Sotigrafi fe Globasa
By Sotigrafi fe Globasa
Globasa is an international auxiliary language with world-sourced vocabulary
www.globasa.net
Sotigrafi fe GlobasaFeb 07, 2022
Axolotle (makale in Globasawiki)
https://wiki.globasa.net/wiki/Axolotle
Axolotle sen salamandra. Fe folo, axolotle sen duabioyen. Sim kom alo duabioyen, axolotle hare iji juni figura cel na jiwa in sui, ji figura cel na jiwa per geo.
Mas poskom umumi duabioyen, axolotle no haja na dadal geoli figura cel na fale bebe. Naturali, axolotle no dadal geoli figura. Mas, ren abil na alofigura axolotle yon na injeksi yodin.
In natura, axolotle ogar in xosu hosu in Mexiko. Mas axolotle kriban no haji jiwa in natura koski insan le minusgi ji kontamina sui, ji ete le lilgi hosu.
Maxori axolotle no jiwa in natura, mas in suiogar in insanli baytu. Syensiyen le multi plugi axolotle in syensidom cel na reserci tem abilya de axolotle fe na rikrea multi mon de tesu jismu.
Termodo or Nentermodo Fruta (hikaye)
https://doxo.globasa.net/eng/lilhikaye/alo-hikaye
Termodo or Nentermodo Fruta
Avayar le sen Tamil fempoemayen.
Te jiwa fe tigayum cennyan LND (lefe nunli daywatumon).
Te sen daymogepul, mas pia burfahuri.
Ban din, te vole na idi cel alo deha.
Te xoru na anda.
Hay multi termo.
Te rahatu bax drevo.
Drevo sen pul fe syahe prumu.
Mannini folpasa.
Avayar voka te,
ji peti tas te na cudu bannumer fruta.
Nini swal tas te kama te vole termodo fruta kam nentermodo fruta.
Te haha ji loga,
"Kemaner to sen ible ki fruta sen termodo?"
Nini kyenci.
Te loga, "Okey, am gibe tas mi termodo fruta."
Nini supraidi drevo.
Te treme ban xube.
Fruta sokutu cel infer per gubarpul geo.
Femixu ofcudu oto.
Te exhawa pas sesu munte
cel na awgi gubar.
Nini swal,
"Daymama, keseba? Kam to sen termopul?"
Femixu bevinamragi tesu lexiyuxi
Xorfe den din, te awetiraf sesu burfahuriya.
Submitted by Srinivasan V R
Utaravento ji Sola (fabula de Aesop)
https://doxo.globasa.net/eng/folktales/aesops-fables
Utaravento ji Sola debate ki kute sen maxmo bala, denwatu hu daoyen preata koberido in termopul kapa.
Ete sohovada ki dente hu da unyum kosa ki daoyen ofplasi sesu kapa ingay na bekolyo maxmo bala kom alote.
Denwatu, Utaravento vento yon sesu total balaya, mas folki te max vento, daoyen maxmo ner perfleksi sesu kapa wey se; ji fe fini, Utaravento esto na xidu.
Denwatu, Sola termopul xorbrila, ji fori, daoyen ofplasi sesu kapa; ji fe folo, Utaravento bexucyo na etiraf ki Sola sen maxim bala te of dua te.