La Malfamuloj

Ĉu vi rigardus kopion de la televidprogramo "familiaj aferoj" kun fuŝaj aktoroj en Esperanto? Jes?! Nu, vi devas aŭskulti ĉi tiun epizodon. Ĉifoje akompanas nin mal-malfamulo, la organizanto de Festo Festo Festo! kaj reĝo de la Hostelo Esperanto en Fortaleza, Brazilo, sed kial li volus akompani ĉi tiujn du malfamajn seriozuloj? Certe ja por mojosigi nian podkaston iomete pli.

Ni faris tion, kion ni promesis neniam fari: Paroli pri Esperanto. Sed...ĉu tio igas nin malbonaj malfamuloj? Ĉu nun ni estas SIMPlaj Esperantistoj? Aŭ ĉu tio igas nin bonegaj volapugistoj?

Hello there, fellow Esperantists, did you hear or read the latest esperanto news? Pff... ĉi tio estas strangega haha. Ĉu la angla vere venkis? Kion ni povas fari? Kiujn kampojn ni povas invadi por venkigi Esperanton? Ja kelkaj ideoj floris, do, eklaboru por E.S.P.E.R.A.N.T.O.!

Kial nia koncepto de estonteco estas tiom malsimila al tiu, kiun havis homoj dum la 80aj jaroj? Kien ni iros kiam Tiktok plenos je niaj onkloj kaj onklinoj? Ni parolas ĉi tie pri negravaĵoj, kaj ankaŭ pri stultaĵoj...kiel eksterteranaj religioj.

Ho, Spaflumo nia, kial daŭre ekzistas homeopatio? Kial ĝi ekzistas dum kraniologio malaperis? Kial niaj prezidantoj estas azenoj?!

La jaro finiĝis por ni la 21an de Marto kiam Pandemio ekiĝis. Nun ni celebras la lastan elsendo de la damna 2020 kundividante kun vi kelkajn el niaj plej profundaj sekretoj... Atentu ĝis la fino, ĉar vere speciala mesaĝo aperos por vi, aŭskultantoj, en ĉi tiuj tempoj de emocio, bondeziroj kaj bakitaj kanabkukoj. Atendu la sekvan epizodon dum Januaro! Feliĉan diboĉon!

Hodiaŭ ni havis invititinon ege specialan, Itzia Durán, tatuartistino de Meksiko, Ŝi diros al ni kial ŝia patrino petis tatuon de ŝi kiam ŝi estis 17 jarojn aĝa, inter aliaj ege kuriozaj anekdotoj. Dume, Pietro kaj Karlos pretigis la nomigon de la plej nova Grafino de Monresneto. Ne forgesu kundividi, ŝati kaj komenti en niaj sociaj retoj!

Kial malkonektiĝas dum tranco la parto de nia cerbo kiu difinas tion kio estas ni, for el tio, kio ne estas ni? Ĉu ĝi estas la fenestro de ia dio, por ke ni trovu ĝin? Kiuj estas la similecoj inter la antikvaj kredoj? Kial fumi kanabon estas rekomendinda afero eĉ en religiaj cirkloj? Kial ni ne devas esti naivaj antaŭ akcepti inviton al Piramida Negoco? Ĉiujn ĉi demandojn ni ne respondos, sed ja, iel, ni pritraktos dum ĉi tiu epizodo. Ne forgesu kundividi, aŭ almenaŭ sendi al ni mesaĝon pri tio, kion vi (mal)ŝatas de nia programo. Ĝis la venonta vendredo!

Kiom ofte vi forgesas ke vi estas la instruisto kaj ke vi devas tuj kuri por via klaso? Karlos ja ofte. Kial vi kredas ke estas tiom da veganoj kaj vegetaranoj en la movado? Ĉu vi mem estas vegano? Ĉu vegetaranoj havas sekretan socion kie ili gastigas aliajn vegetaranojn kiel nia Pasporta Servo? 

Saluton karaj! Jen ni denove, kaj la prognozo diras al ni ke ni ne haltos fari ĉi tion. Hodiaŭ vi lernos iomete pri kio estas Seksperanturismo, iom tikla afero, ĉu ne? Ankaŭ ni priparoletas paĝon de Fejsbuko kaj Instagramo nomita "Sekretoj en Esperanto", ĉu vi jam sekvas ĝin? Fine, Pietro donos al vi la Horoskopojn de ĉi tiu monato. Ne forgesu kundividi kaj inviti viajn geamikojn ŝati nin!

Ĉu vi kredas ke la Iluminatoj polutigis la vakcinon de la Kovim19 per ĉipo por kontroli vian emon iĝi komunista? Ĉu la Tero estas Plata kaj samtempe vakua kaj la reptilianaj interteranoj loĝas ene de la duonsfero en vere progresinta sciencfikciaj urboj? Ĉu krokodili estas simile al reptiliani?? Ne maltrafu ĉi tiun epizodon, kaj malkovru ĉu Pietro travivis militan atakon... aŭ ne.

Saluton, malfamuloj! Jen ni, via Vicreĝo kaj via Markizo. Hodiaŭ ni babilis pri la nova socia reto de Esperantujo "MiaVivo" kaj aliaj interesaj paĝoj kaj apoj, samkiel pri la "GoogleGlass" kaj aliaj interesaj futurecaj inventoj. Je la fino ni rakontis pri niaj spertoj kun alkoholaĵoj dum nia adoleska vivo. Ne trafu la oportunon scii ĉu la hundo de Pietro mortigis iun aŭ ne! Kion vi atendas? Aŭskultu nun la plej mojosan podkaston en Esperanto!

Pietro Von Hertz kaj Carlos Hernández babilas pri ĉio kaj pri nenio. Kial  ni ludas AmongUs? Kiu estas la sekreto malantaŭ la muzikistoj de  Esperantujo? Kial Pietro foriris tiom subite? Malkovru tion kaj (eble  mal)multon pli dum nia unua elsendo de la video-podkasto "La Malfamuloj". La plej mojosa podkasto en Esperanto!