Энэ удаад “FB сурталчилгааны үр дүнг нэмэгдүүлж, зардлыг бууруулахын тулд зайлшгүй анхаарах зүйлс” сэдвээр ярилцаж байна.

Facebook сурталчилгааны үр дүнг нэмэгдүүлж, зардлыг бууруулахын тулд зайлшгүй анхаарах зүйлс

1. Өөрийн хэрэглэгчдэдээ ханд!

2. Retargetting хий!

3. Сурталчилгааны бодлогыг баримтла!

1️⃣ Өөрийн хэрэглэгчдэдээ ханд!

Сурталчилгааны зорилтот бүлгээ зөв сонгох нь сурталчилгааны зардлыг бууруулах хамгийн оновчтой арга. Өөрөөр хэлбэл таныг, танай байгууллагыг, бүтээгдэхүүнийг, брэндийг мэддэг хүмүүсийг олж сонгоорой гэсэн үг.

❌ Харин Facebook сурталчилгаа явуулж буй хүмүүсийн хувьд алддаг хамгийн том алдаа нь сурталчилгаа хүргэх хүмүүсээ сонгохдоо тэдгээр хүмүүс танайхыг мэддэг өмнө нь сонссон эсэх талаар ач холбогдол өгдөггүй эсвэл ийм боломж байдагийг мэддэггүй.

Шууд л Facebook хэрэглэгчдийг нас, хүйс, байршлаар нь сегментчилээд л сурталчилгаагаа явуулчихдаг.

Энэ аргачлалын хувьд ямар асуудал байна вэ гэхээр та ерөөсөө цоо шинэ хүмүүст л өөрийгөө эхнээс нь танилцуулаад л яваад байна гэсэн үг. Энэ нь цаг тулчихсан шинэ жилийн борлуулалтдаа ид анхаарах энэ үед тийм ч зөв арга биш. Таныг өөрийгөө танилцуулж байх хооронд нөгөө хүмүүс чинь таньдаг хүнээсээ сонголтоо хийгээд явчих магадлалтай.

Тэгэхээр бидний хамгийн түрүүнд хандах хүмүүс бол биднийг мэддэг хүмүүс. Манай үйлчилгээг, бүтээгдэхүүнийг сонгоод туршаад үзчихсэн хүмүүс. Эсвэл бид бүтэн жилийн турш өөрийн бүтээгдэхүүн үйлчилгээгээ танилцуулчихсан хүмүүс.

Сүүлийн 365 хоногийн хугацаанд Манай Facebook хуудсанд хандсан, пост, сурталчилгааг маань өмнө нь олж харсан, анхаарч үзсэн, мэссэж бичсэн эсвэл манай постыг, хуудсыг хадгалж авсан хүмүүст бид дахин сурталчилгаа хүргэх боломжтой. Та бүтэн жилийн турш идэвхтэй ажилласан бол ийм хүмүүс хангалттай байгаа болов уу.

Энэ хүмүүстээ сурталчилгаагаа хүргэ.

2️⃣ Дахин давтан сурталчилгаа хүргэ!

Хүмүүс маш их мэдээлэл дунд байгаа гэдгийг заавал анхаар. Танай сурталчилгааг нэг удаа хараад л шууд худалдан авах нь юу л бол. Хэдийгээр сонирхсон ч тухтай анхаарч үзэх завгүй байж болно. Шийдвэр гаргахын тулд бусад хүмүүстэй зөвлөлдөж болно. Өөр нэмэлт асуулт асуух шаардлага гарч болно. Бусад газартай харьцуулж үзэх хэрэгтэй болно. Өөрөөр хэлбэл тухайн үед сурталчилгаа харсан ч, анхаарч үзсэн ч худалдан авалт хийхэд бэлэн биш байх нь их.

Тиймээс тэр хүмүүст дахин сурталчилгаа тодорхой хугацаанд харуулан сануулах хэрэгтэй. Дахиад л custom audience функцыг ашиглах хэрэг гарна. Бидний хувьд сурталчилгааг анхаарч үзсэн хүмүүст 2 өдөр дахин сурталчилгааг харуулахаар тохируулдаг.

Тэгэхээр сурталчилгааны хувьд багадаа 2 сурталчилгаа бэлтгэх хэрэгтэй. Эхнийх нь видео сурталчилгаа, дараагийнх нь зурагт пост үнэ, сонголт, худалдан авах боломжийн талаар дэлгэрэнгүй мэдээллийг давтан хүргэх зорилготой. Эхний сурталчилгааны хувьд анхаарал татах, сонирхож байгаа хүмүүсийг таньж олох зорилготой бол дараагийнх нь сонголтоо хийхэд нь туслах борлуулалтад шууд чиглэсэн байхаар байж болно.

3️⃣ Сурталчилгааны бодлого, шаардлагыг хатуу баримтла!

Сүүлийн үед Facebook сурталчилгааны бодлогоо чангатган, сурталчилгааны алгоритм нь Монгол хэл дэмждэг болсонтой холбоотойгоор Facebook сурталчилгаа өндөр үнэтэй, үр дүн багатай байх, тэр ч байтугай огт хүнд хүрэхгүй байх, батлагдахгүй байх гэх мэт асуудал нэлээд гарах болсон. Бас жилийн хамгийн идэвхтэй үе эхэлж байгаа энэ үед иймэрхүү асуудал танд нэлээд төвөг удна.

Мөн подкаст сонсогчиддоо бидний зохион байгуулдаг Сошиал медиа маркетинг сургалтанд 50% хөнгөлөлттэй суралцах эрхийг олгож байгааг маань хүлээн авна уу. Сонсогч та зөвхөн дараах холбоосоор хандан бүртгүүлэн 50% хөнгөлөлт эдлэх боломжтой. http://ow.ly/eing50x7gie

Ямар контент олон хүнд тархаж, санаанаас гарахгүй үлддэг вэ?

Сошиал медиа маркетераас СОШИАЛ МЕДИА МАРКЕТЕРТBy Nathouse CreativeAug 11, 2019