Skip to main content
بودكاست هادي الأحمد

بودكاست هادي الأحمد

By هادي الأحمد

بودكاست من تقديم شخص غير مثير للاهتمام مع ناس مثيرين جداً للاهتمام
Where to listen
Google Podcasts Logo

Google Podcasts

Pocket Casts Logo

Pocket Casts

RadioPublic Logo

RadioPublic

Spotify Logo

Spotify

ثلاث نصائح للاستفادة من القراءة
ثلاث نصائح للاستفادة من القراءة
اقرأ مقالي: ملاحظات عن تعلم الكتابة القراءة الكثيفة بحد ذاتها مانها طريقة سحرية لحتى تصير كاتب أحسن أو لحتى تتعلم أساليب كتابية جديدة، وحتى لو قلت انو "لازم تقرأ بهدف" ما رح يكون الكلام واضح تماماً لانو بكتير من الاحيان الناس يلي بتحتاج هالنصيحة مارح يكون عندها فكرة شو هو هاد الهدف يلي لازم يقرأو مشانو لحتى يحققو فائدة من القراءة. لهيك، هي تلت أهداف بتقدر تقرأ النص وانت حاططها ببالك وتستفيد منه لحتى تكسب خبرة أكبر. طبعاً في أهداف تانية وأساليب تانية لتشوف النص من خلالها، بس هالتلت أساليب برأيي بيعملو تأثير كبير عالطريقة يلي بتفكر فيها بالقراءة وبيخلوك تستفيد من القراءة أكتر. فيك تفكر بهالاساليب التلاتة على أنها هرم،  بدايةً من قاعدة الهرم بتلاقي أسهل طريقة لحتى تستفيد منها من نص معين: والي هي الاستفادة الحرفية: على سبيل المثال، لو كنت عم تقرأ مقال عن التسويق الهرمي، فالفائدة المباشرة الحرفية من هالمقال هية كالتالي: "الكاتب عم يحكي عن مشكلة انتشار التسويق الهرمي بين الناس رغم انها عملية نصب معروفة" كل ما قدرت توصف المعلومات يلي قدرت تستخلصها من هاد المقال، كل ما صارت فائدتك من هالنص اكبر، الكاتب العادي لازم يكون على الاقل قادر على فهم النص بالكامل واستخلاص الشي المهم منو. المرحلة التانية من الهرم هية انك تفهم توجه الكاتب خلال هالنص والطريقة يلي عم يستخدمها ليوصل المعلومة على سبيل المثال، ممكن نقول بحالة المقال السابق نفسو انو: "الكاتب هاد حابب يساعد الناس لتعرف ليش هالنوع من التجارات دائماً بينتهي بالنصب ومركّز على تبسيط هالشي للقارئ بأنّه عم يعرض الموضوع من نظرة الناس يلي موجودين بقمّة الهرم" كل ما قدرت تحدد أكتر شو التوجه تبع النص يلي عم تقراه، وشو الكاتب عم يحاول يعمل كل ما استفدت من النص اكتر   الموضوع هون مو مرتبط بالمعلومات المسرودة نفسها وانما بيرتبط بترتيب المعلومات والصياغة يلي عم يعتمدها الكاتب لحتى يوصل أفكارو. راس الهرم والطبقة الأخيرة هون هية فهم طريقة تفكير الكاتب وطريقة شغلو على هاد النص على سبيل المثال بالنسبة لنفس المقال السابق، ممكن تقول شي متل: "الكاتب هاد بالعادة بيحط أمثلة مجازيّة كتير ودائما بيشوف الموضوع على انو مشكلة ولازم يحكي عن حلها وهالشي واضح من أسلوبو بعرض النقاط وانواع الأدلة يلي بيستخدمها لحتى يثبت كل نقطة" كل ما قدرت تحدد أكتر شو الأساليب يلي بيستخدمها الكاتب بالكتابة وشو الطريقة يلي بيوصل فيها معلوماتو بتقدر تفهم أكتر شو الشي يلي بيخلي النص تبعو سيء او جيد، بتقدر تفهم كمان شو يلي بيعجبك أو ما بيعجبك بأسلوب كتابته بوضوح اكتر، وبتقدر تفهم شو نوعية الأخطاء يلي وقع فيها بالنص بطريقة اوضح، وكيف وقع فيها، وكيف بتقدر تتفاداها انت بالمستقبل. بالمختصر، لازم تشوف النص من زوايا مختلفة لحتى تقدر تحقق من قراءتو استفادة عالية، مو بالضرورة تعيد قراءة النص تلت او اربع مرات لحتى تستخلص هالجوانب، بتقدر من اول مرة انك تستنتج كل هالافكار لو كنت مركز فعلاً على انك تلاقيها كهدف من القراءة. مع الوقت رح يصير هاد الشي اسهل ورح تقدر تحدد بسهولة اكبر شو ميزات وعيوب النص يلي عم تقرأو وشو يلي ممكن تستفيد منو ككاتب من هالنقاط.
03:12
August 04, 2022
رغيد حلاق من قلب صناعة الألعاب - بودكاست هادي الأحمد
رغيد حلاق من قلب صناعة الألعاب - بودكاست هادي الأحمد
بهالبودكاست بحكي مع رغيد حلاق، عن صناعة الألعاب ووضع مجتمع اللاعبين بالشرق الأوسط. https://twitter.com/RagidHallak
01:21:27
November 02, 2020
من شخص يلعب الألعاب لشخص يعمل مع شركات الألعاب
من شخص يلعب الألعاب لشخص يعمل مع شركات الألعاب
مقتطف من الحلقة القادمة
00:35
November 02, 2020
العلاقة بين القارئ والكاتب
العلاقة بين القارئ والكاتب
كيف لازم تكون العلاقة بين القارئ والكاتب من خلال النص
01:23
October 21, 2020
عبدالهادي العاني من كواليس عالم التلفزيون - بودكاست هادي الأحمد
عبدالهادي العاني من كواليس عالم التلفزيون - بودكاست هادي الأحمد
بهالبودكاست بنحكي مع عبدالهادي عن مجال التصوير التلفزيوني، أفضل وأسوأ ما فيه، وكيف الناس بيعيشو على اسنتغرام @radyf_blog @abdalhadealani radyf.com
54:17
October 18, 2020