Húðkastið

Fyrsti þáttur í nýrri seríu af Húðkastinu! Í fyrsta þætti er fjallað um sterka bólulyfið Decutan.

Decutan er verulega áhrifarík meðferð við þrymlabólum (acne vulgaris) en það tekur á öllum þáttum sjúkdómsins, fílapenslunum, fitumynduninni og graftarbólunum. Þetta er löng meðferð (6 mánuðir eða meira) sem getur tekið á þar sem lyfið minnkar ekki aðeins fituframleiðslu húðarinnar heldur einnig slímhúðarinnar. Er því mjög algengt að fá varaþurrk og þurrk í húðina almennt á meðan meðferð stendur. í þessum þætti förum við í gegnum allt sem viðkemur Decutan meðferð gegn þrymlabólum.

Háreyðing með laser er vinsælasta lasermeðferðin sem við framkvæmum á Húðlæknastöðinni enda er aukin hárvöxtur vandamál sem allmargir glíma við. Það er ýmislegt sem þarf að hafa í huga fyrir og eftir laserháreyðingu og ekki allir sem geta farið í þessa meðferð. Í þessum húðkastsþætti förum við í gegnum allt sem viðkemur laserháreyðingu.

Húðlæknar vinna mikið með lasermeðferðir í daglegu starfi. Bæði er hægt að nota laser í læknisfræðilegum tilgangi, sem og til að sporna við öldrun húðarinnar. Í þessum þætti útskýrum við í einföldu máli hvað laser er, hvernig hann virkar og hvað er hægt að meðhöndla með laserum.

Hvað er PCOS og hvernig er það greint? Hvaða húðeinkenni geta verið til staðar í PCOS og er hægt að meðhöndla sjúkdóminn? Í þessum þætti fær Dr. Ragna Hlín til sín tvo góða gesti, Dr. Heiðdísi Valgeirsdóttur kvensjúkdómalækni og Steinunni Arnarsdóttur innkirtlalækni, og saman fara þær yfir allt sem viðkemur PCOS eða fjölblöðrueggjastokkaheilkenni eins og það heitir á íslensku.

Hversu mikilvægt er fyrir fólk með atópískt exem að nota rakakrem daglega og hvaða meðferðir eru í boði ef sterakremin eru hætt að virka? Er hægt að lækna atópískt exem? Í þessum þætti förum við í gegnum þá meðferðarmöguleika sem eru í boði fyrir atópískt exem og hvað sé hægt að gera til að fyrirbyggja endurteknar versnanir á exeminu.

Hvers vegna er atópískt exem svona algengt og hverjar eru orsakir þess?  Tengist þessi tegund exems matarofnæmi? Breytast einkenni exemsins með aldri og eru fullorðnir líka með atópískt exem? Þessum spurningum munum við svara og mörgum fleiri í þættinum.

Ert þú með litlar bólur á handleggjum og lærum?  Viltu vita hvað þetta er & hvort sé hægt að meðhöndla þetta? Í þessum þætti skoðum við þennan mjög svo algenga kvilla sem allt að 40% fullorðna og a.m.k. 50% barna eru með og útskýrum orsakir hans.  Einnig ræðum við hvað sé hægt að gera til að halda honum í skefjum.

Hefur þú farið í blettaskoðun?  Ef ekki, útskýrum við hvað felst í því að fara í blettaskoðun hjá húðlækni og hvernig við eigum að fylgjast með fæðingarblettunum okkar.  Einnig ræðum við 3 algengustu tegundir húðkrabbameina, m.a. sortuæxli, og lærum að þekkja einkenni þeirra.

Útfjólublá geislun sólarinnar er megin orsök húðkrabbameina og 80% af öldrun húðarinnar stafar eingöngu af sólargeislun.  Sólarvarnir eru þess vegna nauðsynlegar til að verja okkur.  Í þessum þætti ræðum við hvers vegna við eigum að nota sólarvarnir, hvað ber að hafa í huga við val á sólarvörnum og hvernig við eigum að haga okkur í sólinni.

Hannes Sigurjónsson, lýtalæknir á Dea Medica, kom í Húðkastið og sagði okkur frá fitusogi, svuntuaðgerðum, Brasilian buttlift og fleiri lýtaaðgerðum sem eru framkvæmdar á Íslandi.  Eining ræðum við um fylliefni og vöntun á reglugerðum þegar kemur að hinum ýmsu fegrunaraðgerðum sem eru gerðar á Íslandi í dag.

Hvað eru þessi fylliefni sem allir eru að tala um?  Eru þetta alveg náttúruleg og skaðlaus efni og til hvers eru þau notuð? Eru þau bara notuð í varafyllingar? Þessum spurningum og mörgum fleirum ætlum við að svara í þætti dagsins sem fjallar um fylliefni.

Virkar tannkrem á bólur?, Eru unglingar bara með bólur?, Má kreista bólur?  Þessum spurningum og mörgum fleirum ætlum við að svara í Húðkastþættinum um algengar mýtur um bólur og bólumeðferðir.

Við fengum Davíð Jensson, lýtalækni hjá Dea Medica, til að koma og ræða við okkur um vinsælar lýtaaðgerðir sem boðið er uppá á Íslandi.  Hann fræðir okkur meðal annars um augnlokaaðgerðir, facelift, fituflutninga og margt fleira spennandi.

Karlmenn hafa verið tregari til að hugsa vel um húðina en konur. Af hverju, er þetta feimnismál hjá körlum og hvað getum við ráðlagt þeim sem langar að byrja?  Við fengum Helga Ómarsson samfélagsmiðlastjörnu með meiru til að ræða einmitt þetta og margt fleira.

,,Það skiptir ekki máli í hvaða röð vörur eru notaðar‘‘ & ,,allir verða að nota næturkrem“.  Í þessum þætti ætlum við ræða þessa mýtur og margar fleiri varðandi umhirðu húðarinnar.

,,Retinól þynna húðina‘‘ & ,,olíukennd húð þarfnast ekki raka‘‘. Í þessum þætti ætlum við að hrekja þessar og fleiri mýtur um umhirðu húðarinnar.

Við höldum áfram að ræða um bólur í þessum húðkastsþætti og ætlum meðal annars að ræða mismunandi meðferðarmöguleika og hversu mikilvægt það er að velja réttar húðvörur þegar verið er að kljást við bólur.

Bólur eða Acne Vulgaris er gríðarlega algengur sjúkdómur sem hefur mikil áhrif á sjálfsmynd og sjálfstraust fólks. Það er mikilvægt að vita að til eru lausnir! Í þessu Húðkasti ætlum við meðal annars að kanna orsakir og mismunandi undirtegundir þessa húðsjúkdóms.

Við ætlum að fjalla eina allra vinsælustu fegrunarmeðferðina í heiminum í dag, toxín!  Hvað er toxín,  hvernig er það notað og í hvaða tilgangi? Er toxín hættulegt? Þessum spurningum og mörgum fleirum ætlum við að svara í þætti dagsins.

Rósroði er algengur langvinnur bólgusjúkdómur í húð, sem einkennist af roða, háræðaslitum og bólum í andliti.  Í þessum þætti ræðum við tegundir, orsakir og hvaða meðferðir eru í boði fyrir fólk með rósroða.

Við höldum áfram að ræða öldrun húðarinnar og leggjum áherslu á virkar húðvörur sem geta hjálpað okkur að sporna við ótímabærri öldrun.  Skoðun m.a. retinól, andoxunarefni og ávaxtasýrur.  Svo má ekki gleyma sólarvörninni!

Í fyrsta þætti Húðkastsins ræðum við efni sem gætir sífellt meiri vinsælda eða öldrun húðarinnar.  Við komum inn á orsakir húðöldrunar, hvað einkennir aldraða húð og hvað við getum gert til að fyrirbyggja ótímabæra öldrun hennar.

Af hverju ákveða 3 húðlæknar að setja af stað hlaðvarp? Og ekki bara eitthvað hlaðvarp, heldur fyrsta læknahlaðvarpið á Íslandi! Ragna Hlín, Jenna Huld og Arna Björk útskýra það í kynningarþætti Húðkastsins og segja frá menntun, reynslu og störfum sínum.