Skip to main content
Spekingar Spjalla

Spekingar Spjalla

By Podcaststöðin
Þáttur um fólk, fyrir fólk sem hefur áhuga á fólki.
Listen on
Where to listen
Apple Podcasts Logo

Apple Podcasts

Castbox Logo

Castbox

Google Podcasts Logo

Google Podcasts

Overcast Logo

Overcast

Pocket Casts Logo

Pocket Casts

Spotify Logo

Spotify

Currently playing episode

#49 Tíu Jardarnir

Spekingar Spjalla

1x
#4 Spekingar á krísutímum
Á þessum síðustu og verstu hefur Gróa gamla á leiti verið ólseig að dreifa rógburði um óeiningu í röðum Spekinga. Kári Sigurðsson var jafnframt óþreytandi í tilraunum til að stía þeim í sundur í síðasta þætti sem vel á minnst var nr. 100. Hvort Gróa og Kári séu ein og sama manneskjan er erfitt að fullyrða um en enginn hefur þó séð þau tvö saman á sama tíma. Í ljósi atburða réðu Spekingar Capacent til að greina umræðuna og koma með tillögur að úrbótum og lausn í málinu. Eftir langa og stranga fundi kom í ljós að Spekingar voru allan tímann að ræða við skiptastjóra þrotabús Capacent. Þrátt fyrir yfirgripsmikla þekkingu skiptastjóra á gjaldþrotarétti hafði hann ekki hundsvit á krísustjórnun ófrægingarherferða líkt og þeim sem beinst hafa að Spekingum undanfarin misseri.  Auralausir eftir reikning skiptastjóra, og kostnað við að lýsa þeirri kröfu í búið, leystu Spekingar málin upp á gamla mátann, með því að rífa upp gamla góða símtólið. Afraksturinn má heyra í þessari stuttu klippu sem útskýrir af hverju hlustendur eru snuðaðir um þátt þessa vikuna. Spekingar lofa bót og betrun á komandi tímum.
05:24
October 23, 2020
#100 Eitthundrað
Spekingar gefa út þátt nr. 100 þessa vikuna. Við það tilefni voru sóttir og færðir í stúdíó færustu álitsgjafar landsins til að fara yfir fyrstu upptöku Spekinga sem tekinn var upp á fyrri hluta ársins 2018. Upptakan hefur aldrei verið birt opinberlega en í þessum þætti fá hlustendur að heyra valdar klippur sem þola birtingu. Fyrsta upptakan verður birt í heild sinni samhliða öðrum upplýsingum um mikilvæga almannahagsmuni að 40 árum liðnum sbr. 1. mgr. 28. gr. l. nr. 77/2014 um opinber skjalasöfn.  Gestir þáttarins í stafrófsröð: JútjúbJón, Kári og Sesi.  Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi og 250 lita.
1:49:34
October 13, 2020
#3 Spekingar Special
Spekingar Special fóru ekki bara yfir sætar, áberandi og litríkar fréttir vikunnar heldur heyrðum við einnig í Eygló, móður Matta, sem upplýsti okkur um lesleti.  Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi og 250 lita.
34:59
October 2, 2020
#99 Eva Ruza & Hjálmar Örn
Eva Ruza og Hjálmar Örn eru klárlega á meðal skemmtilegasta fólks landsins. Þar sem er líf, þar er fjör og það var heldur betur raunin í þessum þætti. Við lögðum spilin á borðið og fórum yfir lífsins ljúfu stundir. Farvegur skemmtikraftsins er hlykkjóttur en með áræðni og dugnaði kemst hann á leiðarenda.  Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi og 250 lita.
2:01:28
September 29, 2020
#2 Spekingar Special
Spekingar Special fóru yfir sætar, áberandi og litríkar fréttir vikunnar. Helgin er framundan og BBQ Kóngurinn fór yfir matseðil helgarinnar.  Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi og 250 lita.
35:50
September 25, 2020
#98 Gulli Helga
Gunnlaugur Helgason, Gulli Helga eða ÞjóðarGull(i) eins og Spekingar kalla hann er gestur okkar þessa vikuna. Gulli er bæði frábær smiður og fjölmiðlamaður en bestur þegar hann er í báðum hlutverkum samtímis. Fröken útvarp bauð Gulla upp í dans árið 1984 og dansa þau ennþá saman, nú alla virka morgna á Bylgjunni. Eftir mjaltir skellir Gulli sér í smíðasvuntuna og bregður sér í raunhagkerfið eða tekur upp innslög fyrir einn vinsælasta sjónvarpsþátt landsins, Gulli byggir. Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi og 250 lita.
1:42:17
September 22, 2020
#1 Spekingar Special
Mikill þrýstingur og háværar raddir hafa knúið Spekinga til þess að gefa út sérstakan þátt með óhefðbundnu sniði. Við tókum stöðuna á fréttum vikunnar og tókum púlsinn á Steina dúkara. Stóra spurningin er hvað er að vera leslatur? Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi og 250 lita.
38:16
September 18, 2020
#97 Guðmundur Jörundsson
Guðmundur Jörundsson fatahönnuður er gestur Spekinga þessa vikuna. Þrátt fyrir að það hafi ekki verið planið að verða fatahönnuður hefur Guðmundur og JÖR slegið rækilega í gegn hjá íslensku þjóðinni. Við fórum meðal annars yfir álagið sem fylgir því að hanna eigin fatalínu og vera með 10 manns í vinnu. Af því dró Guðmundur stóran lærdóm og byggir nú vörumerki sitt aftur á eigin forsendum. Bieber ef þú ert að hlusta, skilaðu gullituðu leðurbuxunum. Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi.
1:49:58
September 16, 2020
#96 Spekingar Special
Spekingar eru með breyttu sniði þessa vikuna. Að höfðu samráði við Þríeykið, Katrínu Jakobsdóttur og Kára Stefánsson var ákveðið að Spekingar yrðu aðeins tveir í hljóðverinu. Við fórum yfir málefni sem brenna á þjóðinni nú um stundur og slógum á þráðinn til JútjúbJóns sem fór yfir matseðil helgarinnar. Öðruvísi þáttur en gaspur og fleipur ekki langt undan.  Upptökur fóru fram í Nóa Síríus stúdíói Podcaststöðvarinnar og Spekingar eru í boði Áberandi.
1:03:12
September 10, 2020
#95 Brynhildur Guðjónsdóttir
Sviðslistakonan Brynhildur Guðjónsdóttir stjórnar nú Borgarleikhúsinu eftir að hafa átt sviðið í islensku leiklistarlífi í yfir tvo áratugi. Leikkona, leikskáld og leikstýra sem hefur auðgað listina á Íslandi og stýrir skútu Borgarleikhússins á krefjandi tímum. Brynhildur er einstakur listamaður og fáum við íslendingar að njóta góðs af því. Spekingar Spjalla er tekinn upp í Nóa Siríus stúdíóinu og er í boði Áberandi.
1:35:02
September 3, 2020
#94 Þórður Helgi Þórðarson
Þórður Helgi Þórðarson (Doddi litli) er einn farsælasti útvarpsmaður Íslands. Eftir Tvíhöfða, Ding Dong og Litlu Hafmeyjuna snéri Þórður sér að virðulegri dagskrárgerð á Rás 2, útvarpi allra landsmanna. Í hjáverkum bregður hann sér í gula Henson gallann og tryllir lýðinn með Love Guru eða smíðar tónlist undir eigin nafni. Ótrúlegur maður og ótrúlegur ferill. Spekingar Spjalla er tekinn upp í Nóa Siríus stúdíóinu og er í boði Áberandi.
2:43:11
August 27, 2020
#93 Þórarinn Ævarsson
Þórarinn Ævarsson hefur tekið stöðu með almenningi á farsælum ferli sínum í viðskiptum. Bakarinn sem skapaði Dominos og IKEA á Íslandi og breytir nú viðskiptalandslaginu á Íslandi enn á ný með Spaðanum. Þórarinn er einstaklega skemmtilegur karakter með sterkar skoðanir á íslensku samfélagi. Við fórum yfir feril Þórarins og sýn hans á verslun og viðskiptum. Spekingar Spjalla er tekinn upp í Nóa Siríus stúdíóinu og er í boði Áberandi og 250 lita.
1:47:58
August 20, 2020
#92 Sigga Lund
Hún hressir, bætir og kætir. Sigga Lund er gestur Spekinga þessa vikuna. Fjölmiðlakona sem hefur margoft verið á undan sinni samtíð varðandi málefni sem brenna á samfélaginu. Allir hafa hlustað á Siggu í gegn um útvarpsbylgjurnar og nú loksins er hún fáanleg í hlaðvarpsformi. Í þættinum fáum við að heyra glænýtt Zúúber skúbb. Spekingar Spjalla er tekinn upp í Nóa Siríus stúdíóinu og er í boði Áberandi og 250 lita.
1:30:43
August 13, 2020
#91 JúTjúbJón snýr alltaf aftur
Þegar erfitt er að bóka gesti yfir verslunarmannahelgi er gott að treysta á JúTjúbJón. Matti og JúTjúbJón tóku stöðuna á íslenska ferðasumrinu sem og önnur málefni. Stemningin súrnaði þó í stúdíó-inu þegar JúTjúb þurfti ekki að hugsa sig tvisvar um að drepa Matta í hinum klassíska leik Giftast, sofa hjá og myrða. Jafnframt tóku þeir félagar upp símann og heyrðu í vin þáttarins Sesa sem og fjarstöddum meðstjórnanda þáttarins. Spekingar Spjalla er tekinn upp í Nóa Siríus stúdíóinu og er í boði Áberandi og 250 lita.
1:30:36
August 6, 2020
#90 Birkir Már Sævarsson
Feiminn bakvörður sem lætur verkin tala inni á vellinum. Fæddist Valsari og verður þar þangað til hann þarf að bræða úr hlaupabrettunum á Bolungravík. Heldur betur ekki búinn að fá nóg af Víkingaklappinu. Við fórum yfir hitt og þetta, pepsi Max deildina, hvernig er að vera atvinnumaður í fótbolta, fjallahjólreiðar og margt fleira.
1:10:05
July 30, 2020
#89 Sr. Jóna Hrönn Bolladóttir
Presturinn, gleðigjafinn og næstum því fararstjórinn Sr. Jóna Hrönn Bolladóttir er gestur Spekinga þessa vikuna. Sr. Jóna Hrönn ákvað 7 ára að verða prestur en þá voru enn 3 ár í að fyrsta konan yrði vígð á Íslandi. Sr. Jóna Hrönn er bráðskemmtilegur stuðbolti sem lýsir upp öll herbergi sem hún gengur inn í. Við áttum fræðandi spjall um lífið, dauðann og allt þar á milli.  Spekingar Spjalla er tekinn upp í Nóa Siríus stúdíóinu og er í boði Áberandi.
1:40:17
July 23, 2020
#88 Silja Úlfarsdóttir
Hlaupadrottning Íslands og afreksþjálfarinn Silja Úlfarsdóttir er gestur Spekinga þessa vikuna. Eftir að hafa drottnað yfir hlaupabrautum landsins snéri hún sér að þjálfun og hefur þjálfað bestu íþróttamenn landsins. Í fyrsta sinn mættu Spekingar ofjarli sínum enda Silja geggjaður karakter. Spekingar Spjalla er tekinn upp í Nóa Siríus stúdíóinu og er í boði Áberandi og 250 lita.
1:34:47
July 2, 2020
#87 Björgvin Páll Gústavsson
Markmaður þjóðarinnar Björgvin Páll Gústavsson er gestur Spekinga þessa vikuna. Ótrúlegur karakter inni á vellinum en ljúfur drengur utan línanna. Við drápum niður fæti á ýmsum tímapunktum á ferli Bjögga en hann er hvergi nærri hættur á milli stanganna. Handbolti er ekki eini boltinn sem Bjöggi heldur á lofti en meðfram því að vera afreksíþróttamaður miðlar hann þekkingu sinni og reynslu til yngri kynslóðarinnar. Síðastliðið haust kom út bók Bjögga "Án filters" en þar fjallar hann um erfiðar aðstæður í uppvexti sínum, líkamlegt og andlegt hrun og bataferlið sem stendur yfir. Spekingar Spjalla er tekinn upp í Nóa Siríus stúdíóinu og er í boði Áberandi og 250 lita.
1:36:40
June 19, 2020
#86 BBQ kóngurinn
Alfreð Fannar Björnsson, hinn eini sanni BBQ kóngur Íslands er gestur Spekinga þessa vikuna. Kóngurinn var með tangarhald á Spekingingum og skóflaði þeim upp með spaðanum, Weber spaðanum að sjálfsögðu ekki pizzastaðnum. Mikilvægar umræður fóru fram nú þegar grillvertíðin er hafin.  Spekingar Spjalla er tekinn upp í Nóa Siríus stúdíóinu og er í boði Áberandi og 250 lita.
1:35:24
June 11, 2020
#85 Sesi og FoodJúbJón
Sumarið er tíminn og við það tilefni fengum við Sesa og FoodJúbJón til að ræða um allt annað en sumarið sem er framundan. Almennt spjall um allt og ekkert og það er greinilega Spekingum ekkert óviðkomandi. Spekingar Spjalla eru í boði Nóa Siríus, Áberandi og 250 lita.
1:52:23
June 5, 2020
#84 Haraldur Dean Nelson
Haraldur Dean Nelson er ötull réttindabaráttumaður fólks sem vill fá að stunda íþróttagrein sína á sömu forsendum og íþróttamenn annarra greina. Fjölskyldumaður, umboðsmaður bardagamanna- og kvenna og framkvæmdastjóri Mjölnis er gestur Spekinga þessa vikuna. Að vanda fórum við yfir víðan völl. Spekingar Spjalla eru í boði Áberandi og 250 lita.
1:47:23
May 28, 2020
#83 Ævar Þór Benediktsson
Ævar Þór Benediktsson leikari, rithöfundur, vísindamaður eða bara alhliða listamaður er gestur Spekinga í þetta sinn. Ævar Þór trónir nú á toppum metsölulista með nýja bók sína Hryllilega stuttar hrollvekjur. Við fórum yfir sviðsmynd Ævars, frá því að vera "vinur/kærasti" Georgs Bjarnfreðarsonar til leiklistar, ritstarfa og margt fleira. Spekingar Spjalla eru í boði 250 lita og Áberandi.
1:29:25
May 21, 2020
#82 Spekingar Spjalla
Spekingarnir eru tveir þessa vikuna. Við svöruðum spurningum hlustenda sem komu inn gegn um instagram síðu Spekinga. Við ræddum um framkvæmdir í nýja stúdíóinu, málefni líðandi stundar í þjóðfélaginu en aðallega um hluti sem skipta engu máli.
1:18:18
May 9, 2020
#81 Fannar Sveinsson
Gestur Spekinga þessa vikuna er einn allra besti maður þjóðarinnar. Það var gaman að rifja upp feril Fannars, hvernig hann byrjaði ungur að gera sketsa og er nú bæði fyrir framan og aftan kvikmyndavélina í vinsælustu sjónvarpsþáttum landsins. Í lok þáttar kemur skúbb varðandi þætti sem hefja göngu sína 8. maí næstkomandi. Endilega fylgið okkur á Instagram.
1:35:04
April 24, 2020
#80 Happy hour
Kári Kongó Sigurðsson æskulýðsfrömuður er gestur Spekinga þessa vikuna. Auk starfa Kára í æskulýðsmálum fer hann um allt land með fræðsluna Fokk me-Fokk you ásamt Andreu Marel. Á þessum síðustu og verstu hefur Kári verið duglegur á samfélagsmiðlum að hvetja landsmenn í að halda rútínu og gleyma ekki mikilvægustu klukkustundum sólarhringsins., Happy hour.
1:47:29
April 16, 2020
#79 Auðjón Guðmundsson
Auðjón Guðmundsson framkvæmdastjóri markaðs- og sölusviðs Nóa Síríus er gestur Spekinga þessa vikuna. Páskaeggin reka smiðshöggið á páskahátíðina og gegnir Nói Síríus þar veigamiklu hlutverki. Við tókum hús á Auðjóni og ástríðu hans á matvælaframleiðslu auk þess sem við svöruðum spurningum um eftirlætli allra, sælgæti.
1:53:36
April 10, 2020
#78 Örn Árnason
Örn Árnason er einn okkar ástsælasti leikari og skemmtikraftur. Í tæp 40 ár hefur þjóðin fengið að njóta Arnar á leiksviði og í sjónvarpi. Þá ól hann upp hálfa þjóðina í þáttunum Með afa. Við minnum ykkur á að fylgja Spekingar Spjalla á Instagram. Spekingar Spjalla er í boði OAT KING.
1:27:26
April 3, 2020
#77 Spekingar spjalla
Á þessum sérstöku og erfiðu tímum (fordæmalausum myndi einhver segja) er gott að setjast upp í sófa og hlusta á Spekingana sína. Í stúdíó-inu þessa vikuna leika lausum hala JútjúbJón og Sesi. Sérstakur gestur er Steini Stuð. Annar Spekinga (sem ekki vill láta nafn síns getið) fékk þá sniðugu hugmynd (að eigin mati) að búa til drykkjuleik úr ástandinu. Óþverrabragð já ég veit og sá sem þetta ritar er alveg sammála ykkur. Spekingar Spjalla er í boði OAT KING.
1:50:49
March 29, 2020
#76 Friðrik Ingi Rúnarsson
Friðrik Ingi Rúnarsson er einn okkar allra færasti og farsælasti körfuknattleiksþjálfari. Góður leikmaður en ákvað að leggja skóna á hilluna og einbeita sér alfarið að þjálfun. Íslandsmeistari á sínu fyrsta ári sem aðalþjálfari Njarðvíkur einungis 22 ára og liggja ófáir titlarnir í valnum nú rúmlega 30 árum síðar. Við þökkum hlustendum fyrir spurningarnar til Friðriks og minnum ykkur á að fylgja okkur á Instagram, @spekingarspjalla. Þar gefst ykkur tækifæri á að koma ykkar spurningum til viðmælenda okkar. Spekingar Spjalla er í boði OAT KING.
1:30:59
March 19, 2020
#75 Hörður Magnússon
Markahrókurinn og fjölmiðlamaðurinn Hörður Magnússon hefur verið samofinn íslensku íþróttalífi í 35 ár eða allar götur frá hann spilaði sinn fyrsta meistaraflokksleik. Fimur og frábær bæði á velli og á bak við hljóðnemann. Spekingar eru hvorki múlbundnir né í taumi og því geystumst við yfir víðan völl með Herði.
1:44:37
March 12, 2020
#74 Birgir Leifur Hafþórsson
Birgir Þór Hafþórsson afrekskylfingur, PGA-kennari og MBA-nemi er gestur Spekinga þessa vikuna. Íslenska þjóðin hefur fengið að fylgja þessum frábæra kylfingi á golfvellinum og kynnast þeim góðum gildum og hugarfari sem einkenna Birgi Leif. Spekingar Spjalla er í boði OatKing sem fæst í öllum helstu verslunum.
1:37:14
March 7, 2020
#73 Helgi Jean Claessen
Helgi Jean Claessen tók ákvörðun um að snúa lífi sínu til betri vegar og hjálpar nú öðrum að gera slíkt hið sama með námskeiðum, fyrirlestrum og helgarferðum. Hann heldur einnig úti hlaðvarpinu Hæ Hæ - Ævintýri Helga og Hjálmars auk þess að bralla ýmislegt fleira. Strákarnir í Hæ Hæ verða með Live show og skemmtikvöld! Í Gamla Bíó 27. febrúar nk. kl. 20:00. Nælið ykkur í miða áður en það verður uppselt á Tix.is.
1:50:50
February 20, 2020
#72 Spekingar Spjalla
Lægðin raskar ekki dagskrá Spekinga. Þrátt fyrir vonskuveður mættu Spekingar í Stúdíó og drógu með sér tvo mæta menn. Jón Þór og Steini eru gestir Spekinga þessa vikuna þar sem ýmis málefni voru krufin. Eins og áður voru skoðannir þáttastjórnenda og gesta eins strá í vindi (lægð) og menn ekki oft endilega sammála sjálfum sér.
1:40:55
February 14, 2020
#71 Eðvarð Egilsson
Eðvarð Egilsson tónlistarmaður er gestur Spekinga þessa vikuna. Eðvarð bjó í 9 ár í Los Angeles þar sem hann lét drauma rætast með hljómsveitinni Steed Lord og tónlistarsköpun undir eigin merkjum ásamt módelstörfum og leiklist með heimsfrægu tónlistarfólki. Þegar Eddi snéri aftur til Íslands varð hann ástfanginn, orðinn faðir og lætur nýja drauma rætast. Þessa dagana að Eddi að leggja lokahönd á tónlistina sem flutt verður í leikritinu Útsendingu sem frumsýnt verður þann 21. febrúar nk.
1:44:54
February 7, 2020
#70 Ofurskálin 2020 - Birgir Þór og Gunnar Ormslev
Leikið verður um Ofurskálina LIV á sunndudaginn. Af því tilefni komu Birgir Þór Björnsson og Gunnar Ormslev til Spekinga og gera henni góð skil ásamt því að fara yfir NFL tímabilið. Birgir Þór hefur farið á kostum í vetur með Tíu Jarda hreyfingunni en Tíu Jardarnir verða með gleðskap ásamt Einherjum í Keiluhöllinni fyrir og með leiknum. Pub Quiz og með´því á boðstólnum og byrja herlegheitin kl. 22:00. Þá verður Matthías Tim úr TJ hreyfingunni með Pub Quiz á Aski Taproom á Egilsstöðum laugardaginn 1. febrúar kl. 21:00. Gunnar Ormslev þekkir leikinn inn út enda mun hann lýsa leiknum á Stöð 2 Sport og afgreiða það með sóma eins og aðrar íþróttalýsingar hans.
1:56:01
January 31, 2020
#69 Atli Stefán og Gunnlaugur Reynir (Tæknivarpið)
Atli Stefán Yngvason og Gunnlaugur Reynir Sverrisson frá Tæknivarpinu eru gestir Spekinga þessa vikuna. Við drápum niður fæti á ýmsum málum tengdum tækni sem snerta okkar daglegu líf. Tæknivarpið er frábær þáttur sem fjallar um málefni úr tækniheiminum frá skemmtilegu sjónarhorni. Þáttinn má finna inn á hlaðvarpsveitu Kjarnans. Tæknivarpið á facebook.
1:13:56
January 24, 2020
#68 Eva og Sylvia (Normið)
Snillingarnir í Norminu eru gestir Spekinga þessa vikuna. Eva og Sylvia stjórna hlaðvarpsþættinum Normið ásamt því að þjálfa hjá Dale Carnegie og bardúsa ýmislegt fleira. Þátturinn er í samstarfi við www.snus.is.
1:08:51
January 17, 2020
#67 EM í handbolta
EM í handbolta er handan við hægra hornið. Þá er ekki úr vegi að fara yfir leikmenn landsliðsins, leikina framundan og við hvaða árangri við megum búast við á mótinu. Gestir þáttarins eru Styrmir Sigurðsson, fulltrúi Handkastsins og Þórhallur Ágústsson, fulltrúi almúgans. Þátturinn er í samstarfi við www.snus.is. Handkastið á facebook.
1:28:14
January 10, 2020
#66 Tuttugu Tuttugu
Steinþór Kristjánsson, aka Steini dúkari, var mættur í stúdíó Spekinga til að ræða fyrstu daga ársins og hvað er framundan í íslensku samkvæmislífi á næstu misserum. 
1:26:30
January 3, 2020
#65 Áramótaþáttur 2.0
Spekingar gerðu upp árið 2019. Þátturinn var tekinn upp seint að kvöldi og með öl í hönd. Að því sögðu skal þátturinn því ekki skoðast sem íslensk samtímaheimild um árið 2019 þar sem staðreyndir sem flugu fram kunna að vera kolrangar eða lauslegar í besta falli. Skoðanir þáttastjórnenda og gesta endurspegla ekki skoðanir þjóðarinnar og oft á tíðum ekki einu sinni þeirra eigin.  Gestir: Jón Þór Skaftason og Þórhallur Ágústsson.
3:02:06
December 28, 2019
#64 Simmi Vill
Sigmar Vihjálmsson aka Smmi Vill óð inn í stúdíó Spekinga og fór yfir málin, á milli himins og jarðar. Af hverju var hann leiðinlegur á handboltavellinum? Afrekin á handboltavellinum, fjölmiðlaferillinn, sögur úr veitingabransanum og fleiri ævintýri.
1:46:24
December 20, 2019
#63 Hrefna Sætran
Hrefna Sætran kom til okkar og lýsti einhverri bestu samloku sem talað hefur verið um í Podcasti. Hrefna byrjaði snemma að herma eftir Sigga Hall og var farin að elda fyrir vini og fjölskyldu aðeins 6 ára gömul. Við erum að tala um matseðla og allt klárt. Við fórum yfir ferilinn hjá þessum magnaða matreðslumeistara og hvernig hún ruddi brautina fyrir konur í faginu. Svo eins og okkur einum er lagið þá fórum við yfir víðan völl.
1:24:21
December 20, 2019
#62 Árni Árnason
Árni Árnason hefur starfað í markaðsbransanum í 20 ár. Fyrir ári síðan hóf hann að skrifa bókina um Friðbergi forseta, fyrstu skáldsögu sína en áður hafði hann skrifað bók um Bubba Morthens í samtalsformi. Árni hefur gengið með rithöfunda-drauminn í maganum í mörg ár og lét loks verða af því að selja fyrirtæki sitt og setjast við skriftir. Sinnir auðvitað öðrum verkefnum samhliða enda dugnaðarforkur.
1:17:07
December 5, 2019
#61 Sverrir Þór Sverrisson
Leikari, skemmtikraftur, tónlistarmaður en fyrst og fremst fagmaður. Það eru um 2.100 sveppategundir á Íslandi en sú lang þekktasta og skemmtilegasta er Sverrir Þór, sem barst til landsins árið 1977. Úr ætt Kóngasveppa en villisveppur þegar sá gállinn er á honum. Velkominn á heimili allra landsmanna, annað en frændi hans myglusveppurinn.
1:45:23
November 28, 2019
#60 Stefán Pálsson - Jólabjór 2.0 (seinni hluti)
Nóvember er genginn rúmlega hálfa leið og það þýðir bara eitt. Jólabjórinn skreið í hillur Vínbúðarinnar þann 14. nóvember sl. og Spekingar brugðust ekki skyldum sínum að taka hann út. Eðli málsins samkvæmt var gestur þáttarins Stefán Pálsson og leiddi hann okkur í gegn um flóru og fjölbreytileika bjóranna. Þess má geta að Stefán leiddi jafnframt jólabjórsþátt Spekinga fyrir ári síðan.  Spekingum til halds og trausts voru Kári Sigurðsson og Tómas Magnús Þórhallsson og eiga miklar þakkir skildar. Þátturinn er í 2 hlutum.
1:42:49
November 22, 2019
#60 Stefán Pálsson - Jólabjór 2.0 (fyrri hluti)
Nóvember er genginn rúmlega hálfa leið og það þýðir bara eitt. Jólabjórinn skreið í hillur Vínbúðarinnar þann 14. nóvember sl. og Spekingar brugðust ekki skyldum sínum að taka hann út. Eðli málsins samkvæmt var gestur þáttarins Stefán Pálsson og leiddi hann okkur í gegn um flóru og fjölbreytileika bjóranna. Þess má geta að Stefán leiddi jafnframt jólabjórsþátt Spekinga fyrir ári síðan. Spekingum til halds og trausts voru Kári Sigurðsson og Tómas Magnús Þórhallsson og eiga miklar þakkir skildar. Þátturinn er í 2 hlutum.
1:39:46
November 22, 2019
#59 Magni Ásgeirsson
Magni kom til okkar og við ræddum allt á milli himins og jarðar. Er hægt að keppa í söng? Hefur Magni unnið söngvakeppni? Sveitaböll, rútuferðirnar aldamótatónleikar og raunveruleikasjónvarp.
1:26:45
November 14, 2019
#58 Jói Fel
Jóa Fel þekkja allir sem hafa einhvern tímann látið ofan í sig fæði. Jóhannes Felixson er einn af okkar fremstu meisturum þegar kemur að því að skapa töfra í eldhúsinu. Við tókum hús á Jóa og fórum yfir ástríðu hans í matargerð ásamt trixunum í að skapa gott sjónvarp.
1:17:19
November 7, 2019
#57 Sober October uppgjör á Ölver
Loksins er október búinn og þá tekur við uppgjör. Við mættum á Ölver með áhangendum þáttarins og gerðum upp Sober October. Sandra Björg frá Absolute Training kynnti úrslit og í framhaldi fjölluðum við um tilfinningar keppenda. Við þökkum 105 Koffínvatni og Absolute Training kærlega fyrir að taka þátt í þessu með okkur og Ölver fyrir að hýsa uppgjörið.
1:07:23
November 2, 2019
#56 Þórhallur Ágústsson “Járnkarl”
Þórhallur kláraði Járnkarl núna í September og fór yfir allt ferlið með okkur. Hvernig dettur fólki þetta í hug? Hvað er næsta skref þegar maður er búinn að ákveða að fara Járnkarl? Þarf maður að vera afreksíþróttamaður? Afhverju er ekki boðið upp á áfengan bjór eftir keppnina? Þessum spurningum er svarað og svo fórum við yfir keppnisdaginn sjálfan.  Þórhallur stjórnar jafnframt Podcast þættinum Epík og  fórum við létt yfir hvað er framundan í þeim þáttum. Svo gekk Sæþór inn á okkur í miðjum þætti en hann kom beint af fæðingardeildinni.
1:28:28
October 25, 2019
#55 Jón Axel Ólafsson
Gestur Spekinga þessa vikuna er Jón Axel Ólafsson. Jón Axel er nú fluttur til Ítalíu og fór viðtalið því fram Í hljóðveri K100. Jón Axel er einn okkar fremsti útvarpsfrömuður og hefur verið í tengslum við ljósvakamiðla frá 14 ára aldri. Þess á milli hefur hann ráðist í ýmis verkefni, svo sem markaðsmálefni, bókaútgáfu og nú húsgagnasmíði. Við þökkum Jóni Axel og Ásgeiri Páli kærlega fyrir að bjóða okkur aðstöðu K100.
1:18:52
October 17, 2019
#54 Tómas Þór Þórðarson 2.0
Tómas Þór Þórðarson er einn okkar allra besti íþróttafrétta- og dagskrágerðarmaður. Tómas Þór kom til Spekinga í annað sinn enda hafsjór af fróðleik. Við fórum yfir víðan völl og má þar nefna Gunnar Nelson, handbolta, fótbolta, NFL og framtíðar aðstöðu landsliða okkar.
1:58:52
October 11, 2019
#53 Sigga Dögg
Sigga Dögg er engum lík þegar kemur að kynfræði. Sprenglærð í fræðunum sem hún miðlar til okkar hinna á áhrifaríkan og skemmtilegan hátt.  Þann 14. nóvember nk. verður Sigga Dögg með fræðslu- og skemmtiviðburð á Kex hostel þar sem hún kynnir meðal annars niðurstöður úr fróðleikskönnun hennar um typpi ásamt því að opna á umræðuna um typpi almennt. Hægt er að nálgast miða á viðburðinn á tix.is.
1:34:27
October 3, 2019
#52 Sober October
Spekingar efna til keppni í október. Spekingar ásamt Jóni Þór og Sævari munu ekki snerta áfengi, keppa í þyngdarlosun og alls konar áskorunum sem Sandra Björg í Absolute Training mun stýra. Við fórum yfir helstu leikreglur og hvernig hver og einn ætlar að vinna þessa keppni. Hægt verður að fylgjast með keppninni á Instagram síðu Podcaststöðvarinnar. Eins og oft kemur fyrir hjá okkur, þá fórum við yfir ýmsa hluti sem koma þessari keppni ekkert við. Við hvetjum alla til að taka þátt og tagga Podcaststöðina í Instagram story.
1:26:13
September 27, 2019
#51 Pétur Marinó 3.0
Það er bardagi framundan hjá Gunnari Nelson. Það er enginn betri en Pétur Marinó til að fara yfir stöðu mála hjá Gunna og undirbúa okkur undir komandi átök. Við fórum jafnframt yfir það helsta í UFC undanfarna mánuði og hvað er framundan í þessari spennandi íþrótt.
1:49:51
September 20, 2019
#50 Sandra Björg Helgadóttir
Sandra Björg kom til okkar og sagði okkur frá Absolute Training sem hún rekur. Þar skiptir máli að rækta andlegu hliðina meðfram líkamlegri heilsu. Sandra er iðnaðarverkfræðingur sem vinnur við markaðsstörf og að fræða, mennta og þjálfa ungt fólk, fagaðila, stjórnendur og starfsmenn fyrirtækja. Spekingar ætla að koma sér í form í október með hjálp Söndru. Þar verður hún með ýmsar þrautir/keppnir sem við þurfum að standast. Keppninni verður gerð betri skil í þættinum þann 26. september nk.
1:17:26
September 12, 2019
#49 Tíu Jardarnir
Nú er tímabilið í NFL að hefjast og þá er gott að fá okkur fróðari menn til að fara yfir ameríska fótboltann. Birgir Þór og Maggi Peran komu í skemmtilegt og fræðandi spjall um þessa ört vaxandi íþrótt á Íslandi. Við ræddum málin, allt frá Fantasy deildinni til hverjir muni standa uppi sem sigurvegarar Ofurskálarinnar.  Við mælum með fyrir þá sem vilja kynna sér og hafa áhuga á amerískum fótbolta, að hlusta á Tíu Jardanna á Podcaststöðinni.
1:58:20
September 6, 2019
#48 Anna Svava Knútsdóttir
Anna Svava er töffari fram í fingurgóma og einn fyndnasti skemmtikraftur landsins. Þess á milli stýrir hún Gylfa Þór og Ísbúðinni Valdísi með harðri hendi. Drottning heim að sækja en í þetta skipti kíkti hún til Spekinganna og dró upp úr þeim alls kyns vitleysu.
1:40:31
August 29, 2019
#47 Siggi Gunnars
Siggi Gunnars vissi ungur að hann yrði útvarpsmaður og stofnaði sína fyrstu útvarpsstöð 12 ára gamall. Lærði útvarpsfræði í Sunderland og er nú tónlistar- og dagskrárstjóri K100. Siggi er jafnframt með einn vinsælasta spinningtíma landsins auk þess að vera vinsæll veislu- og skemmtanastjóri. Það er nóg að gera hjá okkar manni og saga hans er virkilega skemmtileg.
1:43:55
August 23, 2019
#46 Vernharð Þorleifsson
Vernharð Þorleifsson hóf ferilinn sem afreksíþróttamaður í júdó. Fyllti svo tómarúmið sem íþróttirnar skyldu eftir sig með því að framleiða hinn frábæra sjónvarpsþátt Venna Páer. Fasteignasali með húmor og marg fleira.
2:06:13
August 16, 2019
#45 Gerður í Blush
Gerður Huld Arinbjarnardóttir skólaði okkur til í hjálpartækjum ástarlífsins. Við fórum yfir áskoranir að stofna fyrirtæki ung af aldri, hvernig daglegur rekstur gengur fyrir sig, samskipti kynjanna og margt fleira.
1:28:00
August 9, 2019
#44 Fjölnir Þorgeirsson
Við áttum létt og skemmtilegt spjall við Fjölni, Hann er alinn upp í sveit á sumrin og átti alltaf létt með að fóta sig í íþróttum. Átti Íslandsmet í íslandsmetum, atvinnumaður í snóker, deitaði kryddpíu og bjargaði hestum upp úr Reykjavíkurtjörn. Ef hann er ekki íslenski draumurinn hver er það þá ?  Svo fóru Spekingar yfir þá stóru helgi sem er framundan. Gangið hægt um gleðinar dyr og ekki gera eitthvað sem þið viljið ekki að sé gert við ykkur.  Takk fyrir að hlusta og munið að subscribe-a og like-a.
1:29:27
August 2, 2019
#43 Siggi Hlö
Siggi Hlö er einn ástsælasti fjölmiðlamaður og partýkóngur landsins. Fyrrum auglýsingafrömuður og nú ferðafrömuður ásamt því að stjórna stuði þjóðarinnar alla laugardagseftirmiðdaga. Það er partý hjá Spekingum þessa vikuna.
1:24:37
July 25, 2019
#42 Kári Ársælsson
Kári Ársælsson knattspyrnumaður, flugumferðarstjóri, byggingastjóri og fyrrverandi Herbalife sölumaður er gestur Spekinga þessa vikuna. Við fórum yfir farsælan knattspyrnuferil Kára, ameríska háskólalífið, umhverfisvæna byggingaframkvæmd og margt margt fleira.
1:41:50
July 19, 2019
#41 Bragi Þórðarson
Alfræðiorðabókin um motórsport kom til okkar. Bragi Þórðarson sér um mótorsport þættina á RÚV og skrifar auk þess um formúlu 1 á Vísi. Við ræddum við hann um Gokart, Buggy, Rally-Cross, Rally, Torfræru, Nascar og Formúlu 1. Hvernig hann byrjaði í mótorsporti og þennan mikla áhuga sem hann hefur á greininni. Bragi er með Mótorvarpið á Podcaststöðinni.
1:32:15
July 12, 2019
#40 Brynjar Þór Hreggviðsson
Stangveiði er umfjöllunarefni Spekinga þessa vikuna. Til þess að gera því góð skil fengum við frábæran veiðimann til okkar til þess að fjalla um stangveiði. Allt frá því að vera byrjandi og hvernig það er að guide-a David Beckham í ánum.  http://www.vesturrost.is
1:23:58
July 5, 2019
#39 Sesi
Sesi kom til okkar og við ræddum um hvað er mest pirrandi við flug og því sem tengist því að fljúga. Að því loknu tækluðum við málefni sem snertir okkur öll, hvernig við eigum að nota salerni, og hvað má og hvað má ekki.  
1:30:40
June 28, 2019
#38 Kristinn SOÐ
Kristinn Guðmundsson listamaður og kokkur gefur út matreiðsluþættina SOÐ. Dansari með mjúkar línur og snillingur í eldhúsinu... eða í stúdíó-inu.  Soð hefur vakið verðskuldaða athygli fyrir frumlega og skemmtilega matargerð.  Aðstoðarleikstjóri Á hvítum, hvítum degi og hann er gestur Spekinga þessa vikuna.
1:47:56
June 21, 2019
#37 Eva Ruza
Hin stórskemmtilega Eva Ruza er gestur okkar þessa vikuna. Við fórum yfir uppvaxtarárin, gleðina og hvernig hún pantar pizzu í útlöndum.  Eva er frábær kynnir og veislustjóri og er margt til lista lagt.
1:40:42
June 13, 2019
#36 Spekingar Spjalla
Spekingar fengu til sín góða gesti þessa vikuna. Sævar og Jón Þór komu og við ræddum um sumarið framundan. Við fórum yfir það helsta í grill málum og hvernig maður gerir vel við sig í grill mat. Við snertum létt á golf sumrinu og hvað sumarið hefur upp á að bjóða. Við enduðum svo á þungri steggjunarumræðu þar sem tveir í hópnum hafa verið steggjaðir og hinir tveir eru eftir. 
1:29:27
June 7, 2019
#35 Stebbi Jak - Dimma
Rokkari með réttlætiskennd. Stebbi kom í skemmtilegt spjall og við fengum að líta rétt inn í líf hans, hvernig hann byrjaði í tónlist og hvernig hann fór úr því að vera feiminn í að vera besti performer landsins.  Gestastjórnandi var Sævar þar sem Sæþór var vant við látinn á ströndinni.
1:53:13
May 30, 2019
#34 Lóa Pind Aldísardóttir
Lóa Pind Aldísardóttir fjólmiðlakona með meiru kom í létt spjall til okkar. Við fórum yfir Eurovision, Tossa, Hvar er best að búa og fleiri þörf málefni sem Lóa hefur verið að vinna að.
1:36:44
May 23, 2019
#33 Magnús Scheving
Magnús Scheving, afreksmaður í íþrótta- og athafnalífinu, er gestur Spekinga þessa vikuna. Við fórum yfir víðan völl, allt frá því að Magnús hóf að hlaupa með skilaboð á milli húsa sem lítill pjakkur til þess að halda risa stóra hvatningar fyrirlestra um allan heim.
2:09:52
May 16, 2019
#32 Helga Braga Jónsdóttir
Helga Braga er einn allra besti skemmtikraftur landsins. Helga Braga á marga ódauðlega karaktera sem lífgað hafa upp landann og það hefur hún að sjálfsögðu gert í eigin persónu. Við fórum yfir frábæra kafla úr lífi hennar, frá upphafi leiklistarinnar til WOW ævintýrsins.
1:36:57
May 9, 2019
#31 Hjálmar Örn
Hjálmar Örn (hjalmarorn110) er gestur Spekinga þessa vikuna. Hjálmar Örn hætti dagvinnunni og lét drauma sína rætast. Hann er nú í fullu starfi sem skemmtikraftur. Hjálmar heldur úti líflegu Snapchatti þar sem margir karektarar koma við sögu. Við fórum meðal annars  yfir skrautlega skólagöngu og hvernig tæplega 2 milljónir hurfu út af bankareikningi hans. 
1:38:11
May 3, 2019
#30 Snorri Barón
Snorra Barón er margt til lista lagt. Auglýsinga- markaðs- og umboðsmannasnillingur sem tæklar allar hindranir í vegi hans með glæsibrag. Snorri kom í kaffi til Spekinga í vikunni. Snorri, ásamt fleirum, rekur auglýsingastofuna Maura og markaðs- og umboðsskrifsstofuna Bakland.
1:28:51
April 25, 2019
#29 Heiðar Logi
Það er magnað hvernig Heiðar Logi tók rétta beygju í lífinu og hefur skapað sér stórt nafn sem atvinnumaður á brimbretti. Glæsileg fyrirmynd sem ferðast um landið í leit að góðri öldu. Við hvetjum alla til að fylgjast með Heiðari á Instagram og Snapchat undir heidarlogi.
1:26:12
April 18, 2019
#28 Kryddi - Frægðarförin til Dallas
Kristinn Rúnar Kristinsson AKA Kryddi kom til okkar í annað sinn. Við fórum yfir frægðarför hans til Dallas þar sem hann hitti átrúnaðargoðið sitt Dirk Nowitzki og elti þar átján ára gamlan draum.  Kristinn gaf út bókina Maníuraunir - Reynslusaga strípalingsins á Austurvelli í október 2018 og heldur fyrirlestrana Rússíbanalífið mitt. Bók og bókun fyrirlestra eru á www.kristinnrunar.com.
1:22:13
April 11, 2019
#27 Auðunn Blöndal
Sannkallaður atvinnumaður á sínu sviði. Auðunn Blöndal þekkja flestir landsmenn enda hefur hann verið á skjám landsmanna í átján ár. Við áttum skemmtilegt spjall við Auðunn, fórum yfir ýmis mál og auðvitað Atvinnumennina okkar en þriðja þáttaröð hófst síðastliðinn sunnudag.
1:22:24
April 4, 2019
#26 Patrekur Jóhannesson
Handknattleiks-frömuðurinn Patrekur Jóhannesson er gestur Spekinga þessa vikuna. Frábær leikmaður og enn betri þjálfari. Patrekur hefur iðkað handknattleik sem leikmaður og þjálfari á hæsta stigi með góðum árangri. Nú er hann í vígahug og gerir hann atlögu að Íslandsmeistaratitlinum með Selfossi áður en hann færir sig yfir til Skjern í Danmörku í sumar. Við óskum Patreki góðs gengis í komandi átökum.
1:07:27
March 28, 2019
#25 Frosti Logason
Frosta Logason þekkja allir, afburða gítarleikari sem snéri séri sé að þjóðmálum. Stýrir nú útvarpsþættinum Harmageddon með Mána Péturssyni, þar sem þjóðmálin eru rædd eins og þau eru.
1:02:06
March 24, 2019
#24 Ármann Reynisson
Viðskipta- og athafnamaður sem vatt kvæði sínu í kross og hóf ritstörf. Ármann Reynisson er litríkur persónuleiki og brautryðjandi í öllu því sem hann tekur sér fyrir hendur. Ármann er gestur okkar þessa vikuna og við komum víða við. Ármann skrifar vinjettur og nítjánda bók hans kemur út í haust. Fyrri bækur hans má nálgast á www.armannr.com.
1:48:53
March 24, 2019
#23 Pétur Marinó Jónsson 2.0
Pétur Marinó Jónsson snýr aftur til Spekinga og fór yfir helstu atburði UFC frá desember sl. Nú bíður annað risastórt verkefni hjá Gunnari Nelson þann 16. mars nk. gegn Leon Edwards og við fórum að sjálfsögðu yfir það. Pétur Marinó er ritstjóri og eigandi MMA FRÉTTA , stjórnandi Tappvarpsins hlaðvarpsþáttar og stjórnar jafnframt Búrinu á Stöð2Sport og lýsir þar bardögum.
2:40:29
March 13, 2019
#22 Héðinn Sveinbjörnsson
Héðinn Sveinbjörnsson er hress og skemmtilegur. Hann er einnig heimspekilega þenkjandi. Héðinn er stjórnandi þáttarins Koma svo! sem er pepp fyrir foreldra, fagfólk og aðra sem hafa áhuga á málefnum barna og ungmenna. Koma svo! hóf göngu sína í haust og hefur verið á Kjarnanum en er nú kominn í samstarf við Podcaststöðina. Hægt er að nálgast Koma svo! á öllum helstu hlaðvarpsveitum, Spotify, SoundCloud og þar sem þú hlustar á þitt hlaðvarp.
1:37:10
February 28, 2019
#21 Þórdís Kolbrún Reykfjörð Gylfadóttir
Spekingar mættu ofjarli sínum þessa vikuna þegar Ferðamála-, iðnaðar- og nýsköpunarráðherra mætti í heimsókn. Hæstvirtur ráðherra ber ekki bara langan titil heldur er nafn hennar næstum því lengra. Þórdís Kolbrún er eldklár, ótrúlega skemmtileg og hefur kennt okkur að ef hugur fylgir verki þá getum við öll náð langt. Af henni eigum við að læra í leik og í starfi.
1:06:36
February 22, 2019
#20 Ilmur Kristjánsdóttir
Ilmi Kristjánsdóttur er margt til lista lagt. Gríðarlega hæfileikarík leikkona og handritshöfundur og lætur auk þess til sín taka í þjóð- og velferðarmálum. Það er engin ófærð þegar Ilmur tekur að sér hlutina. Við hvetjum hlustendur til að læka og sub´skræba Podcaststöðina í hlaðvarpsforritum og á Facebook og Instagram (ZuckerbergsMiðlarnir).
1:05:42
February 14, 2019
#19 YouTubeJón 2.0
YouTubeJón er mættur aftur. Hvað er að frétta af YouTube og hvað er að frétta af Jóni. Sævar Ríkharðsson var einnig með okkur og við fórum stóru málin.
1:30:17
February 8, 2019
#18 Tómas Þór Þórðarson
Tómas Þór Þórðarson er gestur þáttarins þessa vikuna. Tómas Þór gefur Guðmundi Benediktssyni ekki þumlung eftir þegar kemur að fagurfræðum íþróttafréttamennskunnar. Matti og Tómas fóru yfir handboltann en settu svo fókusinn á Superbowl sem er handan við hornið. Við hvetjum hlustendur til að gerast áskrifendur að þættinum með því að ýta á “subscribe”. Það kostar ekkert. Þáttinn má jafnframt nálgast á öllum helstu hlaðvarpsveitum fyrir iPhone og Android, í iTunes á slóðinni hér og á Spotify með einum smelli hér. Við hvetju hlustendur sömuleiðis til að líka við Facebook og Instagram síðu Podcaststöðvarinnar en þær má finna með því að leita að “Podcaststöðin”.
1:48:34
January 30, 2019
#17 Reynir snappari
Reynir1980 (Reynir Bergmann) er einn vinsælasti snappari landsins. Hann hefur vakið gríðarlega athygli fyrir að vera bæði skemmtilegur og hreinskilinn snappari og það kunna fylgjendur hans að meta. Reynir kíkti til okkar og við fórum yfir uppvaxtarárin og hvernig Snapchat hefur haft áhrif á líf hans. Þáttinn má jafnframt nálgast á öllum helstu hlaðvarpsveitum fyrir iPhone og Android, í iTunes á slóðinni hér  og á Spotify með einum smelli hér.
1:29:29
January 24, 2019
#16 HM og handboltahetjur
Glöggir landsmenn hafa tekið eftir því að nú er í gangi HM í handbolta. Strákarnir okkar eru komnir áfram í milliriðla. Einar Ingi Hrafnsson og Jóhann Gunnar Einarsson kunna leikinn upp á tíu. Við fengum þá í heimsókn og ræddum um handboltann.
1:44:44
January 18, 2019
#15 Hafsteinn Ægir Geirsson
Hafsteinn Ægir Geirsson hefur verið fremsti hjólreiðamaður landsins í áraraðir. Fram að því var hann fremsti siglingarmaður landsins með 2 ólympíutúra á bakinu. Með hjólreiðunum rekur hann Hjólaþjálfun ásamt kærustu sinni, Maríu Ögn Guðmundsdóttur en hún gefur Hafsteini ekkert eftir þegar kemur að hjólreiðunum. Þið finnið flest allt sem tengist hjólreiðum á hjolathjalfun.is og einnig á Snappinu, hjolathjalfun.
2:04:12
January 11, 2019
#14 Spekingar Spjalla
Spekingar voru tveir í stúdíó í dag. Við gerðum upp jólin, áramótaheit, markmiðasetningu og laufléttar fréttir í lokin.
1:14:48
January 8, 2019
#13 Áramótaþáttur
Nú er árið á enda og að því tilefni fengum við til okkar mikla spekinga. Þórhallur Ágústsson og YouTube Jón eru gestir okkar í síðasta þætti ársins og við fórum yfir það helsta.
2:52:27
December 28, 2018
#12 Simmi Smiður
Simmi smiður er gestur okkar þessa vikuna. Við fórum yfir það hvernig það er að vera smiður sem komst ekki í slökkviliðið en varð lögga. Við kynntumst Simma á Snapchat og við fórum yfir kosti og galla þess að vera með opið Snapchat.
1:19:52
December 20, 2018
#11 Óskar Finnsson
Óskar Finnsson er meðal fremstu veitingamanna á Íslandi og rak fyrsta alvöru steikhús landsins, Argentínu. Óskar hefur ástríðu fyrir matargerð og hefur starfað við hana víðsvegar um heiminn.
1:24:43
December 13, 2018
#10 Pétur Marinó Jónsson
Pétur Marinó Jónsson er gestur okkar þessa vikuna. Pétur Marinó kann öll brögðin í bókinni þegar kemur að bardagaíþróttum og sérstaklega UFC. Framundan er stór bardagi hjá Gunnari Nelson. Við fórum yfir það og miklu miklu fleira.
2:20:22
December 6, 2018
#9 Stefán Pálsson – Jólabjór
Hinn bráðskemmtilegi Stefán Pálsson er gestur okkar þessa vikuna. Stefán er hafsjór af fróðleik og fræddi okkur um jólabjóranna. Stefán er kennir í Bjórskólanum og er í símaskránni ef þig vantar heimakennslu.  
1:59:04
November 30, 2018
#8 Guðmundur Benediktsson
Gummi Ben er hinn eini sanni maður þjóðarinnar. Það er EKKERT sem leikur ekki í höndunum á þeim manni. Ísskápastríð hefst á ný þann 28. nóvember nk. og á sama tíma verður Stóra fótboltabókin með Gumma Ben fáanleg í öllum betri bókaverslunum.
1:21:02
November 23, 2018
#7 Júlíana Sara Gunnarsdóttir og Vala Kristín Eiríksdóttir
Júlíana Sara og Vala Kristín eru skemmtilegar og hæfileikaríkar leikkonur, höfundar og margt fleira. Júlíana og Vala eru gestir okkar þessa vikuna.
1:02:59
November 16, 2018
#6 Kristinn Rúnar Kristinsson
Kristinn Rúnar Kristinsson deildi með okkur sögum af baráttunni við geðhvörf. Nú er komin út bók hans, Maníuraunir – Reynslusaga strípalingsins á Austurvelli. Í bókinni segir Kristinn sögur af mikilli hreinskilni, tæpitungulaust og dregur ekkert undan. Bókina er hægt að nálgast á www.kristinnrunar.com.
1:44:28
November 9, 2018
#5 Logi Bergmann Eiðsson
Logi Bergmann stjórnmálafræðingur er þekktari fyrir afrek sín í fjölmiðlum. Logi er einn reyndasti spyrill landsins en nú var hann hinum megin við borðið. Logi er gestur Spekinga í þessari viku og það var spjallað.
1:21:49
November 2, 2018
#4 Bára Einarsdóttir
Veiðikona, afreksíþróttakona í skotfimi, flugkona og áhugakona um jaðarsport. Bára Einarsdóttir var gestur okkar að þessu sinni. Hún sagði okkur frá heimsmeistaramótinu í Kóreu, veiðiferðum til Eistlands, frábæran en stuttan feril í torfæru og margt fleira.
54:18
October 18, 2018
#3 Einar Bárðarson
Einar Bárðarson athafnaskáld fagnar 20 ára höfundarafmæli í ár. Við áttum létt og skemmtilegt spjall við Einar og fórum yfir Dansband EB, Skítamóral, tónlistina, umboðsmennskuna og margt margt fleira.
1:24:05
October 11, 2018
#2 YouTube Jón og Vísindakirkjan
YouTube Jón mætti óboðinn í hljóðverið, spjallaði við okkur um Vísindakirkjuna og hvernig áhugi hans á kirkjunni jaðrar við þráhyggju.
1:32:57
September 27, 2018
#1 Steinn Ármann Magnússon
Steinn Ármann Magnússon er maður margra hatta og ótrúlega fjölhæfur á mörgum sviðum. Steinn Ármann er fyrsti gestur okkar spekinga og við spjölluðum.
1:30:33
September 26, 2018
Kynning
Spekingar Spjalla er vikulegur þáttur um fólk fyrir fólk sem hefur áhuga á fólki… og margt margt fleira. Hér kemur létt kynning á þáttastjórnendum Matta og Sæþóri.
09:04
September 18, 2018