Malva e Duarte falan de misterios
By Malva e Duarte
Malva e Duarte falan de misteriosFeb 01, 2022
S02E26 - As Peores Persoas do Mundo (Duarte's Version)
ADVERTENCIA DE CONTIDO: Mencións de violencia física e psicolóxica cara mulleres, mencións sobre o suicidio.
Xa na recta final da tempada, traemos un especial sobre cales son as peores persoas da historia na nosa opinión. Nesta primeira parte, Duarte narra a violenta vida dunha celebridade cara as mulleres do seu círculo e a súa propia familia, feitos que non adoitan a nomearse cando se fala da sua obra.
S03E25 - Infidelidades e grupos de amigos
As tanxentes desta semana acabaron sendo bastante máis temáticas (e intimas) do que pensabamos cando comezamos a gravar. Falamos das implicacións das infidelidades entre parellas e como é romper co teu grupo de amigos, con Ariana Grande como fío conector.
S03E24 - Misterios de Boiro con Olaxonmario
Esta semana, Malva, Duarte e Mestre Mateo nominated Youtuber Olaxonmario exploran os misterios máis emblemáticos da ilustre vila de Boiro, a Santa Compaña e Kate Middleton.
S03E23 - Boicots, educación sexual e pornografía.
Esta semana, Malva e Duarte volven co seu xa habitual popurrí de tanxentes. Falamos de Linkedin, da fama das redes e, en especial, do boicot a Eurovisión, de como foron as nosas charlas de educación sexual e do dano que fai a pornografía na mocidade.
S03E22 - O pánico satánico
ADVERTENCIA DE CONTIDO: Mencións de abuso sexual infantil e sacrificios animais.
Esta semana Malva cumple a súa promesa e fálanos dun fenómeno moi misterioso: o Pánico Satánico da década dos 80. Por que comezou? Cales son os seus antecedentes históricos? Como está relacionado co boom das sectas? Todo isto e máis neste capítulo de Malva e Duarte falan de misterios.
S03E21 - Super Bowl, Altura e Apps de Citas
Esta semana Malva e Duarte falan de pequenos terrorismos que se poden cometer en festas universitarias, o Súper Bowl e os altos e os baixos das aplicacións de citas. Podedes donar a Gofundmes para axudar a xente a evacuar de Gaza nesta ligazóns: https://docs.google.com/spreadsheets/d/1vtMLLOzuc6GpkFySyVtKQOY2j-Vvg0UsChMCFst_WLA/htmlview
S03E20 - Os nenos verdes de Woolpit
Regresamos do entroido con novo misterio!
Desta vez, retrocedemos nove séculos para contar a historia de dous irmáns de Woolpit, unha pequena vila inglesa, e o día que apareceron en estranas circunstancias… ca pel de cor verde!
S03E19 - Homofobia, Gordofobia e os Oscars
Esta semana as tanxentes son unha mestura de temas. Comezamos falando un chisco sobre os prexuizos asociados aos códigos de vestimenta, a orientación sexual e a gordofobia, para rematar ca nosa opinión sobre as (non) nominacións de Greta Gerwig e Margot Robbie nos Oscars.
S03E18 - Quen matou todas esas vacas en Kansas?
Volvemos as nosas raíces! Esta semana Malva nárralle a Duarte un episodio como os da primeira tempada, no que especulan quen estivo detrás de milleiros de mutilacións de gando nos 70 en Kansas, Colorado, Nebraska e todos eses estados nos EEUU aos que sempre van os aliens. Quen lle pasou a Snippy a besta? Que relación ten isto co pánico satánico? Con que animal mitolóxico ten Duarte unha especial obsesión?
S03E17 - Letterboxd Awards 2024
Esta semana presentámosvos o Malva e Duarte Awards, nos que miramos a todas as películas que temos en común en Letterboxd e entregamos premios tan importantes como: Performance Que Serviu Máis Cona Award, Como Acabei Vendo Esta Peli Award ou Premio Edgar Wright a Director Que Debería Parar de Escribir Guións.
S03E16 - Insistimos, os aliens existen ou non?
Volvemos das vacacións de Nadal retomando o fenómeno OVNI nun novo debate no que poñemos enriba da mesa ás Momias de Nazca, unha xa famosa conferencia de 2023 na que se aportaba evidencia real sobre a existencia dos aliens. Pero bueno, polo medio tamén falamos de alcoholismo, dos neandertais, de Gypsy Rose e do grande que ten Malva a cabeza.
S03E15 - Mais (Peores) Persoas do Ano de Time
Continuamos ca nosa análise das persoas gañadoras da Revista Time ata chegar ao 2023. Preparádevos para un montón de anticomunismo, presidentes dos estados unidos e personaxes recurrentes do podcast como os nosos queridos Elon Musk e Taylor Swift.
S03E14 - A (Peor) Persoa do Ano de Time
Esta semana, Malva volve do seu tour europeo para discutir un dos temas máis importantes ata agora: o que Malva e Duarte pensan sobre todes e cada unhe des gañadores de Persoa do Ano da revista Time desde o 1927.
S03E13 - O tesouro de Benito Soto
Esta semana tivemos unha morea de problemas técnicos, varios ordenadores estragados e a Malva de vacacións.
Malia parecer un episodio maldito, nesta nova entrega contamos con Iris Ledo (@irislm9), persoa que igual lembrades de certas tanxentes cinéfilas. Isto para falar da historia de Benito Soto, o último gran pirata do Atlántico que, coma ela, era de Pontevedra e que deixou un tesouro que igual ainda segue entre nós!
S03E12 - Música, festivais e Taylor Swift
Rodri Míguez segue con nós unha semana máis para, agora si, falar de música sen acabar cambiando de tema á metade do episodio. Novas tanxentes nas que comentamos o ‘novo’ álbum de Taylor Swift, artistas cancelables, o Son do Camiño e máis temas musicais!
S03E11 - O misterio de Jim Sullivan
A roda de traer invitados non para! Por iso esta semana temos connosco a @rodrimiguez97 nun episodio que, como non podía ser doutro xeito, ten temática músical. Viunos contar a historia de Jim Sullivan, un autor sen éxito que desapareceu en estrañas circunstancias nun caso que implica abducións, mafia e a Grande Amore.
S03E10 - Malva e Duarte NON falan de música
Neste episodio Malva e Duarte NON falan de música. Propóñense falar de música, iso si. Pero acaban falando de fundamentalismo e trauma relixioso. Entramos na era das tanxentes das tanxentes.
S03E09 - A conspiración de Bush e Britney
Esta semana, icono da moda, da música e a fotografía César acompáñanos para investigar unha das conspiracións máis grandes do século XXI... Foi Britney Spears unha distracción para as terribles decisións políticas de George W. Bush?
S03E08 - Letterboxd era
O episodio de tanxentes desta semana trata sobre cine e películas, ou máis ben sobre a nosa “Letterboxd era”, pois comentamos os nosos gustos cinematográficos, cales son as nosos 4 filmes favoritos actualmente e, sorpresa, tamén os favoritos das nosas parellas (previa petición, claro).
S03E07 - A ver, os aliens existen ou non?
Esta semana toca episodio especial de Malva e Duarte falan de Misterios, porque deixamos de lado os vellos enigmas e traemos a última hora dun dos temas paranormais do momento: os aliens.
De feito, é tan especial que pasamos mais tempo falando doutros temas que de ovnis.
S03E06 - Olivia Rodrigo, Sophie Turner e demais cultura pop con Sara Riveiro
Volvemos despois de ter a Sara Riveiro secuestrada no soto de Malva e Duarte falan de misterios unha semana para obrigala a charlar un chisco máis connosco sobre Olivia Rodrigo, a epidemia de divorcios de famosos, as vidas sentimentais das Kardashian e ser a amiga á que tes medo de presentarlle o teu mozo.
S03E05 - O misterio do accidente de Formula 1
Ninguén contaba con isto, pode que nin nós mesmos, pero esta semana temos un misterio de Formula 1! @SaraRiveiro ven falar con Malva e Duarte sobre un estraño suceso de Fernando Alonso, a casposa figura de Rafa Nadal e os fandoms tóxicos.
S03E04 - Malva e Helena falan de tanxentes
Esta semana Duarte marcha de vacacións, pero non vos preocupedes, que ven Helena (@cousasrarismas) a ocupar o seu lugar! Nunha conversa máis longa do que debería sobre monolingües, Love Actually e o os beneficios de ter amigues desempregades, un non pode evitar pensar que en vez de “Malva e Helena falan de tanxentes” este episodio igual debería chamarse: Malva e Helena esquecen que están nun podcast e non unha chamada de teléfono.
S03E03 - O misterio dos plátanos
Non sempre temos que viaxar a países moi afastados; esta semana, o misterio queda na casa. Tres plátanos, cinco sospeitoses, e un invitado moi especial no segundo episodio da terceira tempada, onde esta vez Malva, Duarte e Diego Anido falan de misterios.
S03E02 - Tanxente primeira
Dos creadores de Malva e Duarte falan de Misterio chega: Malva e Duarte falan de Tanxentes, un novo formato de programa que reflexa a gran orixinalidade que temos á hora de poñer nomes. Neste tipo de episodio, cambiamos o paranormal pola actualidade, ou máis ben polo temas que se nos van ocorrendo.
S03E01 - O misterio das xemelgas Pollock
Xa sabedes o que din, non hai dous sen tres! E como expertos en misterio, volvemos cunha nova tempada sen deixar nada claro porque acabamos a anterior. Nesta ocasión falamos das xemelgas Pollock, un caso sobre reencarnacións, o medo aos coches e o feos que son algúns bebés.
S02E06 - O misterio de Romasanta
Parece mentira pero unha temporada e media despois, por fin temos un misterio galego! Neste novo episodio falamos de Manuel Blanco Romasanta, o primeiro caso documentado dun lobishome, e como aconteceu o seu xuizo, sen esquecernos de Elon Musk, das pelis que vimos recentemente e do interesante que é falar cunha persoa que non te escoita.
S02E05 - Malva e Duarte teñen conversas perversas. Especial conspiracións Parte 1
Desta vez Malva e Duarte mudan os misterios polas conspiracións no episodio máis especial ata o momento, nunha colaboración co podcast de Conversas Perversas.
Nun xiro de guión, abandonamos o esquema habitual para facer unha competición de teorías, nas que explicamos catro conspiracións para ver cal é a gañadora.
Este episodio é a primeira parte do especial, así que para saber como remata, ides ter que escoitar a segunda parte no podcast de Conversas Perversas!
S02E04 - O misterio do triángulo das Bermudas
S02E03 - O misterio de Amelia Earhart
S02E02 - O misterio das desaparicións de Reiquiavik
Advertencia de contido: Este episodio contén discusións sobre violencia policial.
Esta semana Malva e Duarte discuten as misteriosas desaparicións de dous homes en Islandia nos 70, o novo álbum de Taylor Swift, soños raros con cameos de famosos e saudamos a Martín amigo do podcast.
S02E01 - o misterio do codex Gigas
Non estaban mortos, estaban de parranda! Volve Malva e Duarte falan de misterio nunha segunda tempada retrasada polo duro verán e a dura cara de Duarte. Neste novo inicio tocamos un códice relacionado co demo, porque “comezo” e “número par” significan falar de libros. Arranca o outubro spooky cos misterios peor contados que escoitarás xamáis, pero agora cun dous diante.
S01E15 O misterio de quen puxo a Bella no umeiro
Despois doutro pequeno descanso, volven Malva e Duarte, outra vez de resaca, para falar da calor que teñen, a community manager adolescente Raquel que pasaba por alí, Miss Vaca, Shrek e, de cando en vez, discuten sobre quen puxo a Bella no umeiro.
Despois dun mes agardando polo episodio, que máis ten agardar vinte minutos para que entren en materia?
S01E14 - O misterio da arca da Alianza
S01E13 - Seis lagos misteriosos
Hoxe temos o pracer de presentar en exclusiva a segunda edición dos Lake Awards, na que Malva e Duarte intentan desenvolverse sen o seu produtor na sombra o Ghanito mentres conversan sobre temas moi relacionados cos lagos, como pirámides, o que queren que pase cos seus corpos cando morran e a escala de Richter.
S01E12 o misterio do sinal Wow, con Iris Gestoso
Nesta nova entrega de Malva e Duarte falan de misterios traemos a unha convidada chulísima, Iris Gestoso, para facer unha entrega algo diferente e falar de conspiracións, ciencia e sobre todo aliens (esquivando todo o racismo posible), a través do caso Wow!, un sinal do espazo captado nos anos 70 que aínda non ten explicación.
S01E11 - Nove lagos misteriosos
S01E10 - O misterio das caras de Bélmez
O famoso misterio das caras de Bélmez como nunca antes oíches contar. Ectoplasmas, albaneis, familiares sacando tallada e a saba santa de Turín. Todo comeza cunhas manchas na parede e, desta volta, remata cun desafío con outro podcast. 😱
S01E09 - O misterio de D.B. Cooper
Melendi, avións, piratas e o FBI. Esta semana Malva e Duarte falan do misterio do lexendario ladrón dos 70 D.B. Cooper, e entre as tanxentes desta semana contamos con: fumar en avións, o poder duns bos lentes de sol e as tatuaxes. Acompañádenos esta semana para discutir o delito favorito de Malva e Duarte mentres, como de costume, demostran o pouco que saben sobre avións.
S01E08 - O misterio do oso de Sailugem
S01E07 - O misterio de Eilean Mor
Sabiades que Amazonas é así de verde e diverso grazas a area do Sahara? Iso aprenden neste novo episodio Malva e Duarte cun invitado moi especial, co que falan da misteriosa desaparición dos fareiros da illa de Eilean Mor, o carbono-14, pandas, microondas, e abren o debate de que explica mellor os misterios do mundo: ciencia ou maxia?
S01E06 – O misterio da estrada de Bimini
Científicos, nomes de cans, Elon Musk e rochas no mar, todo iso nun especial sobre Atlantis no que falamos de todo menos de Atlantis. Neste novo episodio de 'Malva e Duarte falan de misterios' hai tanta presencia de tanxentes que non acabamos apurados de tempo e debatimos sobre que leva unha ensalada e se o tomate é un froito ou unha verdura.
S01E05 - O misterio da muller de Isdalen
Na semana máis fatídica para o podcast, cun episodio perdéndose para sempre(?) como bágoas na choiva vítima do internet rural, volvemos cun novo misterio nos montes europeos, esta vez en Noruega co caso da muller de Isdalen.
Un programa no que falamos de reencarnacións, espías e a importancia de lavar os dentes, todo iso sumado a unha tarefa para os ointes: un aplauso sanitario polo aniversário de @todomalva.
S01E04 - O misterio do paso Dyatlov
Nova entrega de Malva e Duarte falan de misterios, onde cambiamos o mar polas montañas nunha historia de desaparicións que se cruza polo medio dunha larga lista de cousas que non nos gustan, dende a neve ata os pandas, pasando por Shingeki No Kyojin.
Descubre como un programa que trata sobre excursionistas rusos empeza con piratas xaponeses e remata, sin que se saiba moi ben como, con gandeiros de renos.
S01E03 - O Misterio do Mary Celeste
Nesta semana, Malva e Duarte falan do misterio do Mary Celeste, fraude a aseguradoras, o infravalorados que están os calamares e o sexis que son as mulleres piratas. Unídevos esta semana mentres dúas persoas que non saben nada sobre o mar discuten o misterio dun barco claramente maldito.
S01E02 - O misterio do manuscrito Voynich
Aínda que imos sacar un episodio cada dúas semanas, coa emoción da estrea imos lanzadas e traemos, sen agardar máis, outra entrega onde Duarte será o encargado de narrar un novo enigma. Trataremos a historia do Manuscrito de Voynich, Atlantis, as linguas mortas e o moito que nos gustan as palabras que empezan por archi-.
S01E01 - O misterio de Roanoke
Estréase “Malva e Duarte Falan de Misterios” onde Malva (@todomal.va en Tiktok) e o seu amigo Duarte falan de misterios sen resolver da historia, especialmente daqueles que poidan ser explicados pola presenza de aliens. Neste primeiro episodio, Malva fálalle a Duarte do misterio da colonia perdida de Roanoke, e conversan sobre pirámides, zombies e meigas das fragas de Carolina do Norte.