ونسة برمجة

في الحلقة دي كان معاي المهندس فيصل الضويحي، عالم بيانات في الهيئة السعودية للبيانات والذكاء الاصطناعي (سدايا) وخبير في مجال علوم البيانات والذكاء الاصطناعي.

تناقشنا في مخرجات أكبر مؤتمر ومعرض تكنلوجي في هذه السنة بالممكلة العربية السعودية LEAP23، كما تطرقنا الى كيف يغير الذكاء الاصطناعي من واقعنا العالمي و العربي الآن.

و أخيرا نآقشنا علم تحليل البيآنات وكيف يمكن الدخول في مجال تحليل البيآنات وبعض النصائح لكل المهتمين بهذا المجال.

رابط حساب فيصل الضويحي: https://www.linkedin.com/in/faisal-aldhuwayhi/

كل العلآمات التجارية العآلمية زي آبل، كوكاكولا، و قوقل و الدآخلية زي قو، بنك الخرطوم، سوق السودآن ورآها في شغل جبار جديد وتحليل و تصميم و عملية إبدآعية كآملة. في الحلقة الجآية من ونسة برمجة حا نستضيف حذيفة تآج السر واحد من الشبآب و الخبراء في مجآال التصميم الإبداعي و إشتغل مع شركآت سودآنية و عآلمية، عشان يورينا إذا إنت حآبي تعمل العلامة التجارية حقتك كيف تقدر تصممها؟ وشنو الحآجات المحتآج تختها في بآلك وتشتغل عليها؟

الليلة حا نتكلم عن "إنترنت الاشياء" من البداية، حا نبدأ بي تعريف الكلمة الغريبة بتاعت "إنترنت الاشياء" يعني شنو؟ كيف ممكن تدخل في المجال دا بي خطوات عملية؟ كيف بنقدر نستفيد من الحآجة دي في حيآتنا اليومية؟ وحآ نتعرف كيف كمال الدين بدأ الشركة دي من مشروع في جآمعة السودان.

هل مرة حسيت إنو إنت تعبت خلاص من البتعمل فيهو دا، رغم إنو قبل سنة، أو شهر أو حتى إسبوع كنت بتحبوا جدا؟

هل مرة حسيت إنو بتفكر كتير في موضوع أو مشكلة معينة، وبقت دائما شاغلة تفكيرك؟

هل قدر ما قريت وإتعلمت لسه حآسي إنو إنت ما قدر الشغل أو الوظيفة البتحلم بيها؟

رغم إنو لمن تجي للواقع بتلقى عندك كل الصفات و المهارات المحتاجها؟

إذا إجآبتك كآنت نعم لي أي من الاسئلة الفاتت دي، أو حابي تعرف أكتر عن التحديات النفسية في مجال البرمجة فهذة الحلقة مناسبة لك مع سآرة زروق، خبيرة في مجال تحليل البيانات.

دي حلقة عملية جدا وبنتكلم فيها عن شنو هي الخدمات الجاهزة المبنية على الذكاء الاصطناعي وممكن تستخدمها من الان، إستضفنا باشمهندس محمد عثمان الخبير في مجال الذكاء الاصطناعي و الحوسبه السحابية، حلقة كانت مختصرة جدا وفيها معلومات كتيرة جدا.

باشمهندس مصعب حا يتكلم لينا عن كيفية تصميم تجربة وواجهة المستخدم، وكيف انو تجربة المستخدم من أهم الحاجات المفروض تركز عليها اذا حابي تبني اي تطبيق، حا نجاوب بعد داك على الادوات المتاحة عشان تقدر تصمم تجربة وواجهة المستخدم، و كيف تقدر تنجح فيها.

في حلقة اليوم اتكلمنا عن صناعة البرمجة وبيئتها في السودان، اخدنا تجربة الهند بي صوره عميقة وكيف ممكن نستفيد منها، إتكلمنا بسيط برضو عن الشهادات في مجال البرمجة وشنو ممكن تكون انسب واحدي ليك حاليا.

إستضفنا د.طارق أحمد، واحد من كبار الخبراء في مجال التدريس و تحليل البيانات في السودان، بخبرة اكتر من ٢٥ سنة.

كيف ممكن نشوف المستقبل؟ و هل اصلا ممكن نشوف المستقبل؟ دا موضوعنا اليوم "علم البيانات" او Data Science 🔥.

 ضيفتنا اليوم دكتوره. أمل بخاري وكيل عمادة البحث العلمي للابتكار وريادة الأعمال - جامعة جدة وخبيرة في مجال علم البيانات، حا نتكلم عن كيف تدخل في المجال من البداية، ونشوف الفرق بين تحليل البيانات و علم البيانات، و حا ناخد نظرة عن مستقبل المجال خلال ال٥ سنوات القادمة 🥰.

الثورة الصناعية الرابعة و مستقبل الروبوتات كلمات ومفاهيم كبيرة حاولنا نبسطها بي لغة سآهلة مع ضيفنا باش مهندس محمد صالح، حا نتكلم عن الثورة الصناعية الجديدة البنشاهدها في العالم، وكمان كيف الروبوتات بدت تآخد وظائف و أشغال جديدة ما كنا فآكرين ليها.

المبرمج لا يولد خآرق - مع المهندس: أيمن الشيخ، حا نتكلم عن رحلة أيمن الشخصية مع البرمجة، ونتمنى إنكم تستفيدو منها.

أيمن من الشباب القرو في إسكول وكان شغال في نفس الوقت مع شركات كبيرة في السودان زي قو Go وغيرها، بعد داك سافر إلى الإمارات وحآليا شغال مع شركة uqudo. أيمن كمان طوّر واحدي من أكتر الألعاب العربية إنتشارا زي "حيوان - جماد"

في الحلقة دي المهندس أحمد إبراهيم حا يآخدنا في رحلة حول تقنية البلوك-جين و إستخدامتها في العالم، حا نركز بي صورة أساسية على السودان، حا نجاوب على سؤال: إذا إنت حآبي  تخش المجال شنو المهارات المحتاج ليها؟ و أخيرا نصائح لي كل المستثمرين في مجال العملات الرقمية و البتكوين.

المصمم المبدع حسن اتكلم لينا عن التصميم الجرافيكي وكيف قدر يبدأ لغاية ما وصل للخبرة في انتاج مهام التصميم.

في الونسة دي "محمد الرشيد" اتكلم لينا عن الحوسبة السحابية وشهادات مايكروسوفت والكتاب الألفو كمان وممكن تستفيدو منو خالص.

كان معانا في الونسة دي الشريكين "عبدالرحمن وأحمد تبن" واتكلمو لينا عن بوت معروف والفكرة كيف بدت وقدرو يتجاوزو المشاكل وعن تأسيس التطبيق.

بوت معروف : هو بوت لو عايز تعرف رقمك مسجل عند الناس بي اسم منو او في رقم اتصل بيك وعايز تعرف هو منو، ببساطة بترسل رقم التلفون للبوت والبوت حا يرد عليك بإسم الزول.

برنامج تك ووركس مقدم من قبل سافانا اتكلمنا فيهو عن التجربة الجديدة الخاضوها المقبولين وكيف قدرو يتعاملو مع التيم والمسابقات في الهاكثون.

انترنت الأشياء 🔥

مع إيمان يونس 😍♥️

مع • لنا ومجتبى • شفنا مفهوم المنحة الدراسية وانواعها وكيف نكون جاهزين عشان نقدر نقدم لأي بالطريقة الصحيحة 🔥

في الونسة دي اتكلمنا عن المسابقة هي شنو والتجهيزات وانواع التحديات الموجودة وحتى الصعوبات الواجهتهم اثناء فترة المسابقة ،، مع مؤمن وميادة ونهى 🔥♥️

حنشوف في السيشن دا كيف نبدأ الفريلانسينق ونقدر ننظم الشغل ونجهز ال portfolio والمنصات المستخدمة وحتى المعاملات بتتم كيف مع العملاء عشان تنفذ مشروع معين ..
مع عمار وعبدالباسط ومعاذ

السايبر سكيورتي هو شنو والفرق بينو وبين ال information ومفهوم الدومين والweb security وكيف بيكون ال bug hunting 

في الحلقة دي حنشوفها مع عبدالرحمن وهشام

حابي تبقى مطور باك اند 

ما عارف تبدا كيف ومن وين 

في الحلقة دي موجود المسار الممكن تمشي عليهو عشان تنجح في المجال.

مع ضيفنا الاستاذ مهدي أحمد

تحليل البيانات هو القدرة على جمع البيانات وتنظيمها بحيث يتم ترجمتها إلى معلومات مفيدة.

وبيتم جمع البيانات من مصادر مختلفة ومراجعتها حتى تحليلها عشان تشكل نوع من النتائج أو الاستنتاجات، وفي مجموعة متنوعة من طرق تحليل البيانات كلها حنشوفها مع استاذة: سارة زروق 

- هل التعلم الذاتي مهم ؟ والمزايا شنو

اكيد بقى اننا نحصل على معرفة ساهل جدا فالحاجة دي خلقت تنافس كبير بين الافراد .. لكن هل سهولة الحصول على المعلومة قدر كافي انو نصل مرحلة متقدمة من التعلم الذاتي

حنشوفها في الونسة دي مع محمد رملي ومعاذ.

• The path to become a developer 

اي حاجة عايز تعرفها عشان تبقى مطور ممتاز وفعال حتلقاها في الونسة دي 

وعملنا ريفيو سريع للونسة الفاتت كمان 😍😍😍♥️ .. استمتعووو 🌹

لما تجي تعمل برنامج بي لغة معينة و تجي تكتب ليهو كود من البداية،  لازم تتأكد من طريقة كتابة الكود الجديد إنها صحيحة،  و انو يكون ماشي بطريقة منظمة، عشان لو إنت جيت تعمل تعديل لي كود اصلا قاعد ول ابديت، أكيد لو لقيتو م زابط و جايط ح يبشتنك و تتعب عشان كدا دا بيسموهو الكلين كود بالدارجي كدا الكود النضيف

الكلام الفوق دا عبارة عن تعريف لي الكلين كود | Clean Code و ح نعرف أكتر عنو في ونسة البرمجة حقت الليلة مع أحمد عثمان

بكلاريوس علوم الحاسوب كلية العلوم الرياضية 2013

مطور برمجيات سابق في كل من: EBS, ومركز النيل للأبحاث التقنية

حالياً Senior Software Engineer في بنك أمدرمان الوطني.

Area of experience: Backend development Java. Especially Spring Framework

الذكاء الإصطناعي، كلمة كبيرة وداير حولها نقاش كبير الأسابيع و الشهور وحتى السنتيين الفاتت، في كلام كتير صاح وكلام كتير غلط، دايريين تعرفوا أكتر عن الذكاء الإصطناعي؟ 

حا يكون معانا ميرغني و إحسان، وهم من الشباب العابريين جدا في المجال دا، حا يكلمونا عن الذكاء الإصطناعي، مفهومة و إستخداماته.

Ehsan Abdu, a fresh IT graduate from a school of mathematical sciences. she is projects manager for a sentiment analysis project in Intelligent ِnalytics company. her interests revolve around data science and analytics. She is  a volunteer in the Sudanese Machine Learning Community SML

Mirgahney H. Mohamed is a Ph.D. student at UCL working on 3D vision-based machine learning with an interest in Uncertainty estimation as well, he obtained his master degree in Machine Intelligence from AMMI - African Master in Machine Intelligence at AIMS, and undergrad in Statistics and Computer Science from University of Khartoum Faculty of Mathematical Science.

#machine_learning #codesudan #Code_Sudan

ضيوفنا المرة دي ونسة برمجة عن العملة الرقمية:

زياد ذوالنون بشري: خريج Aptech  لعلوم الكمبيوتر. عمل في الاذاعه الطبية 99.3 ثم الاذاعة السودانية ام درمان . خبير في تقنية البلوكشين ومطور اول عملة سودانية ( عملة مروي).

‏عبدالماجد عبدالله: حاصل علي ماجستير في هندسة البرمجيات، ‏يعمل كمهندس برمجيات في العاصمة السويسريه بيرن. مهتم بالتداول في العملات الرقمية، ‏مهتم جداً بالبرمجة و الذكاء الاصطناعي، بخبرة ٨ سنوات في مجال البرمجة و ٣ سنوات في مجال في مجال الذكاء الاصطناعي.

المرة دي حنتطرق لحاجة مختلفة نوعياً عن كل الحلقات الفاتت، حنستضيف المنظمين لمؤتمر ICCCEEE القادم في جامعة العلوم الطبية و التكنولوجيا، و حياخدونا في جولة عن المؤتمر، و جانب التنظيم و الأوراق العلمية و مراجعتها.

ضيوف الحلقة:

-م. فيء ماجد IEEE Sudan

-م. أمل جمال IEEE Sudan

-م. هبة الغزالي UMST

Business Intelligence

و هوببساطة عبارة عن منهحية و تقنيات بتستخدم تحليل البيانات عشان تساعد الشركات أو الأعمال، و بيعرض وضعها التاريخي و الحالي، و كيف ممكن تكون مستقبلاً، باعتبار تحسين الشركات و الأعمال و إمكانية وضع قرارات افضل لصالح الشركات.

ضيوف الحلقة المرة دي:

محمد الفاتح الرشيد

محلل تنفيذي Analytics excustive في GO.

حاصل على درجة البكالوريوس في علم الحاسوب و الإحصاء - جامعة الخرطوم.

شارك في برنامج  Machine Learning Summer School في جنوب افريقيا.

شارك برضو في Deep learning Indaba في كينيا.

عضو فعال في مجموعة الذكاء الاصطناعي في SSE - UofK

بارع في تحليل البيانات و استخلاص المعلومات المهمة منها و عرضها باستخدام: لغة R

و كمان مبرمج ممتاز، و بيستخدم لغة R و بايثون و Spark framework.

أمل كمال

امل مهندس بيانات ضخمة، في Lemon labs. عندها خبرات سابقة في مجال دعم تطوير تطبيقات ال Business Intelligence

برضو OLAP reporting and Ad Hoc reporting

الأدوات البتستخدمها : Jedox Metabase and Apache Kafka

 هذه حقيقه مش خيال تعليم البرمجة للاطفال في السودان 

في حلقتنا الليلة من ونسة برمجة حا نستضيف مجومعة من الاطفال (مبرمجين المستقبل) وهم 

- م. مصعب أبوبكر

- منة الله الفاضل

- عبدالمنعم ايهاب

في حلقة بعنوان كيف نبدأ البرمجة للصغار

البرمجة هي اكتر بكتير من مجرد كتابة كود… البرمجة هي كيف تلقى خوارزمية او خطوات لحل المشاكل في العالم الحقيقي

وضع الأطفال محل الإهتمام و تعليمهم البرمجة من سن مبكرة بيساعد انو يبني جيل قادر, و عندو المهارات اللازمة لحل المشاكل و ان استعصت… بالإضافة لتمليكهم مهارات التفكير النقدي و التفكير الإبداعي… و تنمية لثقة الطفل بنفسه و تمليكه مفاتيح لي لعالم الجديد ح يبقى شغوف بيهو و بتحدياته

حلقة الليلة دي حلقه مميزه جدا أول حاجه بي تتكلم عن موضوع جديد حبتين في السودان وهو موضوع البرمجه التافسيه أو برمجه المسابقات 

يعني تكون معصور 3 يوم اشان تكتب كود سريع وبي ينفذ المهم ومن غير أخطاء 

الحاجه التانيه ضيوفنا هم أحمد محمد عبد الكريم و محمد معاويه البشير (شلاقه ونظريه ) شباب

رائعين بكل معني الكلمه والحاجه الكويسه كمان انهم شاركه قبل كدا في كم مسابقه ومثله اسم السودان 

الحلقه دي كمان استثناء لانها إديرت من أستاذتنا الرائعة والمميزه

أستاذه نهى أحمد  

Mohammed Awad ElKhalifa و Mohamed K. Gumma تطوير المواقع  مع 

ونسة برمجة 

ونستنا اليوم حا تكون عن تطوير المواقع  حانتكلم عن حاجات لازم تعرفها ومهم ليك كمطور مواقع 

برضو حا نتكلم عن تاريخ الانترنيت والسيرفرات وحاجات ظابه شديد 

الونسة الليلة عن ال Mobile App Development مع أيمن الشيخ و التيجاني، من أزبط الناس في مجال تطوير التطبيقات في السودان حا يتكلموا لينا عن:

* تجاربهم الشخصية في تطوير التطبيقات و البرمجة

* نصائحهم للمبرمجين و الناس العايزة تبدأ يادوب في البرمجة

* أهمية انو يكون عندك بورتفويلو

* كيف تعالج المشاكل البتواجهك في الكود

* و كمان تاني أسئلة محضرنها ليهم تعرفوها بعدين

حا نتكلم عن مجال الذكاء الإصطناعي وبداياته، وكمان إذا حابي تدخل مجال الذكاء الإصطناعي محتاج شنو؟ وهل في شركات ممكن تبدأ معاها داخل و خارج السودان؟

في الحلقة دي بنستضيف عمر تاج السر، من الناس الزابطين في تطوير التطبيقات، حا يتكلم لينا عن خبرته وتجربته في الشغل داخل السودان وخارج السودان في السعودية.

بنستضيف في الحلقة دي مؤتمن و مؤمن من مجتمع sudev_ عشان يتكلموا لينا عن تجربتهم مع الشركات السودانيه في مجال البرمجة.

دردشة سريعة خفيفة 🔥، عن البرمجة في #ونسة_برمجة 

إذا حابي تدخل في مجال البرمجة في السودان، وداير تقدم لي شركة دي نصيحة صغيره مننا ليك/ي

ونسة برمجة عن مسارات البرمجة و هندسة البرمجيات و الناس عموما المهتمة والقارية برمجة.

أتكلمنا عن :

1 - Web Development

2 - Mobile App Development

3 - Machine Learning

4 - Software Engineering

واللغات المطلوبة لكل مجال، وتشتغل شنو في كل واحدة من المسارات دي.

حلقه مختصره عن فريق كود سودان  والبرامج التي نقدمها وماذا نفعل من أجل مستقبل أفضل للشباب السوداني في السودان وخارج السودان  

#code_sudan_Team #web #السودان