Lauch und Locke

*De Titel isch bewusst so gschribbe

ENDLICH! Nach meh als zwei Mönet simmer wieder zrugg mitnere neue Folg vo LAUCH UND LOCKE! Neui Frage, neui random Theme und en neui Rundi vom FRAGENGENERATOR wartet uf eu. Was de stinkendsti Ort isch, a dem de Raúl je gsie isch und was 72 Jungfraue mit de Folg ztue hend werdet ihr ebefalls erfahre.

Danke für de Support und viel Spass bim Lose!

Endlich simmer wieder zrugg!! Leben gleich schwer wie vorher…eifach in lustig. Wie eusi erste zwei Woche Praktikum im Gsundheitswese usgseh hend und welli Songs mir am ESC gfieret hend oder ned, sind dHaupt- und istiegs Theme. Mit viel anderne Gspröch gömmer denn Stück für Stück zum legendäre absolut unbeliebete, ned ghypte und sinnlose FRAGENGENERATOR über, de mir extreeeeeeeeeeem usführlich beantwortet…. EN BONUS FOLG MIT BONUS INHALT! Vell spass bim lose!

Das isch was mir zum Schloss Lenzburg gfunde hend: https://www.schloss-lenzburg.ch/ihranlass/

Privati Aläss sind vermuetli ned so easy möglich oder eif fuck*ng tür!

I dere Folg möchemer eis uf Windows 7: Mir bruche chli, bismer in Fahrt sind! Aber denne kläremer Lebenswichtigi Frage wie „Hätti de Hitler au so wyld Twitteret wie de Trump?“ oder „Wieso hend Geier en nackte Kopf?“. Games und Cheating, Neflix und Film sowie Alk und trinke finde scho fast standartmässig au Platz. Au üse Fragengenerator gaht mit neue Kombis i die nächsti Rundi. Vell Spass bim Lose!

I dere Folg LAUCH UND LOCKE starte mer wie immer mit de alltägleche Problem und tüend üs frömdscheme über verschiedensti Sache…. Bruuche Mumie en Pass? Was chammer met Leichene und em Körper allgemein alles so afange? Über all so Sache diskutiere mer i dere wylde Folg vo LAUCH UND LOCKE! De gliebti Fragegenerator döff me debii aber au ned vergesse genauso wie de lägendere Schluss as always. Nur diesmal gahts nachm Schluss no wieter…. Vell Spass bim Lose!

Und scho isch die nächsti Folg vo LAUCH UND LOCKE dusse und mir freued eus euch mit eusem umegemotze begrüesse zdörfe. Homeschooling sucks, School sucks und Praktikum au. Belastendi Situation isches…wie immer! Mir motze aber i dere Folg ned nur ume, sondern redet under anderem au über es mega interessants Thema: True-Crime. Usm gspröchsthema Film gömmer genau in die Richtig. Denn de True-Crime Fall isch verfilmt und uf Netflix. De Josh seit euch allne um was es ihm Film und bim Fall gaht und wieso ihr de Film unbedingt luege müend!

Denne chunnt au relativ schnell de ultimativi und absolut ned beliebti aber trotzdem huere kuhli FRAGENGENERATOR mit neue früsche Frage und teils sehr grosse Antworte. Mitm endi vom FRAGENGENERATOR beendemer au nach einer Stund eusi neusti Podcast Folg uf absolut losti Art und Wies, ide Hoffnig, euch het die Folg gfalle! Vell Spass bim lose!

I dere Folg fo LAUCH UND LOCKE starte mer malweder mit eusne Problem, wie zum Biispel d Praktikumssuechi zu Coronaziite! Es git desesmal aber au eppis a die wo vergeh sind… mer wüsse Beziehige send scheisse...probieret es ned abzstriite! Falls ihr wüsse wend warum euchi Bezeihig ned funktioniert, werdet er es da usefinde. Dezue rede mer au na über Prüefige, ob sie eppis bringe, wie me am beste uf sie lehrt und was Lehrer üs dezue biibrocht hend.

Zum Schluss hemmer mal weder üse beliebti Fragegenerator brucht, sind poetisch wie eh und je vorgange, sowiit me es fo 2 Chindschöpf erwarte chann.

Falls er eppis Bestimmts wend ghöre: schriibed eif id Kommentär oder direkt üs persönlich!

Vergessed ned uf FOLGEN zdrucke, um kei Folg meh zverpasse!

Wunderschön das #winterwonderland da bi eus...oder? Kollege vo eus sind vode Umwält abgschnitte während mir nur lachend drübber verzelle chönd. Nebe Nachtschlittle inkl. Alk und BMW & AUDI-Arsch rette isch au sGame gross debie, wenns drum gaht, eus während dene immerno wylde Ziete z'underhalte. E-Games vs. Classics...was finde mir geiler? Und was "zocke" mir so momentan? Wieso mir nur die zwei Optione undersueche und gar ned erst zu de Sport-Spiel chöme sött eig allne allei vom Name vom Podcast klar sie, aber mir erkläreds eu trz nomol, bevor de legendäri FRAGENGENERATOR i di nächst Rundi gaht. Nonie hämmer dem sini Sinnfrage so tüfgründig beantwortet. Sind gspannt...

Als Abschluss wird, wie scho fast traditionnell, über dNKSA glästeret in Bezug uf Coronamassnahme. Als Abschluss gits wie inzwüsche au scho fast traditionnell es paar weisi Wort vom Raúl.

Vell Spass bim lose und en schöni Wuche euch!

NEUES JAHR NEUES GLÜCK...oder? Corona isch immerno do und macht au immerno Stress, weshalb de Raúl und de Josh es leider wieder ned hend chöne möglich mache, physisch gegenüber zsitze, sondern beidi jewiels nur en flache Bildschirm vor de Schnorre hend. I dere Folg vo LAUCH UND LOCKE rede mir drübber, wie absolut ned ready mir sind zum 18i werde, well mir absolut kei Bock uf Armystuff und Autoprüefig hend. Beides euserer Meinig nache eif absolut unnötig. Wege Mdm. Corona isch eus au no dMitteilig gmacht wurde, dass es ide Mensa ade NKSA jetzt no weniger platz het, was KRIEG mitm Husmeister bedütet. De Raúl het die Interessanti Frag in Rum gstellt, was eigentlich Taubi Lüt möche, wo devo abhängig sind, dLippe vode Lüt abzlese chönne...wie gaht das mit Maske? Nach dem es um alles mögliche gange isch gaht de absolut legendäri Fragegenerator i die nächst Rundi, bevor mir über die wichtige Frage rede welli App mir ufm Handy hend, wo mir aber absolut ned bruche sie aber au absolut ned deeinstalliere oder öb mir lieber uf Nuddle oder Pizza verzichte würde....

Vell Spass bim Lose vo de Folg!

Wie ide letscht Folg versproche, präsentiere mir i dere Folg eusi Verschwörigstheorie! Usgehend vo dere, redemer über verschiedeni Weltahsichte und Welt- bzw. Endvorstellige vom Lebe. Dezue zählt Glaube und Wüsseschaft. wie stönd die zunenand? Was isch üserer Meinig nache stärker? Eif well mirs chönnd, stossemer mitem geile "Röteli"-Lickeur uf eusi sechsti Folg ah. Btw....was isch euses Lieblings-Alk-Getränk und wie stönd mir generell zu Alk? 

DER FRAGENGENERATOR gaht i die nächst rundi....Random isch nur de Vorname. Welli froge gits echt dieses Mal im Fragengenerator?

Nach eis zwei Würderst du lieber-Frage und sKläre vo eusem Lieblingskomponist oder Lieblingsmusikstil gahts au scho ufs Endi zue und wie mer uf de super Name vo dere Folg cho sind. 

I de Folg 5 vo LAUCH UND LOCKE nehme mir de Sicherheitsabstand weg Corona echli zu serious: Mir sitze es paar Kilometer usenand; de Raúl i sim Zimmer und de Josh i sim. Aber hey, dank de moderne Welt hämmer trotzdem endlich wieder en neuei Folg, und die isch sogar gar ned mal so schlecht!

Mir beginned mit Verschwörungstheoretiker und Verschwörungstheorie und rede denne drüber, öb homosexuelli Ehepaar dErlaubnis zum hürote und Kind adoptiere becho söttet, sowie was sProblem a eusere Gsellschaft in Hinsicht uf die Themene sind. Well euse Podcast für Randomness staht, gömmer zumene komplett andere Thema über: Schnarche! Wer i euser Family schnarchet, und was gits so für miesi tricks diejenige zum schweige zbringe.... ;))

Und denn isch es au schowieder Ziet: DER FRAGENGENERATOR gaht i di nächst Rundi. Komplet dumm, random wie nüt anders und darum so perfekt für euse Podcast. So nebebie erfinde de Raúl und de Josh no en neui Zietform im Dütsch und verabschiede sich mit es paar Würdisch-du-eher-Frage.

ASMR isch beliebt. Darum hemmer am Afang extra lut Chips gfrässe...en guete! Es ich Winterziet; Hauptthema i eusem Podcast. Snowboarde oder Skifahre, was isch geiler? Wo ligged die jewilige Vorteil/Nachteil? Mir verzellet wo mir so gönnd go fahre, mit wem und was det sosch no so alles abgaht. Während mir so nebeher Chips mampfed, gits chli (berechtigte) Hate gege Afänger und Ski-Schuele! Denne isches so wiet: Eusi absolut unspektakuläri und random Rubrik: DER FRAGENGENERATOR! En Generator, de us zwei Teil ein Frag bildet. Jede Teil vo dem Satz isch jewils einzeln durchmischbar...die Froge möched grundsätzlich weder grammatikalisch no generell kein Sinn...trotzdem isch das eusi Rubrik..LOL!

Nach dere Frag muetmasse mir, ob mir inere Zombieapokalypse überläbbe würde und wieder über de Winter: Schneeballschlacht ide Schuel oder 3. Weltkrieg? Denne wechsle mer in Sommer und seged wieso Strand grundsätzlich geil-, aber eig lästig isch. Wemmer bi chille sind: Film Dihei oder Film im Kino? Wieso? Zum Abschluss verzellemer no was mir unbedingt mal wennd mache und was so geil/ned geil dra isch. 

Lauch und Locke trifft i dere Folg ned ganz zue. De Special-guest Raphi isch nämli weder en Lauch no hetter Locke. In Folg 3 vo Lauch und Locke gahts um super hochintelligenti Sonderexemplar vo Lüt  und darum was de Raphi so im unterricht frisst. Mir erkläred euses Psychologie Experiment und redet drübber wo mir im Falle vomene Weltuntergang heregah würde. Denne wirds spannend: De Raphi verzellt vomene Vorfall mit nem Fake-Schlüsseldienst und wie sie i die Situation inecho sind!  Denach gits en gmüetliche Talk über lustigi Schuelsituatione währendem Unterricht und mir kläred under anderem dFrag, was mir eus wünsche würde, wenn mir 3 Wünsch frei hätte. Zum Schluss gits no en tolle kurze Deep-Talk über em Raph sini grösste Ängst und mir rede über die schöni Wienachts- und Wichtelziet.

ES ISCH HALLOWEEN!!!!!!! Was isch geil a Halloween und wieso isches unnötig? Süsses oder Saures...Was isch eusi Lieblingssüessigkeit? Nach dem mir die LeBeNsWiChTiGi Frag klärt hend, führemer en deep Talk über de Tod! Hend mir Angst vom Tod? Und was wemmer unbedingt no Erlebe? Denn führemer luter random Gspröch über random Frage wo mir oder ihr eus gstellt hend. Under anderem führemer en churzi Diskussion zum Thema Abtribig und ob mir Ländler oder Städtler sind. Denne chömmemer zude Frag vode Frage, wo mir eigentlich scho ide erste Folg hätte beantworte sölle, aber well mirs chönd, erst jetzt beantworte: Wie sind mir ufd Idee cho en Podcast zmache? Nachher redemer über euses grösste Erfolgserlebnis und chömed zu de Frag öbmer lieber Luxushotel oder Alphüte händ. Zum Abschluss redemer no über eusi geilste Gschenk wo mir je becho hend. 

I de erste Folg vo LAUCH UND LOCKE redemer über en umelaufende Pool, führed en churze Deeptalk über eusi grösste Ängst und üsi 5 grösste Fehlkäuf. Mer rede drübber, dass de Raúl gern en Gummizelle i sim Hus hetti und dass de Josh gern die drü schlimmste Diktatore zum Esse Ilade wür, eifach um sie umzbringe. Jede verzellt sin schlechtischte Witz, woner aber als sin Beste verkauft, de Raúl haut en funny suufstory use und de Josh verzellt wie er es Tesla-Glasdach gschrottet het. Zum Abschluss frogemer üs wie dWelt in 10 Jahr usgseh wird und hend de unepischti Schluss wos git.