Skip to main content
Skoðanabræður

Skoðanabræður

By Útvarp 101
Skoðanabræður: „Kynferðislega brengluð gasveisla.“ – „Eina hlaðvarp sem ég get hlustað á.“ – „Ég verð gáfaðri af því að hlusta á þetta.“ – „Lét mig hætta að vilja drepa mig.“ – „Besta leiðin til að vita það sem skiptir máli.“ – „Ég verð anti-þunglynd við að heyra ykkur tala um lifnaðarhætti ykkar.“

Fremsta frétta-, menningar-, gas-, klám-, rapp- og veisluhlaðvarp landsins, í boði blóðbræðranna Snorra og Bergþórs Mássonar. Þáttur á hverjum föstudagsmorgni, en mun oftar fyrir þá sem ganga í Skoðanabræðralagið á www.patreon.com/skodanabraedur.

Þessi djús er á vegum Útvarps 101.
Listen on
Where to listen
Apple Podcasts Logo

Apple Podcasts

Breaker Logo

Breaker

Google Podcasts Logo

Google Podcasts

Overcast Logo

Overcast

Pocket Casts Logo

Pocket Casts

RadioPublic Logo

RadioPublic

Spotify Logo

Spotify

Currently playing episode

#71 Andlegir nazis, alt-right hippar, kakó & kvíðaköst

Skoðanabræður

1x
#82 „Hvar ertu?“
Þjóðhátíð er stórhættulegur staður. Samfélagsmiðlar! Full lengd inn á www.patreon.com/skodanabraedur Umræðuefni eru: hárlitanir, sniðmenning í samhengi við Björn Braga, Ingó Veðurguð, Þorstein Má, Ágúst Ólaf og borgarstjóra Kaupmannahafnar, senda „hvar ertu?“ til stelpna, setja tvær stelpur saman í groupchat óvart, setja vini sína í groupchat óvart, Norðuvígi, hár Jay-Z & Halldór Benjamíns, rakstur og klippingar, síðir toppar á karlmönnum, The Insider (1999), Trump, kvíðaköst og Wim Hof, nasismi á Íslandi og í Evrópu, #MeToo í Danmörku, Sigmundur Davíð, mannanafnanefd OFL!
04:04
October 20, 2020
#82 Skoðanir Andra Snæs Magnasonar
Umræðuefni eru: framleiðsla á kvikmyndum og bókum, álver, goðsögur, jöklar, hagkerfi, hugmyndir, vísindi, stjóriðja, fjölmiðlar, lobbýismi, nýlendan Ísland, óskiljanlegt bull í fjölmiðlum eins og útflutningsverðmæti, fyrirlestrar, hagvöxtur, handrit, pólitískir andstæðingar, rökræður, Konungsbók Eddukvæða ofl ofl Leggðu frjálsri fjölmiðlun lið á www.patreon.com/skodanabraedur
2:10:07
October 16, 2020
#81 Atvinnulífsscam og hinn hræðilegi Helgi Björns, sem er samt líklega fínn gaur
Þetta er allt saman ekkert nema bara sýnishorn! Full lengd og mun meiri veisla inni á  www.patreon.com/skodanabraedur. 
08:16
October 13, 2020
#80 Skoðanir Bjargar Magnúsdóttur
Karlmaður vikunnar! Björg Magnúsdóttir. Langþráð, langíhugað, nú framkvæmt, á meðan plága ríður yfir þjóðirnar. Það á ekki að stoppa lestina. Björg er fjölmiðlakona par excellance og skýtur uppi kollinum hvarvetna þessa stundina, í Ráðherranum, í Málfari eða hvað sem sá ágæti þáttur heitir... Orðspori? Kappsmáli! Svona er tungumálið dyntóttur djöfull en alltaf ratar merkingin á sinn stað. Þetta allt sem sagt og fjöldi annarra aðskiljanlegra atriða, sem hér eru sérstaklega tekin til umræðu. Síst er þó stefnan að taka aðeins augljós atriði til umræðu og menn leiðast í miðjum klíðum út á ýmsar slóðir.. Versló upp úr aldamótum.. Anórexían.. Samfélagsmiðlalaust menntaskólalíf (abstrakt safngripur, raunar).. og loks útvarpið sem steindauður miðill – allt um það, í því sem er auðvitað ekkert annað í grunninn en útvarpsþáttur. Samanber Útvarp 101! Og farið inn á www.patreon.com/skodanabraedur og takið þátt í veislunni. 
1:49:04
October 9, 2020
#79 Hvort er betra að vera nafnlaus þunglyndur lúser eða nafnlaus nasisti?
Full lengd inná www.patreon.com/skodanabraedur Hrun siðmenningar í World of Warcraft, nafnleysi á netinu, menntaskólar í Covid19, Trump og stóra gríman hans Biden, Netflix fjarstýringar uppí rössum, raunveruleikinn vs. skáldskapur, Brian Cox, Ríkisútvarpið svívirt, vaxandi kynslóðir vestur-íslendinga ofl ofl ofl. Útvarp 101 ber ábyrgð á öllu sem er sagt hér.
29:19
October 6, 2020
#78 Skoðanir Sigurjóns Sighvatssonar
www.patreon.com/skodanabraedur Sigurjón Sighvatsson, skilgreiningin á því að vera legend í leiknum, er genginn í bræðralagið. Hann hefur framleitt fleiri en 50 kvikmyndir og starfað í Hollywood í 35 ár. Meðal verka hans eru; Twin Peaks, Bevery Hills 90210, Killer Elite, Wild At Heart og Brothers. Hér setur hann m.a virðingu á nafn Robert DeNiro og svívirðingu á nafn Harvey Weinstein, segir sögur af Jason Statham, David Lynch og Madonnu, greinir frá hugleiðsluaðferðum sínum ásamt því að ræða bókmenntir, tónlist og ástandið á vinnumarkaðinum. Og þetta er engin virðing eða svívirðing á nöfn úr þægilegri fjarlægð netverjans eins og við flest þekkjum, heldur þekkir Sigurjón þetta fólk beinlínis. Innsýn!  Útvarp 101 ber ábyrgð á þessum óskunda öllum.
1:56:13
October 2, 2020
#77 Kanínuhola íslenska alt-rightsins: „Rasismi og affjármögnun lögreglu”
„Ég vil ekki kommúnisma, ég vil ekki kommúnisma, ég vil ekki kommúnisma“ segir hagfræðingurinn og pistlahöfundurinn Anna Karen Jónsdóttir... full lengd inná www.patreon.com/skodanabraedur
26:09
September 29, 2020
#76 Skoðanir Gumma Emils
Celebrity trainer Gummi Emil er karlmaður vikunnar. Líkamsrækt, orkudrykkir, samfélagsmiðlar, sjálfsfróun, concerta, no fap og Jordan Peterson. Allt þetta rætt í bland við annað. www.patreon.com/skodanabraedur
1:42:22
September 25, 2020
#75 Er réttlætanlegt að gera lag um samstöðu í COVID?
Stóru spurningar lífsins... og dauðans. Víri er kominn á kreik, þ.e. sú krýnda. Lætur til sín taka og veldur hörmungum eins og tónlist um samstöðu á viðsjárverðum tímum. En! Gas í þætti dagsins, allt frá framhaldi um Herra Hnetusmjör og rappleikinn til Sigríðar Andersen, flóttamannaveislunnar og yfirvegaðs uppgjörs við nasismann í Þýskalandi. Farið á Patreon strax! Útvarp 101. Nýr bræðralagsþáttur í hverri viku.
15:40
September 22, 2020
#74 Skoðanir Bjarna Frímanns
Ópera.. púra ofbeldi í ýmsum skilningi, fyrst og fremst jákvæðum. Bjarni Frímann Bjarnason er tónlistarstjóri Íslensku óperunnar en látið ekki blekkjast. Hann er alþýðlegur, ungur og að sögn sérfróðra tónlistarsnillingur. Það eðli brýst fram þegar hann stendur og stjórnar, en það braust líka fram þegar Bjarni var í áttunda bekk, varð ástfanginn af stelpu í 10. bekk, bauð henni á deit, var hafnað og brást við með því að… a) fara að væla og skammast sín eða b) mæta fullur í skólann, vera rekinn tímabundið og klára 9. og 10. bekk síðan saman á einu vori og útskrifast tveimur árum of snemma og byrja í rauninni í LHÍ svona 15 ára? Veljið svarið og hlustið á þáttinn til að heyra hvort er rétt! Farið á Patreon og fáið miklu miklu meira efni. Allt þetta, í boði Útvarps 101.
2:25:18
September 18, 2020
#73 Íslenskt rapp kannski aðeins að spá í að drepa sig
Andlát: Íslenskt rapp, segir Davíð Roach, gagnrýnandi Ríkisútvarpsins. Skoðanabræður fagna slíkri dáð, að lýsa yfir dauða einhvers sem auðvitað gefur sig út fyrir að vera sprelllifandi. Pistill sem vakti athygli ögn tekinn og skoðaður nánar, og komist að niðurstöðu um brotalamir í röksemdafærslu, sem eru þó auðvitað óhjákvæmilegar, enda röksemdafærslur á endanum ekki annað en bara tilfinningar. Annað rætt: Dýrafjörður sem ný skeggparadís, dauði sósíalismans, ágæti fóstureyðinga og margt annað skelfilegt. Allur þátturinn á Patreon, þar sem áskrift að vikulegum aukaþáttum fæst fyrir fimm Bandaríkjadali. Útvarp 101 biður að heilsa.
13:19
September 15, 2020
#72 Skoðanir Hallgríms Helgasonar
Höfundur Íslands… sem sagt Hallgrímur Helgason. Sem skrifaði einmitt bók sem heitir Höfundur Íslands, þar sem talað var illa um kommúnisma. Helstefna, segja hægrimenn, og voru ánægðir með bókina. Allt eðlilegt við það. Að vera skáld! Það er ágætur eiginleiki sem veitir innsýn. Eða þá að innsýnin valdi skáldskapnum. Hvernig sem það er hefur Hallgrímur frá ýmsu að segja og koma hans í þáttinn fellur vel að heimsmarkmiðum Skoðanabræðra, sem er að útvega hreinar skoðanir á færibandi. Hver er skoðun hans á 1) fornsögunum 2) Sjálfstæðisflokknum 3) bælingunni í íslensku samfélagi 4) Reykjavík 5) Siglufirði 6) hljóðbókum og 7) Instagram? Þetta er síðan síður en svo tæmandi listi,
1:19:18
September 11, 2020
#71 Andlegir nazis, alt-right hippar, kakó & kvíðaköst
Hlustaðu á þáttinn í fullri lengd inná www.patreon.com/skodanabraedur og eigðu von á því að vinna epíska vinninga.
22:56
September 8, 2020
#70 Skoðanir Gunnhildar Fríðu Hallgrímsdóttur og Óskar Elfarsdóttur (nýju stjórnarskrárinnar)
Stærstu mál samtímans... Skoðanabræður gera þeim að sjálfsögðu skil. En það má heita umdeilt hver þau eru nákvæmlega... klámið, grasið og skeggið eða þá „róttækar“ stjórnmálalegar breytingar, sem mætti svo sem vera gæsalappalaus lýsing á þeirri ráðstöfun að setja þjóð nýja stjórnarskrá. Sú hugsjón er helsta ætlunarverk karlmanna vikunnar, Gunnhildar Örnu Hallgrímsdóttur og Óskar Elfarsdóttur, sem eru að vesenast í ríkjandi ástandi með því að dæla út vel heppnuðum áróðri á samfélagsmiðlum og svo sem á götum bæjarins sömuleiðis, en áróðurinn  lýtur allur að því að vekja fólk til vitundar um nýju stjórnarskrána, sem var skrifuð árið 2011, kosin árið 2012 og svo hunsuð alla tíð síðan.  Þetta plagg á að vera fært um að breyta samfélaginu mjög til batnaðar, aðeins ef vilji ráðamanna stæði til að færa það í nyt. Það gerir hann ekki, heldur er þetta vandræðabarn hálfgert, því að fólkið vill þetta, en stjórnmálamennirnir ekki. Eða alla vega vinstrisquad.. Skoðanirnar eru að sjálfsögðu skiptar. Fræðist!  Skoðanabræður eru á Útvarpi 101 og þeir þiggja styrki og áskriftir á Patreon, þeim ágæta vettvangi.
1:14:18
September 4, 2020
#69 Þegar Instagram myndir tanka, kvaðir listamanna og heitar þýskar gellur
„We were in the jungle, there were too many of us, we had access to too much money, too much equipment, and little by little we went insane“ Innihald orkudrykkja, að hætta drekka vegna þunglyndis, Jónas Hallgrímsson, Jón Gnarr, heitar þýskur gellur, að mæta í skóla og sigra, uppistandarar og rapparar í Covid, lögfræðingar, ofbeldi og hnífastungur í miðbænum, undirheimar, mafíósar, Samherji, epískar heimildarmyndir, ofgnótt peninga, vont samfélag, kvaðir listamanna ofl ofl!
30:41
September 1, 2020
#68 Skoðanir Frímanns Gunnarssonar
Hashtag. Fremsti fjölmiðlamaður landsins sest á rökstóla með Skoðanabræðrum, sannkallaður karlmaður vikunnar. Frímann Gunnarsson hefur yfirgripsmikla þekkingu á öllu sem viðkemur list, menningu og æðri menntun og Skoðanabræðrum var sannast sagt farið að líða eins og þá væri farið að skorta þá vídd í þáttinn, að undangengnum viðtölum við „anarchists“ eins og Sölva Tryggvason eða „rappara“ á borð við Flóna eða Joey Christ. Frímann Gunnarsson er með þætti í sjónvarpinu ásamt því sem hann er að gefa út barnabók, Lárus og þankatröllin, og hann er hér beðinn að gera grein fyrir helstu sjónarmiðum. Framan af viðskotaillur en með tímanum þýður sem hinn viðkunnanlegasti maður. Setjið endilega virðingu á nafnið á www.patreon.com/skodanabraedur. Þetta er Útvarp 101, sem Frímann kannaðist vissulega ekki við.
1:33:34
August 28, 2020
#67 Skoðanir Sölva Tryggva
Þrír karlmenn, allir PhD: Podcast having dudes. Sölvi Tryggva steig inn í leikinn og sigraði, það verður að segjast. En hvert er markmiðið með þessu hjá honum? Svarið er inni í þættinum! Vísbending: Í grunninn það sem hvetur alla PhD til dáða yfirleitt. Gasið! Það er markmið í sjálfu sér. Svo eru líka markmið eins og að fá Björgólf Thor í þáttinn og þar keppast Skoðanabræður við Sölva um hinn feita bita. Sjáum hver ber sigurorð af hverjum.. Sölvi segir frá því þegar hann var rekinn af Stöð 2 í árslok 2008. Hann segir að það hafi verið þá sem hann missti sakleysi sitt sem fjölmiðlamaður og telur ljóst að uppsögnin hafi tengst því að hann hafi byrjað að „pönkast“ í lífeyrissjóðum. Góð veisla, fjölmiðlasaga sögð í fjölmiðlum. Þá segir Sölvi frá því þegar honum varð það á að láta Kára Stefánsson bíða. Það gerir maður víst ekki og Sölvi leið fyrir það.  Og að öðru leyti segir Sölvi frá því sem menn segja ekki frá í öðrum hlaðvörpum en Skoðanabræður þora á meðan aðrir þegja! Instagram, kvennamál og skegg hins íslenska karlmanns. Þetta eru verðug umræðuefni enda snerta þau okkur öll. Farið á www.patreon.com/skodanabraedur - veislan er á vegum Útvarps 101.
2:34:39
August 21, 2020
#66 HEITT og KALT á djamminu 1990: 19 atriði
Besti bræðralagsþáttur allra tíma, segir Bergþór. Stóru orðin... þau eru auðvitað síst til þess að spara þau. 90 mínútur af veislu, umgjörð hverrar er listi frá árinu 1990 yfir hluti sem eru annars vegar inn og hins vegar out á vettvangi skemmtanalífs. Segir sig sjálft að umdeild atriði eins og kynlíf, hugleiðsla og hip hop verða kveikjur að hágæðagasi fyrir hlustendur. Hvað þá jakkaföt, stjórnmálamenn og lögreglan? Hér á hlaðvarpsveitum fáið þið 40 mínútur, en á Patreon eru 90 mínútur. www.patreon.com/skodanabraedur. Þægilegasta app í heimi.
39:13
August 18, 2020
#65 Skoðanir Joey Christ og Lóu Bjarkar
Eins og Lóa orðar það vel: Fara í Skoðanabræður og eyðileggja mannorð sitt. Í þeirri feigðarför hennar eru Skoðanabræður ekki meira en auðmjúkir verkefnastjórar, þeir taka á móti henni og skapa umgjörð fyrir hana til þess að veitast með skipulegum hætti að eigin orðspori. Hvernig fer maður að því? Með orðum! Orð.. lengi hef ég haft á þeim illan bifur, sagði skáldið, og fleiri mættu tileinka sér, þeirra á meðal, Skoðanabræður. Jóhann er meðreiðarsveinn og hefur fyrir sitt leyti einnig upp viðleitni til áþekkra fyrirætlana og Lóa sjálf lýsir. Að tala í útvarp yfirleitt er enda auðvitað bara birtingarmynd dauðans. Þetta fólk er sem betur fer vant. Það var með Tala saman hér á árum áður á Útvarpi 101, framleiddi þar gæðagas á ljósvakanum dagsdaglega um hríð, og færir nú út kvíarnar úr hljóði í mynd. Þáttur á Stöð 2 í kvöld, er það sem ég á við. (Hver er ég-ið í textanum (hefur sögumaðurinn þegnrétt í lýsingu á hlaðvarpsþætti (uss, dreptu þig))).  PC-ismi, stéttaskipting, Free The Nipple, rasismi, raunhæf markmið í lífinu og eintómur sannleikur opinberaður í hvívetna, svo sem er Skoðanabræðra von og vísa og ekki síður viðmælenda þeirra, þar sem er valinn maður í hverju rúmi. Farið á www.patreon.com/skodanabraedur og leggið þessari tilberastarfsemi lið. Útvarp 101, vettvangur fólksins.
2:18:34
August 14, 2020
#64 Skoðanir Egils Ástráðssonar
Egill Ástráðsson. Sterkt norrænt einnefni eins og bræðralagið vill hafa það. Hann er hinn sterki norræni maður (íslenskur með alskegg) og hefur lengi átt erindi inn í gasklefa Skoðanabræðra þó að hann hafi af ýmsum sökum ekki ratað þangað fyrr en nú. Hann er umboðsmaður, atvinnumaður í veseni og meðal stofnenda Útvarps 101, 101 Studios og 101 Sambandsins og hver veit hvers meira. Allt auðvitað bendlað við hálfbannsett póstnúmer, sem nú hefur þó fengið uppreist æru, eins og Egill segir: „Þetta lattelepjandi 101, mér finnst það alveg búið.“ Orðræðugreining! Meðal sérsviða Skoðanabræðra. Að þessu sinni með fulltingi þessa góða „sæmilega hamingjusama hvíta karlmanns í hamingjusömu parsambandi.“ Og bíðið þar til farið er að ræða um FreeTheNipple. Skellið ykkur á www.patreon.com/skodanabraedur og djúsinn, hann er að öðru leyti á vegum Útvarps 101.
1:33:19
August 7, 2020
#63 „Þú ert svo fokking leiðinleg“ - Þjóðhátíð á Tinder
Bræðralag. Náið ykkur niður eftir verslunarmannahelgi með því að skyggnast inn í hvað gerist á bakvið luktar dyr á Patreon. Þetta er brot úr þætti, og restin er í appinu. Skellið ykkur um borð. www.patreon.com/skodanabraedur. 
28:27
August 4, 2020
#62 Skoðanir Steineyjar Skúladóttur
www.patreon.com/skodanabraedur Snorri drakk fimm bjóra í stúdíóinu. Fyrirgefið það innilega. Hvaða eiturlyf hefur Steiney Skúladóttir tekið? Hvenær tók hún þau? Hvers vegna?  Stórum spurningum er svarað - ásamt ítarlegum umræðum um sálfræðinga, forréttindi, femínisma, RÚV, dagskrárgerð ofl ofl.
2:33:48
July 31, 2020
#61 Skoðanir Högna Egilssonar
Það eru hálfgerð helgispjöll að fara um þennan þátt mörgum orðum enda orð ekki nema ómerkileg tilraun til þess að flækja veruleikann með merkingu. Veruleikinn er nefnilega til sjálfstætt og orðalaust, eins og í músík. Þar er veruleikinn þó saga og tónlistin er saga, sem er ofin úr efni goðsagna, stórsagna, mýta þeirra sem erfðaefni mannsins trúir á í blindni. Og ekki furða að maðurinn trúi, þessar sögur eru Sannleikurinn, ef hann er einhvers staðar til. Allt ofangreint kemur efnislega fram í þættinum, svona ef einhver hingaðkominn í textanum kynni að velta vöngum yfir því hvaða vegferð höfundur væri á. Listamaðurinn á bak við hugsunina er Högni Egilsson, stundum kenndur við Hjaltalín, einnig meðlimur um tíma í Gus Gus, nú tónskáld og alvarlega mikill almennur kóngur. Hann mætir til Skoðanabræðra að kvöldlagi, tekur við embætti karlmanns vikunnar og leggur línurnar fyrir þeim, svo ekki sé sagt að hann skilgreini heiminn upp á nýtt. Hann talar allavega, ræðir listina, lífið, útlönd, geðhvörf, Kanye West, íslenska tungu, rapp, og þar fram eftir götum, eins og taka mætti til orða ef eitthvað mætti ráða af undangenginni runu hvað kæmi næst á eftir rappi. Og þegar gengið er út úr hljóðveri eftir þáttinn er verulega tekið að rökkva enda komið vel fram á júlí, dimmblár hálfhringur, sagði skáldið, en áréttaði: Innan hans, nándir hausts. Farið í Patreon-appið og þar á www.patreon.com/skodanabraedur og komið um borð í veisluna. Fullt af þáttum þar sem eru ekki á hlaðvarpsveitum. Veislan, hún er sköpuð innan vébanda Útvarps 101.
1:52:53
July 24, 2020
#60 Eftirsóttustu skeggsveinarnir á Íslandi
Eftirsóttustu piparsveinar landsins teknir fyrir af sérstöku tilefni enda skeggjaður maður á meðal þeirra. Þetta er hans yfirlýsing. Bræðralag! Njótið þáttarins þið sem eigið það skilið. www.patreon.com/skodanabraedur. Þessir eru eftir: Ein­ar Ágúst Víðis­son , Björn Ingi Hrafns­son, Magnús Sig­ur­björns­son, Högni Eg­ils­son, Hall­dór Karls­son, Snorri Más­son, Pét­ur „Jesús“ Örn Guðmunds­son, Helgi Jean Claessen og Sölvi Tryggva­son.
28:18
July 21, 2020
#59 Skoðanir Kristínar Tómasdóttur
Að vinna við að láta fólk hætta saman… hljómar skynsamlega. Gæti verið á vegum borgaryfirvalda, þú mætir á vettvang og birtir pörum opinberan úrskurð þess efnis að þeirra ástarsambandi sé þar með lokið. Fróður maður lagði eitt sinn til að embætti á borð við þetta yrði stofnað í Reykjavík en það var við dræmar undirtektir pólitíkurinnar. Þetta er enda ekki endilega rétta leiðin til þess að koma því til leiðar í samfélaginu að aðeins séu viðhafðar réttlætanlegar ástir eða að fólk sé aðeins í heilbrigðum samböndum. Það er ekki hlutverk neins að láta fólk hætta saman, þó að þörfin geti virst skerandi í sumum tilvikum, heldur þarf fólk að fatta það sjálft. En hvernig fattar sá eitthvað, sem fattar augljóslega ekki neitt? Með aristótelískri samtalsrunu við Kristínu Tómasdóttur hjónabandsráðgjafa auðvitað, sem er nefnd til sögunnar hér í þessum kynningartexta að undangengnu alllöngu máli um ofangreint vandamál. Það er þó ekki að ófyrirsynju sem gerð er viðhlítandi grein fyrir vandamálinu enda er það risavaxið, en Kristín hefur sérstaka sögu af því að segja. Hún valdi sér starfsvettvang vegna þess að hún vildi starfa við að segja fólki að hætta saman, en komst fljótlega að raun um að önnur eins iðja væri fjarri því hluti af starfslýsingunni. Nema síður væri.. hún er í því að láta fólk halda áfram að vera saman, augljóslega. Innsýn í þetta og margt fleira, eins og ástæðurnar fyrir því að sambandið þitt er ekki góð hugmynd, í þessum vel þrungna þætti af Skoðanabræðrum. Til dæmis: Hvernig finnur rúmlega tvítug manneskja lífsförunaut? Og já! Patreon. Fáðu þér appið og fáðu aðgang að endalaust af Skoðanabræðrum. Djúsinn er á vegum Útvarps 101.
1:28:38
July 17, 2020
#58 Skoðanir Geoffrey Huntingdon-Williams
Kosningar á næsta leiti… til embættis næturborgarstjóra, bitch! Afsakið munnsöfnuðinn og dæmið hann ómarktækan, en þið takið ekki af manninum embættið. Það er að vísu ekki til enn sem komið er en hvað um það. Spurningin er þessi: Hvað er að reka konunglegasta stað landsins, er það í grunninn að þrífa ælu og túrblóð í brotnu glasi ofan í klósetti eða er það að starfa daglega að þeirri göfugu hugsjón að gera Reykjavík að betri borg og Ísland að betra samfélagi og lífið að meiri veislu. Svarið, og hér ætti að standa hlustaðu á þáttinn til þess að komast að því hvað gerist, en það gerir það ekki, þannig að það stendur, svarið er að þetta eru tvær ár sem renna að sama ósi. En til þess að skilja hvernig, hlustaðu á þáttinn! „Ég nenni ekki að tala um neina fokking rýrnun“ er dæmi um quote í Geoff í þættinum, sem, ef þér vituð ekki enn, rekstrarstjóri Priksins. Skoðanabræður. Farðu inn á www.patreon.com/skodanabraedur til að fá þættina áður en þeir koma opinberlega og til að fá tvo sérstaka gasþætti í hverjum mánuði.
1:44:53
July 10, 2020
#57 Harðsoðið blaðamannsþunglyndi og hrun þjóðernisins
Sjá ég boða hér mikinn fögnuð. Alvöru umræðuefni á miklum alvörutímum. Allt fyrir bræðralagið, en hér aðeins að hluta, því restina er að finna inn á www.patreon.com/skodanabraedur. 
31:13
July 7, 2020
#56 Skoðanir Benedikts Andrasonar
www.patreon.com/skodanabraedur Talandi um leikinn, hér er máttarstólpi. Karlmaður vikunnar er Benedikt Andrason, Benni Andra semsagt. Jafnvígur á þónokkra veruleika og hliðarveruleika, graff, tattú, dópshit og á þeim nótum, laxveiðar. Nokkrar ár sem renna að sama ósi, eins og maðurinn sagði. Hér, veitt innsýn inn í þessa leiki og við sögu koma dauða- og lífsreynslur sem eiga sér jafnt stað á vettvangi íslenskra laxveiðisvæða sem í lestarskemmum að næturlagi í Berlín. Maðurinn á alltaf í hættu að týna lífi, þannig að það er um að gera að kveikja á þættinum áður en svo fer Viðtalið hefst á mínútu 22.30. Samhengislaust quote: „Jakob Frímann, þegar hann var í borgarstjórn, þá fór hann í hardcore stríð gegn veggjakroti.“ 
1:57:55
July 3, 2020
#55 Skoðanir Andreu Rafnar
Það er ekki óskiljanlegt að sá sem gerir tilraun til þess að byrja að æfa fótbolta of seint og lendir í trámatísku áfalli og allsherjarhöfnun verði varanlega fráhverfur íþróttahreyfingunni til lengri tíma í kjölfarið og leggi sig jafnvel í líma við að kasta rýrð á hana og beiti í því skyni fyrir sér sínu persónulega hlaðvarpi. Skoðanabræður opna sig um þetta, en það er ekki aðalmálið. Andrea Röfn Jónasdóttir, bloggari, módel og svei mér þá áhrifavaldur, er karlmaður vikunnar og fer yfir aðalmálin með bræðrum: Áhrifavaldaleikinn, skoðanaleikinn, bloggleikinn, tískuleikinn og svo auðvitað barnaleikinn. Loks einnig fótboltaleikinn, sem Andrea er lofuð inn í. Innsýnin sem fæst þaðan er verðmæt og setur ofangreint tráma í mildara samhengi, en getur síst talist fullkomið mótefni. Það finnst aldrei. Djúsinn, á vegum Útvarps 101, og grundvöllurinn á www.patreon.com/skodanabraedur.
1:28:31
June 26, 2020
#54 Stóra smáhýsamálið, kitla
Stökkvið um borð í bræðralagið til að gangast á hönd hinum eina og sanna djús. Hér er átt við www.patreon.com/skodanabraedur, þar sem aðgangur fæst að tvívikulegum alvöru Skoðanabræðraþáttum, víðsfjarri ráðamönnum þjóðarinnar og þeirra formlegheitahjali. Sannleikur, eins og þar heitir.
02:58
June 23, 2020
#53 Skoðanir Guðna Th. forseta Íslands
„Ég hvet öll ungmenni til þess að fylgja eigin sannfæringu. Ekki láta einhverja áhrifavalda segja þér hvað þú átt að hugsa, hvað þú átt að kaupa, hvað þú átt að gera. Vertu þú sjálf, vertu þú sjálfur. Ekki láta plata þig,“ segir Guðni Th. Jóhannesson forseti. Það fékkst ekki meiri svívirðing á nöfn áhrifavalda, sama hvað var reynt. Sjálfur er Guðni á Fésbók eins og hann kallar hana. Hann segist ekki telja „læk“-in, en er meðvitaður um að þau gætu verið fleiri. „Ég kann ágætlega við Fésbók. Ég hef reyndar farið þar líka þá braut að birta vikupistla sem mér skilst að brjóti öll lögmál um lengdir. Í einhverjum samfélagsmiðlafræðum eiga statusar að vera stuttir og hnitmiðaðir og frekar oft heldur en sjaldan en ég kann ágætlega við að hafa þá meginreglu að birta pistla vikulega þar sem ég fer yfir mín embættisstörf í liðinni viku. Ég veit að ég gæti fengið fleiri læk ef ég stytti pistlana og hefði þá fleiri,“ sagði Guðni. Þetta er bara brot af þeirri veislu sem fer fram í samtali við karlmann vikunnar, ýtið á play og hefjið aðildina. Og styrkið! Á www.patreon.com/skodanabraedur. 
1:07:26
June 19, 2020
#52 Skoðanir Helga Seljan & Aðalsteins Kjartanssonar
www.patreon.com/skodanabraedur Skoðanabræðraskjölin.. bjóðið velkomna ástsælustu blaðamenn þjóðarinnar, eins og maðurinn sagði, Kveiksmenn. Aðalsteinn Kjartansson og Helgi Seljan ganga fúsir inn í gasherbergið á Hverfisgötu og leysa frá skjóðunni. Að því marki sem þeir mega hafa skoðanir, hvað finnst þeim um kvótakerfið? Ekkert sérstakt, eins og kemur fram, og hverjum er ekki sama um kvótakerfið! Fólk veit ekki muninn á botnfiski og uppsjávarfiski, þó að það reyndar læri það hér. Þátturinn er þó ekki um þetta heldur um mútur, spillingu, svik, veislu, blaðamennsku, fjölmiðla, pólitík og þar fram eftir götum. Í öllu falli.. squadið í samhengi, The Four Horsemen of the Apocalypse segir á engilsaxnesku þar sem heitir í íslenskum bókum verurnar fjórar. Frekar óáhrifarík íslensk þýðing sem geldir vísunina nánast alfarið, en það er önnur saga.
1:38:31
June 12, 2020
#51 Áhrifavaldar, Piece of Shit J.K Rowling og vestfirska vímuefnaveislan
Þetta er sígilt... skeggið leiðir til drykkju leiðir til neyslu kannabisefna leiðir til meira skeggs: Ég er bólginn af bjór og pilsner á Vestfjörðum. Þess vegna tek ég upp hlaðvarp! www.patreon.com/skodanabraedur
46:47
June 9, 2020
#50 Skoðanir Sönnu Magdalenu Mörtudóttur
04:30 Sanna mætir í stúdíóið 05:43 Samstöðin 08:18 fyrstu skrefin í pólitík 11:30 félagslega íbúðakerfi Reykjavíkur 14:20 rándýrt að vera fátækur 16:40 langtímaveikindi 18:30 hvernig er að vinna í borginni 20:30 íslenskir flokkar búnir að missa rætur sínar 22:40 kynslóðamunur sósíalista 24:04 hvað er sósíalismi? 27:27 afhverju á ríka fólkið á Íslandi svona mikinn pening? 30:20 Black Lives Matter 36:00 „looting“ og „riots“ 37:41 erum við að sjá allsherjar byltingu í Bandaríkjunum? 41:20 rasismi á Íslandi vs. í Bandaríkjunum 44:00 framtíð Bandaríkjanna 47:04 útlendingabíllinn 48:40 lögreglan á Íslandi 50:44 kapítalismi & rasismi 01:01:24 "J. Dilla -  Fuck The Police"
1:03:55
June 5, 2020
#49 Skoðanir Agnesar biskups
Er maðurinn syndugur? Hefur orðið siðrof? Er kannabis meiri synd en áfengi? Refsar Guð mannfólkinu? Það er ýmislegt sem maður getur leitt hugann að svona í sturtunni á morgnana, en enn betra er að ráðfæra sig við æðsta yfirmann Íslensku þjóðkirkjunnar, Agnesi M. Sigurðardóttur biskup. Hún er karlmaður vikunnar, komin til að kenna bræðralaginu lexíu og minna okkur á upprunann. Það er í kristinni kirkju. www.patreon.com/skodanabraedur
1:12:17
May 29, 2020
#48 Teaser (kitla, kv. Snorri) Rauða pillan hans Elon Musk
Ber er hver að baki nema sér bróður eigi, spakmæli sem hafa enga sérstaka merkingu þessa stundina frekar en fyrri daginn. En Skoðanabræður halda úti góðri veislu: Elon Musk, samkynhneigð, skáldskapinn, handritin, stuldinn á ofurtölvunum og Guð veit hvað fleira. Og Guð! Á þeim nótum sagt frá karlmanni vikunnar í næstu viku, sem er söguleg epík. Skellið ykkur inn á www.patreon.com/skodanabraedur.
03:12
May 26, 2020
#47 Skoðanir Þórðar Snæs ritstjóra Kjarnans
www.patreon.com/skodanabraedur Björgólfur Thor og Róbert Wessmann. Þegar þeir fara í fýlu út í hvor annan gerist ýmislegt fyndið. Hvað eru 800 milljónir á milli mjög ríkra óvina? Þær eru rekstur DV í örfá ár. Þórður Snær Júlíusson, alvarlegur kóngur, varpar ljósi á það sem annað. Loksins, loksins, segði einhver: Fjölmiðlaumræða í Skoðananabræðrum! Þó sneitt hjá henni eftir föngum, enda margþvælt og margsagt margt af því sem segja má. Mikilvægt þó að segja sannleikann, það rætt. Þessi lýsing síðan skrifuð seint að kvöldi, þannig að tregt er tungu að hræra. Þeim mun meiri vonir bundnar við að þátturinn tali sínu máli, enda raunverulega epískur, þegar út í það er farið, og hér ætti auðvitað er vera út í það farið. Það er þó ekki en þrennt nefnt sem stendur upp úr: Hvernig varð íslenska bankahrunið, á mannamáli, af hverju var það verra en það sem nú blasir við og hvað þarf Ísland að gera til að verða Great Again.   01:11 stuðningsfólk frjálsar fjölmiðlunar 06:59 Þórður Snær mættur í stúdíóið 07:46 Þórður Snær rekur feril sinn 16:30 hvað þarf til þess að halda floti í blaðamennsku 17:12 byrjunarkonsept Kjarninn.is 23:18 fjölmiðlar í Bandaríkjunum sem Kjarninn horfði til 26:45 rekstur fjölmiðla fyrir hrun 27:43 kreppan gerð upp í stuttu en þó löngu máli 29:50 afhverju allir gátu fengið lán fyrir kreppu 37:40 virði Íslands í alþjóðasamanburði 39:55 verðtrygging 42:44 stöðugleikasamningarnir 45:23 Árni Matthiesen fjármálaráðherra fer til útlanda með reiðufé ef kortin hans skyldu hætta að virka 46:46 þeir þrír hlutir sem komu Íslandi upp úr kreppunni 53:37 réttu störfin sem Ísland þarf að búa til til þess að komast upp úr næstu kreppu; hugverk. 58:00 íslensk tunga 1:00:40 brottflutningur íslenskra námsmanna 1:01:35 vilji stjórnvalda til þess að búa til réttar aðstæður 1:03:15 pópúlískir flokkar í Þýskalandi og flóttamannvandi, í samanburði við Ísland 1:07:25 ástæðan fyrir því hvers vegna pópúlísk öfl sem ala á útlendingaandúð hafa ekki náð fótfestu á Íslandi 1:15:50 raddir leiðara fjölmiðla 1:19:58 mikilvægi þess að viðurkenna mistök sín í fjölmiðlum 1:25:45 styrkjakerfi Kjarnans 1:29:50 vinnuskipulag ritstjórn Kjarnans 1:44:30 brotin sjálfsmynd Björgólfs Thor og Róberts Wessman 1:53:18 leiðinleg samskipti vegna skrifa 1:58:50 björt framtíð Kjarnans
2:04:29
May 22, 2020
#46 Tobba Marinós ritstjóri DV, hrun Bandaríkjanna og „dagbækur Hitlers“
www.patreon.com/skodanabraedur. BDSM-róla í kjallarahvelfingu. Það er allt eðlilegt við það. Það er líka allt eðlilegt við að Tobba Marinós, ritstjóri DV með meiru, nefni ámóta kjallara sem það fyrsta sem henni detti í hug þegar hún nær sambandi við Skoðanabræður. Eða hún nær sambandi við er ekki nákvæmt orðalag. Þeir ná sambandi við hana, sem er gleðiefni, enda ekki auðsótt hjá uppteknum ritstjóra sem lofar því þó að hann sé ekki á leið hraðbyri inn í kulnun, eða Burnout eins og Þjóðverjinn kallar það og Bandaríkjamenn „for that matter.“ DV er umdeildur miðill, það er alveg ljóst. En siðleysið bundið í eðli blaðamennskunnar getur fengið að hafa sinn gang án þess að særa að óþarfa eða fara yfir velsæmismörk. Tobba segir að það sé stefnan, en hún blæs ekki á hitt að í henni býr dólgur frá fornu fari, sem sér fréttina, sækir hana, og segir hana. Það breytist ekki – ekki frekar en heilbrigða kvíðakastið sem blaðamaður fær kvöldið fyrir prent. Að öðru leyti stungið niður mállegum penna um hvaðeina aðskiljanlegt: Farið frá hlunkaskap í heimaæfingum, yfir í sauðburð, vegan fitubolluskap og falskar hugsjónir í því samhengi, og þaðan í þann Dýrafjörð allra pólitískra málefna sem heimsvaldastefna Bandaríkjanna er. Vísun í Gíslasögu, auðvitað, og á þeim nótum einnig tekinn rúntur um það mikilsverða atriði sem eru íslenskar fornbókmenntir. Í rauninni þó lýsingarhöfundur segi sjálfur frá, einhver fremsti þáttur Skoðanabræðra frá upphafi. Djúsinn flæðir um ljósvakann frá Útvarpi 101 og Skoðanabræður taka aldrei við greiðslu frá nokkrum öðrum en hlustendum, á www.patreon.com/skodanabraedur. 03:49 viðtal við Tobbu hefst  35:12 herferð rappara gegn DV 36:24 líkamsrækt og einkaþjálfun 41:05 hvernig á að byrja að finna sinn eigin takt í gymminu 43:30 Bergþór hættur að vera vegan 49:00 lömbin leidd til slátrunar 51:30 Snorri hatar sushi 53:30 vandamálið er kapítalismi - vegan er ekki lausnin 58:18 málfræðilega fyrirbærið að baula, hneggja og mjálma 01:01:00 Esperanto 01:06:10 Konungsbók Eddukvæða 01:08:00 World of Warcraft lore 01:09:30 eru konur minnihlutahópur? 01:11:00 upphaf áróðurs 01:13:02 falskar dagbækur Hitlers 01:20:00 heimsveldastefna Bandaríkjanna 01:24:07 kommúnismi vs. kapítalismi 01:26:20 Berlínarmúrinn 01:31:00 virðing sett á BlazRoca
1:36:22
May 15, 2020
#45 Teaser (kitla, kv. Snorri): Flugvallargangbang
Hvað gerist þegar maður stendur í röð fyrir flugvél á vegum Wizz Air og einn er leiddur afsíðis af því að hann er að væla yfir aukagjöldum sem eru tilkynnt viðskiptavinum á óheppilegasta tíma í heimi? Lærðu meira með því að ýta á play, og svo enn meira með því að gerast áskrifandi að Skoðanabræðrum á www.patreon.com/skodanabraedur. 
02:59
May 12, 2020
#44 RISASTÓR TILKYNNING! Nýir tímar og sigur á Zuckerberg
Nýir Bræðralagsþættir; auglýsinga- og styrkjaupptalningalausir, stútfullir af hágæða gasi nú aðgengilegir inni á Patreon! Fyrir nýja Bræðralagsþáttinn:  www.patreon.com/skodanabraedur. Fyrir klink geturðu gerst áskrifandi að Bræðralagsþáttum og fengið aðra venjulega þætti degi fyrr en aðrir hlustendur. Skoðið síðuna og komið um borð í veisluna. Framtíðin er núna.
23:54
May 12, 2020
#43 Skoðanir Gísla Marteins
Gísli Marteinn Baldursson.. hvernig er að vera frægur! Grundvallarspurning blaðamennskunnar. Réttast væri að láta þar við sitja. (Sjá skiptingu á efni þáttarins neðst) Því miður getur maður ekki látið eina spurningu nægja þegar maður fær eins stóran lax í hljóðver, og því er farið yfir nokkur önnur atriði. Skoðanabræður spyrja um skoðanir, en ekki hvað, og þar þarf fyrst að kanna þá heimild, eða forréttindi, sem hver einstaklingur hefur til að yfirleitt hafa annað eins, sem sé skoðun. Gísli er opinber starfsmaður og loftkenndar en hvimleiðar kröfur They um hlutleysi fjölmiðlamanna er hávær, þannig að Gísli þarf að hvað? Passa sig? Eða hirða ekki um róginn og halda sínu striki? Sjá svör í þættinum. Gísli byrjaði sjálfstæðisflokksmegin í lífinu en stýrir nú sjónvarpsþætti góða fólksins. Það gerðist allur fjandinn á leiðinni frá A til B en lífið snýst um ferðalagið sjálft frekar en hvað gerist á leiðarenda, skrifa ég og velti fyrir mér af hverju ég skrifaði það, og þykist hér með neyðast sökum tímaþröngar að slá botninn í þessa tilgangslausu og innihaldsrýru lýsingu á þættinum, og álykta að hver sem hefur drifið alla leið hingað í lýsingunni hljóti einnig að vera reiðubúinn að láta kné fylgja kviði og láta sig hafa að hlusta á þáttinn, og þar með væri lýsingin þó ótrúlegt mætti virðast búin að rækja hlutverk sitt. Djúsinn? Hann er á vegum Útvarps 101 og þegin er virðing á nafnið í símanúmer 661-4648 á AUR eða KASS. 05:40 viðtal við Gísla Marteinn hefst 07:45 innsýn í Vikuna með Gísla Marteini 17:45 hvernig vinnuferlið hefur þróast á tuttugu árum í fjölmiðlum 21:42 Gísli Marteinn setur virðingu á bræðralagið 23:00 sjúka samtalið við Dripmund Davíð 29:45 Arnþrúður Karlsdóttir í Vikunni 38:00 atvinnustjórnmálamenn 41:22 hvað er deiliskipulag? 46:00 REI málið rakið í þaula 53:50 fyrsta skrefið í að búa til fullkomna borg 01:07:50 Bjössi í World Class 01:16:48 blönduð byggð 01:19:25 Gísli Marteinn rótalaus í Vesturbænum 01:23:55 gentrification í Breiðholti 01:27:22 tvenns konar pólitík 01:34:10 Skoðanabræður og Gísli Marteinn sameinast í framboði til borgarstjórnar árið 2022 01:34:30 frægðin og hamingjan 01:38:28 dvöl í Þýskalandi 01:42:34 lokaspurning; afhverju er maður að gera það sem maður gerir?
1:50:54
May 8, 2020
#42 Sólveig Anna formaður Eflingar, móðursýki auðvaldsins, tilgangur lífsins og framtíð íslensks rapps
03:00 Áslaug Arna eyðileggur Child 04:23 viðtal við Sólveigu Önnu Jónsdóttur formann Eflingar 33:50 mikilvægi sannleikans 35:30 Instagram story afmæliskveðjur 38:20 ólík samskipti við ólíkt fólk 40:33 fjórtán ára stelpa í viðtali við Liberal Media 44:00 ADHD fjárglæpamaðurinn 51:00 Evran og saga Evrópusambands 58:00 músík sem verður til þegar allt er að hrynja 59:30 þróun íslensks rapps 01:11 Travis Scott og ógeðslegir átta ára strákar 01:15 Drake og textaþjófnaður 01:18:37 Larry David og Trump 01:22:30 Twitter 01:25:45 plokka eigin geirvörtu með hamri 01:30:25 fjölmiðlar og Facebook 01:36:40 stefnumótun og tilgangur 01:44:05 opnið á veisluna og taka psychedelics 01:46:15 vatn á púlsinn Fræg er sagan af því, hjóta fræðimenn framtíðar segja, þegar Skoðanabræður fengu til viðtals Sólveigu Önnu Jónsdóttur formann Eflingar. Niðurstaðan varð eitthvert ágætasta viðtal sem þeir bræður hafa tekið og líklega það eina þeirra sem á eitthvert raunverulegt skynsamlegt erindi við þjóðina. Það er 1. maí og allir vita hvað það þýða: Afmæli Snorra Mássonar. Afmælisdepurðin ætti að ráða ríkjum í dag, en hver veit hvort sólinni takist að skyggja að einhverju leyti á hana. Snorri óskar sér aðeins eins í afmælisgjöf frá bræðralaginu og þeim ætti að vera nokkuð hægt um vik: Skjáskot og story, heyra nánar í þættinum. Og það er 1. maí og allir vita hvað þýða, atriði tvö: Alþjóðlegur baráttudagur verkalýðsins. Eins og nóbelskáldið lagði Ljósvíkingnum barnaníðingi í munn, eru „erfiðir tímar“, það er „atvinnuþref“, og kvæðið, sem átti að vera klaufalegt, er í raun ískyggilega nákvæmt á tímum kórónukreppunnar. Ég er semsé að tala um Maístjörnuna, og sem ég skrifa og gúgla verð ég æ ánægðari með hana, raunar svo að til þess gæti komið að ég láti það slá hér botninn í þáttarlýsinguna. Það væri ekkert nema viðeigandi, þar sem nú sem aldrei fyrr er þörf á að huga að hagsmunum heildarinnar og þar er verkafólk í meirihluta. Það, og margt annað helvíti ferskt í þætti dagsins, til dæmis frásögn af ævintýralegum fjárdrætti Viðreisnarmanns. - Ó hve létt er þitt skóhljóð ó hve leingi ég beið þín, það er vorhret á glugga, napur vindur sem hvín, en ég veit eina stjörnu, eina stjörnu sem skín, og nú loks ertu komin, þú ert komin til mín. - Það eru erfiðir tímar, það er atvinnuþref, ég hef ekkert að bjóða, ekki ögn sem ég gef, nema von mína og líf mitt hvort ég vaki eða sef, þetta eitt sem þú gafst mér það er alt sem ég hef. - En í kvöld lýkur vetri sérhvers vinnandi manns, og á morgun skín maísól, það er maísólin hans, það er maísólin okkar, okkar einíngarbands, fyrir þér ber ég fána þessa framtíðarlands.
1:49:38
May 1, 2020
#41 Sannleikurinn um Lamestream Media og sagan um píkuna og dýrið
Bræðralag! Við reiðum okkur á ykkur. Og þó. AUR eða KASS í síma 661-4648. Maggi sushi er gestur þáttarins, sá eini sem hefur fengið að ganga í bræðralagið í beinni. Sjálfsagt að setja virðingu á hans nefnd, svo sem vér og vænumst eftir því af ykkur að þið gerið það við okkur. En allur fjandinn ræddur, samanber fyrirsögn, og ýmislegt endurtekið, orðræða mannsins enda ekki nema samfelld árétting þess sem áður hefur komið fram.
43:47
April 28, 2020
#40 Skoðanir Magga sushi, skoðanabræðrafræðings II.
Ég myndi aldrei kalla hann annað en Magga sushi, en get skrifað hér að Magnús Jochum Pálsson er gestur afmælisþáttar Skoðanabræðra. 1 ár af fremsta hlaðvarpi landsins og megi þau vera þúsund enn, en það er ekk ekki von nema spurt sé hvert sé orðið okkar starf í sex hundruð sumur: Höfum við gengið til góðs götuna fram eftir veg? Stefnan er að ræða það, en það fer náttúrulega út í aðra sálma, því aðrir sálmar eru það eina sem við kyrjum.
1:21:38
April 28, 2020
#39 VIÐTAL VIÐ GOONS: Stormur Kormákur og Patti, þunglyndi, kvíði og skagfirski kvenpeningurinn
02:00 Viljinn kominn út - 06:26 Þú Skuldar spilað til þeirra sem svíkjast undan - 09:30 gas um covid19 - 10:30 Skoðanabræður ræða eigin þunglyndi og kvíða - 17:20 virðing á Lönu Del Rey - 19:10 gaurar sem virkilega hata lögguna - 21:20 kvíðaköst - 22:30 get out the game - 27:00 Þórólfur með of mikil völd - 30:10 fólk í showbiz með sjálft sig á heilanum - 35:40 Stormur og Patti goonkings viðtal 58:24 - afmælisþáttur ræddur 60:20 - Kanye West kóngur heimsins - 65:00 Nýja Ísland - 69:42 grasreykingar á Marmaris - 76:34 Eyþór Arnalds - 84:00 Instagram - Að ræða kvenpening eins og bústofn – það gera Skoðanabræður ekki, nema ónarraðir út á þá villuslóð. Og beri svo fágætlega við, slá þeir nauðsynlega og heigulslega varnagla sem sýkna þá af orðum þeirra, eins og þennan hér. Byggðarlagið sem um ræðir er Skagafjörður, sem einhverjir binda vonir við sem heitan áfangastað í sumar, en víkur þá sögunni að heitum áfangastað úr fortíðinni, raunar náfortíð; henni víkur að Vík í Mýrdal. Þar í auðninni taka tveir goons til starfa nú um mundir, Patrekur Þór Þormar Ægisson og Stormur Jón Kormákur Baltasarsson. Svo mörg voru þau nöfn, og svo höfðinglegt er það af þeim að bjóða Skoðanabræðrum upp á viðtal. Þeir eru einir af fáum goons sem eru með vinnu, þó það sé ekki nema um stundarsakir næstu vikur. Þeirra framlag í umræðuna er mikilsvert, að fá innsýn sem sé í veröld goona á tímum heimsfaraldurs; atvinnumál, fjármál, vímuefnamál og kynferðismál rædd. Í þættinum að öðru leyti? Margt rætt, grunnur lagður að stefnu Íslands til framtíðar, og sjónarmið reifuð. Svo sem ekkert um það að segja. Djúsinn, á vegum Útvarps 101, og styrkir þegnir í síma 6614648 á KASS eða AUR.
1:31:39
April 24, 2020
#38 Samið um gasgjaldið við Sindra Jensson í Húrra, graffað á grunnskóla og rúllað eins og Ísland fyrir þúsund árum
Fyrirtæki! Skoðanabræður hafa snúist á sveif með auðvaldinu í heimsfaraldrinum, enda ljóst að einhver þarf að rækta landið og hann gerir það ekki nema fá eitthvað fyrir sinn snúð. Og skemmtu þér vel við að fá eitthvað fyrir þinn snúð, þ.e. verða ríkur, með því að opna fatabúð, segir Sindri Jensson stofnandi Húrra, hálfpartinn augljóslega að grínast, enda ekki neitt gríðarlega hagkvæmt aktívitet sá rekstur. Það er menningin sem menn eru að horfa til og ekki verra að geta lifað á því um leið. Hann er karlmaður vikuna þessa viku og gefur Skoðanabræðrum innsýn í litlu veisluna sem er í gangi á vettvangi viðskiptalífsins nú um mundir, sem er mikilvægur fróðleikur fyrir leikmennina í Skoðanabræðralaginu. Fyrir utan key viðtal er margt annað frekar konunglegt rætt í þættinum, sem vonast er til að sé ekki í hrópandi ósamræmi við það sem kemur fram í viðtalinu, en sé svo er mönnum bent á sönn orð í bréfi Konráðs til Jónasar sumarið 1844: „allir hafa ekki sömu áhrif á mann, og þess vegna talar (og skrifar) maður ekki eins til allra, þó maður sje aldrei nema nokkurneginn einlægur, eins og [Skoðanabræður] eru.“ Samhengi skapar Útvarp 101 og fjármögnun fer fram í gegnum AUR eða KASS í númerið 6614648. Sundurliðun:  04:50 styrkjakóngur vikunnar kynntur inn  07:00 talað um tabú, kvíða og geðsjúkdóma 16:00 árangur Íslands í baráttunni við covid19  23:00 gas  26:50 nýir rapparar svívirtir, gamlir rapparar virtir  29:00 virðing sett á nafn Gísla Pálma  37:00 Vigdís Finnbogadóttir  43:12 Sindri Jensson karlmaður vikunnar  01:05:15 skjátími íslendinga  01:06:00 ALLIR eru að deyja úr óöryggi vegna Instagram og ógeðslegra áhrifavalda  01:14:00 loftslagsbreytingar og lífstíll  01:17:00 eggjun veganbúðinnar og vegan fólk svívirt  01:21:10 þegar Snorri og Bergþór gröffuðu á skólann sinn og voru teknir af skólastjóranum  01:25:55 niðurlægingin að vera settur í D-lið í fótbolta þegar maður var tólf ára   01:26:35 Snorri svívirðir alla fótboltamenn alheimsins eftir að hafa lofað hinu gagnstæða í viðtali fyrr í´þættinum (orsök mikillar eftirsjár sem hann er að glíma við í raunheimum einmitt núna)
1:32:54
April 17, 2020
#37 Kvíði, Kórónu Víri og samtalið sem vegurinn inn í ljósið
(Bræðralagsþáttur) Ber er hver að baki nema sér bróður eigi og ber er hver Skoðanabræðrahlaðvarpsþáttur að baki nema sér skoðanabræðralag eigi, eins og við eigum á Facebook og á AUR og á KASS, það er að skilja, sumir sjá sóma sinn í að leggja sitt af mörkum til frjálsrar fjölmiðlunar, aðrir hírast í þögninni, reyna að gefa ekki frá sér múkk, allt í von um að ekki heyrist til þeirra, því þá verður afhjúpun aldarinnar: Það fer að verða komið ár af því að þessir púkar hlusti á Skoðanabræður án þess að setja virðingu á nafnið með fjárhagslegum hætti. Samt: Okkur er eiginlega alveg sama hvað við fáum af styrkjum – þetta er bara viss orðræðuhefð. Skilgreindu óvininn og segðu fólkinu að þú munir sigra hann. Deildu og drottnaðu. Keep America Great. Almannahagsmunir framar sérhagsmunum. Íslandsbanki tók ákvörðun um að veita bestu bankaþjónustu á Íslandi. Skoðanabræður eru fólgnir, allt saman á vegum Útvarps 101, og djúsinn, hann hefur aldrei verið eins hátt á lofti. Styrkjakóngur vikunnar er Guðmunda Bergsdóttir.
1:02:26
April 14, 2020
#36 DJ Dóra Júlía, ljósir punktar í faraldrinum og úrkynjuð unglingsgerpi á Instagram
1:18 fara aftur í menntaskóla og unglingalíkamar 07:30 styrkjakóngurinn kynntur inn 10:00 skoða gömul skilaboð á Messenger 13:40 Snorri mætir í mataboð yfirnáttúrulega þunglyndur 17:30 sumarbústaðabann 24:00 Joe Biden elliær 27:20 Þjóðhátíð og FM95BLÖ 41:30 nýja Drake lagið svívirt 45:45 Dóra Júlía 01:10:50 Hildur Lilliendahl,feministar og fjölmiðlar 01:22:40 Talented Mr. Ripley, Matt Damon og Gwyneth Paltrow 01:42:15 íslenskir tónlistar ópólitískir Aurið eða Kassið í símanúmer 661-4648 – Skoðanabræður eru að safna fyrir nýju hljóðkorti og þeir myndu aldrei taka fé fyrir að auglýsa nokkurn skapaðan hlut, og þurfa þeim mun frekar á hjálp þinni að halda. Þú veist að þú skuldar.  Þáttur dagsins, gjöf til hlustenda.. Fyrst skal frægan telja: Dóra Júlía heiðrar okkur með símtali árla morguns á skírdegi þar sem farið er yfir stöðu mála. Hvernig fer fólk að því að halda haus þegar bókstaflega svona fimm epískum utanlandsferðum um suðrænar sólareyjar er aflýst á einu bretti og ekkert blasir við nema líflaus auðn? Jú, það áttar sig bara allt í einu á því sem skiptir máli í lífinu, góðir félagar og góð veisla, sama hvað tautar og raular. Menn eru í þessari stöðu nú um mundir og enginn nær betur utan um það ástand en Dóra, sem er einmitt þolandi öfangreindra hörmunga – en líka uppgötvari dásamlegra uppgötvana. Skoðanabræður hafa þó einnig lagt áherslu á að gleyma ekki myrku hliðunum í þessu öllu saman, einkum Snorri, sem sérhæfir sig í neikvæðni og kvíða – því sem Bergþór hefur snilldarlega nefnt „smitandi sjálfsmorðsorku“. Horfið er aftur að því gamalkunna viðfangsefni þessa hlaðvarps og staðan tekin á þjáningunum.   Síðan er stiklað á stóru um helstu hugðarefni landsmanna, allt frá sumarbústaðarskömminni (hvert erum við komin) og til misfagurra dægrastyttinga í þessum sömu bústöðum, eins og til dæmis ósæmilegar sjálfssnertingar kvenna í kjölfar lestrar á bókum eftir Jón Kalman. Svo að ekki sé farið nánar út í það er best að vísa bara beint í efni þáttarins, og taka fram, að djúsinn er á vegum Útvarps 101. 
1:49:34
April 10, 2020
#35 Flóni & Joey Christ, snakkpokaát, fitufordómar, skáldskapur og svívirðingar
SÝNDU FRJÁLSU HLAÐVARPI STUÐNING MEÐ AUR/KASS STYRKJUM Í SÍMANÚMER 6614648. 03:40 styrkjakóngur vikunnar kynntur inn 08:00 sóttkví Snorra og Odds 12:00 dvöl Bergþórs á Siglufirði 15:45 spil svívirt 19:00 stafrænt líf 21:30 þegar Snorri var 100+kg og borðaði Lays Cheese and Onion á hverjum degi & Skoðanabræður athuga eigin fitufordóma 26:30 tilraun til að svívirða Snorra Björns 30:35 Flóni & Joey Christ 56:00 strákar sem gera beats svívirtir 01:02:00 pólitísk áhrif covid19 01:05:50 fötlunarfordómar Skoðanabræðra og Friend Zone 01:11:23 Tiger King 01:13:00 Snorri segir frá ömurlegri bók, framleiðsla og skilvirkni 01:17:00 Woody Allen 01:21:45 Áslaug Arna svívirt 01:30:00 Íslendingar sem vita ekki af Corona 01:37:00 skáldskapur, Mad Men & Íslendingasögur.  Cheese and Onion Lay’s klukkan 15. Offituskaðræði á eigin líkama um hábjartan dag – allt í nafni bekkpressunnar. Að sjá eftir slíkri hegðun, eru það fitufordómar? Að hata eigin líkama, er það að hata aðra vegna líkama þeirra? Í Skoðanabræðrum er ekki spurt að leikslokum enda þykir það vont orðalag, en heldur farin sú leið að spyrja eitthvað um miðbik þáttar, og svara aldrei. Þáttur dagsins er gæðaskúnkur, má segja, einkum í ljósi þess að Skoðanabræður eru orðnir opinbert kannabishlaðvarp, sem rekur harða lögleiðingarstefnu. Þeir benda þó á hitt, að hliðstæð stefna í áfengismálum sem yrði fylgt eftir nú um mundir hefði ekki æskilegar afleiðingar, og er alls ekki meira viðeigandi nú en áður, nema síður væri. Ég veit ekki af hverju ég er að skrifa þetta. Skoðanabræður eru frjálst hlaðvarp sem hlýða engum nema eigin sannfæringu og hlustendum sem styrkja þá í númerið 661-4648 á AUR eða KASS.
1:45:18
April 3, 2020
#34 Femínistaperrar og spilltar löggur
(Bræðralagsþáttur)  Tvær fjarskyldar tegundir í íslenskri náttúru: femínistaperrar og spilltar löggur. Eina sem Skoðanabræður biðja um er að menn gangist við eðli sínu. Svo mörg voru þau orð, og þau eru fleiri. Bergur og Snorri ráða ráðum sínum landshluta, rétt eins og um væri að ræða samgöngubann, þegar slíkt er vitaskuld ekki í gildi, heldur aðeins samkomubann, þó að auglýsingabæklingurinn Fréttablaðið hafi reynt að æsa annað viðhorf upp í fólki á dögunum. Víði er hlýtt í hvívetna en honum er ekki treyst um of, enda er hann lögregla, og hlutverk lögreglu er að beita ofbeldi fyrir hönd ríkisvaldsins. Það væri hálfundarlegt að gjalda ekki varhug við því, þó að ýmis heilaþveginn gjaldi varhug við goldnum varhug, og bendi á hið augljósa, að lögreglumenn séu líka fólk, eins og það hafi einhvern tímann verið spurningin. Skoðanabræður lesa þá upp þá göfugu menn sem hafa lagt lykkju á leið sína til þess að styðja við frjálsa fjölmiðlun. Sumir æskja þess að nafni þeirra sé leynt. Við því er orðið. Aðrir gera ekki slíka kröfu. Þá er sett virðing á þeirra nöfn því sem nemur. Hliðstæða er dregin upp með styrkjendum og þeim Íslendingum í Bandaríkjunum sem tóku sig til á dögunum og sendu virðingu heim í formi öndunarvéla, gjaldmiðli sem hlýtur að þynnast mjög um leið og kórónaveiran hjaðnar, eins og vitur maður benti á á dögunum, sá sami og kallaði Nancy Pelosi “sick puppy.”
55:45
March 31, 2020
#33 Berglind Festival, dópið í sóttkvínni og ástir samkynhneigðra karlmanna sem eru samt no homo
Það var í gegnum Holland sem Snorri flaug heim frá Þýskalandi til Íslands og það var í gegnum Holland sem hugtakið „no homo“ fann sér aftur leið upp á yfirborðið í Skoðanabræðraþætti dagsins. Þetta hefur ekki verið sagt í um það bil heil fjögur almanaksár en er hér vakið aftur til lífs af ærinni ástæðu, sem heyra má um snemma í þættinum. Mikilvægur atvinnuvegur þessarar þjóðar sem sekkur nú í sæ kemur við sögu, það er, stýrið. Og um leið er sjónarmiðum lýst á þá leið að ofsögum sé sagt að kalla Hollendinga þjóð. Það er ekki auðferðast milli landa þessi dægrin og sökum þess snýst þátturinn á tíma upp í óð til eiturlyfjaneytenda þessa lands. Það eru óvissutímar á markaðnum, sagt er að kókaín sé runnið með öllu til þurrðar uppi á Íslandi og spekúlantar velta fyrir sér hver birgðastaðan er á kannabisefnum. Stónerasóttkvíin hlýtur að vera ljúf þeim sem eiga nóg til, sem ættu að vera ófáir: Það er myndarleg kannabisræktun víðs vegar á landinu og svínin hafa að líkindum lítinn tíma til þess að hamast á saklausum bændum. Á þessum nótum má spyrja sig hvaða eiturlyf væri best í sóttkvínni, og til þess að leita svara við þeirri spurningu sem látið er eins og sé eðlileg í þessu samhengi, fengu Skoðanabræður til sín fornan ráðuanut: Berglindi festival. Vegna tilmæla frá sóttvarnamiðstöð hafa Skoðanabræður talið öruggara að fara ekki út fyrir Skoðanabræðralagið sjálft og leitast við að ræða aðeins við fólk sem hefur verið karlmenn vikunnar áður. Þeim er treyst. Berglind hafði nýverið lokið við ömmuleikfimi heima hjá sér umkringd ódýrum græjum og kunni af þeim sökum ekki við að gefa Skoðanabræðrum myndræna innsýn inn í íbúðina. Þeim mun meira var skeggrætt; Berglind gaf góð ráð við ofangreindri spurningu, kvaðst þó sjálf halda sig við rauðvín, sem þó væri opnað á óreglulegum tímum dagsins, og hún lauk síðan máli sínu með því að veitast að starfsheiðri Skoðanabræðra með óvægnum hætti. Það var tímabær aðför. Þessir þættir eru á vegum Útvarps 101 og eru reknir á styrktarfé, sem látið er af hendi á KASS eða AUR í síma 661-4648.
1:29:14
March 27, 2020
#32 Odd Þórða og versta skiptinám sögunnar, sem blessunarlega tekur nú snöggan enda
„Það hefur enginn skiptinemi í mannkynssögunni nýtt tímann verr heldur en ég,“ segir viðmælandi. Odd Þórða var fyrsti Íslendingurinn sem Skoðanabræður fabúleruðu um að væri kominn með Covid-19, þar sem hann dvaldi í ömurlegu skiptinámi í Southampton (sjá þátt #21). Eftir 7 mánuði inni í herbergi er Odd á leið í einkaþotu heim á sunnudaginn, mun fyrr en áætlað var, og því ber að fagna: Dvölinni er lokið, sem hann segir réttast að hann fengi kafla fyrir í heimsmetabók Guinness, nefnilega fyrir „versta skiptinám allra tíma.“ Hann segir hér í smáatriðum frá þeim breytingum sem orðið hafa á högum hans síðan síðast, þriðji karlmaður vikunnar sögunnar til þess að vera gestur þáttarins tvisvar. Skjótt skipast veður í lofti á þessum síðustu og bestu – örlög ráðast á svipstundu, sem annars hefðu líkast til orðið önnur. Skoðanabræður eru sagnaþulir samtímans og hlutverk þeirra er fanga þessar sögur í orð og skrásetja það sem annars hefði fokið út í vindinn. Á sama tíma eru þeir sjálfir viðfang eigin skrásetningar, nú þegar suðrið sæla andar vindum þýðum og það vorar í mestu borgum Evrópu, tekur Snorri saman föggur sínar og álpast með fyrsta flugi heim, nánar tiltekið kórónavél sérstakri, og lendir á miðnætti í kvöld. Hann, sem hugðist halda kyrru fyrir í Berlín, biðja að heilsa öllum heima rómi blíðum og koma síðan með haustskipum, sér sóttarsæng sína nú uppreidda og kemur heim með skottið á milli lappanna. Til þess að kynnast þættinum efnilega er mælst til þess að hlustendur stilli töppunum haganlega í eyrun og kveiki á þessari músík. Hér er síður en svo aðeins verið að ræða kórónaveiruna þó að vissulega svífi hún yfir vötnum. Þetta helvíti er á vegum Útvarps 101 og er alfarið rekið með framlögum frá hlustendum með því að senda pening með AUR eða KASS í númer 661-4648.
1:50:23
March 20, 2020
#31 Skoðanabræðralagið – virðing á nafn Sigurðar Stefáns - svívirðing á nafn Björns Þorlákssonar
Þessi var að setja virðingu á nafnið. Og þessi var að setja virðingu á nafnið. Heyrðu, síðan var þessi að setja virðingu á nafnið. Og veistu hver er búinn að vera að hlusta frá vordögum Skoðanabræðra? Björn Þorláksson. Frá honum hafa Skoðanabræður þó ekki séð túmark með gati á. Svívirðing sett á nafn hans þetta skiptið. Skoðanabræður þiggja engan pening frá fjársterkum aðilum sem kynnu að vilja hafa nokkuð um efnistök þeirrar fjölmiðlunar að segja. Þeir þiggja vald sitt einvörðungu frá hlustendum sínum, sem styrkja þá í gegnum AUR eða KASS í símanúmerið 661-4648. Það heitir að setja virðingu á nafnið, að styrkja frjálsa fjölmiðlun. Getur verið 500 kall, 1000 kall, getur verið 2000 kall eða 10000 kall – alveg sama; nafnið þitt verður nefnt í þessum þætti óskirðu ekki nafnleyndar. Með því höldum við áfram þeirri samfélagslegu vegferð sem við erum á. Þessir þættir koma út á tveggja vikna fresti á þriðjudögum. Skoðanabræður eru ekki til án Skoðanabræðralagsins – en Skoðanabræðralagið væri líka ekkert án Skoðanabræðra, og þess vegna þurfa þeir styrki. Styrkirnar fara síðan undir engum kringumstæðum í „laun“ heldur renna þeir beint í umbætur á efninu. Þeim mun meiri sem þeir eru – þeim mun betri eru þættirnir. Samtalsþættir koma út á þriðjudögum á tveggja vikna fresti.
26:46
March 17, 2020
#30 Pétur Sóttkvíernan, tjara og fiður í skólablöðum og NEI við kynfræðslu
Skoðanabræður áskilja sér rétt til þess að ræða ekki undir nokkrum kringumstæðum þá ákvörðun hóps ungra karlmanna að neita sér um að stunda sjálfsfróun og fara í kaldar sturtur. Slík umræða fer fram í öðrum síðri hlaðvörpum, sem þó er erfitt að festa fingur á hver eru nákvæmlega, enda er eftir allt aðeins eitt hlaðvarp til í leiknum: Skoðanabræður. Málið er í sjálfheldu. Annað mál í sjálfheldu er Pétur Sóttkvíernan athafnamaður: Hann er í sóttkví á heimili sínu ásamt allri fjölskyldu sinni og verður í nokkra daga enn. Manni hefnist að hafa verið í Ölpunum. Pétur er fenginn sem karlmaður vikunnar í annað sinn og lýsir fyrir hlustendum raunum hins raunamædda manns, hvers raunir eru þó nákvæmlega engar að undanskildum nákvæmlega þeim einu raunum að vera í sóttkví. Í sömu mund er Pétri veitt ókeypis atlaga að því að hreyfa andmælum við meintum svívirðingum í hans garð á vettvangi hlaðvarpsins, tækifæri sem á að kosta 250.000 krónur, en Pétur fær kostnaðarlaust upp í hendurnar fyrir sakir gamallar vináttu og hefðbundinnar íslenskrar frændhygli. Til umræðu kemur þó að greiðsla sé innt af hendi í formi hlutabréfa í Icelandair, en fljótlega sammælst að sú aðgerð væri bjarnargreiði á þessum síðustu og verstu. Og í þriðju málsgrein lýsingar sem þessarar brýst fram kunnugleg upphrópun: Annað rætt! Skoðanabræður skera upp herör gegn ritskoðun skólastjórnenda á efni nemendafélaga, hvetja til upplausnar í þeim efnum, ræddir eru karlmenn sem gera tilraunir til þess að stunda mök við sjálfa sig með því að beina eigin getnaðarlimi inn í eigin endaþarm í trúarlegri athöfn, og svo er kórónaveiran yfir og allt um kring. Í því samhengi verða aðgerðir Donalds Trump Bandaríkjaforseta að teljast fyllilega fullnægjandi, svo ekki sé fallið í þá gildru að ætla honum allt illt sem frá Bandaríkjamönnum og þeirra heimsvaldastefnu kemur. Skoðanabræður – frjálst og sjálfstætt hlaðvarp – sem reiðir sig einvörðungu á styrki frá hlustendum í númerið 661-4648 á AUR eða KASS. Bylgjurnar eru Útvarps 101.
1:40:06
March 13, 2020
#29 GDRN, Human Centipede skíðayfirstéttarinnar og eiginkonan sem æviráðin hóra
„Skækjan – það er eiginkonan; eiginkonan – það er skækjan. Aðra kaupi ég til samneytis við mig ævilángt … Hina kaupi ég til samneytis við mig eina nótt.“ Skoðanabræður gerast svo djarfir að mótmæla þessari tvígreiningu kvenna sem má lesa um í skáldsögu frá því snemma á 20. öld. Í hvaða bók? spyr sig sá sem gengur svo langt að lesa þetta klór. Upplýsingar þar um finnast inni í miðjum þættinum, sem þýðir að orðin sem þú ert að lesa eru smellibeita. Þú ert ormétinn og úrkynjaður lax úr eldiskví sem silast niður eftir lækjarsprænu og bítur loks á agnið, sem sé hlustar á þáttinn. Svona flýturðu sofandi undan ævistraumi og þinn feigðarós er hjákátlegur hlaðvarpsþáttur; hafðu fyrir alla muni hugfast í millitíðinni það sem góðskáldinu rataðist forðum á munn, að lasta því síður laxinn, sem „leitar móti straumi sterklega og stiklar fossa.“ Straumurinn stendur ekki í vegi fyrir Skoðanabræðrum sem eru umræddur heilbrigður lax svo myndmálið fái hér áfram að njóta sín; þeir eru villtur lax. Þess vegna segja þeir það sem They – kapítalið – vill ekki að sagt verði. Meiriháttar uppljóstranir gerðar í þættinum, sem lúta að fjölmiðlavaldi, tæknivaldi og kaupmannavaldi. Þeim mun mikilvægara er að Skoðanabræður geti haldið áfram vegferð sinni; AUR eða KASS í síma 661-4648. Karlmaður vikunnar er engin önnur en Guðrún Ýr Eyfjörð, GDRN, söngkonan sem þið hafið að líkindum haft á fóninum allar götur síðan ykkur barst sá fögnuður til eyrna, að út væri komin ný plata. GDRN veitir hér fyrsta viðtal eftir að hún hreppti verðlaun sem söngkona ársins á einhverjum hlustendaverðlaunum í gær; og hvað ber framtíðin í skauti sér, er spurt. Óvíst – líklega ekki eiturlyfjafíkn. Og þó. Annað vitaskuld rætt: metafóran í meme-inu, hin héðan af forboðna gredda hlaðvarpsformsins og ekki óskylt henni, hin karnivalíska mennska margfætla sem skíðayfirstéttin myndaði í Austurríki, upp á vesturíslensku eitt loftþétt Human Centipede sem liðaðist um íburðarmikil salarkynni skíðaskálans endilöng, grandalaust um vá þá er vofði yfir mönnunum; þegar ljósin voru kveikt voru almannavarnir ekki lengi að lýsa yfir neyðarástandi.  Skoðanabræður eru frjálst og sjálfstætt hlaðvarp á vegum Útvarps 101.
1:31:50
March 6, 2020
#28 Samtal við Skoðanabræðralagið
Aurið Skoðanabræður í símanúmer 661-4648 og verðið hluti af samfélaginu. Þið getið unnið bolla, bol en fyrst og fremst er samviska ykkar í húfi. Hversu langt gangið þið í baráttunni fyrir frjálsa fjölmiðla? Fyrsti þriðjudagsþátturinn kemur hér í margumrætt hús. Í Bræðralaginu þylja Skoðanabræður upp stuðningsmenn sína, setja virðingu á nafn þeirra sem hafa sett virðingu á nafn þeirra, ef það er ekki of setningafræðilega tormelt fyrir þig, kæri stuðningsmaður, ef þú ert slíkur, það er. Þátturinn er tekinn upp 27. febrúar 2020.
29:32
March 3, 2020
#27 Unnsteinn Manúel, follow frá 99 stelpum og langt, einhliða hláturskast
Á ögurstundu verður degi ljósara fyrir hvern Skoðanabræður vinna í raun og veru: Fyrir Skoðanabræðralagið. Tvennt er til marks um það: Þessi þáttur, sem var tekinn upp eftir að annar eyddist vegna mistaka tölvunnar. Til þess að endurtaka leikinn þurfti mikið þrek. Hitt hollustumerki Skoðanabræðra gagnvart hlustendum er sú nýja ráðstöfun að héðan af verða engar auglýsingar. Þeir eru frjálst hlaðvörp, eins og lagt var upp með og er rétt. Unnsteinn bjargar málunum sem strákur vikunnar; tekin staðan á næstum þrítugum manninum, sem ákvað í haust að setjast á skólabekk. Margt að ræða, etc. Annars er ekki beint hógdrægt úr hugarfylgsni nú þegar lýsing er samin að þættinum, enda sorgin að hafa glatað frumupptökunni þyngri en tárum taki. Þeim mun opnar er rætt um tilfinningar í þáttarræksninu, sem þó má segja að hafi orðið helvíti ferskt á endanum, einkum eftir að upptöku úr því sem aldrei varð var splæst inn í þáttinn; módernískt hláturskast. Skoðanabræður eru á vegum Útvarps 101 og taka við styrkjum í þróunarsjóð í númerinu 661-4648 á KASS eða AUR. Styrkjendur eru nefndir í þáttum sem koma út annanhvorn þriðjudag.
1:24:37
February 28, 2020
#26 Formaður Samfylkingarinnar í Weedbúðinni og hið vesturíslenska Trust Fund Trap
Allt sem þú segir getur og mun vera notað gegn þér fyrir rétti, segja bandarískir lögreglumenn þegar þeir misþyrma saklausum glæpamönnum. Annað eins mætti vera haft yfir nú þegar formaður næststærsta stjórnmálaflokks landsins samkvæmt könnunum gengur í vatnið, nánar tiltekið í Skoðanabræðralagið. Einsamalt vatnið augun sjá, sem sé gildruna, en glöggskyggn og ósvinnur sér tækifæri öllu heldur: Skoðanabræðralagið er þúsundaþjóð ungra kjósenda. Og hvað þurfa þeir að vita? Eigum við að lögleiða skúnkinn og stofna Weedbúð í Vínbúðinni? Eigum við að nota stórhættuleg skynörvandi bulllyf til lækninga? Eða eigum við að halda okkur við að leyfa smásölu áfengis í gegnum netið (sem þýðir í öllum meginatriðum afnám einokunar Áfengis- og tóbaksverslunar ríkisins)? Erum við ekki eftir allt að tala um að halda óbreyttum hætti, stefna í átt að breiðri vinstristjórn og sveigja af vegferð ránfuglsins, að svo miklu leyti sem hann hefur ekki fargað sér sjálfum? Öllu þessu er svarað í þættinum, „on the record“ í þeim sjálfgefna skilningi að þetta er bókstaflega allt tekið upp og útvarpað í tappana í eyrun á þér, hávelborinn hlustandi. Strákur vikunnar er semsé Logi Einarsson formaður Samfylkingarinnar, sem er á leiðinni inn í kosningabaráttu, sem Skoðanabræður hringja hér með inn. Fyrstir með fréttirnar, má segja. Aðrar fréttir eru sagðar sitthvoru megin við viðtalið og við sögu kemur allur andskotinn; íbúðamarkaðurinn, og í því sambandi Trust Fund Trappið, nýtt hugtak í stéttafræðunum, svo ruslið sem Íslensku tónlistarverðlaunin eru, og ekki síður Hlustendaverðlaunin, og að lokum er sögð hugljúf saga úr samtímanum af körlum sem horfa á klám á meðan þeir sofa hjá konunum sínum. Skoðanabræður, frjálst hlaðvarp fyrst og síðast á vegum Útvarps 101, og í farsælu samstarfi við AUR.
1:33:22
February 21, 2020
#25 Kynsjúkdómsins Köben, kínverjinn með klinkið og höfnun sem hluti af lífi þínu
Mamma, hvernig verða kynsjúkdómar til? Við viðskiptafræðideildir, bláeyga flón. Skoðanabræður – fæddir um og upp úr miðjum tíunda áratug tuttugustu aldar – þeir þekkja ekki reynsluheim kvenmanns fædds 1999, svo ekki sé talað um það ef kvenmaðurinn hefur framfæri sitt af því að selja blíðu sína, sem er einmitt ekki tilfelli stráks vikunnar, Ísabellu Lenu! Sálfræðinemi, barstarfsmaður, þekkingarmaður leiksins, hefur verið í honum í þónokkur ár og hvað gerist þá: Maður eldist, eldist og eldist og loks úreldist, sem nú er orðin yfirvofandi ógn. Hvað gerist þegar 02 módelum er farið að finnast maður gamall? Þau geta troðið því upp í rassgatið á sér og sest við fótskörina á sér vitrari mönnum, eins og goonhjörðin hefur einmitt þegar gert – þeir mynda Skoðanabræðralagið. Ísabella heiðrar bræðralagið að þessu sinni með nærveru sinni og miðlar af reynslunni. Hvað gerist á Tinder í Kaupmannahöfn? Er það þar sem einmana lúserskiptinemalúser getur nálgast nakið hjarta þjóðarinnar – eða gerir hann ekki annað en að hitta sjálfan sig fyrir, einmana útlending í ókunnu landi? Eða verra: rasískan drykkfelldan bældan andfeminískan Dana. Bældur Dani er svosem eftirlendustefnulega Skoðanabræðrum að skapi, ástand sem sver sig í ætt við þá stefnu sem þeir boða í kynferðismálum; skírlífi. Skírlífi rætt, auðvitað, og maður myndi halda slík tímaskekkja hefði í það minnsta lágmarkspresens í röðum yfirborðslega siðaðra CBS-manna, að það leyndist innan bláu skyrtnanna, en því síður! Hér liggur hundurinn grafinn – og kynsjúkdómarnir á klúbbnum,  þangað sem Húrra Reykjavík leitar þegar staffið bregður undir sig betri fætinum, fer til Köben og stígur  léttan dans. Er það dans hinna dauðu? Skoðanabræður birtast hér í sinni fullkomnustu mynd – hljóðbyltingin er orðin. Önnur bylting er á leiðinni, sem von er á að farið verði nánar út í áður en menn vita af. Hér má gefa þetta upp: Þáttunum mun fjölga sem þýðir að þú munir hlusta meira. Gasið mun flæða inn um eyrun – allt á vegum Útvarps 101 og í heilbrigðu og góðu samstarfi við AUR. Loks: „Alls staðar fólk, potandi í símann með tappa í eyrunum, músik!“ segir Bergþór ekki þegar hann hefur upp raust sína um miðbik þáttar og heldur einræðu um Spotify, enda er hann ekki Ólafur Grímur Björnsson að skrifa minningargrein um prentara á Þjóðviljanum. Hjá Bergþóri kveður við ögn fágætari, yfirvegaðri og heilbrigðari tón en vandinn er í hlaðvarpi þessu, nokkuð sem væri ef til vill æskilegt að leitast við að endurtaka þegar fram líða stundir, möguleiki sem verður tekið fyrir á stjórnarfundi Skoðanabræðra í vikunni sem hefst eftir ömurlega Valentínusarhelgina sem gnæfir yfir óöruggum brundspreyjurum þessa lands eins og hótun, eins og bros.
1:38:24
February 14, 2020
#24 Aronmola hættur á samfélagsmiðlum – mikil ánægja
Lífið gengur sinn vanagang, sem er náttúrulega mjög deprímerandi í sjálfu sér, en Skoðanabræður halda sínu striki og biðjast aldrei afsökunar, hvorki innilega né innilegrar. Hér ræða þeir við frægan kóng sem brá út af vananum og hætti á samfélagsmiðlum eftir áramót; þeir höfðu fyllt hausinn hans af nægu eitri, tekið af honum nægar klukkustundirnar af tilgangslausu hangsi og misþyrmt geðheilsunni hans nóg. Hann tók málin í sínar eigin hendur, eins og reyndar er líka sagt sagt þegar samfélagið hrósar sigri yfir því þegar óbreyttur borgari beitir glæpamann ofbeldi. Aronmola hætti á Instagram og varð Aron Már. Það er sem sé strákur vikunnar þessa vikuna, lítill karlmaður, en langt frá því að vera krumpaður eins og klisjan kveður á um. Ásamt því að taka hann tali símleiðis ganga Skoðanabræður að vanda óragir til verks og stinga á helstu kýlum samfélagsumræðunnar; fjölmiðlakrítík, þó að idjótar biðji um annað, tóbaksvandinn, þó að lúserfíklar biðji um annað, rappið, þó að boomerinn biðji um annað. Sem sé ekkert gert til að geðjast, allt saman andóf í einhverri mynd gegn hinu ríkjandi, talað upp ekki niður, sem þýðir líka að „viðskiptarefir“ eru ekki aufúsugestir í hljóðver til Skoðanabræðra, sem hafa bent á betra orð yfir þá – arðræningja. Það er þó svo sem tekið til baka líka, enda augljóslega í grunninn borgaralegt hlaðvarp hér á ferð. Rétt eins og Álfgrímur í Brekkukoti var allur í því að finna hinn hreina tón, eru Skoðanabræður enn að leggja lokahönd á umbreytingaferli það sem hefur í för með sér hljóðbyltingu. Áfram heldur frásögn um margboðað morð á slæmum gæðum. Það er svo sem ekki eins háleitur draumur og það sem bjó í eistunum á Álfgrími forðum, þessi um hreina tóninn, við viljum bara bjóða hlustendum okkar upp á góð gæði, fyrst þeir láta sig hafa þetta yfirleitt. Annað sem við bjóðum hlustendum okkar eru síðan sérkjör hjá fyrirtækjum ýmsum, sem aðeins ósvinnur maður léti framhjá sér fara: Farðu á sambandid.is, gakktu í félagið og fáðu 60 GB af neti í símann þinn frí. Farðu á forlagid.is og kauptu þér bók mánaðarins (nýja lasna skáldsögu eftir Eirík Örn Norðdahl) á 2.990 (grínverð), hvort sem það er á kilju eða í rafbók. Og farðu í símann þinn og AUR-aðu vin þinn 40 þúsund kallinn sem þú skuldar honum.
2:00:43
February 7, 2020
#23 Strákur vikunnar og útsmogni alþjóðadildóinn
– Ath. látið ekki glepjast af ögn síðri gæðum fyrstu sjö mínúturnar en vera skyldi. Það batnar, rétt eins og orðfærið, eftir því sem líður á þáttinn. – Að vera avókadó eða að vera ekki avókadó, þarna er efinn, enda avókadó lýsingarorð málfræðilega. Í Southampton í Bretlandi er avókadóstigið í sögulegu lágmarki, ekki síst eftir að íslenskur stjórnmálafræðinemi ákvað að flytjast þangað í skiptinám í heilt ár. Sá tók þá ákvörðun grandalaus um að málum yndi fram með þeim hætti sem varð: Oddur Þórðarson liggur með Kórónavírusinn á stúdentagörðum í Englandi og bíður eftir Brexit og dauðanum. Ef íslensk stjórnvöld þurfa að velja hvort hann lifi eða deyi, telur hann víst að síðari kosturinn verði ofan á. Í samræmi við grundvallarlögmál hinnar tælandi en svikulu fyrstu málsgreinar flestra þáttalýsinga Skoðanabræðra, stendur auðvitað ekki steinn yfir steini í ofangreindu, nema ef til vill aðeins að því leyti sem það er satt, að Oddur er í Southampton, hann er með sjúkdóma og Brexit nálgast, skapadægur alþjóðasamstarfs eins og við þekkjum það. Oddur er strákur vikunnar í Skoðanabræðrum, sem innleiða þann dagskrárlið hér mit Pomp und Pracht, strák vikunnar, stuttan karlmann. Í viðburðaríkri fréttaviku er síðan, ásamt því sem rætt er við Odd um Brexit á yfirvegaðan hátt, farið yfir allt það helsta, öllu blandað saman en með því um leið skerpt á huldum tengingum á milli stóru málanna, sem the Corrupt Media vill ekki að þú sjáir. Er ljóðalöggan Stefán Eiríksson pólitískur agent (lesist eins og Ameríkuagent, Vestur-Íslendingarnir ykkar) sem kominn er inn á RÚV til að ganga erinda huldumanna? Líklega ekki. En hann var ráðinn á grundvelli stjórnunarhæfileika, en ekki reynslu af rekstri fjölmiðla, en hver segir að maður þurfi hana, ég meina, þetta snýst bara um rekstur fjölmiðils. Mun hann laga leitarvélina (gefið að laga megi hluti sem eru ekki til), mun hann endurreisa RÚV Núll (sem var reyndar bara frumreist fyrir mjög stuttu) eða bara sigla áfram hinn lygna sjó menningarstéttaofbeldisins sem dynur á óbreyttum landsmönnum dag eftir dag af hálfu stofnunarinnar? Þessu svarað, eða raunar bara varpað fram sem spurningum í ábyrgðarleysi að hætti hússins. Við höfum RÚV; hví þá ekki að ríkisvæða Bíó Paradís? Varhugaverð þróun, kynnu frjálshyggjulúserar að segja, en aðrir skynsamir þó einnig að hugsa með sjálfum sér, en ekki segja upphátt. Varla fer ríkið að grípa inn í – hvar var það þá þegar WOW air? Tillaga: Gammavæðum Bíó Paradís, Bíó Gamma, minnisvarði um fallið félag og hamslausa misþyrmingu markaðslögmálanna á verðmætum okkar. Einum bíósalnum  gæti verið breytt í íslenskt míkró Maddam Tussauds, Gísli Hauksson fyrsti munur þess safns, lifandi og talandi í kaupbæti . Skoðanabræður eru í boði AUR og 101 Sambandsins. AUR, besta leiðin til að flytja peninga. 101 Sambandið, símafélagið sem býður þér hagstæðustu símadílana. Auraðu Skoðanabræður í síma 661-4648 og segðu þína skoðun. Gakktu í sambandið á sambandid.is og fáðu 60GB (mjög mikið) frí, bara með því að nota kóðann SKODUN.
1:39:23
January 31, 2020
#22 Skoðanir Young Nazareth
Sjálfstæðismenn sem gera lyndistákn (á vesturíslensku emoji) á undan hverju orði sem þeir gasa út úr sér á Twitter. Óheillaþróun, sem árvökult auga Skoðanabræðra fer auðvitað ekki á mis við. Hvernig endar þetta? Festur mun slitna, freki renna og að lokum verður byltingarkenndur indie-bragur yfir því að tjá vafasöm pólitísk áform án lyndistákna. Skoðanabræður taka auðvitað ekki afstöðu til einstakra mála, allra síst pólitískra, nema auðvitað þegar mikið ríður á, og einnig að vísu þegar minna ríður á, eins og til dæmis í ómerkilegum pólitískum dægurmálum, þar sem engin sjáanleg þörf er á að þeir taki afstöðu. Í þætti tvö í nýrri seríu sem er ekki ný sería er þetta gert, trekk í trekk, í félagi við Young Nazareth, öðru nafni Lil Nazareth, skírnarnafni Arnar Ingi Ingason. Og Skoðanabræður eru í farsælu samstarfi við framúrskarandi fyrirtæki: Forlagið, AUR og 101 Sambandið. Kóðinn til þess að kaupa Við erum ekki morðingjar eftir Dag Hjartarson sem hljóðbók á afsláttarkjörum (ný skáldsaga á 990kr) á forlagid.is er SKODUN. Kóðinn til þess að fá 60 GB frí þegar þú gengur í Sambandið á sambandid.is er SKODUN. Arnar er einn burðarstólpanna í íslenskri rappsenu, í því hann semur taktana og framleiðir lögin. Hann er þó eiginlega búinn að færa sig frá þessu menningarlega arðráni sem Íslendingar stunda á rappmenningu svartra Bandaríkjamanna og yfir í nýlegra og blíðlegra menningarlegt arðrán sem Íslendingar stunda á R&B-menningu svartra Bandaríkjamanna. Hann hefur til dæmis, ásamt öðrum, veg og vanda af tónlistinni á plötu GDRN sem ætti að vera gefin út á næstu vikum. Til þess að geta einbeitt að slíku þjóðþrifaverki mute-aði hann Pétur Kiernan á Instagram, kallaði það adblock. Pétur Kiernan er Skoðanabróðir, þannig að af hálfu þáttastjórnenda, alltént þess sem hér veldur fjöður, verður engin vanvirðing sett á hans nafn. Þessi ungi Naza leitast við að tala hreina íslensku, eins og það heitir, sem sé hvorki rétt né rangt mál, heldur einfaldlega vandað. Það ætti að vera til eftirbreytni fyrir goonin við viðtækin, sem hverfa í auknum mæli frá góðri notkun viðtengingarháttarins, halda að maður á að segja eitthvað tiltekið, en ekki eigi að segja eitthvað. Hvort það eru ensk áhrif eða innvortis úrkynjun íslenskunnar, veit Guð einn, en ljóst er að vesturíslenskan er að sækja í sig veðrið, það er að segja slettur! sem eru þó málfræðilega ekki endilega grein af sama meiði og dalandi viðtengingarháttur. Vestur-Íslendingarnir eru hvað sem öllu líður ógn við heilbrigt málsamfélag með Íslendingum, og ekki nema von að Skoðanabræður gjaldi dassi af varhuga við. Annað er auðvitað rætt í þessum rausnarlega langa þætti, svosem leiðir til að sigrast á óvininum Instagram, styttur starfstími leikskólanna, apatía hins tvítuga karlmanns gagnvart sögum af áreiti sem konur verða fyrir af hendi einmitt manna eins og hans, síðan áhugi þessa sama karlmanns á öðrum karlmönnum sama hvað þeir gera, og loks er það stéttaofbeldismoli dagsins: Aflýsing Hafnfirðingabrandara, sem er þó að mæta svolítið sein í aflýsingapartí sniðmenningarinnar, þar sem allir eru hvort eð er hættir að segja þessa brandara. Breytar efnahagslegar forsendur kipptu stoðunum undan bröndurunum; grínið, sem þarf alltaf útrás, hefur fundið sér nýtt fórnarlamb, og hver veit nema þú sért næstur.
2:05:47
January 24, 2020
#21 Skoðanabræður snúa aftur
Landvarðarbrundið! Það er hinn heiðni helgi safi sem grundvallaði þessa þjóð í öndverðu – og heldur áfram að gera það á kojufylleríum í hinum ýmsu þjóðgörðum landsins. Þetta er fólkið sem er ekki á Instagram, en tryggir í gegnum aðrar göfugri boðleiðir framgöngu kynstofns okkar. Að vera ekki á Instagram er svo sem eitthvað fyrir aðra en bara skinhelgar síðhærðar skeggjaðar lopapeysur: Skoðanabræður hoppa um borð í þann vagn, alltént Bergþór. Hann ætlar að hætta á Instagram í febrúar, bylting, segir hann, febrúarbylting, bætir Snorri um betur, orðhagur og sagnfræðilega meðvitaður höfundur þessa texta hér. Verið velkomin í aðra seríu af Skoðanabræðrum, helsta hlaðvarpi landsins, sem smeygir sér nú inn í eyru ykkar í fullkomlega tærri og óbreyttri mynd, að breyttu reyndar breytanda, sem var fjárhagsmódelið og fáein önnur atriði. Héðan í frá er þetta gersamlega ókeypis fyrir ykkur hlustendur, og á sama tíma erum við farnir í farsælt samstarf við framúrskarandi fyrirtæki: Forlagið, AUR og 101 Sambandið. Kóðinn til þess að kaupa Við erum ekki morðingjar eftir Dag Hjartarson sem hljóðbók á afsláttarkjörum (ný skáldsaga á 990kr) á forlagid.is er SKODUN. Kóðinn til þess að fá 60 GB frí þegar þú gengur í Sambandið á sambandid.is er SKODUN. Í þessum fyrsta þætti er allur andskotinn ræddur, eins og einmitt verðmætir kynstofnar, eins og þeir sem koma við sögu fyrr í þessari lýsingu. Snorri er staddur í Berlín þar sem hann rannsakar ásamt kraftmiklum krökkum yfirburði og eiginleika norræna kynstofnsins, á vegum félags sem heitir því viðeigandi nafni Norðurvígi. Hann segir okkur frá ýmsu spennandi af þeim frjóa vettvangi. Bergþór lýsir síðan áhyggjum sínum af Instagram, samfélagsmiðlum, en trúir að Skoðanabræður geti komið góðu til leiðar með því að halda áfram að bera út boðskapinn. Femínískan boðskap segir hann, enda hans hagsmunir, kvenkyns sjálfur. Og þetta grín er smellibeita og aðeins skrifað svo að þú sperrir eyrun og setjir Skoðanabræður í gang. Hér er ráða auðvitað jafnréttisviðhorf ríkjum. Karlmaður vikunnar að þessu sinni er ekki neinn, heldur er baneitruð karlmennska Snorra látin tala sínu máli. Á næstu vikum verða þó gestir í þáttunum, og þar er hvaðeina spennandi framundan. Það breytir því ekki að smávægileg stefnubreyting hefur orðið, sem felst í að þættirnir bera ekki nafn viðmælanda, heldur njóta efnislega sannmælis útaf fyrir sig, enda annað andrósentrismi, sem Skoðanabræður láta seint kenna sig við. Þið fáið sem sé fyrirsagnir, bitastærð við ykkar hæfi, smánautnaseggir. Skoðanabræður eru eins og ævinlega afurð Útvarps 101. Þeir eru framleiddir í samstarfi við Forlagið, AUR og 101 Sambandið.
1:08:21
January 17, 2020
#20 Skoðanir Magga Sushi, skoðanabræðrafræðings
Eftir að maður lítur um öxl er hollt að staldra við, og líta um öxl. Magnús Jochum Pálsson, Maggi Sushi, helsti Skoðanabræðrafræðingur á Íslandi, kemur hér að máli við Skoðanabræður og fer yfir farinn veg. Við erum að tala um excel-skjal, við erum að tala um styrkleikaröð, við erum að tala um sannferðuga lýsingu á veröldinni. Það má enn styrkja Skoðanabræður í númerið 661-4648 á KASS eða AUR og þó styrkirnir verði lesnir upp seint, verður það aldrei um síðir. Snorri Másson er nú blaðam., bús. í Berlín, og Bergþór Másson er á flakki, einkum um Suður-Ameríku. Þeir eru þó ævinlega væntanlegir aftur á öldur ljósvakans, þó engu sé slegið föstu um hvenær. Hér skal þakklæti tjáð til allra þeirra góðvildar-, velvildar- en ekki síst velgjörðarmanna, sem styrkt hafa þáttinn í sumar. Þættir Skoðanabræðra í stigveldi, samkvæmt athugun Magnúsar: 1. Ari Másson, 2. Þóra Tómasdóttir, 3. Birnir, 4. Lóa Björk, 5. ClubDub, 6. Margrét Jónsdóttir Njarðvík, 7. Jói og Flóni, 8. Jakob Birgisson, 9. Danni Deluxe, 10. Berglind Festival, 11. Aron Mola, 12. Dóri DNA, 13. Siffi G, 14. Pétur Kiernan, 15. Katrín Jakobsdóttir og þrjú neðstu, saman í 16. sæti: Karó, Birgitta Líf og Logi Pedro. Og þessi uppröðun hlýtur að vera umdeild, en hún er studd sterkum rökum fræðimannsins. Ýmsir þættir spila inn í, flæði, húmor, efnistök, rökfesta, orðfæri, hljómgæði, hlutfall hins persónulega og hins almenna og svo framvegis og svo framvegis. Allt metið, sem gerir góðan Skoðanabræðraþátt að góðum Skoðanabræðraþætti. Umræðurnar leiða menn svo út um allar trissur og í anda Skoðanabræðra er engin leið að halda sig við efnið. Það er meðal annars farið yfir það þegar Snorri verður annaðhvort stressaður eða ofmetnast og fer að segja hluti sem hann meinar ekki. Niðurstaðan er hins vegar sú að kannski komi þar fram nákvæmlega það, sem hann meinar í raun og veru. Svo bendir Magnús á hvað eina sem honum hefði þótt betur fara, en hvaða gildi hefur hans persónulega mat, hvaða gildi hefur það. Skoðanabræður kveðja að sinni úr höfuðvígi Útvarps 101 á Hverfisgötu og óska mönnum velfarnaðar í haust. Og vel að merkja, haustið: Sól eftir sól hrynja í dropatali og fæða nýtt líf og nýja sorg. Á morgun er ártíð skáldsins.
2:07:19
August 30, 2019
#19 Skoðanir Jakobs Birgissonar
Velkomin í Live Fílalag! Í dag fílum við göndulinn á Jakobi Birgissyni í beinni á Port 9, þátturinn afrakstur þeirrar kynlegu iðju. En fyrst: Svívirðum þá sem melduðu sig en mættu ekki, tóku þannig pláss frá þeim sem raunverulega vildu koma, þeim sem raunverulega eru meðlimir í Skoðanabræðralaginu, þeim sem setja virðingu á annarra manna nöfn. Þessi þáttur er einn af tveimur bónusþáttum Skoðanabræðra, sem þeir láta ókeypis í té hlustendum sínum eftir þrálátar óskir um meira efni, meiri Skoðanabræður, meiri veislu. Kalli þeirra er svarað. Kalli Skoðanabræðra eftir styrkjum, þ.e. mannsæmandi launum fyrir sín störf, ætti líka að vera svarað og það getur verið gert með því að AURA eða KASSA í númerið 661-4648. Síðasta tækifæri til að koma skilaboðum á framfæri í þættinum er núna. En áfram verður hægt að styrkja um aldur og ævi, á meðan nafn Skoðanabræðra lifir. Jakob Birgisson er king uppistandari, góðvinur Skoðanabræðra og tölfræðilega líklegasti karlmaður vikunnar. Hér ræðir hann það sem Skoðanabræður ræða best: eiturlyf, klám og hörundsára krossfittara. Auðvitað af sömu nærgætni og endranær, Skoðanabræður eru meistarar aðgátar hafðar í nærveru sálar. Þessi Skoðanabræðraþáttur er sérstakur að því leyti að áfengi var haft við hönd, sem ef til vill var í hæsta máta óæskilegt, en var alltént gert. Það gefur tjáningunni lausari tauminn, enda ærið tilefni til ráðstafana sem stuðla að því, á víðsjárverðum tímum, þar sem þrengt er að tjáningarfrelsinu úr öllum áttum. Tímum, þar sem nauðsynlegt er að stofna embætti eins og barnaperraráðherra. Það líður að lokum þessarar vegferðar og viðeigandi að þar stígi Jakob inn og bendi á það sem miður hefur farið, og það sem betur má fara á komandi tímum. Þátturinn er innlegg inn í þá uppbyggilegu umræðu sem ávallt fer fram á þessum vettvangi, og hefur ávallt gert. Og vel er að merkja, að þó að fýsískt hafi aðildin verið átt á Port 9, þeim virðingarverða stað, er vettvangurinn Útvarps 101. Allt sem er sagt um Íslandsbanka í þessum þætti er ósatt. En það er athyglisvert, og varð að koma fram.
1:23:02
August 28, 2019
#18 Skoðanir Ara Mássonar, bróður Skoðanabræðra
Lífið er veisla, segir höfundur þess frasa, Ma King, blóðbróðir Skoðanabræðra, sem forðum var dæmdur til ævarandi hippadóms. En það er næs og ráðstöfunin sver sig ekki í ætt við örlög Sýsifosar, hún er jákvæð, eins og rætt er í þessum þætti. Líklega öllu betri en líf ritstjóra Skoðanabræðra. Þessi þáttur er einn af tveimur bónusþáttum Skoðanabræðra, sem þeir láta ókeypis í té hlustendum sínum eftir þrálátar óskir um meira efni, meiri Skoðanabræður, meiri veislu. Kalli þeirra er svarað. Kalli Skoðanabræðra eftir styrkjum, þ.e. mannsæmandi launum fyrir sín störf, ætti líka að vera svarað og það getur verið gert með því að AURA eða KASSA í númerið 661-4648. Síðasta tækifæri til að koma skilaboðum á framfæri í þættinum er núna. En áfram verður hægt að styrkja um aldur og ævi, á meðan nafn Skoðanabræðra lifir. Ari Ma (Másson) varð auðvitað að koma í viðtal. Hann er sjö árum eldri en yngsti Skoðanabróðirinn, Snorri, og fimm árum eldri en Bergþór. Hann kenndi þeim flest sem þeir kunna, þó að síðar meir hafi þeir lært sitthvað upp á eigin spýtur og hér snýr hann aftur til að kenna þeim allt upp á nýtt. Hann hefur búið mikið til erlendis síðasta að verða áratug, í Taílandi, Suður-Ameríku, í Nepal, í Amsterdam, í Marokkó, í Indlandi, í Tyrklandi, á Spáni, í Bandaríkjunum og hver veit hvar í andskotanum. Þar hefur hann látið sér detta í hug allan fjandann til að gera, og gæti nú hvergi annars staðar hugsað sér að búa en einmitt þar: alls staðar. Hann vinnur þó sem landvörður á Íslandi á sumrin. Ýmislegt rætt í þessum þætti, draumarnir, hugsjónirnar, eiturlyfin ef þau eru einhver, og reynt að komast að niðurstöðu um hvernig má lifa fordómalaus í þessari guðsvoluðu veröld. Hugleiðsla kann að vera lykilorð í því sambandi. Og klifur! Veröldin veltist um svo fast en Skoðanabræður og þeirra bróðir skeyta ekki um það, þeir halda áfram siglingu sinni en haga síður en svo seglum eftir vindi, engir hentistefnumenn, heldur bara saklausir samfélagsrýnar sem hafa þennan óljósa grun um, að lífið sé eftir allt veisla.
1:23:10
August 28, 2019
#17 Skoðanir Joey Christ og Flóna
Núvitund, það er að eyða miklum pening! Einkum ef þú ert heimskur rappari. Skoðanabræður hafa hingað til aðeins rætt þá hlið persónuleika Flóna, hvursu hann eyðir. En það er auðvitað meira í hann spunnið en bara það. Það er ást, það er virðing og það er von um betri heim. Þess skal getið hér strax, að um ræðir næstsíðasta þátt í fyrstu seríu af Skoðanabræðrum. Þeir sem eiga eftir að launa þeim erfiðið skulu aura þá eða kassa í síma 661-4648. Flóni er ekki eini karlmaður vikunnar, þótt hann dygði vitaskuld sem slíkur. Jóhann Kristófer er karlmaður þessarar sömu viku, rappari einnig, stéttbróðir Flóna. Og það er voða erfitt að vera rappari, búhú. Þeir mega ekki segja neitt í lögunum sínum án þess að Domino’s-vinstrið rjúki upp til handa og fóta og krefjist þess að þeir taki það allt til baka. Að poppa eina pillu og líða síðan frekar vel, er það verra en að græða eina millu og líða síðan vel? Og hvað þá um kvenfólk með rassa „sem er nóg til af?“ Hugað að goons. Domino’s-vinstrið kepptist líka í vikunni við að segja að engir fjölmiðlar væru að fjalla um regnskóga í ljósum logum. Í fyrsta lagi, haldið kjafti, segir maðurinn. En sér vitanlega eftir því. Skynsamleg umræða ómöguleg, heimsendir er í nánd, sól tér sortna, og þá brenna regnskógar. Skoðanabræður standa af sér strauma og stefnur. Þeir eru fremsta hlaðvarp á Íslandi. Snilldin er töfruð af fingrum fram viku hverja á vettvangi Útvarps 101.
1:55:28
August 23, 2019
#16 Skoðanir Skoðanamóðurinnar
–Nærbuxur, skyrtur, dósir, bollar, diskar, handklæði, sokkar. Allt á gólfinu á víð og dreif um íbúðina. Bergþór kemur heim, sópar þessu öllu saman og hrúgar í rúmið hans Snorra. Illa vegið að góðum manni – ófagleg vinnubrögð. –En þeir eru vel upp aldir af móður sinni, sem hér er mætt í Skoðanabræður, Skoðanamóðirin! Hún fæddi þessa menn og auðvitað vinda menn sér umsvifalaust í þá umræðu: Hvað er að eiga barn? Er það sjúkdómur eða er það lífrænt ferli? Því svarað, að vonum. Má fæða börn heima?  –Margrét Jónsdóttir Njarðvík er karlmaður vikunnar. Ber er hver að baki nema sér móður eigi. Móðirin axlar ábyrgðina, hún ber ábyrgð á þremur karlmönnum þessa heims. Það er ábyrgðarhluti, þess vegna voru synirnir settir í „Ég axla ábyrgð“-nærbuxur þegar þeir voru litlir. Þeir hafa þurrkað út þær minningar. Stígamótamerch, sem kemur á daginn að er ekki nógu skemmtilegur vinnustaður. Það er alltént mál manna, Bergþórs. –Ýmislegt rifjað upp. Óvatnsgreiddir íslenskir drengir í kaþólskum nunnuskóla í Sevilla rétt upp úr aldamótum, sérferð með Snorra til Spánar, sérferð með Bergþór til Danmerkur. Lífið var gott og það er gott að koma mönnum til manns. Þá er ónefndur þriðji og elsti, Ari Ma, skoðanabróðir mikill. –Þátturinn er góður, en bara af því að Snorri náði í byrjun að jafna sig á bráðsmitandi bráðaþunglyndinu sem sveif á hann í upphafi þáttar. –Styrkið frjálsa fjölmiðlun með AUR eða KASS í síma 661-4648. –Safinn var skaptur innan vébanda samsteypunnar 101.
1:48:26
August 16, 2019
#15 Skoðanir Katrínar Jakobsdóttur
Hlustaðu til að heyra hvort Katrín Jakobsdóttir drekki fimm eða tíu vínglös á viku!  –Karlmaður vikunnar. Þetta finnst feminískum forsætisráðherra gott grín. Og hann, hún, reynir að standa undir nafni!  –Sú tilraun ber árangur.  –They sitja eftir með sárt ennið. Ein valdamesta persóna á Íslandi í viðtali hjá Skoðanabræðrum. Hver hefði haldið. Hún var nörruð í þennan þátt... á fölskum forsendum, segir hún… ekki satt! Forsætisráðherra var öllu heldur ljúft og skylt að koma til skyldmenna sinna, Skoðanabræðra. Þau eru öll afkomendur Jóns Thoroddsen. –Í því samhengi: óhjákvæmilega rædd hin meinta fyrsta íslenska skáldsaga, sem nákvæmlega helmingur ritstjórnar Skoðanabræðra hefur gefið sér tíma í að lesa. Hinn ekki. –Katrín Jakobsdóttir prófaði golf í fyrsta skipti í sumar. Hér segja Skoðanabræður þá frétt, fyrstir miðla. –Hún vann líka sem póstburðarmaður á sínum tíma og lærði þar að líta einkasamskipti fólks öðrum augum en hversdagslegum. Skilaboð á Facebook eru ekki eldhúsborð, þau eru bréf. –Og samfélagsmiðlakvíðinn sá arna. Er pólitískur leiðtogi Íslendinga haldinn honum? Svo virðist ekki vera. Hlustaðu til að komast að því!  –Það hefur aldrei riðið meira á að styrkja frjálsa fjölmiðlun. Skoðanabræður – þeir veita valdhöfum aðhald. Og þiggja styrki fyrir í síma 661-4648 á Aur eða Kass. Það er á vettvangi Útvarps 101 sem Skoðanabræður töfra gæðaefni þetta fram af sinni alkunnu list.
1:08:42
August 9, 2019
#14 Skoðanir Arons Mola
–Free The Nipple? Feit pæling sem gekk ekki upp. –Og ert þú að horfa á midget shemale klám? Þetta er þátturinn fyrir þig. –Hér fáið þið Gamla-Mola! Aron Mola endurfæddist eitthvað í kringum 2016, minnir þann sem hér veldur fjöður. Það var stór breyting. He Changed. A Lot. He’s A Nice Guy. I Like Him. Enskan er óræð vísun sem verður ræð við hlustun þáttar. –Karlmaður vikunnar er beinlínis móðurriðill. –Þetta er Verslunarmannahelgarþátturinn, með greini. Þess vegna er hann extra langur, rétt eins og limurinn á Aroni Mola var extra langur þegar hann tók hálfa töflu af rislyfjum niðri í miðbæ Reykjavíkur. Hver gerir það nema shitty fíkill, alkóhólikker. Moli er það samt ekki, þó hann sé hættur að drekka. Það rætt, það rætt.  –Fyrir langan þátt á fólk skilið langa poka af peningum. Alltént lágmarkslaun. Það má Aura í númerið 661-4648. Og það má Kassa. Styrkið frjálsa fjölmiðlun. –Hver myndi ekki styrkja þátt sem þennan, þar sem rædd eru helstu vandamál samtímans: ungir karlmenn sem koma heim eftir skóla, mamma þeirra er ekki heima, þannig að þeir vippa út lóknum og taka að flekka sjálfan sig. Fá sér svo stóra lummu og fara á handboltaæfingu. Lífið er bölvun. –Einmitt. Skoðanabræður, hinir einu sönnu talsmenn sannleikans líkt og haft var á orði forðum, þeir starfa í umboði Útvarps 101. 
2:18:17
August 2, 2019
#13 Skoðanir Birnis rappara
–Lífið er erfið veisla! Eða lífið er veisla en það mæta nokkrir óboðnir gestir. –Eins og til dæmis eiturlyfjafíkn. Karlmaður vikunnar hefur kynnst því. Og hann virðist jafnframt hafa sigrast á því. Af hverju ertu að spyrja mig, af hverju, á hverju ertu, eða hvað sem í fjandanum er sagt í þessu lagi. En Birnir er ekki á neinu, það er punkturinn. –(Skoðanabræður má og á að styrkja í síma 661-4648 á Kass eða Aur) –Birnir gekk í öndverðu með drauma í eistunum, hann tjáði þá við karlmenn í portinu á Prikinu, hann ætlaði að verða stór, hann ætlaði að sigra leikinn, og hvað gerðist. Draumarnir rættust. Þeir sem sé gera það, en til þess að skýra það nánar þarf að spóla nokkur ár til baka. Hver er Birnir! er því spurt og því svarað skilmerkilega.  –Þátturinn er með óhefðbundnu sniði: Birnir fylgist ekki með bullshittinu sem Skoðanabræður hafa lifibrauð sitt af. Skoðunum. Hann er meira að líta inn á við, að mæta sínum innri manni og kanna aðeins hvert stefnir. Hann er nýkominn úr meðferð við áfengis- og eiturlyfjafíkn. Hann dvaldist í Svíþjóð um hríð. –Þetta virðist vera fyrsta opinskáa mannlífsviðtal sem hann fer í eftir það og um leið afsveinar hann Skoðanabræður í að framleiða slíkt efni fyrir útvarp. Útkoman er alvöru opinskár lasleiki í beinni. Nema vitaskuld ekki í beinni, enda öldur ljósvakans teknar nýstárlegum tökum af Skoðanabræðrum, hlaðvarpið er aðgengilegt hvenær sem er. –Og „ég held að ég þurfi að fara að kveikja aðeins á perunni, fullt af wack motherfuckers hérna í senunni.“ Hverjir eru þessir ræfilslegu móðurriðlar, Birnir, hverjir eru þeir? –Safinn er á lofti, hann er heilandi í eðli sínu og hann er á vegum Útvarps 101, eins og kveðið var á um í öndverðu.
1:45:44
July 26, 2019
#12 Skoðanir Þóru Tómasdóttur
•„Þetta er svo viðbjóðslegt og rótgróið stéttahatur,“ segir Snorri. „Svona Facebook-hópar á Íslandi eru bara viðbjóðslegir,“ segir Bergþór. „Þetta er ekki fyndinn hópur,“ segir Þóra. Þetta eru ekki góðar umsagnir. Hlustið áfram til að vita hvaða hóp ræðir um. •Þóra Tómasdóttir blaðamaður og almennur kóngur er Karlmaður vikunnar í vikunni, sá elsti til þessa. Og sennilega sá greindasti, yfirvegaðasti og áhugaverðasti að öllum öðrum ekkert það mikið löstuðum. Þóra þekkir Skoðanabræður persónulega og af opinberum vettvangi, enda þeir opinberar og mikilsvirtar persónur, en telur ekki æskilegt að annar þeirra fái of mikil völd. Það er spurning um hvorn það á við. Sá vægir þar sem vitið hefur meira, eins og eilíft gildir. •(Skoðanabræður er frjálst hlaðvarp, framleitt með hagsmuni þjóðarinnar fyrir brjósti. Það má styðja þá vegferð með því að leggja henni fé í s. 661-4648 á Aur eða Kass.) •LungA er haldin hátíðleg um þessar mundir og í þættinum er kastað kveðju á þá hlustendur sem taka upp á því að stunda kynlíf í tjöldum. En þess þarf auðvitað ekki að geta hér í kynningu þáttarins. •Og Þóra tæki aldrei þátt í eins óviðurkvæmilegum kveðjuköstum enda komin vel á fertugsaldur. Hún hefur önnur lög að mæla, eins og ígrundaðar vangaveltur um aukna pólaríseringu í viðhorfum fólks, það er hin umrædda síbreikkandi gjá á milli stjórnmálaskoðana ólíkra hópa og víðsjárverða sundurlyndið sem hlýst af henni. Á þeim nótum kom gaurinn sem kom Donald Trump í embætti til Íslands á sínum tíma. Þóra segir frá því. •Ekki bara pólitík heldur öllu mikilvægara: lífið og hvernig er hægt að lifa af í þessu viðbjóðslega þjóðfélagi. Þóra er reynslunni ríkari og þekkir leiðina út, því eins og skáldið spurði, og margir hafa velt fyrir sér síðan, hvert fer maður, ef það er engin leið út úr heiminum. Svarið leynist í þessum þætti af Skoðanabræðrum. •Þetta einstaka efni er á vegum Útvarps 101 og er aðgengilegt á öllum helstu hlaðvarpsveitum. 
1:45:18
July 19, 2019
#11 Skoðanir Siffa G.
„Var bara einhver sem reið 16 ára gellu og því var bara leyft að slæda?“ er spurt. Hverjum tvítið glymur, er spurt. YFN Lucci er með 7 árum yngri gellu. Og það er dóttir Lil Wayne. •Upplýsingaóreiða, þetta er þekkt vandamál. Karlmaður vikunnar skrifaði BS-ritgerð um FAKE NEWS. Og niðurstaðan var þessi: *****. Það kemur fram í þættinum. Karlmaður umræddur er enginn annar en Siffi G.  •Siffi G. keypti ekki baðvatn af asískri cosplay gellu á Instagram. En hann fylgdist með. Hann kannaði.  •Hann er enda samfélagsrýnir, vaknar dag hvern, setur á sig samfélagsgleraugun, ælir öllu út úr sér á Twitter þegar honum hugnast svo en er þess á milli bara heima að hlusta á hlaðvörp um stríð. •Hér er beðist afsökunar fyrir hönd allra gaura á þrítugsaldri sem hlusta á hlaðvörp um stríð. Og um leið spurt áleitinna spurninga sem vakna við þá íhugun, eins og hve lengi Vera Illugadóttir er að skrifa einn Í ljósi sögunnar. Af hverju getur hún ekki heimilda?  •Siffi G. skrifaði aðdáendapóst til Veru en fékk engin svör. •Hann fékk fleiri svör þegar hann lá inni á spjallborðum á netinu um hryðjuverkamenn. Þar öðlaðist hann dýrmæta reynslu og af henni miðlar hann af miklu örlæti í þættinum í dag.  •Styrkið Skoðanabræður á Aur eða Kass.  •Þátturinn er vitaskuld á vegum Útvarps 101.
1:46:45
July 12, 2019
#10 Skoðanir Karó
•Í draumi sérhvers manns er fall hans falið, sagði skáldið, en Skoðanabræður kafa bókstaflega dýpra: Í eista sérhvers karlmanns er draumur hans falinn. Og Hitler missti annað eistað og það var ekki draumaeistað, því ljóst var að hann dreymdi allt fram á hinsta dag. Hið sama gildir um hinn meðalhvíta unga karl sem þarf ekki nema sopa af bjór til að fara að tala um næstu sigra. •Þetta eru hásálfræðilegar vangaveltur, það liggur svo sem fyrir að ekkert er Skoðanabræðrum óviðkomandi, en þeir njóta hér liðsinnis næstum því sálfræðimenntaðs karlmanns vikunnar. Nefnilega Karó(línu) Jóhannsdóttur. Hún er ekki freudisti, frekar en Bergþór, sem lætur hugann reika á meðan Karó og Snorri ræða fræðin. Hér er tilefni til að biðjast afsökunar. •(Frjáls framlög til frjálsra ritstjórna eins og Skoðanabræðra eru meira en vel þegin og eru raunar skyldubundin á sinn hátt fyrir dygga hlustendur. Númerið er 661-4648. Aur eða Kass.) •Skoðanabræður sérhæfa sig í að ætla að fara yfir fréttir vikunnar en gera það ekki. Hér fara Skoðanabræður því út fyrir rammann og gera raunverulega það sem þeir eiga að gera: fara yfir fréttir vikunnar.  •Og hvað er meira í fréttum en piece of shit loftslagsmálin? Karó er með loftslagskvíða enda kona. Sem hugsar um að eignast börn. Viðraðar hugmyndir um líffræðilegan mun á körlum og konum, sem er náttúrulega fullkomlega sígild og óumdeild pæling. Kynslóð foreldra okkar sá von. Við sjáum óvon. Og þó. •Borgarlínan vefur sig eins og höggormur um hin ýmsu viðfangsefni sem hér bera á góma, frjálshyggja berst í tal og flóttamenn og hælisleitendur. Allt rætt af yfirvegun og sanngirni, eins og hefðin býður. •Svo hafa Skoðanabræður verpt einu páskaeggi inn í þáttinn, eða þremur, sem sagt litlum glaðningi fyrir karlmenn með drauma í eistunum um að tala spænsku einn daginn. Með öðrum orðum: Hún segist ekki reykja en ef ég kveiki í jónu tekur hún hit.  •Skoðanabræður eru frjálst hlaðvarp og þeir starfa, eins og kveðið var á um í öndverðu, á vegum Útvarps 101. 
1:46:14
July 5, 2019
#9 Skoðanir Danna Deluxe
Þú ert afi íslensk rapps. Þú bjóst til þennan leik. Þú varst getinn í Afríku. Og þú varst tekinn með keisaraskurð. Þetta er borðleggjandi: Þú heitir Sesar A. –En þú heitir ekki Danni Deluxe, sem hlýtur að teljast öllu betra. Daníel Ólafsson athafnaskáld er karlmaður vikunnar og er sá sem upplýsir um það sem kemur fram hér í upphafi. Sjúki fanturinn sem hann er upplýsir líka um allan fjandann annan, um Keflavík, um markaðinn, um pólitíkina, um lífið, um sigrana og um ósigrana. –Hræðileg lýsing á einum þætti. Ef enn hefur ekki tekist að telja þig af því, aumingjans lesandi, að hlusta á þennan þátt þá ætti ekkert að geta það og þá getur þú alveg eins ýtt á play.  –Play er útlenskt orð af þeirri gerð sem Skoðanabræður neita að úthýsa, enda augljóslega þarfaþing. Af því er leiddur playerinn og playerinn er meginstef í þættinum að þessu sinni. Playerinn er Danni sjálfur og hann býr í blokk með nokkrum playerum í þokkabót. Nágrannar hans eru playerar og vegna aðstæðna í blokkinni veigrar Danni sér við að gera þarfir sínar á heimili sínu og með þörfum er átt við þá mætu list að trappa. –Mæt list að trappa, trappið er íslenskt orð ekkert síður en það er frá Atlanta. Ég þekki nokkra stráka sem að elska að vera að trappa segir Danni og bendir á hið rétta, að setningin er fullkomin til að vera yfirlýstur þátttakandi í trappinu en um leið utan hennar. Þegar þú ert dreginn til ábyrgðar sagðirðu ekkert annað en þetta, að þú værir málkunnugur aðilum sem vitað væri að legðu stund á þessa tilteknu iðju. Að trappa. –Velkomin í gildruna, velkomin í Reykjavík árið 2019 og sælla minninga base-ið í KEF, base-ið sem arfleiddi Keflavík að trámanu. –Skoðanabræður eru á vegum Útvarps 101 og Skoðanabræður eru knúnir áfram af eintómri framkvæmdagleði, tærum hugsjónum og fjárframlögum á Aur eða Kass í númerið 661-4648.
1:53:37
June 28, 2019
#8 Skoðanabræður líta um öxl
–Það er hverjum hollt að staldra við endrum og eins, líta um öxl og allt að því horfa yfir farinn veg. Skoðanabræður þekkja mikilvægi þessa. Eftir stormasama 7. þætti, taka þeir áttunda í að leggja mat á hvert vegferðin hingað til hefur leitt þá. –(Til þess að styðja frjálsa fjölmiðlun sendið styrk á Aur eða Kass í númerið 661-4648) –Einmitt. Tveir gaurar með podcast. Leitað aftur í ræturnar. Snorri sjálfur, ritstjóri Skoðanabræðra, er karlmaður vikunnar. Bergþór aðstoðarritstjóri er aðstoðarkarlmaður vikunnar.  –Ber er hver að baki nema sér bróður eigi og í upphafi þáttar er Bergþór fræddur um hvað það er að vera frilla. Hvernig ber maður þetta orð fram? Vísbending: hliðstætt karlkynsnafnorð er friðill. Reiknaðu nú. –Og Sjálfstæðisflokkurinn er hann kominn á vonarvöl eða á hann sér Viðreisnar von, er spurt. Þó vitaskuld ekki rætt um pólitík sérstaklega enda þekkja Skoðanabræður hlustendur sína, nema hvað þeir þekkja þá auðvitað ekki neitt. Hvað vilja menn heyra, er því spurt. –Menn vilja stemningu, greinilega, og það er viðbjóðslegt. Stemning er flan blinds manns, sagði Þórbergur, og Snorri tekur undir það hér í þessum þætti. Því er mótmælt af manni sem að vísu tekst ekki sjálfum að vera stemningsmaður. Enda slíkt viðbjóðslegt, eins og kemur fram. –Það er Secret Solstice um helgina. Hér er farið yfir sviðsmyndina. Sumir eru orðnir 22 ára og hyggjast því frekar hreiðra um sig og hver veit nema þeir taki sig til og lesi fagrar bókmenntir sér til dundurs.
1:25:18
June 21, 2019
#7 Skoðanir Berglindar Festival
„Hvernig finnst þér ég?“ spyr Snorri. Berglind Festival hefur skilning á vangaveltum Skoðanabræðra. En hún er orðin 30 ára. Hún er farin að linast. Hún er karlmaður vikunnar að þessu sinni. Um Skoðanabræður: „Þetta er bara mjög ferskt konsept,“ segir hún. „Nei, djók.“ Kuldahlátur. Svívirðingar. Tveir gaurar með podcast. En hlýja! Fram kemur að ef Berglind festival væri á fótboltamóti í boði álvers og væri að gista í tjaldi myndi hún anga af áfengi, þrátt fyrir börnin. Hún er 30 ára og lítur á son sinn sem jafningja. Það gengur vel, þar til hann fer að gráta yfir því að hún halar niður mynd á ensku. Þá man hún.  Berglind uppfyllir skilyrði Skoðanabræðralagsins. Listnám, auglýsingastofur, markaðsstörf, fjölmiðlun, hetjudáðir á internetinu og vín með matnum.  Djúsinn á vegum Útvarps 101, eins og eitthvað annað kæmi til greina. Skoðanabræður eru í boði Dohop og Hótels Sigluness.
1:43:38
June 13, 2019
#6 Skoðanir ClubDub
***EINA VIÐTAL CLUBDUB Í KJÖLFAR ÚTGÁFU NÝRRAR TÓNLISTAR*** –Begga (þolfall) langar til Winnipeg. En hverjum er ekki drullusama? ClubDub komu í eina viðtalið sem þeir gefa í tilefni nýrrar plötu. Sem þeir segja samt að sé ekki plata. Þeir kalla sig listamenn. –Allt frá „er hægt að þrá Rolex úr en segjast ekki vera materíalískur?“ til „við tölum ekki um dýraníð í þessum þáttum“. –Og hvaða rusl er ClubDub? –Bílskúr í Grafarvogi. Einbýlishús í 101. Úr hvoru tveggja er víst lárétt boðleið inn í Versló. En fall Íkarosar er lóðrétt fyrirbæri. Teknir fyrir það að svindla á prófi. Engin fjallabaksleið greið í malbiksmartröðinni Reykjavík. Aron stúdent úr FG. Brynjar úr MK. Og nú: ClubDub. –Það leynist enginn boðskapur undir öllu skrautinu. Öllu heldur er skrautið sjálfur boðskapurinn. –ClubDub ruddu nýjar brautir með Juice Menu sumarið 2018. Síðan hafa þeir ekki hætt að gigga. Nú kemur meiri tónlist. En þeir standa fyrir aðeins meira en bara (innan)tóma tónlist.  –Planið þeirra er að miðla lífstíl, ekki bara tónum í mismunandi röð. Og það má vera smá á ensku líka, í guðanna bænum. Að neita sér um slettur er að sækja vatnið yfir lækinn. Icelandic Mineral Water er bara eins og hvað annað vatn.  –„Þetta var bara fínt, er það ekki?“ heyrist í Aroni þegar hann á að vera hættur að tala. –Juice-inn er á vegum Útvarps 101, eins og er margframkomið.
1:28:11
June 7, 2019
#5 Skoðanir Birgittu Lífar
Flóni var á B5 um helgina. Skoðanabræður hafa sagt frá öðru eins og frásögnin væri ekki í frásögur færandi nema fyrir þær sakir að hún er í frásögur færandi. Flóni straujaði Apple Pay kortið fyrir 200 þúsund kall. En sagan er ekki þar með sögð því annar var aðili að máli. – Sá er enginn annar en sú hin eina sanna, Birgitta Líf Björnsdóttir. Hún er þjóðinni að góðu einu kunn og hana þarf vart að kynna sérstaklega. –(Styrkið Skoðanabræður með Aur eða Kass í síma 661-4648) –Birgitta Líf er karlmaður vikunnar! „Heiður,“ segir hún. „Kom mér á óvart,“ segir hún. „Skoðanabræður er fremsti vettvangur ígrundaðrar þjóðfélagsumræðu á Íslandi og þið eruð fæddir útvarpsmenn,“ segir hún ekki. –En hún segir ýmislegt. Það er erfitt að vera umdeildur. World Class, Ungfrú Ísland, Instagram, B5, Verzló, smábílar, stórir bílar, staðgreidd íbúð og lán hjá banka.  –They (hinn almenni hatari) eru áfjáðir í að rægja þá sem ná minnsta árangri, á hvaða vettvangi sem það kann að vera, jú, allir lúserar landsins mættir til að fella kónginn er ekki sjaldséð sviðsmynd þessi dægrin. Birgitta er til vitnis um það ófremdarástand. –Og allir lúserar landsins voru, réttilega, mættir til að fella ekki sérstaklega mikinn kóng sem lét ömurleg ummæli falla í beinni útsendingu af fótboltaleik. Skoðanabræður hafa skoðun. Eins og himinninn er blár. Eins og Sigmundur Davíð tekur frægum enskum útlendingahatara fagnandi. –Blað brotið í sögu Skoðanabræðra: ómennsk fylgja var fjórði gestur þessa þáttar, nefnilega hundurinn Bella.  –Spurt að leikslokum: er eðlis- eða stigsmunur á rónanum sem sníkir vodkadreitil af auðmönnum á B5 og þeim sem hefur valið að hafna áfengi og taka Íslamstrú? –Safinn er alltumlykjandi og hann er sem endranær á vegum Útvarps 101.
1:45:20
May 31, 2019
#4 Skoðanir Loga Pedro
Logi Pedro hefur svo viðbjóðslega mikið af skoðunum að Skoðanabræður héldu varla í við hann. Maðurinn mætir og skellir fyrirvaralaust nokkrum kílóum af gæðaskoðunum á borðið. Hann vinnur vinnuna fyrir bræðurna. –Honum veitir ekki af að fá að læra að vinna, enda vinnur hann vart nokkuð sjálfur, hann er listamaður. –Listamenn! –Í ljós kemur að þessi skoðun stenst ekki alveg, því listamenn þurfa að vinna ansi mikið, og ekki aðeins það, heldur þurfa þeir að færa fórnir á öðrum sviðum til þess að yfir höfuð mega vinna vinnuna sína. Þeir mega til dæmis ekki dissa árshátíð Orator á Twitter. Fyrir nokkrum árum varð Loga á og hjó aðeins í þann knérunn. Nýlega var hann svo beðinn um að gigga á umræddri árshátíð. Og þá hófst atburðarás sem er efniviður í fyndna sögu sem er að sjálfsögðu sögð í Skoðanabræðrum, helsta vettvangi íslenskra nútímafrásagna. (Innskot: Lögfræðingar eru viðbjóðsleg stétt). –Er verið að ganga of langt með lýsingunum á þessum þáttum, spyr höfundur sig á meðan hann hripar þessa hér niður. Og ríkir ekki örugglega sáttmáli á meðal manna um að lögfræði sé fyrirlitlegur starfi? –„Er Logi á Twitter?“ spurði enginn aldrei. Það hlýtur að vera 50% af frægð Loga, Twitterið hans, hann er orðinn að talsmanni góða fólksins, hann tekur slaginn, hann stingur á kýlin, hann tjáir skoðanir sínar. „Twitter er skemmtilegt“, segir Logi um þetta tiltekna efni. Hann elst upp á internetinu eins og Skoðanabræður.  –Þetta eru menn sem þekkja myrkravíddir spjallborðanna og Logi hefur samt þessa skoðun? Twitter skemmtilegt? Ekki líður á löngu uns málið er útskýrt: „Mér finnst gaman að talk shit,“ segir Logi. –Enskuskotið, jú, að tala shit, en orðalagið samræmist málvitund fróðra manna. Að tala skít! Það leggja bestu menn í vana sinn, ekki síst í kringum Eurovision þetta árið, og Logi lætur hér kné fylgja kviði: „Þessar dómnefndir eru bara úti að aka. Þetta er fólk sem heldur að það viti hvað fólk vill en það veit bara ekki rassgat,“ lætur Logi út úr sér við þetta tilefni. Ísland fékk sem sagt 48 stig frá dómnefndum Evrópu. Og Logi talar ekki vitleysu þó hann tali skít, maðurinn var dómari fyrir hönd Íslands í alþjóðlegri dómnefnd Eurovision. „Þetta eru bara einhverjir gaurar eins og ég, nema þeir eru bara ekki jafnsmekklegir og ég,“ fullyrðir hann. –Ef ykkur svo dettur í hug að eina teik Loga á Eurovision sé bara um þessa stigagjöf sem öllum er drullusama um þá misskilduð eitthvað. Farið er út í pólitíkina í kringum Hatara, út í yfirlýsingarnar, út í viðbrögðin öll. Og þaðan yfir í reynslu Loga sjálfs af því að alast upp svartur á Íslandi. –Djúsinn er á vegum Útvarps 101. Sem sagt Loga sjálfs. Við sögðum aldrei að hann væri ekki sjálfhverfur.
1:38:24
May 24, 2019
#3 Skoðanir Lóu Bjarkar
 „Ég held að það séu bara gaurar sem hlusta og þeir eru að fara að skippa yfir nafnið mitt,“ segir Lóa Björk Björnsdóttir, sviðshöfundur og femínisti, áhyggjufull í viðtali við Skoðanabræður. Hún er fyrsti kvenkyns karlmaður vikunnar. Og ber þann titil hróðug. – Karlmaður vikunnar! Hálfbakað konsept, smá eins og léleg list, sem er til þess eins fallin að triggera PC gellur á Twitter. (Það virkar.) Þetta er þó á endanum eitthvað sem Skoðanabræður axla enga ábyrgð á. Þeir vísa þessu til áhorfanda. Það er undir honum komið að túlka listina. Þeirri túlkun kann að stýra afstaða túlkanda til Jordan Peterson.  – Lóa öskraði þegar hún hlustaði á síðasta þátt af Skoðanabræðrum. „Þegar þú segir að ‘umræðan sé á villigötum’ er það mjög hrokafullt,“ segir hún við Snorra. Niðurstaða Lóu er einfaldlega sú að hann sé karlmaður í tilvistarkreppu.  – Ljóst er að árásirnar á málfrelsi Skoðanabræðra eru hafnar. Um sinn eru það fáeinar gagnrýnisraddir sem jarma af veikum mætti á Twitter. Það er þó engu minni ástæða til þess að grípa til vopna, því umræðan kann að verða óvægin. – Hér er ekki vel talað um Skoðanabræður á þeirra eigin vettvangi. Spurt er hvernig það megi vera. Þeir styðja nýja þungunarrofsfrumvarpið. Þeir vilja banna áfengi. En þeir eru reyndar sammála um eina óvinsæla skoðun: að kynlíf eigi ekki að ræða á opinberum vettvangi. „Þið viljið horfa á klám í skömm,“ segir Lóa. Það eru dylgjur. – Eurovision. Nauðgunarbrandarar. Menn með yngri konum. Náttúran segir til sín – án tölvísi, sagði Laxness. – Og fyrstur til að leiðrétta rammskakka tilvísun Snorra í Hávamál fær shoutout í næsta þætti.  – Djúsinn er á vegum Útvarps 101.
1:31:54
May 17, 2019
#2 Skoðanir Dóra DNA
Dóri DNA er búinn að mæta í hvert einasta shitty hlaðvarp á landinu. Hann náði klukkutíma með Skoðanabræðrum áður en hann þurfti að þjóta í það næsta. Hann lofaði samt að það sem kæmi fram í þessum þætti væri exklúsíft einkaefni Skoðanabræðra. Það er viðbúið að Skoðanabræðralagið sperri eyrun… í suðupotti vikunnar malla nokkrar vel sjúkar hugmyndir. Eins og hverjar? Fróður spyr ófróðan: þegar gellur á Twitter segja að einhver gaur hafi hrútskýrt eitthvað fyrir þeim, er það bara til að minna heiminn á sig? Eða eru þær raunverulega að gagnrýna eitthvað? Og ef þú sæir nágranna þinn myrða mann, myndirðu fara á Twitter að myndirðu hringja á lögregluna? Það stendur á svörum hjá Domino's-vinstrinu. Þar er bara eitt svar. Svart. Eða hvítt. Eða að niðurstöðu á þá lund komust Skoðanabræður í þættinum. Karlmaður vikunnar var sem segir enginn annar en Halldór Laxness Halldórsson eða jú einhver annar en hann, meinum við: hann vill ekki láta kalla sig Laxness. Hann er Dóri DNA. Undir því nafni hyggst hann að minnsta kosti gefa út Kokkál, nýju skáldsöguna sína, sem fjallar um mann sem horfir upp á konuna sína ríða öðrum manni. Og skáldsögur, hver í fjandanum skrifar enn þá skáldsögur, er spurt. Hver veit nema Kokkáll toppi Brekkukotsannál. Og hver hefði haldið, pólitískan rétttrúnað bar loks á góma. Það er það eina sem karla langar að tala um eða það eina sem körlum langar að tala um, eins og hinn sjúki segði. Karlarnir fóru að tala um fóstureyðingar eða þungunarrof, eftir því hvernig á það er litið, það er, hvort er verið að myrða barn eða hlífa því. Best að drepa það tal.  Djúsinn er á vegum Útvarps 101.
1:06:56
May 10, 2019
#1: Skoðanir Péturs Kiernan
Rapparinn „Flóni“ lenti í verkfalli norska flugfélagsins SAS á dögunum þegar hann tók skyndiákvörðun um að fara til Amsterdam í einn dag að hitta vin. Ákvörðunin kostaði hann 400.000 kall, segir umboðsmaður hans. „Það þarf að svipta hann fjárræði,“ bætir hann við. Þessi umboðsmaður er enginn annar en Pétur Kiernan. Áhrifavaldurinn. Instagram-fígúran. Stjórnmálaskýrandinn. Hin albjarta rassabora veraldar. Honum hlotnast þessi fágæti heiður, að vera fyrsti karlmaður vikunnar hjá Skoðanabræðrum. Og hann mætir í nýjum Balenciaga strigaskóm, sem eru að sögn aðeins þægilegri en þessir gömlu.  Ýmislegt brennur á Skoðanabræðrum þessa fyrstu viku í maí. Eitt hvað heitast: PC-fasisminn. Og hann er vel að merkja jákvætt fyrirbæri, Skoðanabræður eru ekki Harmageddon. Hér er niðurstaðan sú að taka verði aftur upp þann sið að taka fólk af lífi á Austurvelli. Hverja? Þá sem selja læknadóp með hægri og styðja listasöfn með vinstri. Svo víkur sögunni að öðrum sígildum úrlausnarefnum jarðvistarinnar. Hassi og klámi, vændi og verkfræði. Þetta venjulega ting, sem sé.  Þessi djús er á vegum Útvarps 101.
1:22:19
May 2, 2019
Skoðanabræður #0
Fyrsti þátturinn er svo góður að þunglyndir klámfíklar myndu kalla hann byrjendaheppni. Í honum er enginn karlmaður vikunnar, heldur var punkturinn að bræðurnir fyndu út hvers kyns hlaðvarp þetta ætti eiginlega að vera. Spjallið gekk svo langt að það þurfti að klippa hann til. Og það var ekki gert. Þessi djús er á vegum Útvarps 101.
1:12:13
April 26, 2019