Talk-Nology - توك نولوجى

النهاردة و بشكل محدد هنتكلم عن إزاي الصين استخدمت تفنية التعرف على الوجه عشان تطبق ابشع ممارسات الاضطهاد والقمع على اقلية الايجور الموجودة في الصين. مجموعات الايجور هى  أقلية عرقية مسلمة بتعيش في الاقليم الغربي لتشينج يانج  في الصين، وبتسكن بشكل أساسي في منطقة شينجيانغ المتمتعة بالحكم الذاتي في جمهورية الصين الشعبية.

الصين استخدمت تقنية متطورة من كاميرات التعرف على الوجه وابتدت تخلق وتدرب بيانات قادرة على تخليق ألجوريزم (لغة ريتمات)  يعنى عشان تقدر تتعرف ملامح الاقلية المسلمة اللى موجودة في الصين وتلاحقهم بغرض مراقبتهم والتحكم فيهم والقبض عليهم بعدين. يعنى باختصار عشان تفرق ما بينهم وبين اي حد تانى مش من مجموعة الايغور.

الحادثة دى تعتبر سابقة لأنه لأول مرة بيتم استخدام تفنية التعرف على الوجه على مستوى العالم بشكل واضح وصريح عشان يتم التمييز بين الناس على اساس العرق. يعنى مثلا كاميرات التعرف على الوجه اللى موجودة في كل الصين وبيتم تطبيقها على كل الناس بتبقي كمان مسئولة عن التعرف على الشخص وهويته وجنسه و بتحاول تميز ان كانت الافراد  من اقلية الايجور ولا لا. وفي حال انه صاحب/ صاحبة الوش طلع من الاقلية دى البيانات بتاعتهم بتتحط على جنب عشان يتعمل عليها مراجعة وفحص امنى من تانى.

في تجربة اتعملت لتقدير قدرة الكاميرات دى للتعرف على وشوش الايجور. الكاميرات قدرت تتعرف على  2,834 وش بينتموا لاقلية الايغور من بين نص مليون فرد.

المصادر:

فى الوقت اللى الحرب المسلحة ابتدت بين روسيا وأوكرانيا كان فى حرب تانية يشكل مختلف شغالة بينهم. وبدات كمان قبل الحرب اللى شغالة على الارض 

اوكرانيا اتعرضت فى يناير وفبراير لسلسلة من الهجمات الالكترونية اللى شلت عمل كل المواقع الحكومية تماما ومسحت اجزاء كبيرة جدا من الداتا من على شبكاتها. ده غير حملات اختراق منظمة على  شبكات البريد الالكترونى العامة والحكومية، وحسابات القادة العسكريين على وسائل التواصل الإجتماعى. 

كل ده واكتر هتعرفوه فى الحلقة دى من بودكاست توك-نولوجى 

المصادر للمعلومات اللى اتذكرت فى الحلقة: 

"أرون كان دايما بيتكلم عن فكرة مين اللى بيتحكم فى المعلومات اللى بتوصلنا والأفكار، وكان شايف إن الازمة الحالية مش فى ان الناس يكون عندها وسيلة تقدر تعبر بيها عن رأيها، ولكن المشكلة الحقيقية فى حراس البوابات الإلكترونية، اللى بيتحكموا فى إيه ومين اللى يتسمع

كمان كان بيشغل تفكيره فكرة المعرفة، ,وازاى كتير من الابحاث والدراسات الاكاديمية والعلمية الوصول ليها حصرى على الدارسين فى الاماكن دى، فى حين بيحترم منها أى حد تانى غير قادر على دفع مقابل مادى للإطلاع عليها.

رغم إن الدراسات والابحاث دى فى الاصل أغلبها من ممول من جيوب دافعة الضرائب، واللى أغلبهم ملوش حق الإطلاع عليها، وعشان يقروها لازم يدفعوا تانى عشان يطلعوا عليها.

مصادر الحلقة

بنتكلم فى الحلقة دى عن تاثير فجوة البيانات المعرفية القائمة على أساس النوع على حياتنا، يعنى ازاى ممكن ياثر التحيز فى جمع البيانات والأبحاث على محدودية إستخدام الستات للتكنولوجيا. مشكلة التحيز فى جمع البيانات انها مش بتدينا معلومات كافية عن تاثير التكنولوجيا على بقية افراد المجتمع، وبالذات الستات. عشان مفيش إهتمام كافى بإزاى التكنولوجيا دى وتصميمها ممكن يأثر عليهم أو ممكن يخدم إحتياجاتهم. إزاى شركة ابل فى تصميمها لتطبيق الصحة على الساعات الذكية نسيت تصمم حاجة تهم نص عدد سكان العاام. الامثلة فى ده كتيرة زى تصميم ال فى ار اللى معمول بمقاسات تناسب مقاسات حجم رأس الرجالة. حتى لو الحاجات دى بانت بسيطة دلوقتى، فلو مدينا الخط على طولهفى اى تكنولوجيا جديدة بتظهر، هنلاقى ان الستات دايما محتاجة تبذل مجهود مضاعف عشان تعرف تستخدم تكنولوجيا نسيت انها واحدة من جمهورها المستهدف، وماخدتش مطالبها وإحتياجاتها فى الاعتبار

#datagendergap #databias #digital#technology #applewatch #ML #algorithms #digitalrights #AI

Music promoted by https://www.chosic.com/free-music/all/

Creative Commons Attribution 3.0 Unported License

في أزمة زي الكورونا ولما كان في نقص شديد في تصنيع وتصدير أجهزة التنفس الصناعي، تصميم الأجهزة نفسها اتفتح والنشر عشان يبقي متاح تصنيعه وتنفيذ في اي حتة في العالم علي امل انه ينجح في إنقاذ أرواح كتيرة وانه يساعد في
احتواء الوباء.

لقاح زي شلل الاطفال، هو في الأساس تكنولوجيا مفتوحة المصدر، والدكتور اللي اكتشفه أصر علي انه يبقي مفتوح عشان يستفيد بيه اكبر قدر من أطفال العالم والفقراء, تخيلوا لو لقاح زي ده لو مكنش مفتوح المصدر كان هيبقي عدد الناس  اللي عندهم شلل الاطفال  قد ايه بسبب ان موصلهمش النوع ده من اللقاحات قد ايه عشان استثمارات شركات الأدوية ومحاولاتها لتحقيق اكبر منفعة ممكنة.

الأصل في المعرفة الحرة هو مشاركتها، اساس أي اختراع او اكتشاف جديد مبني علي معرفة سابقة تم استخدامها بشكل مختلف. و المعرفة تراكمية في الأصل مش ملك حد واحد، هي نتاج خبرات وحيوات وتجارب انسانية كبيرة صعب جدا اختزالها في شخص واحد أو فكرة واحدة.

يعنى إيه برمجيات مفتوحة المصدر، وإيه الفرق بينها وبين البرمجيات الحرة والبرمجيات المغلقة. 

ليه مهم أننا نشجع إستخدام البرمجيات الحرة مفتوحة المصدر؟ 

إيه هى نوع المنفعة أو الاستفادة اللى ممكن تعود علينا من استخدام النوع ده من البرمجيات؟ 

إيه اشهر التطبيقات اللى بنستخدمها وهى فى الاصل تكنولوجيا مفتوحة المصدر؟

 وإيه هى اشهر المبادرات اللى اشتغلا ولسه بتشتغل على التكنولوجيا مفتوحة المصدر فى مصر

ازاى التكنولوجيا مفتوحة المصدر ساعدت فى احتواء خطر كوفيد-19

كل ده واكتر هتعرفوه فى حلقة البرمجيات الحرة مفتوحة المصدر

روابط ذكرت فى الحلقة: 

مصادر الحلقة