Skip to main content
Koma svo!

Koma svo!

By Podcaststöðin
Þátturinn Koma svo! er um ferðalag lífsins; börn, unglinga, uppeldi, ákvarðanir og allt sem ferðalaginu viðkemur. Hvað hafði áhrif á þær ákvarðanir sem þú tókst og urðu þess valdandi að þú ert þessi manneskja sem þú ert í dag?
Listen on
Where to listen
Apple Podcasts Logo

Apple Podcasts

Spotify Logo

Spotify

Koma svo! - Tengslarof, feluleikur og upprisa
Í öðrum þætti, þriðja tímabils Koma svo! er rætt við Sigurð Hólmar Karlsson, áfengis- og vímuefnaráðgjafa. Líf Sigurðar er efni í heila bók svo ekki meira sé sagt. Glíman við afleiðingar tengslarofs og áfengis- og vímuefnaneyslu hefur sett svip sinn á líf hans. Við þetta bætist svo felurleikur sem margir hafa glímt við og falið, samkynhneigð!
1:13:13
October 17, 2020
Koma svo! - Dastu á hausinn Magnús?
Í þessum fyrsta þætti, þriðja tímabils Koma svo! er rætt við Magnús Sigurjón Guðmundsson, betur þekktan sem Maggi Pera. Magnús er tómstunda- og félagsmálafræðingur og hefur unnið lengi með unglingum. Hann söðlaði um í febrúar 2020 þegar hann hóf störf hjá Póstinum á Selfossi en áður af því varð rann Magnús til í hálku og höfuðkúpubrotnaði. 
1:05:36
September 30, 2020
Koma svo! - Virkar að sleikja spínatblað?
Í þrítugasta og fimmta þætti Koma svo! er rætt við Ragnhildi Þórðardóttur, sálfræðing með áherslu á heilsusálfræði og einnig lærðan einkaþjálfara. Hún er þekkt undir nafninu Ragga nagli, býr í Danmörku og hefur boðið upp á sálfræðimeðferð og fjarþjálfun síðustu ár. Þar er unnið  með hugsanir og hugarfar (í bland við þjálfun sé þess óskað) til að auka líkurnar á varanlegum lífsstílsbreytingum. En hvað mótaði naglann? 
1:54:00
June 28, 2020
Koma svo! - Jógvan eða Jógvan, það er spurningin!
Í þrítugasta og fjórða þætti Koma svo! er rætt við Jógvan Hansen söngvara / tónlistarmann / hárgreiðslumann / eiginmann / föður.  Færeyingurinn hugljúfi er einn ástsælasti söngvari Íslands og skyldi engan undra. En hvaða mann hefur hann að geyma? Eru Færeyingar mikið öðruvísi en við Íslendingar?
1:33:46
May 23, 2020
Koma svo! - Hamingjuhornið
Í þrítugasta og þriðja þætti Koma svo! er rætt við Önnu Lóu Ólafsdóttur, kennara, náms- og starfsráðgjafa og er með diplóma í sálgæslu á meistarastigi.  Hún byrjaði að skrifa pistla og birti á netsíðu og Facebook undir nafninu Hamingjuhornið. Pistlarnir náðu mikilli útbreiðslu og þóttu bæði fróðlegir og skemmtilegir og innihéldu þætti sem snéru að samskiptum, persónulegum áskorunum og leyndardómum lífsins. Nýlega gaf Anna Lóa út bókina "Það sem ég hef lært"  þar sem hún deilir hluta af því sem hún hefur skrifað og jafnframt lært og skrifað um hamingjuna, sorgina, sambönd, breytingar, sjálfstraust, kvíða ofl. En hvernig lærði Anna Lóa það sem hún hefur lært?
1:24:31
May 16, 2020
Koma svo! - Óvænt nýsköpun í félagsmiðstöðvastarfi
Í þrítugasta og öðrum þætti Koma svo! er rætt við Stefán Gunnar Sigurðsson forstöðumann félagsmiðstöðvarinnar Frosta um þær áskoranir sem Covid-19 höfðu á starf félagsmiðstöðva á Íslandi. Eftir að samkomubanni var komið á voru góð ráð dýr fyrir starf félagsmiðstöðva. Starfsmenn þurftu, á skömmum tíma, að finna út hvernig hægt væri að ná til unglinga með því að nota hina ýmsu samfélags- og netmiðla. "Neyðin kennir naktri konu að spinna" segir máltækið og það má með sanni segja að starfsmenn félagsmiðstöðva spunnu hratt lausnir til að mæta unglingum landsins.
1:43:42
April 25, 2020
Koma svo! - Fátt er svo með öllu illt...
Í þrítugasta og fyrsta þætti Koma svo! er rætt við Bergsvein Ólafsson, sem er með BSc í sálfræði og í mastersnámi í jákvæðri- og þjálfunarsálfræði, um vinnuna með fjölbreyttum einstaklingum og hópum við persónuleg, félagsleg og fagleg markmið. Hugmyndafræði hans byggir að mestu leyti á sálfræði, persónulegri reynslu og stöðugri þróun. Hvenær og af hverju byrjaði hann að velta fyrir sér persónulegum vexti? Hvað er það sem Bergsveinn elskar og gefur honum tilgang?
1:43:32
April 4, 2020
Koma svo! - Þungarokk og töfrar
Í þrítugasta þætti Koma svo! er rætt við Ingólf Hjálmar Ragnarsson Geirdal, gítarleikara og töframann, um nördisma, lífið og tilveruna. Hvað kom á undan, þungarokkið eða töfrarnir? Hvað er það sem drífur hann áfram, áræðni, seigla eða þrjóska? 
1:26:58
March 28, 2020
Koma svo! - Verndum þau
Í tuttugasta og níunda þætti Koma svo! er rætt við Þorbjörgu Sveinsdóttur sálfræðing, sem starfar í Barnahúsi og hefur mikla reynslu af barnaverndarmálum. Hún, ásamt Ólöfu Ástu Farestveit uppeldis- og afbrotafræðing, skrifaði bókina "Verndum þau" sem fjallar um skyldur og ábyrgð þeirra sem starfa með börnum og unglingum. Í bókinni eru lesendur upplýstir um eðli og birtingarmyndir ofbeldis og vanrækslu, ferli mála af því tagi hjá barnaverndaryfirvöldum og innan dómskerfisins. 
1:23:20
March 21, 2020
Koma svo! - Orkuboltinn jákvæði
Í tuttugasta og áttunda þætti af Koma svo! er rætt við Júlíus Garðar Júlíusson, fæddan 2. febrúar á því herrans ári 1966. Í kínverskri stjörnuspeki kemur fram að þeir sem fæddust á þessu ári eru eldhestar eða sérstaklega orkumikið fólk. Júlli er einstakur orkubolti, andlegur með afbrigðum og lúnkinn í vefsíðugerð. Hver kannast ekki við jólavef Júlla eða kærleiksvef Júlla? Rekur Þulu veisluþjónustu ásamt eiginkonu sinni og er framkvæmdastjóri Fiskidagsins mikla. 
1:25:37
March 14, 2020
Koma svo! - Seigla, seigla, seigla
Í tuttugasta og sjöunda þætti af Koma svo! er rætt við Gunnar Karl Haraldsson, tómstunda- og félagsmálafræðing og meistaranema, um áskoranir lífsins. Snemma lærði Gunnar Karl að hindranir eru yfirstíganlegar og að allt sé hægt ef viljinn er fyrir hendi. Seigla er það fyrsta sem kemur upp í hugann þegar farið er yfir lífshlaup Gunnars Karls. 
1:32:08
March 7, 2020
Koma svo! - Andlegt hjartahnoð
Í tuttugasta og sjötta þætti af Koma svo! er rætt við Auði Axelsdóttur, iðjuþjálfa og framkvæmdastjóra Hugarafls (og einn stofnanda þess). Auður hefur unnið innan geðheilbrigðiskerfisins lengi og var ekki sátt við margt innan þess kerfis. Þegar hún og félagar hennar ræddu um hvað hægt væri að gera þá þóttu lausnirnar byltingarkenndar því þær miðuðu að því að koma fólki til bata og hjálpa því úti í samfélaginu. 
1:43:25
February 29, 2020
Koma svo! - Skólabókasafn á krossgötum
Í tuttugasta og fimmta þætti af Koma svo! er rætt við Dröfn Vilhjálmsdóttur, geislafræðing sem tók meistaragráðu í bokasafns- og upplýsingafræði við Háskóla Íslands  árið 2013 og starfar nú á skólabókasafni Seljaskóla. Dröfn er formaður Félags fagfólks á skólasöfnum og í stjórn IBBY á Íslandi  sem leitast við að vekja athygli á barnabókmenntum og -menningu með hverskyns hætti. 
1:56:38
February 22, 2020
Koma svo! - Stjúptengsl
Í tuttugasta og fjórða þætti af Koma svo! er rætt við Valgerði Halldórsdóttur, félagsráðgjafa, MA og  ritstjóra vefsíðunnar stjuptengsl.is og formann Félags stjúpfjölskyldna. Valgerður hefur haldið fjölmörg erindi sem tengjast stjúptengslum, foreldrasamvinnu, og umgengni eftir skilnað m.a. fyrir skóla, foreldrafélög, félagasamtök, kirkjuna.  Virðing, kurteisi og mörk eru lykilatriði í öllum samskiptum, eða hvað? Er hægt að spila Matador með Lúdó reglum?
1:16:51
February 15, 2020
Koma svo! - OptimizedBjartur 2.0
Í tuttugasta og þriðja þætti Koma svo! er rætt við Bjart Guðmundsson, leikara, frammistöðuþjálfara og margt fleira, aftur! Hvort viltu vellíðan eða sársauka? 
1:31:08
February 8, 2020
Koma svo! - Lífið, missir og sorg
Í tuttugasta og öðrum þætti Koma svo! er rætt við Halldór Reynisson, guðfræðing, MA í fjölmiðlafræði og markaðsfræðigrúskara. Hann hefur starfað sem blaðamaður, forsetaritari, prestur og nú siðast sem verkefnisstjóri fræðslu- og upplýsingasviðs Biskupsstofu. Er einhver æðri máttur sem leiðir mann áfram í lífinu? Stjórnum við ferðalaginu? Hvað varð til þess að sorgin var meginuppstaða starfsævinnar? Eru Íslendingar góðir að syrgja?
1:29:11
February 1, 2020
Koma svo! Ísland 2 - Serbía 0
Í tuttugasta og fyrsta þætti Koma svo! er rætt við Bojönu Kristínu Beisic, sem er með BS gráðu í stjórnun íþróttafélaga (Sport Administration) og knattspyrnuþjálfara, um það að flytja til Íslands og ílengjast á landinu. Draumur stúlku í Serbíu um að verða atvinnukona í knattspyrnu, viðbrögð við íþróttameiðslum og ákveðni í að láta ekkert stoppa sig. 
1:30:16
January 25, 2020
Koma svo! - Teiknari, hvernig vinna er það?
Í tuttugasta þætti Koma svo! er rætt við Bergrúnu Írisi Sævarsdóttur, teiknara og rithöfund, um það sem einkennir hana, ímyndunaraflið og afkastagetuna. Hún hefur myndlýst fjölda barnabóka og námsefni, haldið einkasýningar og tekið þátt í samsýningum. Frá því að fyrsta bók Bergrúnar, Vinur minn, vindurinn, kom út haustið 2014 hefur hún verið iðin við kolann, sent frá sér mikið efni og fengið margvísleg verðlaun. Hvaða þýðingu hafa samt myndir fyrir bækur? Erum við Íslendingar bókaþjóð eða orðaþjóð? 
1:26:20
January 18, 2020
Koma svo! - OptimizedBjartur
Í nítjánda þætti Koma svo! er rætt við Bjart Guðmundsson, leikara, frammistöðuþjálfara og margt fleira. Hvað er hægt að gera í mótlæti? Er hægt að snúa eigin brestum og erifðleikum í eitthvað jákvætt og magnað? Hvort viltu vellíðan eða sársauka? Flytur trúin fjöll?
1:46:09
January 11, 2020
Koma svo! - Krakkar eru fáránlega skemmtileg fyrirbæri
Í átjánda þætti Koma svo! er rætt við Gísla Ólafsson, uppeldis- og menntunarfræðing og forstöðumann í frístundaheimilinu Glaðheimum. Er rangt að vera fáránlega lengi að klára nám? Hvað er það við krakka sem gerir þau fáránlega skemmtileg fyrirbæri? Hvernig er að vera í samsettri fjölskyldu? Er alltaf tekið tillit til barnanna? Er sameiginlegt dagatal lífsnauðsyn?
1:20:23
December 21, 2019
Koma svo! - Essið
Í sautjánda þætti Koma svo! er rætt við Kristínu Dóru Ólafsdóttur, myndlistarkonu og listkennara, um Essið: Ræktun jákvæðrar sjálfsmyndar á umrótatímum. Essið fæddist í félagsmiðstöðinni Frosta og er hluti af MA verkefni Kristínar Dóru frá Listkennsludeild LHÍ 2019. Í Essinu er áhersla lögð á bætta sjálfsþekkingu, aukið sjálfstraust, skapandi skissuvinnu, skapandi skrif og bætta jákvæða sjálfsmynd. 
1:01:31
December 14, 2019
Koma svo! - Fræðsla ekki hræðsla
Í sextánda þætti Koma svo! er rætt við Arnrúnu Magnúsdóttur, deildarstjóra í leikskólanum Brákarborg, um verkefnið "Fræðsla ekki hræðsla". Verkefnið gengur út á fræðslu og umræður og markmiðið er að vekja fólk til umhugsunar. Einnig að sýna fram á mikilvægi þess að ræða opinskátt, vera til staðar og hlusta á börnin. Í hvaða aðstæðum er líklegast að barn segi frá því að það hafi orðið fyrir ofbeldi?
1:28:03
December 7, 2019
Koma svo! - EmmSjéGADHD
Í fimmtánda þætti Koma svo! er rætt við Gauta Þey Másson, AKA Emmsjé Gauta sem er búinn að vera í eldlínu rappsins frá 12 ára aldri. Jaðarsport, grunnskóli fyrir alla (eða ekki), afglæpavæðing fíkniefna og greiningar - já, allt þetta er rætt enda engin furða...nettur ofvirknis- og athyglisbrests þáttur!
1:50:18
November 30, 2019
Koma svo! - Lestur eykur víðsýni!
Í fjórtánda þætti Koma svo! er rætt við Yrsu Sigurðardóttur, verkfræðing og einn fremsta rithöfund Íslands. Ævintýrið byrjaði þegar Yrsa skrifaði barnabók fyrir son sinn þegar þau áttu heima í Kanada. Eftir fimm barnabækur og góða pásu nálgaðist bókaútgefandi hana og spurði hvort hún gæti ekki hugsað sér að skrifa glæpasögur. Siðan eru liðin mörg ár!
1:39:45
November 23, 2019
Koma svo! - Meðvirkni
Í þrettánda þætti Koma svo! er rætt við Gyðu Dröfn Tryggvadóttur, sem er með meistaragráðu í stjórnun heilbrigðisþjónustu og lýðheilsu (EMPH) og einnig hefur lokið námi í meðvirknifræðum Piu Mellody, sem skoða áhrif fjölskyldunnar á uppvöxt okkar og  þroskaferil. Hvað er meðvirkni og hverjar eru orsakir og afleiðingar hennar?
1:02:14
November 16, 2019
Koma svo! - Í höfðinu á Ævari!
Í tólfta þættir Koma svo! er rætt við Ævar Þór Benediktsson, leikara, rithöfund og (áhuga) vísindamann. Ævar Þór er margverðlaunaður höfundur og í höfði hans leynist ýmislegt sem á eftir að líta dagsins ljós. Forvitnin rekur hann áfram og sem betur fer því börn á öllum aldri fá að njóta sköpunar hans.
1:43:41
November 9, 2019
Koma svo! - Allir eru eitthvað og það er stórt
Í ellefta þætti Koma svo! er rætt við Pálmar Ragnarsson, Bs. í sálfræði og Ms. í viðskiptafræði, fyrirlesara um jákvæð samskipti á vinnustöðum, í skólum og íþróttafélögum. Hvernig varð hann einn vinsælasti fyrirlesari Íslands? Var það skrifað í skýin? 
1:47:36
November 2, 2019
Koma svo! - Dr. Granny jarðsett í karate
Í tíunda þætti Koma svo! er rætt við Rósu Gunnarsdóttur, kennara, doktor í menntunarfræðum og félaga í BACA um tækifærin í lífinu. Rósa ætlaði að verða hjartaskurðlæknir eða kokkur, endaði sem kennari þar sem hún uppgötvaði nýjar víddir í lífinu. Forvitnin, ofvirknin og athyglisbresturinn fann sinn farveg og nýsköpun varð hennar ær og kýr. Nýsköpunin hefur leitt Rósu á stórskemmtilega vegferð um allan heim. Dr. Granny er alveg me´etta!
1:52:12
October 26, 2019
Koma svo! - Foreldramissir
Í níunda þætti Koma svo! er rætt við Birnu Dröfn Jónasdóttur, félagsfræðing og blaðakonu, um það að missa foreldri ung að árum. Hver var stuðningurinn? Hvernig stuðning er hægt að veita 12 ára gömlu barni þegar foreldri fellur óvænt frá? Hvaða áhrif hefur foreldramissir á óharðnaðann unglinginn? Hvað getur samfélagið gert í þessum aðstæðum?
1:07:43
October 19, 2019
Koma svo! - Á allra vörum, VAKNAÐU!
Í áttunda þætti Koma svo! er rætt við Gróu Ásgeirsdóttur, viðskiptafræðing, verkefnastjóra hjá Flugfélagi Íslands og eina af upphafskonum átaksins "Á allra vörum".  Hún greindist með brjóstakrabbamein, leit á það sem verkefni og náði bata. Í þessu ferli kom upp sú hugmynd að styðja söfnunarátak fyrir nýrri vél til að greina betur brjóstakrabbamein. Lítil hugmynd þróaðist og "Á allra vörum" varð til og síðan þá hafa safnast millljónir fyrir góðum málefnum.
1:12:58
October 12, 2019
Koma svo! - Þegar óskin rætist
Í sjöunda þætti Koma svo! er rætt við Hrönn Bjarnadóttur, viðskiptafræðing, næstum því hjúkrunarfræðing og með meistarapróf í markaðsfræðum, um barnseignir. Er sjálfgefið að allir geti eignast barn? Eru valmöguleikar þegar kemur að arfgengum sjúkdómum?
1:45:54
October 5, 2019
Koma svo! - Skyldusjálf, óskasjálf og raunsjálf? Sjálfsmisræmi!
Í sjötta þætti Koma svo! er rætt við Ragnheiði Guðfinnu Guðnadóttur sem er með meistaragráðu í Félags- og Vinnusálfræði og sérfræðingur og ráðgjafi hjá Forvörnum. Ragnheiður vinnur mikið með það hvernig einstaklingar geta bætt lífsstíl sinn með því að bera ábyrgð á eigin líðan og hegðun.
1:32:58
September 28, 2019
Koma svo! - Eitt bros getur dimmu í dagsljós breytt!
Í fimmta þætti Koma svo! er rætt við Sigurð Hólmar Jóhannsson, fyrrum flugumferðarstjóra, um það að vera faðir langveikrar dóttur. Sunna Valdis er eina barnið  á Íslandi sem greinst hefur með AHC sjúkdóminn sem er mjög sjaldgæfur í heiminum. Af hverju að stofna samtök um barnið sitt? Baráttan við kerfið, tryggja að björgunarlyf séu til og halda geðheilsunni á meðan barnið þjáist.
1:38:01
September 21, 2019
Koma svo! - IOGT, tækni og youbitube!
Í fjórða þætti Koma svo! er rætt við Aðalstein Gunnarsson, framkvæmdastjóra Bindindissamtakanna IOGT á Íslandi.  Hvernig var að alast upp í miðbænum? Er Aðalsteinn upphafsmaður Parkour á Íslandi? Hvaða áhrif hefur það á dreng á fermingaraldri að flytja í Breiðholtið? Leðurjakki, mótorhjól, pönkið og Hlemmur - leið til glötunar eða frama? 
1:41:05
September 14, 2019
Koma svo! - Færðu borgað fyrir að leika þér?
Í þriðja þætti Koma svo! er rætt við Árna Guðmundsson, aðjúnkt á menntavísindasviði HÍ.  Saltvík? Ketill Larsen? Fríkirkjuvegur 11! Þetta þrennt og ævistarfið hefur plantað sér í litlum strák úr Safamýrinni. Reykjavík, Gautaborg og Hafnarfjörður, æskulýðsstörf, félagsuppeldisfræði og uppbygging félagsmiðstöðvastarfs. Áhugi á námi á hærri stigum til að grúska, breyta og bæta stöðu óformlegs náms á Íslandi. 
1:41:25
September 7, 2019
Koma svo! - Er klám fallegt kynlíf?
Í öðrum þætti Koma svo! er rætt við Kolbrúnu Hrund Sigurgeirsdóttur, verkefnastýru á nýsköpunarmiðstöð menntamála hjá skóla- og frístundasviði Reykjavíkurborgar. Hvenær á að byrja að kenna jafnrétti? Hvernig er jafnrétti kennt? Eru allir eins? Er fjölbreytileikinn eitthvað ofan á brauð? Hvað er fallegt kynlíf? Læra unglingar hvað gott kynlíf er með því að horfa á klám?
1:42:07
August 31, 2019
Koma svo! - ...og orðið er: "Snjótittlingur"
Í þessum fyrsta þætti annarar þáttaraðar Koma svo! er rætt við Matthías Frey Matthíasson, íþrótta- og tómstundafulltrúa Voga,  um leikaradrauminn, nám, Benjamín dúfu, mótlæti, áskoranir og sigra. 
1:46:03
August 24, 2019
25. Koma svo! - Stundum er jákvætt að vera latur!
 Í 25. þætti Koma svo! er rætt við Láru Aðalsteinsdóttur, verkefnastjóra  Reykjavík Bókmenntaborg UNESCO. Hvað þýðir það að vera Bókmenntaborg UNESCO? Hvað og hvernig er hægt að auka áhuga barna og ungmenna á lestri? Hvernig getur leti haft áhrif á lífið og tilveruna?
1:20:30
June 8, 2019
24. Koma svo! - Ræktaðu garð...nei, geðið þitt!
 Í 24. þætti Koma svo! er rætt við Héðinn Unnsteinsson, íþrótta- og grunnskólakennara og stefnumótunarsérfræðing, um geðrækt. Farið er um víðan völl um geðheilbrigði, reynslu Héðins af kerfinu og hver staða mála er í dag.  
1:19:59
June 1, 2019
23. Koma svo! - Samskipti, áhættuhegðun, styrkleikar
 Í 23. þætti Koma svo! er rætt við Sigrúnu Aðalbjarnardóttur, prófessor í uppeldis- og menntavísindum, meðal annars um bók hennar "Lífssögur ungs fólks, Samskipti, áhættuhegðun, styrkleikar." 
1:23:40
May 25, 2019
22. Koma svo! - Ha! Ester? Nei, TINNA!
Í 22. þætti Koma svo! er rætt við Þuríði Sigurðardóttur, félagsráðgjafa og verkefnastjóra TINNU, þar sem markmiðið er að styðja unga einstæða foreldra sem hafa nýtt sér fjárhagsaðstoð til framfærslu hjá Þjónustumiðstöð Breiðholts og búa í Breiðholti. Takmarkið er að börn fátækra foreldra verði ekki fátækir foreldrar síðar meir. 
1:14:28
May 18, 2019
21. Koma svo! - Svefn? Er það eitthvað ofan á brauð?
Í 21. þætti Koma svo! er rætt við Bóas Valdórsson, skólasálfræðing í MH, um vinnuviku og venjur framhaldsskólanema. Niðurstöður könnunar sem gerð var eruáhugaverðar og gætu vakið samfélagið til umhugsunar. 
1:27:25
May 11, 2019
20. Koma svo! - Bergið Headspace
 Í tuttugasta þætti Koma svo! er rætt við Sigurþóru Bergsdóttur, móður, vinnusálfræðing og framkvæmdastjóra Bergsins Headspace um tímann sem er liðinn frá því að sonur hennar tók sitt eigið líf eftir mikla vanlíðan og erfiðleika.  
1:32:02
May 4, 2019
19. Koma svo! - Börn í viðgerð?
 Í nítjánda þætti Koma svo! er rætt við Þórdísi Rúnarsdóttur, sálfræðing og verkefnastjóra verkefnisins "Sterkari út í lífið". Markmið þess er að auka aðgengi foreldra að efni sem hægt er að nota til að auðvelda samtöl  um ýmislegt sem snertir styrkingu sjálfsmyndar barna og unglinga.  
1:18:59
April 27, 2019
18. Koma svo! - Salt og ... paprika!
Í átjándanda þætti Koma svo! er rætt við Sigurjón Braga Geirsson, matreiðslumeistara og Kokk ársins 2019. Hvað (eða hver) stjórnar því hvaða ákvarðanir við tökum í lífinu? Er bóknám fínna en verknám? Treystum við eigin innsæi? 
1:22:02
April 20, 2019
17. Koma svo! - Við höfum allt að vinna og engu að tapa!
 Í sautjánda þætti Koma svo! er rætt við Kolbrúnu Þorbjörgu Pálsdóttur, dósent og forseta Menntavísindasviðs Háskóla Íslands. Þverfaglegt samstarf fagaðila sem vinna með börnum og ungingum, betra fyrir alla? Hvaða sóknarfæri liggja í slíku samstarfi?  
1:17:29
April 13, 2019
16. Koma svo! - Það er eitthvað að, finnum lausnir!
Í sextánda þætti Koma svo! er rætt við Þorkel Mána Pétursson, fyrst og fremst föður en líka markþjálfa og útvarpsmann, um börnin, greiningar og kerfið. Er eðlilegt að það sé 12-18 mánaða biðtími að komast á námskeið en ef 70 þúsund krónur eru í veskinu þá tekur það viku bið? Hvað gerist á þeim tíma sem er verið að bíða, missum við þessi börn og ungmenni í meira rugl? Er okkur alveg sama?  #adhd #strigakjaftur #bið #finnumlausnir 
1:34:12
April 6, 2019
15. Koma svo! - Er lífið bútasaumur?
Í fimmtánda þætti Koma svo! er rætt við Nilsinu Larsen Einarsdóttur, Nillu, meistaranema og starfsmann Unicef á Íslandi. Hvaða viðhorf velur þú til lífsins? Hvernig tekur þú á lífinu og því sem það hefur upp á að bjóða? Af hverju sagði amma Nilla að maður ætti ekki að hafa áhyggjur af lífinu? #krabbameinslifandi #Unicef #Kraftur #ammaNilla
1:32:46
March 30, 2019
14. Koma svo! - Hellings fyrrverandi, en ekki í golfi!
Í fjórtánda þætti Koma svo! er rætt við Ragnar Þorsteinsson, fyrrverandi sviðsstjóra Skóla- og frístundasviðs Reykjavíkurborgar.  Hver er staðan í dag? Er menntun fyrir alla?
1:20:58
March 23, 2019
13. Koma svo! - Virtu mörkin!
Rætt við Steinunni Gyðu- og Guðjónsdóttur, verkefnastýru hjá Stígamótum, um fræðslu sem Samfés - samtök félagsmiðstöðva og ungmennahúsa á Íslandi og Stígamót  hafa sett saman um mörk, samþykki og kynferðislega áreitni. Fræðsluna munu 4500 unglingar fá og fer hún fram í félagsmiðstöðvum um allt land. #Samfés #virtumörkin #sjúkást #unglingargegnofbeldi
1:08:08
March 16, 2019
12. Koma svo! - Að velja og hafna, réttur allra!
Í tólfta þætti Koma svo! er rætt við Þórodd Þórarinsson, þroskaþjálfa um 40 ára starfsferil hans. Tvítugur fór Þóroddur að vinna á Kópavogshæli og labbar þá inn í heim sem er mörgum okkar ókunnugur. Margt hefur breyst á 40 árum en erum við komin nógu langt? Eigum við ekki öll rétt á að velja og hafna?
1:27:10
March 9, 2019
11. Koma svo! - Allir eru flottir!
Rætt við Guðmund Ara Sigurjónsson, tómstunda- og félagsmálafræðing um bókina "9 þrep æskulýðsstarfs". Farið er yfir lykilatriði og megin tilgang við skipulagningu æskulýðsstarfs.
1:30:01
March 2, 2019
10. Koma svo! - Horfum á fílinn frá öllum hliðum!
Í tíunda þætti Koma svo! er rætt við Eddu Arndal, forstöðukonu hjá Pieta samtökunum um ævintýraþrá, menntun og um ljósið í lífinu. Allir skipta máli og við verðum að skoða fílinn frá öllum hliðum.
1:41:50
February 23, 2019
9. Koma svo! - Oxy hvað?
Í níunda þætti Koma svo! er rætt við Helgu Rut Guðmundsdóttur, dósent í tónmennt/tónlistarfræði við Háskóla Íslands um mikilvægi tónlistar og áhrif hennar á manneskjuna. Getur tónlist haft áhrif á uppeldi barna?
1:18:57
February 16, 2019
8. Koma svo! - Látum draumana rætast - hefjumst handa
Í áttunda þætti Koma svo! er rætt við Fríðu Bjarneyju Jónsdóttur, deildarstýru Nýsköpunarmiðju skóla- og frístundasviðs Reykjavíkur, um menntamál og Menntastefnu Reykjavíkurborgar "Látum draumana rætast". Hvaða tækifæri liggja í kraftmiklu skóla- og frístundastarfi þar sem börn og unglingar öðlast menntun og reynslu til að láta drauma sína rætast og hafa jákvæð áhrif á umhverfi og samfélag? Einnig er fjallað um áhrifavalda sem marka sín spor á okkur sem manneskjur og veita okkur hvatningu inn í lífið.
1:14:43
February 9, 2019
7. Koma svo! - Ef ég dett á rassinn...
Í sjöunda þætti Koma svo! er rætt við Ársæl Má Arnarson, prófessor á Menntavísindasvið HÍ um leiðirnar í lífinu frá sjómennsku til rannsókna á líða barna og unglinga.
1:35:40
February 2, 2019
6. Koma svo! - Að kúka í pizzakassa!
Í sjötta þætti Koma svo! er rætt við Arnar Hólm Einarsson, áhugamann um rafíþróttir og meistaranema í tómstunda- og félagsmálafræði. Eru tölvuleikir bölvun mannkyns eða iðnaður sem við eigum að taka alvarlega? Eigum við að hræðast þennan iðnað eða taka honum með opnum huga?
1:24:57
January 26, 2019
5. Koma svo! - Fyrirgefðu en má ég vera til?
Í fimmta þætti Koma svo! er rætt við Guðmundu Smára Veigarsdóttur, sem fann tilganginn og meiningu með lífinu eftir að hafa kynnst ungliðahreyfingu Samtakanna 78. Héð starfar sem sjálfboðaliði í Hinsegin félagsmiðstöð Samtakanna 78 og frístundamiðstöðvarinnar Tjarnarinnar þar sem reynslunni er miðlað til þeirra sem eru að fóta sig í þessari, á stundum, grimmu veröld.
1:05:14
January 19, 2019
4. Koma svo! - Sálfræði árangurs
Í fjórða þætti Koma svo! er rætt við Hreiðar Haraldsson, íþróttasálfræðiráðgjafa um markmiðasetningu, tilganginn og agann sem þarf til að ná settum markmiðum. Þarf að setja markmiðasetningu markvisst inn í líf barna og unglinga?
1:01:33
January 12, 2019
3. Koma svo! - Ef þú labbar á vegg!
Í þriðja þætti Koma svo! er rætt við Hrefnu Þórarinsdóttur, forstöðumann í hinsegin félagsmiðstöð Samtakanna 78 og frístundamiðstöðvar Tjarnarinnar um hvernig lífið mótar manneskju og val á viðhorfi gagnvart verkefnum lífsins.
1:18:02
December 22, 2018
2. Koma svo! - Er allt að fara til fjandans?
Í öðrum þætti Koma svo! er rætt við Gunnlaug V. Guðmundsson, forstöðumann í félagsmiðstöðinni Gleðibankanum um starf félagsmiðstöðva og hvort æska þessa lands sé að fara til fjandans (enn einu sinni!).
1:21:03
December 15, 2018
1. Koma svo! - Það eru engir töfrar
Í fyrsta þætti Koma svo! er rætt við Margréti Lilju Guðmundsdóttur, aðjúnkt við Háskólann í Reykjavík og sérfræðing hjá Rannsókn og greiningu, um íslenska forvarnarmódelið og hvort það eru einhverjir töfrar tengdir því.
1:06:24
December 6, 2018