Pfadi uf d'Ohre

S Duo mit de beste Gschichte chunt grad nomau. Dr Potto u Dschingis präsentiere no es paar meh Hallo Gschichte. 

Illustration vom Puma.

Es isch Früehlingsferie und Ostere si verbi. Wär ned ines Pfadilager cha gah ide Ferie däm bringe mer hie es paar Gschichte us üsem Vereinsmagazin, em Hallo. Aus eifach geniesse u lose.

Produziert vom Legedäre Duo Dschingis u Potto. Illustration vom Puma.

Jede wo mau ir Pfadi isch gsi cha sech sicher vorsteue wies isch, e Gruppe vo Pfadiching z leite. Aber bevor mer das cha mache mues mer zersch luege wo dasmer häre passt und wo dases eim gfaut. Dä Blick hinger d Kulisse mache mer hüt. Und derzue gits no e Gschicht vom Lagerfüür. 

Es ganz grosses Merci a Krabat und Likama.

S Wätter wird e chli gruusiger, aber d Vorfröid wird immer grösser. Mau hets scho Schnee u mau ischs eifach nume dreckige Matsch. Genau, es isch Dezember u es git es paar Pfadigschichte derzue. Warm aazieh, öppis warms trinke u när eifach zuelose.

Ir Pfadi wird geng e chli gässe, es brucht ja schliesslich ou viu Energie ir Pfadi. Und so isch choche ir Pfadi aber ou e chli angersch. Wüu mängisch cha mer ja ned eifach dr Herd aamache, mängisch chocht mer ufem Füür und eigentlich immer chocht mer i grosse Mänge. Es paar Gschichte zu Choche u Ässe i däm Podcast.

As ganz grosses Merci ad Bailey, Jibby, Kahira, Nicu u Sevi.

Mir luege e chli über üse Tällerrand use. Was mache angeri Pfadis, wo si si verschide u wo simer aui doch eher ähnlich. Was für Traditione und Ritual hei angeri Pfadis?

Drum chum mit, üfes chlises Reisli wäg vor Bern. Sozäge e chlini Tour de Suisse, Pfadi Edition.

Wenn Sache schief gö, ned klappe oder eifach ned wöui de huift nur no eis: Improvisiere. Hie es paar Outtakes und angeri Inputs wenn Sache ned ganz klappe.

Für was chönti ech SABTA stah?

Merci ad Eowyn.

Ide SoLas (churz für Summerlager, eifach mit O gschirbe) erläbt mer so einiges und es isch eigentlich ou immer es jährlichs Highlight. Segs im Lagerhuus oder im Zäut, erläbe und verzeue gits immer gnueg. Mau wird mer nass, mau isches viu zu heiss. Mau ischmer e chli müed, mau chli nass, aber jedes Mau erlebt mer so viu i zwöi Wuche Lager, wie öppe imene haube Jahr Schuel.

Merci ar Juna, Nek, Coda, Kahara u Nanook.

Pfadi gits fasch überau... Und fasch überau isch si e chli ähnlich und e chli verschide. Ei Ort, womer es paar Lüüt cha gah kenne lehre vo verschidene Pfadis, ischs Jamboree (s'Pfadilager für Pfadis ir ganze Wäut). Und vo däm Wäutpfadilager verzeue üüs zwöi wos huutnah erläbt hei.

Merci ad Sugus und ad Stupsi, dass si üüs die vile tolle Erlebnis hei verzeut.

Und natürlich bringe mer ouno dr Zwöit Teil vom Interview mit em Coli. Was är süsch no so i sinere lange Pfadikarriere erläbt u gmacht het.

Merci viu mau a Colibri für sini vile schöne Erzählige und fürs si unermüedlich Iisatz fürd Pfadi.

Wie versproche hie no s'ganze Interview mit em Nimo vo sinere Pfadizyt. Es git no es paar meh tolli Räubergeschichte und evtl. lernt mer ouno, wie dasmer mit meh oder weniger Erfoug si Pfadiname cha beiflusse.

Merci a ad Gabriela fürs Interview u a Nimo für verzeue.

Pfadi gits jetzt scho es ganzes Wyli. Und so het si sech ou immer wieder mau e chli veränderet. Meh het nöii Chleider ah und es git ouno chli es nöis Programm. Es paar Sache hei sech veränderet, es paar si gliich blibe. Und praktisch aui womer fragt, verzeue extrem gärn vo irne Pfadi Zyte.

Merci a Arktos, ad Babar, a Colibri, ad Gabriela, ah Nimo, ad Wiff u a Zäpfli.

Aus chline Ersatz, dass ds AuBiLa (Ausbildungslager) scho zwöi Jahr nid het chönne stattfinde, heimer hie e Foug gmacht mit vilne Infos über ds Lager und Gschichte us vergangnige Aubilas zämegchramet. 

Ich will auch in die Pfadi! Merci viu mau ad Eowyn und ds ganze AuBiLa Team. 

Pfadi geit ou digital, das hei mittlerwili gloub aui gmerkt. Insbesondere wemmer dä Podcast loset ischs eim Sicher klar. Und es wird natürlich ou viu Technik iigsetz hinger de Kulisse. Was aues e so technisch passiert ir Pfadi bir Plannig u ähnlichem verzeue mer die Wuche. Derzue hei mer üüs ganz spezielle Ungerstüzig gsuecht.

Pfadi uf d'Ohre chunt zrügg ine zwöite Staffle. Es git es nöis Team, nöii segement und sguete aute Pfadifeeling. Di ersti Foug chunt am dirtte Apriu, am sächsi am Abe. U när immer dr erst Samsti vom Monat. 

Music credits: 

Da isch üses erste Hörbuech. Chamer ou uf CD oder Kasette brönne u das ungerwegs mau aalose. Das isch Dschungelbuech ir Fassig vor Pfadibwegig Schwiiz. Du chasch ou nume einzeln Kapitu lose, es het 10 dervo: 

[00:28] Teil 1
[05:00] Teil 2
[11:59] Teil 3
[18:37] Teil 4
[24:45] Teil 5
[31:30] Teil 6
[37:35] Teil 7
[46:49] Teil 8
[54:15] Teil 9
[59:56] Teil 10 

Credits: Vorgläse vor Jin u Produziert vom Wombat 

Music Credits: 

Me fangt bide Wöufli ah, dört gfauts eim u meh hets schön. När wird mer e chli äuter u geit id Pfadi. Dört übernimmt mehr scho mau e chli Verantwortig. U när? När geits zu die Pios!

Uf einisch mues mer aues säuber plane u mues luege dases guet klappt. Plötzlich si nüm dini Leiter*inne für aues zueständig u mues e chli säuber dänke. Um die geits hüt.

Wer si Pios? Werum gits die? U was möchti si gern mache?

Dr Thinking Day isch dr Tag wo mir üüs aus Pfadis wei ir Öffentlichkeit präsentiere. Dr Thinking Day isch am Mänti, 22. Januar. Das isch dr Geburtstag vor Lady Olave Baden-Powell und vom Lord Robert Baden-Powell.

Schick üs doch e Postkarte! Mir fröie üüs.

Es isch zwar eigentlich no Sportferie, aber mir si trotzdem zrügg. Pfadi Patria het Geburtstag und mir bache u esse Chueche. Angeri wichtigi Events vo 1913 werde aagluegt.

Was? Pfadi uf d'Ohre am Sunnti? I weiss ned öb das geit!

Ir hütige Foug heimer ganz vili Gäst. Derbi si Rubia, Aramis, Gamin, Wombat, Crunchy, Mulan, Vayu, Baila, Filou, Snap, Narses, Zaïna, Draco, Pistache, Fukano, Jin und Scillia. Faut euch öppis uuf?

Richtig! Das si aues Gschwüschterti us der Patria. Wiso die ir Pfadi vilech mau es Gstürm hei gha und was si enand süsch wei säge, erfahret dir i däm Podcast.

Aber ou d'Einzuchinder - oder wi dr Tabasco seit Alleierbe - chöme nid z churz bi üs.

Hallo zämä, mir hoffe, ou du hesch ds 2020 guet überstande! Wi jedes Jahr starte mer ou das astehende Pfadijahr mit emne Corpsaaträtte. Mit drbi isch widr dr Fuso, e Teaser vom Teaser und natürlech e witeri Foug vom Dschugubuech.

Dr Advent: Es schmöckt fein, es isch Chaut u villech hets ou scho Schnee. Ir Pfadi geit mer trotzdem use, ziet sech warm ah und suecht sech es Bäumli zum Wiehnachte fiire.

Gemäss Wikipedia si Wöuf die gröschte Roubtier vor Art Hung. Si lebe i Rudel u zieh dür d'Wäuder. Mir beschäftige üüs hüt mit de chline, herzige Roubtier, de Wöufli.

Dusse wirds langsam immer chäuter u mir si froh, dasmer am Füür schön warm hei. Die Wuche gits aues was amene Lagerfüür würd geh. Auso mach dis Rondo parat.

Hüt gömer tief is Archiv u bringe e Blick uf d'Afäng vor Pfadi Patria. Es het sech ja schliesslich ou so einiges veränderet sit denn.

Merci a Merlin und Allegro.

Herzlech wiukomme zur erste Foug vom Podcast. 

Die Wuche mache mer e chli Pfadi dehei. Mir hei Tipps zum Choche, schlafe und im Kontakt blibe.

Es grosses Merci a aui Leiter*inne u ad Technik (merci Hermelin & Screen).