Kuch Alfaz Oct 30, 2020
Dil se ek yaad bhula di gai hai -- Written by:-- NADEEM BHABHA
dil se ek yaad bhula di gai hai-----
dil se ik yaad bhulā dī ga.ī hai
kisī ġhaflat kī sazā dī ga.ī hai
maiñ ne manzil kī duā māñgī thī
merī raftār baḌhā dī ga.ī hai
aib dīvār ke hoñge zāhir
merī tasvīr haTā dī ga.ī hai
maiñ ne ik dil pe hukūmat kyā kī
mujhe talvār thamā dī ga.ī hai
ab mohabbat kā sabab hai vahshat
varna hasrat to miTā dī ga.ī hai
ab yahāñ se nahīñ jā saktā koī
ab yahāñ sham.a jalā dī ga.ī hai
is liye jam ke yahāñ baiThā huuñ
mujh ko merī hī jagah dī ga.ī hai
jaisa hun jis haal mein hun achchha hun main:------
jaisā huuñ jis haal meñ huuñ achchhā huuñ maiñ
tum ne zinda samjhā to zinda huuñ maiñ
ik āvāz ke aate hī mar jā.ūñgā
ik āvāz ke sunñe ko zinda huuñ maiñ
khule hue darvāze dastak bhuul chuke
indar aa jaao pahchān chukā huuñ maiñ
aur koī pahchān mirī bantī hī nahīñ
jānte haiñ sab log ki bas terā huuñ maiñ
jaane kis ko raazī karnā hai mujh ko
jaane kis kī ḳhātir naach rahā huuñ maiñ
ab to ye bhī yaad nahīñ ki mohabbat meñ
kab se tere paas huuñ aur kitnā huuñ maiñ
waqt ki tarah tere hath se nikle hue hain:----
vaqt kī tarah tire haath se nikle hue haiñ
ham sitāre haiñ magar raat se nikle hue haiñ
ḳhāmushī ham pe girī āḳhirī miTTī kī tarah
aise chup haiñ ki har ik baat se nikle hue haiñ
ham kisī zo.am meñ nārāz hue haiñ tujh se
ham kisī baat pe auqāt se nikle hue haiñ
ye mirā ġham hai mire dost magar tū ye samajh
ashk to shiddat-e-jazbāt se nikle hue haiñ
ham ġhulāmī ko muqaddar kī tarah jānte haiñ
ham tirī jiit tirī maat se nikle hue haiñ
aankh uTha kar tujhe dekha na pukara maine:----
aañkh uThā kar tujhe dekhā na pukārā maiñ ne
hijr kī tarah tirā vasl guzārā maiñ ne
kyā faqat merī adab se hī parakh hogī yahāñ
vo jo ik ishq tire ishq meñ haarā maiñ ne
tū ne jo qarz kī sūrat meñ judā.ī dī thī
nasl-dar-nasl vahī qarz utārā maiñ ne
ek mānūs sī āvāz ne thāmā mujh ko
ḳhud ko ik baar mohabbat se pukārā maiñ ne
kyā karūñ koī nazar aatā nahīñ tere sivā
kyā batā.ūñ ki kiyā kaisā nazārā maiñ ne
mangte mangte dua mere sath:----
māñgte māñgte duā mire saath
bujh gayā āḳhirī diyā mire saath
tū ne mujh ko tasallī denā thī
tū bhī ai shaḳhs ro paḌā mire saath
dil meñ aayā ḳhayāl tujh se milūñ
chal paḌā ek rāsta mire saath
koī jachtā nahīñ alāva tire
varna ik ham-safar to thā mire saath
bad-nasībī ki ishq kar ke bhī
koī dhoka nahīñ huā mire saath
dushmanī to mirī thī sūraj se
shahr kā shahr jal gayā mire saath
saare chehre hī tere chehre haiñ
tū rahā hai judā judā mire saath
suhulat ho aziyyat ho tumhaare sath rahna hai:----
suhulat ho aziyyat ho tumhāre saath rahnā hai
ki ab koī bhī sūrat ho tumhāre saath rahnā hai
hamāre rābte hī is qadar haiñ, tum ho aur bas tum
tumheñ sab se mohabbat ho tumhāre saath rahnā hai
aur ab ghar-bār jab ham chhoḌ kar aa hī chuke haiñ to
tumheñ jitnī bhī nafrat ho tumhāre saath rahnā hai
hamāre paañv meñ kīleñ aur ā.ankhoñ se lahū Tapke
hamārī jo bhī hālat ho tumhāre saath rahnā hai
tumheñ har sub.h aur har shaam hai bas dekhte rahnā
tum itne ḳhūbsūrat ho tumhāre saath rahnā hai
main khujuron bhare sahraon mein dekha gaya hun -- Written by:-- NADEEM BHABHA
main khujuron bhare sahraon mein dekha gaya hun-----
maiñ khujūroñ bhare sahrāoñ meñ dekhā gayā huuñ
taḳht ke ba.ad tire paañv meñ dekhā gayā huuñ
lamha bhar ko mire sar par koī bādal aayā
kahne vāloñ ne kahā chhāñv meñ dekhā gayā huuñ
phir mujhe ḳhud bhī ḳhabar ho na sakī maiñ huuñ kahāñ
āḳhirī baar tire gaañv meñ dekhā gayā huuñ
tamam umr jale aur raushni nahin ki-------
tamām umr jale aur raushnī nahīñ kī
ye zindagī hai to phir ham ne zindagī nahīñ kī
sitam to ye hai ki mere ḳhilāf bolte haiñ
vo log jin se kabhī maiñ ne baat bhī nahīñ kī
jo dil meñ aatā gayā sidq-e-dil se likhtā gayā
duā.eñ māñgī haiñ maiñ ne to shā.erī nahīñ kī
bas itnā hai ki mirā baḳht Dhal gayā aur phir
mire charāġh ne bhī mujh pe raushnī nahīñ kī
mirī sipāh se duniyā larazne lagtī hai
magar tumhārī to maiñ ne barābarī nahīñ kī
kuchh is liye bhī akelā sā ho gayā huuñ 'nadīm'
sabhī ko dost banāyā hai dushmanī nahīñ kī
main aise moD par apni kahani chhoD aaya hun-----
maiñ aise moḌ par apnī kahānī chhoḌ aayā huuñ
kisī kī aañkh meñ paanī hī paanī chhoḌ aayā huuñ
abhī to us se milne kā bahāna aur karnā hai
abhī to us ke kamre meñ nishānī chhoḌ aayā huuñ
bas itnā soch kar hī mujh ko apne paas tum rakh lo
tumhāre vāste maiñ hukmarānī chhoḌ aayā huuñ
isī ḳhātir mire chāroñ taraf phailā hai sannāTā
kahīñ maiñ apne lafzoñ ke ma.ānī chhoḌ aayā huuñ
'nadīm' is gardish-e-aflāk ko maiñ chaak samjhā to
vahāñ par zindagī apnī banānī chhoḌ aayā huuñ
TERA KHAYAL -- Written by:-- Manoj Muntashir
Aise tera khayal sar-e-shaam aa gaya
Aise tera khayal sar-e-shaam aa gaya
Sab dard muskura uthe
Sab dard muskura uthe
Aaraam aa gaya
Aise tera khayal sar-e-shaam aa gaya
Aise tera khayal...
Pehre lagaaye tumne toh anjaam ye huaa
Pehre lagaaye tumne toh anjaam ye huaa
Parde mein tha jo pyaar
Parde mein tha jo pyaar
Sar-e-aam ho gaya
Aise tera khayal sar-e-shaam aa gaya
Sab dard muskura uthe
Aaraam aa gaya
Aise tera khayal...
Written by:
Manoj Muntashir
Read more: https://www.lyricsmint.com/kaushiki-chakraborty/tera-khayal
Laffaji - by Kush Tyagi
Mere Kuch Alfaz = 01
I hope you like this one