LONDON ÜBERLEBE

MIT STARKEM HEUSCHNUPFE SIMER IM RICHEVIERTEL MARYLEBONE UNTERWEGS UND SCHNUDERE DE LÜT IN IHRI MONCLER GILETS

ENGLAND GEGE SCHWIZ IM WEMBLEY, BESSER CHÖNTI DE TAG FASCHT NID WERDE, D SUNNE SCHINT UND Z BIER FLIESST. YANIK HET E GROSSE WUNSCH FÜRD MICHELLE FÜR IHRE ERSTE STADIONBSUECH, WIRDSIS MACHE? UND JETZT, HOPP SCHWIZ

VOM BILLIGE GRUSIGE PUB BIS ZU DE GROSSE CLUBS, WAS ISCH AM GÜNSCHTIGSCHTE, WO BECHUNTME E LEBENSMITTELVERGIFTIG UND AM WICHTIGSCHTE, WIE SI D VIBES? DAS ALLES IR NEUE FOLG LONDON ÜBERLEBE

VIEL ISCH WIEDER PASSIERT IN LONDON. COVID ISCH OFFIZIELL VERBIE UND MIR LUEGE ZRUCK WIE DE BORIS DE LOCKDOWN VERBRACHT HET UND WIE MIR MIT IHM E GUETE SAMSTIG ABE WÜRDE VERBRINGE

NEW YEAR, NEW ME. WIE ALLI "PROBIERT" OH LONDON ÜBERLEBE NEUJAHRSVORSÄTZ UMZSETZE UND ES WIRD IM NEUE JAHR PAAR VERÄNDERIGE GEH, DIE EUCH LONDON SO NAH BRINGE WIE NO NIE!

SO E CHAOTISCHI FOLG DASMES GAR NID I EIRE BESCHRIBIG CHA ZEMEFASSE, SOMIT VIEL SPASS MIT DER LODON ÜBERLEBE SWITZERLAND EDITION.

ES ISCH WIEDER BYE WEEK IN LONDON, D ZIT ALLNE TSCHÜSS Z SEGE BEVOR SI ZUR FAMILIE HEIGÖH FÜR WIEHNACHTE. WÄHREND DERE ZIT MUESME NORMALERWIS OH AR LEBERE TSCHÜSS SEGE FÜR 1 WUCHE, DA MEH WÄHREND DERE ZIT DEFINITIV JEDE ABE IRGENDWO IME PUB ISCH...

ES ISCH VILLICHT DIE UFREGENSTI FOLG BIS JETZT, MIR SI I WILDE WESTE VO LONDON GFAHRE UND HEI E FOLG MITEME SEHR SPANNENDE GAST UFGNOH, WO VILLICHT SOGAR MITEMEME BERÜEHMTE BRITISCHE SCHAUSPIELER BEFRÜNDET ISCH?

BACK TO NORMAL, MIR SI BEIDI WIEDER IN LONDON. ES FÜEHLTSECH ALLES WIE NEU AH, ABER D PROBLEM BLIBE GENAU DI GLICHE, WOHNIGSSUECHI!

DIE LETSCHTI FOLG US STUTTGART ISCH NATÜRLECH NID WIE PLANT GLOFFE, DESWEGE HEIMER ANSTATT VERGLICHE ZWÜSCHE STUTTGART UND LONDON Z MACHR, EIFACH ÜSES PERFEKTE DINNER PLANT.

WÄHREND MICHELLE DIE LANG ERSEHNTI PARTY NACHDER MASTERARBEIT GFIRET HET, HET YANIK STUTTGART KULINARISCH UNDER D LUPPE GNO. DA BEIDES NID SO UNGLOUBLECH ISCH WIEMERS ÜS ERHOFFT HEI, SIMER SCHNELL ZURE LONDONER SEHENSWÜRDIGKEIT CHO, WO ABER PRAKTISCH NO FASCHT NIE E LONDONER GSI ISCH

DIREKT USEM CHANDOS PUB IM ZENTRUM VO LONDON MELDE MIR ÜS NACH LANGER ZIT ENTLICH WIEDER ZEME. BIR FRAG WAS YANIK AM MEISCHTE VERMISST HET ISCH SCHNELL E ENGLISCHI TRADITION UFCHO WO IHR DEFINITIV NID KENNET. ZUESÄTZLECH WIRD LONDON ÜBERLEBE ZUM REISEBÜRO UND MIR LÖH EUCH BI ÜSERE BRITISCHE FERIEPLAHNIG LA TEIL HA

NACHDEM D MICHELLE IHRE (EXTREM BRITISCHE) FERIEPLAN VERZELLT HET, ISCHES SOWIT. MIR ERSTELLE ÜSI EIGENI REALITY TV SHOW! E SHOW WIE'S NO NIE GEH HET UND Z GANZE REALITY GAME VILLICHT SOGAR CHA UFE KOPF STELLE?

D VERBINDIG VO LONDON NACH STUTTGART STEIT EINIGERMASSE OKAY, DERFÜR ISCH DER INHALT VO DERE FOLG VIEL BESSER ALS NUR OKAY. ES GEIT UM DIE ERSCHTE NEUGSAMMLETE PARTY ERLEBNISS NACHEM LOCKDOWN UND UM Z BERÜEHMTISCHTE PUB QUIZ IN LONDON MITEME RICHTIGE PROMI ALS MODERATOR

LONDON ÜBERLEBE DIESMAL DIREKT USEM BETT MIT VERSCHTOPFTE NASE UND HUESCHTTABLETTE, DESWEGE DIE KURZI FOLG. KE ANGSCHT, ES WIRD AKÜNDET WENN D MICHELLE ES NASTÜECHLI ZERSCHNÜTZT. AM SCHLUSS GITS NO WICHTIGI INFORMATIONE ÜBER DIE NECHSCHTE PAAR FOLGE!

WÄHREND D MICHELLE IHRI IMPFIG DEFINITIV NID WIRD VERGESSE, STEITS BI YANIK SCHO 5 VOR NACHBARSCHAFTSKRIEG UND DAS GANZE AM ZWÖITE TAG, ZUESÄTZLECH TESTE MIR MICHELLE‘S U-BAHN KENNTNIS MITEME CHLINE EMOJI QUIZ

HÜT WIRD ÜSES LITTLE SWITZERLAND UFBOUT MIT PAAR RICHTIG GEILE FEATURES, FREUET EUCH SCHO JETZT UF DIE NEUI SEHENSWÜRDIGKEIT IN LONDON

NACHERE KURZE PAUSE SIMER ZRÜGG MITERE FOLG DIREKT USEM VERDAMMT HEISE SWISS COTTAGE. ES ISCH PROMI ALARM IM PUB, ABER WER ISCHES UND WIE VERHALTESECH LONDONER WEME MAL INNERHALB VO 5MIN KES UBAHN SCHILD GSEHT, ALL DAS UND NOMEH IR NEUE FOLG LONDON ÜBERLEBE

HÜT FIREMER 30. FOLGE LONDON ÜBERLEBE UND HEI SPONTAN E KURZE PUB CRAWL GSTARTET, MACHET EUCH ES BIER UF UND CHÖMMET MIT ÜS UFNE PUB TOUR IN LONDON.

MIR SI MAL WIEDER IN KINGS CROSS I ÜSEM GELIEBTE PUB AR HAUPTSTRASS ALSO ISCHES MAL WIEDER RICHTIG LONDON ÜBERLEBE STYLE. MICHELLE HET DR NÄCHSCHT SCHRITT MIT IHRER NACHBARIN GMACHT UND YANIK VERZELLT VO SIM GRÖSCHTE FREMDSPRACHE FAIL

IR HÜTIGE FOLG VERZELLT YANIK WIE SCHLIMM SINI ERSTE ZWÖI WUCHE I DE PUBS SI GSI, ZUESÄTZLECH VERZELLEMIR WIE VIEL D QUEEN WÜRKLECH TRINKT...

MIR SI ZRÜGG IM PUB UND ES GEIT ENDLECH WIEDER LOS, ODER WIE YANIK GERN SEIT "ES ISCH E STIMMIG WIE NO NIE"...

NACHEME WILDE BANK HOLIDAY WEEKEND SIMER ZRÜGG IN KINGS CROSS UND REDE ÜBER DIE 5 SACHE WODE IN LONDON MUESCH GMACHT HA UM E WAHRE LONDONER Z WERDE

MIR SI LEIDER SCHNELLER WIEDER AM TELEFON GSI ALSMER DENKT HEI, DA DER WIND ÜSI FOLG DUSSE KOMPLETT KAPUTT GMACHT HET. Z GUETE ISCH, ENDLECH GEBEMER ÜSI JOB TIPPS AB

LONDON ÜBERLEBE ISCH WIEDER ZRÜGG IR ALTE FORM, DS HEISST MIR SI WIEDER DUSSE IN KINGS CROSS AM UFNEH GSI, ALLERDINGS ISCHES I DERE FOLG MEH UM Z WIEDERSEH GANGE ALS UM LONDON A SICH, TROTZDEM SI PAAR HILFRICHI TIPPS DERBI...

IR HÜTIGE FOLG GEITS UM MICHELLE‘S RÜCKREIS UND WIE SICH D ENGLÄNDER AM FLUGHAFE VERHALTE. ZUESÄTZLECH GITS WICHTIGI INSIDER TIPPS ZU DE SECHS VERSCHIDNIGE FLUGHÄFE IN LONDON

LONDON ÜBERLEBE

WAS WÜRD DIE GANZI KÖNIGLICHI FAMILIE MACHE WENNSI NID ROYALS WÄRE UND I NORMALE JOBS WÜRDE ARBEITE? I DERE FOLG ÜBERLEGEMER ÜS DIE PERFEKTE JOBS FÜR ÜSI LIEBLINGSFAMILIE USEM PALAST.

I DERE JUBILÄUMSFOLG LUEGEMER UF DIE ERSCHTE 20 FOLGE ZRÜGG UND REDE ÜBER ÜSI HIGHLIGHTS, DERZUE GITS PAAR INSIDER INFOS ZU DE SCHLIMMSCHTE FOLGE. NACHDEM WIRDS ENDLICH MAL INFORMATIV, MIR GEBE TIPPS FÜRD WOHNIGSSUECHI IN LONDON.

IR HÜTIGE FOLG WIRD SO GFIIRET WIE NO NIE, ONKEL BORIS HET D KARTE GLEIT UND ÜS D ZUEKUNFT ZEIGT... ZUESÄTZLICH HET D MICHELLE ES PAAR INSIDER INFO ÜBER ONKEL BORIS UND WO ER GERN CHLI CHILLT.

LONDON ÜBERLEBE FOKUSSIERTSECH I DERE FOLG UF DIE VIELE DÜTSCHE UND ENGLISCHE WÖRTER WOMER NID I DIE ANDERI SPRACH CHÖI ÜBERSETZE UND WIESO DAS ALLES MIT YANIK‘S LIEBLINGSFORMAT REALITY TV VERBUNDE ISCH.

FORTBEWEGIGSMITTEL WERDE IR HÜTTIGE FOLG GROSS GSCHRIBE, UND NEI ES GEIT NID UME ÖFFENTLECHE VERKEHR. WÄHREND D MICHELLE VORE GMÜETLECHE VELOTOUR DÜRE PARK TRÖIMT, VERZELLT YANIK WIESO DASS DAS SI ALBTRAUM WÄR...

DR KAMPF ZWÜSCHE ÜSERE ZAHNFEE MICHELLE UNDEM ZAHN ISCH ENDLECH VERBI, WÄHRENDEM HET YANIK SIS ABSOLUTE LOCKDOWN HIGHLIGHT ERLEBT... ZUESÄTZLECH ISCH DISKUTIERT WORDE OBMER VILLICHT NO ÖPPIS VO BRIDGERTON KÖNNTE LERNE...

D WINTERPAUSE ISCH VERBI UND LONDON ÜBERLEBE ISCH HALB ZRÜGG. WÄHREND D MICHELLE NO IR SCHWIZ MITEM NEUE NASEVELO KÄMPFT ISCH YANIK SCHOWIEDER VOLL IN LONDON AHCHO UND ISCH WIEDER RICHTIG IM LOCKDOWN VIBE.

LONDON ÜBERLEBE DISMAL DIREKT USDER QUARANTÄNE IR SCHWIZ. MIR SI ZEME MIT VIELNE RICHE ENGLÄNDER VOM SINKENDE SCHIFF NAMENS LONDON ABGSPRUNGE, UM DIREKT IM SCHWIZERLOCKDOWN Z'ERTRINKE. ZUESÄTZLECH HEIMER E EIGETE WIEHNACHTSFILM IM LONDON ÜBERLEBE STYLE KREIERT WO DIE GANZI WIEHNACHTSFILM BRANCHE KÖNNT REVOLUTIONIERE, VIEL SPASS... :)

NACH 3 VERSÜECH DUSSE HEIMER ÜS DOCH ENTSCHIDE MAL WIEDER BI MICHELLE DAHEIM UFZNEH, ISCH JA SCHLIESSLECH ES „BUSINESSMEETING“ FALLS ONKEL BORIS FRAGT. ZERSCHTE MAL HEIMER E GAST DERBI GHA WO ÜS SINI SICHT UFD SCHWIZ ERKLÄRT HET.

E SEHR UFREGENDI FOLG MIT MEHRERE LOCATIONS, VIEL THEME UND NO MEH BIER. EURI GUIDES YANIK UND MICHELLE HEISECH DÜR DIE BRITISCHI GOURMETKUCHI GESSE NUR DASMER ÖPPIS DÖRFE TRINKE UND MAL WIEDER Z PUBFEELING GNIESSE.

WELE IDIOT HET EIGENTLICH ENTSCHIDE DASMER IN ENGLAND MILES, FEET, INCHES, STONES UND DE SCHEISS BRUCHE ANSTATT WIE JEDES NORMALE LAND ZRECHNE? DFRAG ISCH NUR MACHEMERS BESSER ODER SCHLECHTER? CHLINE SPOILER, DEFINITIV SCHLECHTER.

Z ENDI VOM LOCKDOWN ISCH NACH UND D STIMMIG STIGT WIEDER. MITEME DOSEBIER „DELUXE“ SITZEMER IN KINGS CROSS UND FIIRE ÜSI 10 FOLG LONDON ÜBERLEBE.

ZWÖITI LOCKDOWN FOLG UND DAS WIEDER DIREKT US KINGS CROSS. MEH MERKT DAS ÜS LÄNGWILIG ISCH UND NÜT MEH ERLEBE, DESWEGEN FAHT YANIK AH MIT SINE NACHBARE Z REDE UND MICHELLE HET D MEDITATION FÜR SICH ENTDECKT...

ERSCHTI FOLG USEM LOCKDOWN USE ISCH NID SO GANGE WIE PLANT, ALSO HET YANIK SPONTAN SCHNELL NACH KINGS CROSS MÜESE FLITZE UM IR KÄLTI A HIPSTERS ZUEZLUEGE WIESI £8 TÜÜRE KAFFI SCHLÜRFE UND DERZUE SELBERDREITI ZIGIS ROUCHE, WILLS HALT COOLER ISCH. WASME NID ALLES MACHT FÜR LONDON ÜBERLEBE...

DIE LETSCHTI FOLG ZEME IME PUB VOREM ZWÖITE LOCKDOWN, FAHT MICHELLE WIEDER AFAH ZOCKE UFEM HANDY ODER WERDE D HAAR WIEDER GFÄRBT? WIRD YANIK WIEDER GAME-SÜCHTIG ODER WIRD MAL WIEDER E GUETE GRATIN GMACHT? FINDETS USE IR NEUE FOLG LONDON ÜBERLEBE

YANIK ISCH MAL WIEDER DÜRD HÖLL GANGE UM NACH KINGS CROSS Z FAHRE UND MICHELLE ISCH JETZT OFFIZIELL FAMOUS. TROFFE HEIMER ÜS AM MÖGLICHSCHT RUHIGSCHTE ORT, DESWEGE HEIMER ÜS DIREKT VORNES PUB A DER HOUPSTRASS GSETZT (IMMER Z GLICHE PROBLEM MIT DEM KINGS CROSS). ES ISCH ÜBER SO VIEL GREDET WORDE DASIS GAR NID CHA ZEMEFASSE ALSO LOSET DRI UND LERNET ES PAAR LONDON ÜBERLEBENSTIPPS. :)

BORIS HET ÜSE RACLETTE ABE ZERSTÖRT ASO HEIMER ÜS MAU WIEDER IN NARNIA TROFFE, MIR HEI ÜBER DIE NEUI ART VO USGANG GREDET UND ÜBER DIE RICHSCHTE STADTVIERTEL VO LONDON. TRUNKE HEIMER OH VIEL DESWEGE GITS ES PAAR POUSE, CHA PASSIERE.

AUTHENTISCHER ALS DIE FOLG GEITS NÜMME, LONDON ÜBERLEBE WIRD DISMAL DIREKT USEM PUB GSENDET. ALLERDINGS FEHLT DR LETSCHT TEIL WIU D BATTERIE VOM UFNAHMEGRÄT SI LEER GSI UND MIR DERFÜR VOLL, PASSIERT MAL.

ENDLECH ISCHES PASSIERT, MIR HEIS NACH NARNIA GSCHAFFT! D MAGIE VO NARNIA HEIMER SCHNELL GSPÜRT (Z BIER OH) UND HEI DIREKT WIEDER MIT SCHEISS GSCHICHTE AHGFANGE. ES ISCH WIEDER ÜBER ALLESMÖGLECHE GREDET WORDE, VO KOMISCHE FACEBOOK POSTS IM 2012 BIS ZU DE TODESMÜETIGE LONDONER TUBE

NARNIA ISCH VOLL GSI ALSO SIMER SCHOWIEDER BI MICHELLE DAHEIM AM DOSEBIER SCHLÜRFE GSI. ES GIT PUB TIPPS UND MICHELLE VERZEUT WIEME IME RESTAURANT Z ESSE NID MUES ZAHLE. ZUESÄTZLECH VERZEUEMER UNDGSCHRIBNI REGLE UND WIEME SICH HIE VERHALTE SÖTT WEME NID VO ÜBERFRÜNDLECHE BRITE MÖCHT BESCHIMPFT WERDE.

WIESO SÖTME IN LONDON NIE ES TAKE AWAY KAFFI OHNI DECKEL TRINKE UND WAS ISCH Z GEILSCHTE ESSE WOME NACH MITTERNACHT NO CHA BSTELLE? ALL DAS UND NO VIEL MEH (UN)HILFLECHI TIPPS GHÖRETER I ÜSERE ERSCHTE FOLG LONDON ÜBERLEBE