വൈക്കം സത്യഗ്രഹത്തിന്റെ നൂറാം വാർഷികത്തിൽ മഞ്ച സ്കൂൾ പുറത്തിറക്കുന്ന സ്മരണികയാണ് ഈ ശബ്ദപുസ്തകം.

2024 ജൂലൈ 5 ബഷീർ ദിനമായിരുന്നു. ദിനാചരണത്തിന്റെ ഭാഗമായി സ്കൂൾ റേഡിയോയിൽ അൻവർ അലി എഴുതിയ ഗാന്ധിത്തൊടൽ മാല എന്ന കവിത കുട്ടികൾ അവതരിപ്പിച്ചു. അതോടൊപ്പം ആ കവിതയുടെ എഴുത്തനുഭവം കവി കുട്ടികളുമായി പങ്കിട്ടു.

വൈക്കം സത്യഗ്രഹത്തിൽ പങ്കെടുക്കാനെത്തിയ മഹാത്മാഗാന്ധിയെ വിദ്യാർത്ഥിയായ ബഷീർ തൊട്ടതിനെക്കുറിച്ചുള്ള കവിതയാണ് ഗാന്ധിത്തൊടൽ മാല.

സ്കൂളിന്റെ പക്ഷത്തു ആലോചിക്കുമ്പോൾ, ഒരു പ്രധാന ചരിത്രസംഭവത്തിൽ വിദ്യാർത്ഥിയുടെ പങ്ക് ഒന്നു വലുതായി കാണണമെന്നു തോന്നി. അങ്ങനെയാണ് ബഷീർദിന പരിപാടിയുടെ തുടർച്ചയായി 'ആ കുട്ടി ഗാന്ധിയെ തൊട്ടു' എന്ന പേരിൽ ഒരു റേഡിയോ പ്രഭാഷണ പരമ്പര സംഘടിപ്പിച്ചത്.ഗാന്ധിത്തൊടൽ മാല എന്ന കവിതയെ തൊട്ടുകൊണ്ടാണ് ഈ പരിപാടി സംഘടിപ്പിച്ചത്.

2024 ലെ അധ്യാപകദിനത്തിൽ 'ആ കുട്ടി ഗാന്ധിയെ തൊട്ടു' ആഡിയോബുക്കായി റിലീസ് ചെയ്യുകന്നു.

ജയമോഹൻ, വി.എം.ഗിരിജ, ജ്യോതിബായി പരിയാടത്ത്, കെ.സി.നാരായണൻ, പി.പി.രാമചന്ദ്രൻ, കെ.കെ.കൃഷ്ണകുമാർ, റഫീക്ക് അഹമ്മദ്, എസ്.ഉമ, എൻ.ജി.നയനതാര, അജയ് പി മങ്ങാട്ട്, ശിഹാബുദ്ദീൻ പൊയ്ത്തുംകടവ്, കല്പറ്റ നാരായണൻ, ഡോ.ബി.ബാലചന്ദ്രൻ എന്നിവരുടെ പ്രഭാഷണങ്ങൾ കേൾക്കാം. വിദ്യാർത്ഥിനിയായ ഇവാന വെസ്ലിയുടെയും അൻവർ അലിയുടെയും കാവ്യാവതരണങ്ങളും കവിതയെക്കുറിച്ച് അൻവർ അലിയുടെ സംഭാഷണവും ഈ പുസ്തകത്തിൽ ഉൾപ്പെടുത്തുന്നു.

റേഡിയോ മഞ്ച: ആദ്യ പ്രക്ഷേപണം/ 2022 ആഗസ്റ്റ് 15