أخوك الكبير متولي

عن اللى مابيحكمش بالمظاهر

وعن اللى مابيهتمش بمظهره

وعن شكلك ولبسك .. ولامؤاخذة ريحتك

عن الجدول اللى لو مشيت عليه حياتك هتتغير

عن كمية الحاجات اللى لو عملتها هتبقى جامد

عن الطريقة اللى بتدور عليها ومش لاقيها

عن تاجر المخدرات واد ايه هو بيتعب فى شغله

وعن صعوبة الغناء ورى الرقصات

وعن اى حاجة شمال محتاجة اجتهاد

عن صاحبك اللى هيوديك فى داهية

وعن صاحبك اللى هينفعك

وعن صاحبتك اللى عايزاكي تطلقي زيها

وعن صاحبتك اللى حياتها أسود من سواد الليل الحزين

عن اللى هيسيب الجامعة ويطارد شغفه

عن الشغف اللى هنلاقيه فى الجامعة

عن الفرص اللى محتاجة جامعة

عن الجامعة اللى تعتبر فرص

عن حرية التعبير اللى مالهاش حدود

عن حقك فى ان غيرك يحترمك

عن غيرك اللى مش هيحترمك

عن الشغل اللى لازم يكون فيه شو .. 

وعن الموظف الشاطر الصامت الذي يعمل فى الخفاء .. 

وعن الشهداء اللى بيضحوا بكل ما يملكوا فى سبيل الشغل

عن الفلوس اللى مش كل حاجة 

وعن كل حاجة عايزة فلوس 

وعن مبادئك اللى عايزين يشتروها منك

وعن خيالات فى دماغهم لها علاقة بالفلوس

عن الفرص اللى لازم تجهزلها

عن تطوير نفسك

عن الأنتصارات الصغيرة

عن تغير حياتك بلا مبالغة

أخوك الكبير متولي .. الحلقة صفر ..  البودكاست ده عن ايه بالظبط.