Skip to main content
Радио МОФ Подкасти

Радио МОФ Подкасти

By Radio MOF
Сите подкасти на Радио МОФ на едно место
Listen on
Where to listen
Breaker Logo

Breaker

Google Podcasts Logo

Google Podcasts

Overcast Logo

Overcast

Pocket Casts Logo

Pocket Casts

RadioPublic Logo

RadioPublic

Spotify Logo

Spotify

Кој ги штити работничките права?
Масовни отпуштања и раскинувања на договорите за работа во сред пандемија, ниски плати, лоши услови за работа, мобинг... Ова се само дел од проблемите на илјадници македонски граѓани кои едвај крпат крај со крај од почетокот до крајот на месецот за да ги задоволат најосновните животни потреби. Во оваа епизода на Јасно и Гласно, на Денот на човековите права, разговараме за работниците и за оние кои останале без работа. Колку се заштитени нивните права и достоинство? Дали недела како неработен ден ќе смени нешто или само дефокусира од вистинските проблеми? Каде се синдикатите во целата оваа равенка? Дискутираме со Вилдан Дрпљанин, активист за човекови права и правен советник во Хелсиншкиот комитет, Кристина Ампева од здружението „Гласен Текстилец“ и Слободан Трендафилов од Сојузот на синдикатите на Македонија. 
44:26
December 10, 2020
Што е муабетот со штедењето кога немаш пари?
Може ли да се штеди и да се ужива? На ова прашање, во новата епизода на „Што е муабетот со...“ разговаравме со Ангела Игновска, студентка по менаџмент во Словенија. Таа од неодамна го отвори својот Инстаграм профил „Мои финансии“, чија цел е да им помогне на граѓаните да си ја подобрат финансиската состојба.  Според неа, прв чекор кон подобрување на финансиите е да се следат трошоците. За ова ви е доволно лист хартија или апликација на телефон. Спремни сте за запишување? 
04:53
November 27, 2020
Што е муабетот со кризната состојба?
Приватните текстилни фабрики би можеле да добијат налог за шиење заштитни маски, на располагање може да се стават капацитетите на приватните болници, а хемиските фабрики да се искористат за правење дезинфициенси во случај на нивен недостиг. Ова се дел од работите кои може да профункционираат откако ќе биде прогласена кризна состојба, која надлежните најавија дека ќе биде воведена до крајот на денот, поради коронавирусот кој моментално е во најинтензивната фаза од почетокот на неговото појавување. Што претставува воведувањето на таквата состојба? Какви се ингеренциите на Владата? Што е разликата со вонредната состојба и дали воведувањето на вакви состојби значи воведување на полициски час или карантин? На овие, но и на други прашања, зборуваме со Гоце Коцевски од Македонското здружение на млади правници.
05:13
November 20, 2020
Децениска правна битка за една буква
Цела деценија траеше битката на лицето Икс за промена на родот во личните документи. Буквата „Ж“ одбиле да ја сменат домашните надлежни институции, по што се прогласиле ненадлежни. Лицето Икс својата правда ја доби на Стразбург во 2019 година, а пред неколку недели ги извади точните лични документи. За правата на транс лицата, судскиот процес, пинг-понгот со домашните институции и работничките права поразговаравме со лицето Икс, адвокатката која го застапуваше, Наташа Бошкова и Славчо Димитров, координатор на Коалиција „Маргини“.
13:55
November 20, 2020
Што е муабетот со веганството?
Би се откажале ли од омиленото јадење или парче облека ако знаете дека во нив има производи од животинско потекло? Некои луѓе го прават тоа со цел да ги заштитат правата и благосостојбата на животните. Една од нив е Радмила Пешева, која веќе 11 години е веганка. Во новата епизода на „Што е муабетот со веганството?“ таа ни објаснува што точно значи веганскиот стил на живот и кои се неговите цели.
06:12
November 17, 2020
Карантини, маски, казни - човековите слободи во пандемија
Постои ли можност за зачувување на човековите слободи за време на вонредна состојба? Како може државниот апарат да ја користи контролата врз граѓаните за време на пандемија? Во кои услови може да се направи исклучок од казнувањата за непочитување на мерките?   На овие теми, во подкастот на Новинарскиот клуб на Радио МОФ, разговараме со Гоце Коцевски од Македонското здружение на млади правници  Со текот на времето, пандемијата ги натера здравствени власти да воведуваат најразлични рестрикции ширум светот, но и тука, во Македонија.  Надлежните се децидни дека нема потреба од воведување на дополнителни рестриктивни мерки, освен оние кои се сега на сила.  Па така, според последните донесени мерки, граѓаните, освен на затворено како досега, сега мора да носат и заштитна опрема на лицето и на отворен простор. Не смеат да се групираат повеќе од четири лица во текот на целиот ден, а на рестораните и кафулињата им се стави клуч исто после овој период. Подкастот го подготвија Ивана Смилевска и Мартин Колоски.
39:25
November 16, 2020
Како да излеземе од теориите на заговор?
Теориите на заговор и дезинформациите не се ништо ново, но денеска, кога светот се соочува со светска пандемија и кога социјалните медиуми се меѓу главните извори преку кои се информираат граѓаните, тие стануваат се поголем проблем во општеството.  Зошто овие содржини се толку привлечни за голем број луѓе? Како се шират и како можеме да се заштитиме од нивното влијание?   На овие теми разговараме со комуникологот и експерт за нови медиуми, Бојан Кордалов, Росана Алексоска од F2N2 и Владимир Петрески од Сервисот за проверка на факти од медиумите.
49:03
October 28, 2020
Леб или маска? Живот со 126 денари дневно во пандемија
85.000 граѓани во земјава преживуваат со 40-тина денари дневно. Скоро половина милион луѓе, пак, живеат со помалку од 126 денари дневно. Тоа е секој четврти човек во Северна Македонија кој живее во сиромаштија. Некои се без струја, други без социјална помош, трети мораат секојдневно да прават компромиси со основните животни потреби. Кога на ова ќе ја додадете кризата со Ковид-19, во која од почетокот на пандемијата повеќе од 43 илјади луѓе ја изгубиле работата, ситуацијата се претвора во потенцијална социјално општествена „бомба“ која отчукува до експлозија. Во оваа епизода на „Мегафон“ пренесуваме неколку приказни од луѓе кои живеат во екстремна сиромаштија и разговараме како да се намали бројот на сиромашни лица.
10:11
October 26, 2020
Што е муабетот со трговијата со луѓе?
Лажни огласи за работа во странство или сексуално изнудување – формите на експлоатација на човековото тело и труд не познаваат граници. Пандемијата дополнително придонесува за овој проблем, од кој никој не е имун. Што е муабетот со трговијата со луѓе, објаснува Стојне Атанасовска Димишковска од организацијата „Отворена порта“.
05:51
October 22, 2020
Ќе ја зачуваме ли Шара?
„Најубавиот дел од Шар Планина е прогласен за Национален парк“ – гласи наслов на вест од 1955 година, на која наидовме листајќи низ албумите на планинарското друштво Љуботен. Се мисли на Лешница, кога тетовскиот кмет донел одлука дека овој предел треба да биде заштитено подрајче. Но, таа никогаш не ја доби потребната заштита.  Речиси 70 години подоцна, планинари и здруженија обединети како „Пријателите на Шара“, се решени да го зачуваат она што останало од една од најбогатите планини со природни богатства и таа конечно да стане национален парк.  Минатата недела ја посетивме Шара, па во продолжение слушнете кои се проблемите што ѝ тежат на оваа планина.
09:43
October 20, 2020
Што е муабетот со Викенд без ДДВ
Лаптоп поевтин за 5%, мебел или градежни материјали за 18%? Во викендот што следи, од 10-12 октомври, државата ќе се откаже од Данокот на додадена вредност за македонските производи и ИТ опрема, и ќе им го враќа на граѓаните.  Во овој подкаст Што е Муабетот со „Викенд без ДДВ“, за сите детали за долгонајавуваната мерка разговараме со Фарук Омери, директорот на Управата за јавни приходи.
04:49
October 9, 2020
Помеѓу онлајн и зен - ментално здравје во време на онлајн настава
Љубопитноста може да ја убие мачката, но и да не спаси во време на пандемија.  Како да го зачуваме менталното здравје во време на #Инфодемија? Како да се посветиме на образованието после најдолгиот летен распуст во поновата историја без бргу да прегориме?  Поразговаравме со средношколката Андреа Блажеска, психологот Јасмина Јонус и учителката по јога Неда Коцаре.  Намасте!
10:01
October 8, 2020
Протести и иницијативи во време на Ковид-19
Гостиварци се кренаа против ѓубриштето и загадувањето од Русино. Во Скопје и низ цела земја се протестира против поскапувањето на струјата, а средношколците побараа поквалитетно образование и комбиниран модел на настава. Пандемијата го смени животот. Го смени начинот на дружење, работење и движење во просторот. Но, во целиот тој сет здравствени мерки за одржување физичка дистанца и носење маски, граѓани застанаа покрај своите права на протест за да искажат револт, став кон разни политики и одлуки. Радио МОФ првата епизода од четвртата сезона на Мегафон ја посветува токму на иницијативите што периодов беа активни под маски. Што бараа начини да се самоорганизираат, протестираат, блокираат и вршат притисок, со цел заедницата да добие поквалитетен живот, социјална и еколошка правда.
11:37
October 2, 2020
Разбивање митови за попреченост
Слепите луѓе не сонуваат? Ако користиш инвалидска количка, тогаш ти треба постојана помош за извршување на секојдневните обврски? Немите лица не можат да си зборуваат во своите мисли?  Во третата епизода од серијалот „Разбивање митови“ ги разбиваме митовите за лицата со попреченост. На прашањата одговараат:  Ема Ананиевска, дипломирана пијанистка и лице со оштетен вид,  Вангел Тркаљанов, несекојдневен корисник на инвалидска количка  Радмила Периќ, сопственик на кафулето О2 и глуво лице Видеото од оваа епизода може да го погледнете на следниов линк: https://www.youtube.com/watch?v=NU9tqW6MzOU
15:55
September 28, 2020
Разбивање митови за технологија
Филтрите на Инстаграм се направени за детално да ни го снимат лицето? Отклучувањето на мобилниот со отпечаток од прст е начин за технолошките компании да не натераат да дадеме повеќе лични податоци? Металната жица на заштитните маски може да се користи како антена?  Овие, но многу други митови и прашања поврзани со технологијата ги разбиваат Владимир Атанасовски - професор на ФЕИТ Горјан Јовановски - програмер и основач на „Мој воздух“  Ана Попташева - програмерка и едукаторка Видеото од оваа епизода може да го погледнете на следниов линк: https://www.youtube.com/watch?v=oHiRX3ChqVg
15:21
September 27, 2020
Разбивање сексуални митови
Миење со чај од магдонос предизвикува абортус? Има ли начин за безбеден секс во време на Ковид-19? Постои терапија за од геј да станеш „стрејт“? Има жени кои се раѓаат без химен? Големината на чевлите е пропорционална со големината на пенисот? На овие и многу други прашања за сексуалноста, кои неретко скришум ги потчитуваме на интернет, во првата епизода од серијалот „Разбивање митови“ одговараат: Ангела Јаневска - специјализант по гинекологија и акушерство Давид Тасевски - психолог Теодора Милеска, едукатор по сеопфатно сексуално образование во ХЕРА Видеото од оваа епизода може да го најдете на следниов линк: https://www.youtube.com/watch?v=iT-XmunGDww
15:11
September 21, 2020
Култура во пандемија - Карантин, адаптација и интернет
Културата беше една од најпогодените сфери од пандемијата Ковид 19 која со месеци ги остави затворени кината, театрите, музичките фестивали. Отворањето оди споро и носи цел просес на адаптација. Во овој подкаст на Радио МОФ, за предизвиците кои ги донесе пандемијата, зборуваат младиот актер Бобан Алексоски од независниот театар „Златен елец“, Сара Ферро од фестивалот за документарен филм „Македокс“ и Ангела Кунгуловска од „Д фестивал“.
10:11
August 21, 2020
Што е муабетот со Меѓународниот ден на млади
Пред точно две децении, за првпат во светот беше одбележан 12 август , Меѓународниот ден на млади. Го востановија Обединетите нации за да го свртат вниманието кон одредени културни и правни проблеми кои ги засегаат новите генерации. Што е муабетот со Меѓународниот ден на младите и зошто е важен овој ден, појаснува Фари Хисени, од Младинскиот образовен форум.
05:23
August 12, 2020
Пандемија на онлајн дезинформации
Како што постои вирус, постојат и супер ширачи на вирусот. Но, овде не станува збор директно за новиот коронавирус, туку за дезинформациите кои произлегуваат од неговата појава. Тие најчесто доаѓаат од корисници со голем број следбеници кои свесно или не, споделуваат дезинформации и го шират „вирусот наоколу“. На тема како граѓаните да изградат имунитет против онлајн дезинформациите и постои ли лек против нив, во Да Се Кликне Или Не зборуваваме со студентката по новинарство Александра Субашиќ, Филип Стојановски од Фондацијата Метаморфозис и Слободан Јаќоски од „Википедија на македонски јазик“.
09:08
August 6, 2020
Омраза во инбокс
Новинарот Мишко Иванов е меѓу последните јавни личности кои беа мета на закани и навреди преку социјалните мрежи. Тој се реши јавно да проговори за овој проблем, охрабрувајќи и други новинари и новинарки да ги споделат пораките со говор на омраза кои стигаат во нивниот инбокс. Која е причината за толку омраза која се шири во онлајн просторот, како граѓаните да се заштитат од ваквото сајбер-насилство и колку надлежните реагираат на оваа зачестена појава? На овие теми во новата епизода на подкастот Да Се Кликне Или Не, покрај со Мишко Иванов, разговараме и со комуникологот Бојан Кордалов и Александар Јованоски од Хелсиншкиот комитет за човекови права.
08:16
August 6, 2020
Во „кујната“ на дезинформациите
Од случаи поврзани со исчезнати луѓе, преку Преспанскиот договор, до новата криза со коронавирусот, кампањите со дезинформации се шират со многу поголема брзина од разоткривањето на овие лаги и манипулации. Од мали наведувања за тоа дали да користите одреден производ или не, преку нестручни здравствени совети кои можат да загрозат нечиј живот, до тоа како да гласате на избори. Дезинформациите влијаат на различни начини. Но, кому му служат овие кампањи? Која е нивната цел? Како општеството може да се справи со масовното ширење на овие содржини преку социјалните мрежи? Ова се прашањата на кои побаравме одговори во првата епизода од подкастот Да Се Кликне Или Не.
09:11
August 6, 2020