Maraqlı Söhbətlər Podkastı

Bu podkastda 2 qrup və 4 tip insan və hansının daha uğurlu olmaq şansından sizə danışacam.

Müansibətlər dedikdə, dostluq, yoldaşlıq və bir az da sevgi məsələlərinə toxunacağıq. Bu podkastda həm öz təcrübəmiz, həm də bəzi araşdırmaların nəticələri ilə sizinlə bölüşəcəyik.

Alternativ variantlar həmişə seçim etməyimizə təsir göstərir. Niyə bəzən seçim etmək çətin olur və nəyə görə biz irrasional qərarlar veririk. Məsələnin psixoloji və şüuraltı tərəflərini aydınlaşdırmağa çalışdıq.

Ən çox eşitdiyimiz suallardan birinə aydınlıq gətirmək istədik. İstifadə etdiyimiz əşyalar sağlamlığımıza hər hansı bir zərər verirmi? Artıq kimdənsə eşitdiyinizə deyil, elmi araşdırmaların nəticələrinə inanmaq vaxtıdır.

Kitabda sosial sahibkarlıq, kraudfandinq, biznes terminləri haqqında çox maraqlı məlumatlar toplanılıb. Özünüzü ba sahədə görürsünüzsə bu ilk oxumalı olduğunuz kitabdır!

Bu sual uzun müddətdir ki ağlımda var idi. Görürdüm ki yaxşı insanlardan çox vaxt istifadə edirlər. Onlardan nəisə istəyirlər, bəzi şeyləri onlar istəmədən boyunlarına qoyurlar. Sonda da pis dediyimiz insan qabağa gedir, yaxşı insan isə get gedə çökür. Bu yaxşı insan da ona baxıb düşünür ki gərək yaxşılıq etməzdim, sonra da ümumiləşdirir. Deyir ki, bütün insanlar eynidi. Heç kim yaxşılıq başa düşmür, və beləliklə özü də çevirilir pis, başqa insanlardan istifadə edən insana çünki düşünür ki pis insanlar daha çox və daha tez uğur qazanır. Sual odur ki bu həqiqətəndə mi belədir?

Rəy və xoş sözlərinizi aşağıdaki email ünvanına yaza bilərsiniz:

maraqlisohbetlerpodkasti@gmail.com

Uğur qazanan insanlar niyə çox nadir hallarda bunu bəxtlə əlaqələndirirlər? Uğursuz olanlar isə əksinə, birmənalı olaraq bəxtinin gətirmədiyini deyir. Bu fenomeni real faktlarla araşdırdıq.

Bir əsrdən çoxdur ki insanın şəxsiyyəti alimlərin diqqətini cəlb edir. İnsanın psixikası və onun şəxsiyyəti haqqında dəqiq məlumatlar əldə etmək üçün çoxlu sayda tədqiqat metodları istifadə olunur. Bu metodlar arasında ən məşhuru psixoloji eksperimentdir.

İnsan tarixində çoxlu sayda maraqlı və kifayət gədər şoka salan sosial psixoloji eksperimentlər keçirilib. Bu podkastda Vendal Djonsonun dəhşətli eksperimentindən sizə danışacam.

Bütün işlərimizdə, şəxsi həyatda və karyerada uğurlu olmağın ən vacib şərtlərindən biri özgüvən hissidir. Bəs özünəinamı necə formalaşdırmaq olar? İndi biləcəksiniz.

Heç sizdə belə olub ki söhbətdə düzsüz amma necəsə həmişə elə olur ki söhbətin sonunda səhf çıxırsız? Və yaxud bir dənə tanışınız var, nə söhbət olur olsun söhbətin sonunda o həmişə düz çıxır siz isə səhf. Belə insanlar, bəziləri bilə-bilə, bəziləri isə instinktiv olaraq Arqumentasiyanın cığalçı texnikalarını effektiv istifadə etdiklərinə görə çox vaxt özlərini düz çıxarda bilirlər.

Belə insanların qurbanı olmamaq üçün bugün Arqumentasiyanın 8 cığalçı texnikası haqqında podkast hazırladıq.

Rəy yazmaq üçün aşağıdaki linkə daxil ola bilərsiniz :)

https://apple.co/31OcRM1

Deyillər ki həyatda əsas şey pul deyil. Əsas olmasa da həyatımızın 50% dan daha çoxusunu elə pul haqqında düşünürük, pul qazanmağa sərf edirik. Pul qazanmaq isə işin bir hissəsidir. Maliyyənizi düzgün idarə edə bilməsəz elə həmişə pulunuz nəyəsə çatışmayacaq, borclarnan yatıb duracaqsınız.

Sağlam yaşamaq və bədənimizdə balans yaratmaq düşündüyümüz qədər çətin deyil. Bu podkastda sağlamlıq haqqında faydalı vərdişlər yaratmağın 5 yolunu sizinlə bölüşürük.

Bu podkast bir gün hər şeyin sonunun gələ biləcəyini anlamağımız üçündür.

Gündəlik həyatımızda istifadə etdiyimiz bir çox əşya texnologiyanın inkişafı sayəsində ortaya çıxıb. Bəs bu əşyaların niyə məhz bu görkəmdə və formada olduğunu düşünmüsünüzmü? Skevomorfizm bunun izahını verəcək.

Şəkərin sağlamlığa zərəri haqqında xəbərləri demək olar ki, hər gün oxuyur və eşidirik. Bununla belə 99% halda şirin bir şey yeməkdən özümüzü saxlaya bilmirik. Səbəb isə beynimizin içindədir.

Tez-tez olur ki hər hansı bir sahədə yüksək təcrübəmiz olsa da iş müsahibəsində yaxşı göstərə bilmirik. Bu məsələdə sizə bir az dəstək olmaq üçün bu podkastda 12 tez-tez verilən sualları və onlara düzgün cavabları topladıq. 

Həyat təcrübəmizdə oğurluğun ən müxtəlif növləri ilə rastlaşırıq. Amma, yalnız bir növ oğurluq var ki, cinayət sayılmır, cəzalandırılmır və uğurlu olduqda mükafatlandırılır.

Niyə bəzi insanlara bu sözü demək çətin olur? Bunun səbəbi nədir? Bunu özümüzdə dəyişməsək nə baş verə bilər?

İnsan orqanizmi çox mükəmməl və eyni zamanda mürəkkəb bir sistemdir. Bu sistemin hərəkətverici mayesi olan qanın tərkibi və özəlliklərini bu podkastımızda analiz edəcəyik.

Kraudfandinq zaman keçdikcə dünyada daha da trendə düşür. Ona görə hər hansı biznes üçün büdcə tapmaq elə də çətin deyil. Azərbaycanda belə platform artıq işləyir. Bu platformdan hər birimiz necə faydalana bilərik bu podkastda Toğrulnan birgə sizə danışırıq.

Bürclərə inanmaq olar mı? Onların dəqiq olduğunu təsdiqləyən araşdırmalar mövcuddur mu? Bu podkastda məşhur araşdırmaları sizinlə bölüşürük.

İnsan yarandığı gündən indiyə qədər hər zaman ən müxtəlif miflərə inanıb və inanmaqda davam edir. İlk olaraq bu miflərin kosmosla bağlı olanlarını aydınlaşdıraq.

Beynimiz mükəmməl bir sistemdir, amma, heç də hamımız onu lazımınca istifadə edə bilmirik. Daha az oxuyub, daha çox yadda saxlamaq və zehnimizi effektiv işlətmək üsullarını bu podcastda nəzərdən keçirəcəyik.

Elə gün olur ki hər şey çatdırırıq, elə gün də olur ki heçnəyə vaxtımız çatmır. Məsələ bizim nə dərəcədə diqqətli olmağımızdadır. Diqqətimiz yaxşı səviyyədə olsa qısa zamanda daha çox iş çatdıra bilərik.  Sual odur ki bəs diqqətimizi necə inkişaf elətdirək?

Ekoloji problemlərin kökündə duran real səbəblər və onların həlli yolları. Obyektiv yanaşma.

Həvəsimi aşağı olanda və ya ümumiyyətlə olmayanda heçnə etmək istəmirik. Hədəflərimizi atırıq qırağa və həvəsi sanki gələcəyini gözləyirik. Bu podkastda həvəsimizi bərpa etmək üçün effektiv üsülları sizin üçün yığdıq ki artıq gözləməyəsiniz, özünüz hərəkət edib onu bərpa edəsiniz. 

Tesey paradoksu nədir? Nə vaxt qarşımıza çıxır?

Bu podkastda sınaqdan keçmiş manipulyasiya texnikalarını sizinlə bölüşürəm. Əsas məqsədim odur ki bunları bilib daha heç kim bu texnikaları istifadə edən insanlara aldanmasın, daha hazırlıqlı olsun.

Ən az öyrənilmiş orqanımız haqqında nə bilirik? İnsan beyninin neçə faizini işlədir və onun iş prinsipi necədir?

2020-ci il çoxlu "surprizlər" gətirdiyi üçün indi daha çox insan gələcəyi sorğulayır:
- Gələcəkdə məni nə gözləyir? Ona hazır olmaq üçün mən nə etməliyəm
Bu podkastda çalışdım, üzdən olsa da, bu sualı cavablandırım.

Hamımızın başına gəlib - Yeni il qabağı söz vermişik ki gələn il daha çox kitab oxuyacağıq. Niyəsə amma sözümüzün üstündə dura bilmirik. 

Bunu etmək üçün 14 yolu podkastda sizinlə paylaşıram.