వేపాడ మండలం లో రాగల ఐదు రోజులలో ప్రతీ రోజు 2మిమీ నుండి 21మిమీ వర్షం కురిసేసూచన వుంది. గరిష్ట ఉష్ణోగ్రత 31 నుండి 34 డీగ్రీలు, కనిష్ట ఉష్ణోగ్రత 25 నుండి 27 డీగ్రీలు గా వుండే అవకాశం వుంది. గాలి గంటకి 10 కి.మీ వేగం తో వీయవచ్చు.

వరి లో పొడ తెగులు నివారించుకోడానికి పైరుపై మూడు రోజుల వ్యవధిలో పంట బాగా తడిసేటట్లు పశువుల పేడ + మూత్రం + ఇంగువ ద్రావణం (లేదా)శోంఠిపాల కషాయం పిచికారీ చేయాలి..

వరి లో ఆకు ముడత ఆశిస్తున్న చోట నివారణకు పంటపై ముళ్ళ కంపనుగాని తాడునుగానీ లాగి, తరువాత 5శాతం వేప ద్రావణంగానీ లేదా నీమాస్త్రం గానీ పంటపై పిచికారీ చేయాలి. పురుగు ఉధృతి ఎక్కువగా ఉంటే ఒకసారి పచ్చిమిర్చి మరియు

వెల్లులి ద్రావణం పిచికారీ చేయాలి (లేదా) దసపర్నికషాయం ఒకసారి పిచికారీ చేయాలి.

వరిలో నత్రజనిని అందించడానికి ఎకరానికి 4 కిలోల అజొల్ల లేదా నీలి ఆకుపచ్చ నాచు ఇప్పటి వరకు వేయకపోతే వేసుకోవాలి.

బీరను ఎర్ర గొంగళి పురుగు ఆశిస్తోంది దీని నివారణ కొరకు 5శాతం వేప ద్రావణంగానీ లేదా 3 శాతం వేప నూనె లేదా బి.టి పౌడర్ 1 గ్రా. ఒక లీటరు నీటికి కలిపి గాని పిచికారి చేయాలి

అన్ని పంటలలో ఎదుగుదలకు 3 శాతం పంచగవ్య లేదా వెర్మివాష్ లేదా జీవామృతం పిచికారి చేయాలి.

36.2020 09-09-20 వేపాడ రైతులకు సూచనలు/సలహాలు

వ్యవసాయ సూచనలు By RadioKrishiSep 12, 2020