Límónutréð
By Límónutréð
LímónutréðApr 23, 2024
Leikskólinn Aldan - Hvolsvelli
Límónutréð heimsótti leikskólann Ölduna sem er átta deilda leikskóli á Hvolsvelli. Aldan er í nýju og glæsilegu húsnæði sem tekið var í notkun í ágúst 2023. Þær Sólbjört Sigríður Gestsdóttir, leikskólastjóri, og Valborg Jónsdóttir, aðstoðarleikskólastjóri, sögðu okkur frá leikskólastarfinu í Öldunni og ferlinu sem fólst í því að flytja í nýtt húsnæði.
Ærslaleikur - Hugrún Helgadóttir
Límónutréð heimsótti Hugrúnu Helgadóttur leikskólakennara í leikskólanum Jötunheimum á Selfossi. Hugrún sagði okkur frá meistararannsókn sinni sem heitir Ærslaleikur ungra barna: óþarfa hamagangur eða fyrstu skref í samleik?
Kerhólsskóli: Innleiðing flæðis í leikskólastarf - Emilía Lilja Rakelar Gilbertsdóttir og Sigríður Þorbjörnsdóttir
Límónutréð heimsótti Kerhólsskóla á Borg í Grímsnes- og Grafningshreppi og hitti leikskólakennarana Emilíu Lilju Rakelar Gilbertsdóttur og Sigríði Þorbjörnsdóttur. Þær sögðu okkur frá innleiðingu flæðis í leikskólastarf Kerhólsskóla, en hann er samrekinn leik-og grunnskóli.
Emilía Lilja og Sigríður hafa einnig skrifað grein í Netlu ásamt Ingibjörgu Ósk um ferlið:
Eiturefnalaus leikskóli - Inda Björk Gunnarsdóttir
Límónutréð heimsótti Indu Björk Gunnarsdóttur, leikskólastjóra í Kiðagili á Akureyri. Hún sagði okkur sína sögu og hvernig stefnt er að því að hafa leikskólann án eiturefna.
Ingibjörg Sólrún Ágústsdóttir - sönglög til málörvunar
Í þættinum segir Ingibjörg Sólrún Ágústsdóttir, leikskólakennari í Urðarhóli, frá meistaraprófsverkefni sínu sem heitir: Sönglög til málörvunar í íslensku: með börnum af pólskum uppruna.
Lögin og fleira efni má nálgast á vefnum: krakkakunst.com
Jenný Dagbjört Gunnarsdóttir
Samtal við Jennýju Dagbjörtu Gunnarsdóttur, þróunarfulltrúa leikskóla í Hafnarfirði
Anna Elísa Hreiðarsdóttir
Samtal við Önnu Elísu Hreiðarsdóttur, lektor við Kennaradeild Háskólans á Akureyri
Hæglæti í leikskólastarfi - Alison Clark og Kari Carlsen
Í þættinum fjalla þær Alison Clark og Kari Carlsen um hæglæti í leikskólastarfi. Þær heimsóttu Ísland vorið 2023 og Límónutréð var svo heppið að ná samtali við þær.
Móttaka og leiðsögn í leikskóla - Linda Ósk Sigurðardóttir
Í þættinum segir Linda Ósk Sigurðardóttir, sérkennslustjóri í leikskólanum Hlíð í Reykjavík, okkur frá meistararannsókn sinni. Linda Ósk lauk meistaranámi í starfstengdri leiðsögn og kennsluráðgjöf við Menntavísindasvið HÍ og í rannsókninni skoðaði hún móttöku og leiðsögn nýs starfsfólks í leikskóla.
Leikskólinn Iðavöllur, Akureyri
Í þættinum heimsækjum við leikskólann Iðavöll á Akureyri og tölum við Önnu Lilju Sævarsdóttur leikskólastjóra. Við fórum um víðan völl enda á leikskólinn sér langa sögu og margt áhugavert er framundan í starfinu, t.d. eru kennarar að taka þátt í nýju verkefni sem tengist hæglæti og fljótlega verður opnuð ungbarnadeild í húsnæði grunnskóla í hverfinu.
Fjölmenning í leikskólum - Fríða Bjarney Jónsdóttir
Í þættinum segir Fríða Bjarney Jónsdóttir, deildarstýra Nýsköpunarmiðju menntamála hjá Skóla-og frístundasviði Reykjavíkurborgar, okkur frá starfi sínu. Fríða Bjarney segir okkur einnig frá doktorsrannsókn sinni sem þar sem hún skoðar námsrými fjöltyngdra barna í leikskólum. Þar sem Barnamenningarhátíð stendur nú yfir í Reykjavík, endum við á lagi hátíðarinnar 2023, Kæri heimur með hljómsveitinni Flott
Jónína Hauksdóttir varaformaður KÍ
Í þættinum er rætt við Jónínu Hauksdóttur varaformann KÍ. Hún leikskólakennari frá Akureyri. Hún segir okkur hvernig nýtt starf leggst í hana og hvaða áherslur hún hefur þar.
Miðstöð skólaþróunar við Háskólann á Akureyri
Í þættinum segja þau Íris Hrönn Kristinsdóttir og Gunnar Gíslason okkur frá Miðstöð skólaþróunar við Háskólann á Akureyri. Þar er unnið að ýmsum áhugaverðum verkefnum sem m.a. tengjast leikskólastiginu.
Málörvun og læsi í leikskólum - Dr. Rannveig Oddsdóttir
Límónutréð heimsótti Dr. Rannveigu Oddsdóttur, lektor við Háskólann á Akureyri. Hennar sérsvið er málþroski og læsi og í þættinum fjallar hún um sínar rannsóknir sem tengjast málörvun og læsi í leikskólum.
Flæði og jákvæð sálfræði - Leikskólinn Ugluklettur í Borgarnesi
Í þessum þætti heimsækjum við leikskólann Ugluklett í Borgarnesi þar sem unnið er í út frá kenningu Mihaly Csikszentmihalyi um Flæði og hugmyndafræði jákvæðrar sálfræði. Þær Kristín Gísladóttir, leikskólastjóri og Elín Friðriksdóttir, aðstoðarleikskólastjóri, sögðu okkur frá starfinu í Uglukletti og hvernig það hefur þróast frá opnun leikskólans árið 2007.
Raunfærnimat í leikskólakennaranámi
Í þættinum segja þær Ína Dögg Eyþórsdóttir, Dr. Anna Magnea Hreinsdóttir og Dr. Ingibjörg Ósk Sigurðardóttir frá raunfærnimati í leikskólakennaranámi við Menntavísindasvið Háskóla Íslands. Um þessar mundir er verið að meta þróunarverkefni um raunfærnimat sem unnið var á þessu skólaári og taka ákvarðanir um næstu skref.
Samskipti tveggja ára barna - Bryndís Gunnarsdóttir
Í þessum þætti kynnumst við Bryndísi Gunnarsdóttur, leikskólakennara frá Ísafirði og doktorsnema við Menntavísindasvið. Hún segir okkur frá dokotorsverkefninu sínu þar sem hún skoðar samskipti tveggja ára leikskólabarna.
Yngstu börnin í leikskólanum - Dr. Hrönn Pálmadóttir
Í þættinum segir Dr. Hrönn Pálmadóttir, dósent við Menntavísindasvið Háskóla Íslands, okkur frá rannsóknum sínum sem tengjast yngtu leikskólabörnunum. Hvað þarf að hafa í huga þegar leikskólastarf fyrir yngstu börnin er skipulagt?
Leiklist í Laufskálum - Hildur Lilja Jónsdóttir og Sigríður Jóna Clausen
Í þessum þætti heimsóttum við leikskólann Laufskála í Grafarvogi sem leggur áherslu á leiklist starfinu. Hildur Lilja Jónsdóttir leikskólastjóri, og Sigríður Jóna Clausen verkefnastjóri, sögðu okkur frá hvernig unnið er með leiklistina bæði í skipulögðum stundum og hvernig hún fléttast inn í daglegt starf.
Styrking leikskólastigsins - skýrsla starfshóps
Í þessum fyrsta þætti haustins komu fulltrúar starfshóps á vegum Mennta-og menningarmálaráðuneytsins um styrkingu leikskólastigsins og kynntu tillögur hópsins. Hópurinn leggur fram fjölþættar tillögur um hvernig efla megi skólastarf á leikskólastigi, m.a. um endurskoðun á aðalnámskrá leikskóla, reglugerð um starfsumhverfi leikskóla og byggingarreglugerð. Tillögurnar eru nú til umfjöllunar í ráðuneytinu, m.a. í samhengi við fyrstu innleiðingaráætlun nýrrar menntastefnu sem kynnt verður í haust. Hér má nálgast skýrsluna í heild sinni: https://www.stjornarradid.is/efst-a-baugi/frettir/stok-frett/2021/08/23/Breytingar-sem-efla-leikskolastarf/
Fararheill - Björn Rúnar Egilsson og Friðborg Jónsdóttir
Við áttum skemmtilegt spjall við þau Björn Rúnar Egilsson og Friðborgu Jónsdóttur, sem bæði eru doktorsnemar og aðjúnktar við Menntavísindsvið. Þeirra rannsóknir eru hluti af stærra verkefni sem kallast Fararheill: stuðningur við jákvæðan flutning barna með fjölbreyttan tungumála og menningarbakgrunn úr leikskóla í grunnskóla. Við fengum innsýn í þeirra rannsóknir og inn í líf doktorsnemans.
Samfélagið og leikskólinn - Sigríður Gunnarsdóttir leikskólastjóri Arakletts á Patreksfirði
Í þættinum fáum við innsýn í leikskólastarf á Patreksfirði. Sigríður Gunnarsdóttir leikskólastjóri okkur frá hvernig starfinu í Arakletti og hvernig samfélagið allt tekur þátt í því.
Reynsla karla af leikskólastörfum - Dr. Þórdís Þórðardóttir
Í þættinum segir Dr. Þórdís Þórðardóttir, dósent í uppeldis- og menntunarfræði við Háskóla Íslands, okkur frá nýrri bók sem fjallar um reynslu karla af leikskólastörfum. Bókin heitir Exploring Career Trajectories of Men in the Early Childhood Education and Care Workforce: Why They Leave and Why They Stay. Ritstjórar eru David L. Brody, Kari Emilsen, Tim Rohrmann og Jo Warin. Bókin byggir á niðurstöðum úr alþjóðlegri rannsókn sem fram fór í þrettán löndum víðs vegar um heiminn. Þórdís er meðhöfundur tveggja kafla í bókinni.
Nánari upplýsingar um bókina er að finna hér
Samtal um fagið - nýtt námskeið í leikskólakennaranámi við Menntavísindasvið
Í þessum þætti fengum við fjóra kennara frá Menntavísindasviði til okkar, Dr. Kristínu Karlsdóttur, Önnu Katarzynu Wozniczka, Renötu Emilsson Pesková og Dr. Susan Rafik Hama. Þær segja okkur frá nýju námskeiði í leikskólakennaranáminu við sviðið þar sem leikskólakennaranemum með annað móðurmál en íslensku er boðið upp á samtalsvettvang um fagið.
Áhrif fyrstu bylgju Covid-19 á leikskólastarf
Gestir okkar að þessu sinni eru Anna Elísa Hreiðarsdóttir lektor og Kristín Dýrfjörð dósent, sem báðar starfa við Háskólann á Akureyri. Í þættinum spjöllum við saman um rannsóknir okkar sem snúa að áhrifum fyrstu bylgju Covid-19 á leikskólastarf, út frá sjónarhóli stjórnenda og starfsfólks í leikskólum.
Framúrskarandi lokaverkefni sem tengjast leikskólastarfi - Linda Rún Traustadóttir og Melkorka Kjartansdóttir
Í þættinum segja þær Linda Rún Traustadóttir og Melkorka Kjartansdóttir okkur fá lokaverkefnum sínum sem nýverið hlutu viðurkenningu frá skóla-og frístundasvið Reykjavíkurborgar. Linda Rún skoðaði áskoranir í starfi leikskólastjóra og Melkorka útbjó stafrænt fræðsluefni fyrir leiðbeinendur í leikskólum. Við óskum þeim báðum til hamingju með þennan glæsilega árangur
Samstarfsaðilar í leikskólakennaranámi - Svava Björg Mörk
Í þættinum segir Svava Björg Mörk frá rannsókn sinni sem fjallar um samstarf hagmunaaðila í leikskólakennaranámi. Svava Björg er aðjúnkt og doktorsnemi við Menntavísindasvið Háskóla Íslands. Auk þess er hún annar helmingur Límóntrés dúettsins
Umboðsmaður barna - Salvör Nordal
Límónutréð fór og hitti Salvöru Nordal sem situr í embætti umboðsmanns barna. Salvör sagði okkur frá því um hvað embættið snýst og hvers vegna það er mikilvægt. Heimasíða umboðsmanns barna er barn.is
Krikaskóli
Krikaskóli er samþættur leik-og grunnskóli í Mosfellsbæ fyrir börn á aldrinum 2ja - 9 ára. Þrúður Hjelm skólastjóri segir okkur frá sérstöðu skólans; hvernig hugmyndafræðin og húsnæðið og lóðin vinna saman.
Hetjuspilið - Gunnar Kristinn Þorgilsson
Í þættinum segir Gunnar Kristinn Þorgilsson okkur frá Hetjuspilinu sem hann útbjó sem lokaverkefni til B.ed prófs í leikskólafræði. Gunnar Kristinn er nú meistaranemi við Menntavísindasvið og undirbýr rannsókn í tengslum við spilið fyrir meistaraverkefni sitt. Markmið spilsins er m.a. að ýta undir félagsfærni og málþroska barna.
Mikilvægt að börn fái tækifæri til að leika sér og tjá sig - Dr. Kristín Karlsdóttir
Í tíunda þætti þessar árs kom Dr. Kristín Karlsdóttir dósent við Menntavísindasvið Háskóla Íslands í spjall við okkur í Límónutrénu. Hún sagði okkur frá helstu rannsóknum sínum og frá þeim breytingum sem eru að verða í leikskólakennaranáminu.
"Mér finnst rosalega merkilegt að vera leikskólakennari" - Kolbrún Lára Kjartansdóttir, meistaranemi
Við áttum samtal við Kolbrúnu Láru Kjartansdóttur sem er meistaranemi í leikskólakennarafræði. Hún sagði okkur frá upplifun sinni af náminu og hvers vegna hún valdi þessa leið. Kolbrún Lára heldur úti Instagram síðu sem heitir leikskólakennari.
Nýfrjálshyggja í menntakerfinu og vísindasmiðjur í leikskólum
Límónutréð nýtti sér tæknina sem við lærðum í samkomubanninu og átti samtal við Kristínu Dýrfjörð í gegnum fjarfundbúnað. Kristín er dósent við Kennaradeild Háskólans á Akureyri og hefur lengi komið að málefnum leikskóla á Íslandi frá ýmsum hliðum. Hún segir okkur sína sögu
Útinám í Stekkjarási - Alda Agnes Sveinsdóttir og Unnur Henrysdóttir
Þær Alda Agnes Sveinsdóttir leikskólastjóri og Unnur Henrysdóttir deildarstjóri sögðu okkur frá leikskólastarfinu í Stekkjarási þar sem áhersla er lögð á útinám. Margt áhugavert að gerast hjá þeim
Lausnahringurinn í Brákarborg - Sólrún Óskarsdóttir og Arnrún Magnúsdóttir
Í leikskólanum Brákarborg er unnið frábært starf með Lausnahringinn. Þetta er verkefni sem börnin í leikskólanum hafa tekið virkan þátt í að móta. Sólrún Óskarsdóttir leikskólastjóri og Arnrún Magnúsdóttir deildarstjóri segja okkur frá Lausnahringnum
Snerting, jóga, slökun - lærdómssamfélag í Reynisholti - Aðalheiður Stefánsdóttir
Í þættinum segir Aðalheiður Stefánsdóttir, leikskólastjóri, okkur frá því hvernig unnið hefur verið með nálgun lærdómssamfélags í leikskólanum Reynisholti. Áherslur leikskólans eru snerting, jóga og slökun sem eru þættir sem Límónutréð mælir með að fólk tileikni sér á þessum viðburðaríku dögum
Staða leikskólakennaranema við Menntavísindasvið Háskóla Íslands - Dr. Amalía Björnsdóttir og Dr. Þuríður Jóhannsdóttir
Þær Dr. Amalía Björnsdóttir og Dr. Þuríður Jóhannsdóttir, sem báðar eru prófessorar við Menntavísindasvið Háskóla Íslands, segja okkur frá áhugaverðum niðurstöðum rannsóknar sem þær gerðu á stöðu leikskólakennaranema við sviðið. Hægt er að lesa meira um niðurstöðurnar í skýrslun sem þær gáfu út ásamt Höllu Jónsdóttur, aðjúnkt við Menntavísindasvið HÍ: www.menntavisindastofnun.hi.is/utgafa
Fagmennska leikskólakennara - Arna H. Jónsdóttir
Í þættinum segir Dr. Arna H. Jónsdóttir, dósent við Menntavísindasvið Háskóla Íslands, okkur sögu sína. Arna hefur snert á mörgum ólíkum þáttum tengdum leikskólastarfinu. Hún segir okkur einnig frá rannsóknum sínum sem flestar snúa að fagmennsku leikskólakennara og stjórnun menntastofnanna.
Hvað er að gerast í leikskólum Reykjavíkur - Skúli Helgason
Límónutréð hitti Skúla Helgason formann Skóla-og frístundaráðs Reykjavíkurborgar. Skúli sagði okkur frá því helsta sem er að gerast í leikskólamálum borgarinnar og að sjálfsögðu ræddum við heitasta málið í dag - fyrirhugaða styttingu opnunartíma leikskóla í Reykjavík.
Litla menntabúðin í Reykholti - Ingibjörg Kristleifsdóttir
Límónutréð er loksins komið úr jólafríi og segir gleðilegt nýtt ár við hlustendur sína. Í fyrsta þætti ársins segir Ingibjörg Kristleifsdóttir okkur frá Litlu menntabúðinni í Reykholti, Borgarfirði. Nánari upplýsingar má finna á http://litlamenntabudin.heimskringlan.is/
Jólakveðja frá Límónutrénu
Límónutréð sendir jólakveðju og þakkar fyrir góðar móttökur á árinu. Fyrir okkur hefur þetta verið mjög skemmtilegt ferli, áhugavert og lærdómsríkt. Við höfum náð að senda frá okkur 18 þætti síðan um miðjan ágúst og við erum hvergi hættar og höfum margar hugmyndir fyrir nýja þætti.
Gleðileg jól
Bættar starfsaðstæður í leikskólum í Grindavík
Í þessum þætti skelltu Límónutrés-konur sér til Grindavíkur. Við fréttum að fræðsluráð Grindavíkurbæjar ákvað að verða við tillögum starfshóps um bættar starfsaðstæður í leikskólum bæjarins og ákváðum því að skella okkur til Grindavíkur þar sem vel var tekið á móti okkur
Lærdómssamfélagið í Aðalþingi - Dr. Guðrún Alda Harðardóttir
Í þættinum segir Dr. Guðrún Alda Harðardóttir okkur frá leikskólastarfinu í leikskólanum Aðalþingi. Leikskólinn hefur m.a. nýverið gefið út bókina: Í anda Barnasáttmálans í 10 ár í Aðalþingi, í tilefni 30 ára afmælis Barnasáttmálans. Nánari upplýsingar um starfið í Aðalþingi má finna á heimasíðunni adalthing.is
Hvað segja nýútskrifaðir leikskólakennarar?
Við áttum skemmtilegt samtal við þrjá nýútskrifaða leikskólakennara sem allar fengu viðurkenningu frá Reykjavíkurborg fyrir framúrskarandi meistaraverkefni. Þær Ingunn Heiða Kjartansdóttir, Sólveig Björg Pálsdóttir og Valdís Ingimarsdóttir segja okkur fá meistaraverkefnunum sínum og hvernig er að vera nýútskrifaður leikskólakennari í dag. Við í Límónutrénu erum bjartsýnar á framtíð stéttarinnar eftir þetta samtal.
Wonders of Waste - Leikskólinn Akrasel
Límónutréð fór í bíltúr upp á Akranes og heimsótti leikskólann Akrasel. Þar hittum við Anneyju Ágústdóttur og Sigurrósu Ingimarsdóttur sem sögðu okkur frá helstu áherslum leikskólans og spennandi Erasmus+ verkefni sem er að fara í gang. Verkefnið heitir Wonders of Waste og það er hægt að fylgjast með því á Facebook
Jafnrétti kynjanna og virðingasess í barnahópnum - Þórdís Þórðardóttir
Þórdís Þórðardóttir dósent í uppeldis-og menntunarfræði við Menntavísindasvið Háskóla Íslands, segir frá rannsóknum sínum síðustu ár. Hún hefur skoðað jafnrétti kynjanna frá ólíku sjónarhornum.
Leyndarmál Rauðhólsgleðinnar
Hér segja þær Elín Guðrún Pálsdóttir og Sigríður Sigurjónsdóttir, verkefnisstjórar, frá þróunarverkefni sem unnið var í leikskólanum Rauðhól í Norðlingaholti.
Sýn barna á leik - Sara Margrét Ólafsdóttir
Í þættinum segir Sara Margrét Ólafsdóttir okkur frá doktorsverkefninu sínu þar sem hún skoðaði hvernig börn skilgreina leik og hvernig þau sjá hlutverk fullorðinna í leiknum. Hún segir okkur frá áhugaverðum rannsóknarverkefnum sem hún tekur þátt í í dag, sem nýráðinn lektor við Menntavísindasvið.
Fjóla Þorvaldsdóttir
Í þættinum segir Fjóla Þorvaldsdóttir sögu sína. Hún útskrifaðist sem fóstra 1983 og lauk meistaraprófi á síðasta ári. Meistaraverkefnið hennar fólst í því að gera námsvef um upplýsingatækni sem heitir Fikt (fikt.kopavogur.is). Fjóla segir okkur einnig frá áhugaverðum menntabúðum sem verða 23. október á vegum faghóps um skapandi leikskólastarf. Fjóla hefur einnig verið varaformaður félags leikskólakennara.
Hildur Skarphéðinsdóttir
Hér segir Hildur Skarphéðinsdóttir okkur sögu sína. Hún var ung stelpa þegar hún ákvað að verða fóstra og hefur langa reynslu sem leikskólakennari, leikskólastjóri og leikskólaráðgjafi. Margir þekkja Hildi einnig síðan hún var skrifstofustjóri fagskrifstofu leikskólamála hjá skóla-og frístundasviði Reykjavíkurborgar.