Qarlygash Podcast
By Nazym Saparova
Qarlygash Podcast Feb 25, 2020
#2 эпизод. Алмагүл Омарова: Комерциялық бағытта экоблогер болу - мақсатым емес
Кезекті подкасттың қонағы, экобелсенді - Алмагүл Омарова. Instagram әлеуметтік желіде Алмагүлдің eco_astana парақшасы бар. Бір жарым жылдай парақшаны жүргізіп жүрген экобелсенді қалай блогер болғанын тыңдармандарға айтып, тұрмыстағы эколайфхактармен бөлісті.
#11 эпизод. Аида Алимбекова: Аспаздық блогтан экоблогқа көштім
Кезекті эпизодтың қонағы, әлеуметтік желілерде танымал экоблогер, онлайн ЭкоМектептің негізін құраушылардың бірі, экобелсенді - Аида Алимбекова. Подкаст эпизоднда Аида аспаздық блоган экоға қалай көшкенін, экоөмир сүруге не түрткі болғанын және қалай экосәнді болуға болатынын айтып берді.
#10 эпизод. Салтанат Асхатқызы: Өнім сатып алсам, өңделетін маркировкаға қараймын
Кезекті эпизодтың қонағы, instagram әлеуметтік желісіндегі eco _orta блогының авторы, экобелсенді және екі баланың анасы - Салтанат Асхатқызы. Подкаст эпизодында Салтанат қоқысты қалай сұрыптау қажет екенін түсіндіріп береді. Маркировканы қалай ажырататынын біздің подкасттан тыңдай аласыздар.
#9 эпизод. Оразай Қыдырбаев: Экология менің түсінігімде адам құқығы
Кезекті эпизодтың қонағы, Сулейман Демириель университеті, журналистика мектебінің ассистент-оқытушысы, экобелсенді - Оразай Қыдырбаев. Подкаст эпизодында Оразай экологияны адам құқығымен байланыстырып, қазақша контенттегі экология тақырыбында әңгімелестік. Сонымен қатар, Оразай эколайфхактармен бөлісіп айтып берді.
#8 эпизод. Пакизат Нұрсұлтанқызы: "Recycle бірге" жобасымен сенбілікке шығу - медитация
Кезекті эпизодтың қонағы, "Recycle бірге" жобасының негізін қалаушыларының бірі, экобелсенді Пакизат Нұрсұлтанқызы. Бұл жобаның жұмыс істеп жатқанына 1 жылдың жүзі болды. Экосенбіліктерді ұйымдастыру команда үшін медитация екен. Сонымен қатар, алдағы уақытта экосауатты арттыратын мобайл қосымша іске қосылады. Ал Пакизаттың экоөміріндегі лайфхактарды біздің подкасттан тыңдай аласыздар.
#7 эпизод. Нұрым Өмірзақов: Ауылдағы экологиялық мәселелер өзекті
Кезекті подкасттың қонағы, "Жасыл аудан" ЖСШ басшысы - Нұрым Өмірзақов. Ауылдардағы экологиялық мәселенің өзекті екені баршамызға мәлім. Нұрым Өмірзақов экологиялық мәселелердің шешімін табуды өз ауылынан бастаған. Экологиялық бағыттағы жеке кәсібін қалай бастағанын Нұрым подкастымызда айтып берді.
#6 эпизод. Ғалия Алтай: Дүкенім арқылы табиғи өнімдерді ұсынамын
Кезекті подкасттың қонағы, биотехнолог, Narine биоөнімінің амбасадоры, "Одуванчик" дүкенінің иесі, екі баланың анасы - Ғалия Алтай. Экологияның негізі - адам денсаулығын сақтау. Екі баланың анасы Ғалияның дұрыс тамақтануға қалай көшкенін, табиғи өнімдерді пайдалану туралы пайдалы ақпаратты подкастымыздан тыңдай аласыздар.
#5 Назерке Құлжабай: Батарея жинауды әдетке айналдырдым
Кезекті подкасттың қонағы, "Сана" орталығының негізін қалаушы, экобелсенді - Назерке Құлжабай. Қоқыстың ішіндегі зияны - батареяны жинауды әдетке айналдырған Назерке тұрмыстағы эколайфхактармен бөлісті. Таныстары, достары, тіпті балалары көшеде батарея тауып алса, Назеркеге береді екен. Қазір 19 литр құтыда батарея жиналып тұрғанын кейіпкеріміз подкастымызда айтып берді.
#4 Гүлжазира Берікқызы: Ертегілерімнің мақсаты - қоршаған ортаны қорғау
Кезекті подкасттың қонағы, журналист - Гүлжазира Берікқызы. "Гүлжазираның ертегілері" атты балаларға арналған шығармалары бар. Қоршаған ортаны қорғауға, жан-жануарлар әлемін құрметтеуді үйрететін ертегілердің тілі жеңіл, айтар ойы өзекті. Подкастымызда Гүлжазира ертегілерді жазуға не түрткі болғанын айтып берді.
#3 эпизод. Әсем Қалиева: Магистрлік диссертациямды тұрмыстық қалдық мәселесіне арнадым
Кезекті подкасттың қонағы, Назарбаев университетінің магистранты, экобелсенді - Әсем Қалиева. Магистрлік диссертациясында Әсем Нұр-Сұлтандағы тұрмыстық қалдық мәселесін зерттеген. Не себепті магистрлік диссертацияға тұрмыстық қалдық тақырыбын таңдағанын Әсем подкастымызда айтып берді.