مصر ، عشان كده حوارنا انهاردة مع د. أحمد نشأت أحمد أهم المدربين في الصعيد واللي بدأ رحلته من 2003 

ومشاكله اللي كانت في الدراسة الجامعية وازاي انهاردة بقى حاصل على دكتوراه في إدارة الأعمال 

اتكلمنا كمان عن التنمية البشرية وسمعتها وكمان عن المهارات الإدارية والقيادية اللي انت محتاجها عشان تتميز في مجالك 

تقدر تتواصل مع د.أحمد من هنا 

https://bit.ly/3yiRcul

هستنى الفيدباك بتاعك بعد الحلقة

هبقى بكدب عليك لو قولتلك بعد الحلقة الصغيرة دي هتعرف تعمل سيستم لشركتك 

لكن أوعدك انك بعد الحلقة دي هتبقى عارف 5 أشكال لهيكلة الشركات على اساس العملاء وعلى أساس الوظائف وحاجات مختلفة تانية 

وهتبقى عارف المبادئ الأساسية اللي لازم تكون موجودة في أي سيستم شركة مهما كان حجمها علشان تضمن النمو :) 

هستنى الفيدباك بتاعك بعد الحلقة

أنا مدخلتش غير أولى ابتدائي

أعتقد دي هتكون أقوى صدمة ليك في حوارنا مع إسلام الدريني 

لكن كمان هتعرف ازاي دي كانت أكبر نقطة هو بنى عليها نجاحه السريع وفي سن صغير في مجاله الطباعة 

الحوار شيق جدا مش عاوز احرقهولك اسيبك تستمتع بالحلقة 

تقدر تتواصل مع إسلام من هنا 

https://bit.ly/2PTRdDf 

هستنى الفيدباك بتاعك بعد الحلقة

يمكن كلنا عارفين ان لازم يكون فيه فرق بين الملكية والادارة في أي شركة لكن ازاي لما ترفد نفسك من شركتك دي حاجة صحية ليك وللشركة وتساعدك تكسب أكتر؟ طب ازاي أعمل كده أصلا؟

ده اللي ناقشناه في الحلقة الأولى من سلسلة حوار مع وكان معانا محمد البنا

محمد البنا هو مدرب ادارة أعمال في جامعة المجمعة بالرياض واستشاري ادارة أعمال لشركات مختلفة في مصر والخليج ومدرب حر في مصر والسعودية والأردن

هل التسعير لوحده قادر يتحكم في البيزنس بتاعك قادر يكسبك ويخسرك طب ازاي تسعر منتجك؟

دي أول حلقة من البودكاست اقول فيها انك تحفظها عندك عشان هتحتاج تراجعها مرة واتنين وتلاتة :)

في الحلقة اتكلمنا عن :

• يعني ايه مرونة في الطلب
• يعني ايه نقطة مرجعية في التسعير
• هل دايما أقلل من سعري؟
• لو ببيع حاجات فيها أحجام زي السندوتشات أسعر ازاي؟
• لو عندي منتجات كتير جدا ايه الاستراتيجية اللي اخدها في التسعير؟
• لو ببيع منتج مكمل لمنتج أسعر ازاي؟

هستنى الفيدباك بتاعك بعد الحلقة

ليه فيه ناس بتسأل ومش بتشتري؟ ازاي أعمل Follow Up قوي هل العميل عنده أسئلة حتى لو مسألش؟ ايه الحاجة اللي تخلي العميل ياخد قرار الشراء دلوقتي؟

دي النقط اللي اكلمنا عنها في الحلقة الجديدة من Bizncast

كلنا بنبيع يوميا ، سواء كنت سيلز فعلا أو انت مدير حتى وبتعمل تعاونات مع شركات تانية أو بتبيع فكرتك للي معاك في الشركة بس ايه أسهل طريقة عشان تبيع؟ ده اللي هنتكلم عنه في الحلقة التانية من Bizncast

كام مرة بتكون عاوز تعمل حاجة وبتتعطل بدون سبب؟!

لو بتدور على معلومة تاخدها تطبقها في البيزنس بتاعك يبقى استنى الحلقة الجاية
لكن لو بتدور على صفة عطلتك كتير جدا وبتدور ازاي تحلها يبقى ادخل دلوقتي على البلاتفورم اللي بتحب تسمع عليها البودكاست وحمله دلوقتي حالا