Skip to main content
Tölvuleikjaspjallið

Tölvuleikjaspjallið

By Tölvuleikjaspjallið
Tölvuleikjaspjallið eru vikulegir þættir með almennum umræðum um tölvuleiki og leikjastefnur, umsögnum um leiki auk frétta úr tölvuleikjaheiminum.
Where to listen
Apple Podcasts Logo

Apple Podcasts

Google Podcasts Logo

Google Podcasts

Overcast Logo

Overcast

Pocket Casts Logo

Pocket Casts

RadioPublic Logo

RadioPublic

Spotify Logo

Spotify

121. Ömurlegar Tölvuleikjakvikmyndir IX: Uncharted
Þessi erfiða, erfiða spurning vaknar enn á ný: Af hverju er svona erfitt að gera góða tölvuleikjakvikmynd? Við höldum áfram að safna upplýsingum með því að horfa á og gagnrýna Uncharted myndina sem kom út í vor. Tom Holland leikur Nate og Marky Mark Wahlberg leikur Sully. Annar stendur sig vel og hinn stendur sig hrikalega. Arnór Steinn og Gunnar ræða alla myndina eftir bestu getu, karaktera, plott, spennuatriði og hvort um sé að ræða góða útgáfu af Uncharted. Þeir eru ekki alveg sammála um ágæti myndarinnar, en lenda þó á svipuðum slóðum. Höskuldarviðvörun fylgir þættinum, við spillum fyrir öllu! Hvernig fannst þér Uncharted? Þátturinn er í boði Elko Gaming, Hringdu og Yay! Gjafakortaappsins.
01:15:32
August 17, 2022
120. Kisi á þysi - leikurinn Stray
Hvað er hægt að segja marga kattabrandara þegar fjalla á um kattaleik? Í stuttu máli; marga. Arnór Steinn og Gunnar dýfa loppunum í frábæra leikinn Stray sem kom út fyrir ekki svo löngu. Um er að ræða stutt og hnitmiðað ævintýri þar sem kisikis, undir þinni stjórn, fer í svaðilför frelsis, safnar nótnablöðum og mjálmar stanslaust. Leikurinn er það stuttur að það hefði ekki verið hægt að fjalla um hann án þess að tala um söguna alla. Þessum þætti fylgir því miður höskuldarviðvörun, á einum tímapunkti ræðum við alla söguna og endinn. Það er varað hlustendur við bæði hér og í þættinum, endilega fylgist með! Ef þið hafið ekki spilað leikinn þá er samt alveg hægt að hlusta á þáttinn, bara ekki aaalveg allan! Strákarnir eru ekki alveg sammála. Annar segir leikinn vera “allt í lagi” og hinn segir þetta tvímælalaust leik ársins, enn sem komið er. Hver heldur þú að segi hvað? Hvað finnst þér um Stray? Endilega segðu okkur þína skoðun! Þátturinn er í boði Elko Gaming, Hringdu og Yay! Gjafakortaappsins. 
01:06:05
August 10, 2022
119. Electronic Arts hluti II - Skrýmslið nærist
Umfjöllun Tölvuleikjaspjallsins um Veldið Illa heldur ótrauð áfram. Í fyrri þætti (nr 106, mælum með) fórum við yfir upphaf fyrirtækisins og hvað var verið að bralla innan veggja fyrirtækisins fyrstu áratugina. Það var slatti. Í þætti vikunnar fjöllum við um ástandið frá sirka 2000 til 2010. Hvað var EA að gera sem þótti svo skítlegt að innan bransans eru þau þekkt sem Evil Empire? Slatta. Við fjöllum betur um Project Ten Dollar, "EA Spouse" málið, framkomu þeirra við starfsfólk sitt og um öll þau fyrirtæki sem EA hefur keypt og drepið yfir árin. Þau eru mörg. EA er það vont fyrirtæki að við þurfum að gera allavega einn þátt í viðbót - sem þýðir að ef ykkur finnst við gleyma einhverju sem þarf að minnast á, þá getið þið sent það á okkur og við höfum það með í næsta. Þátturinn er í boði Elko Gaming, Hringdu og Yay! Gjafakortaappsins. 
57:13
August 03, 2022
118: Horizon: Forbidden West - Þáttur 2
Það hlaut að koma að því - strákarnir eru báðir búnir með leikinn og ræða hann í þaula í drekkhlöðnum þætti. Það fylgir því miður höskuldarviðvörun með þættinum, við ræðum alla karaktera og söguþráð sem þýðir að ef þú vilt spila leikinn blint þá mælum við frekar með fyrri þættinum okkar um þennan ágæta leik. Og hvílíkur leikur! Hann startaði árinu með stæl, fínasti opinheimsleikur með sjúklega flókinn söguþráð og nýstárlega spilun.  Við fylgjum Aloy hinni Rauðu í gegnum Vesturland þar sem hún hægt og rólega bjargar heiminum (aftur) og tekst á við fjölbreyttari og grimmari óvini en í fyrri leik. Arnór Steinn og Gunnar fara yfir allt sem var gott, allt sem var ekki eins gott og ræða mögulega framtíð seríunnar. Hvert ætli Aloy fari næst? Hvað fannst þér um Aldrei Fór Ég Vestur? Sendu okkur skilaboð! Þátturinn er í boði Elko Gaming, Hringdu og Yay! Gjafakortaappsins. 
01:25:36
July 27, 2022
117: Ísland og Playstation: Af hverju við fáum ekki Premium pakkann
Er Playstation Plus Premium komið í þína tölvu? Tókstu eftir því að við erum ekki með það sem heitir Premium? Í þætti vikunnar kafa Arnór Steinn og Gunnar í Playstation fréttir síðustu vikna. Premium er vissulega farið af stað og slatti af löndum (þar á meðal Kýpur) geta streymt leikjum eins og Fallout: New Vegas í gegnum netþjón. Skítaskerið Ísland getur það hins vegar ekki. Ásamt því að greina frá stöðu Íslands í þessum málum þá tölum við einnig um nýja loyalty kerfið hjá Sony sem á að koma út í ár. Verður hægt að fá inneign í PS Store fyrir að spila tölvuleiki? Mögulega! Hlustið og þið fáið að vita meira ... Þátturinn er í boði Elko Gaming, Hringdu og Yay! Gjafakortaappsins. 
50:58
July 20, 2022
116. The Show Must Go On - viðtal við Mónu og Völlu úr Queens
Nýr miðvikudagur þýðir nýtt og geggjað viðtal í boði Tölvuleikjaspjallsins! Í þetta skiptið eru það tveir gestir sem skemmta okkur með sögum sínum, Móna Lind og Valla sem eru streymaratvíeykið Queens! Við heyrum hvaðan þær koma tölvuleikjalega séð, hvernig þær kynntust og svo auðvitað hvernig þeim tekst að streyma sirka vikulega þrátt fyrir að allt fari reglulega til fjandans hjá þeim tæknilega séð. Þátturinn heitir ekki The Show Must Go On af ástæðulausu - Móna og Valla hafa bókstaflega streymt í gegnum súrt og sætt. Fársjúkar af COVID og ... öðrum kvillum. Hlustið til að læra meira!  Þið getið fylgst með Queens á Twitch rás GameTíví (@gametiviis) en þær eru einnig með sínar eigin rásir, Völlu er hægt að finna á @vallapjalla og Móna er staðsett á @DiamondMynXx.  Arnór Steinn og Gunnar þakka þeim kærlega fyrir komuna og fyrir geðveikt skemmtilegan þátt!  Þátturinn er í boði Elko Gaming, Hringdu og Yay! Gjafakortaappsins. 
01:46:12
July 13, 2022
115. Tveggja Ára Afmælisþáttur!
Vá. Tvö RISA stór ár komin í bankann. Hefðum ekki getað þetta án ykkar hlustenda og ekki án yndislegu styrktaraðilanna. Takk. Takk takk takk TAKK kærlega fyrir áhugann, skilaboðin, peppið og traustið. Við ætlum heldur betur að verðlauna það með frábæru efni héðan í frá. Þessi afmælissérþáttur fjallar um margt. Í fyrsta lagi segjum við frá óreiðuástandi síðustu mánaða. Stúdíóið sem við nefnum ekki á nafn lengur fór til andskotans (ásamt öllum vinnustaðnum hans Arnórs) og við þurftum að redda okkur með svefnherberginu hans Gunnars. Í öðru lagi tölum við aðeins um framtíðina, hvað við viljum gera á næstu mánuðum og við hverju þið megið búast. Svo svörum við spurningum hlustenda sem sendar voru á okkur í gegnum Instagram. Það sköpuðust vandræðalega skemmtilegar umræður um leiki, morgunkorn og margt fleira. Við hlökkum svo mikið til að þið heyrið þennan LENGSTA þátt sem við höfum framleitt! Endilega hlustið á þáttinn, hlustið á hugmyndirnar okkar og ekki hika við að senda okkur skilaboð til að segja okkur hvað við eigum að framkvæma. Við leggjum völdin í ykkar hendur, kæru hlustendur. Þátturinn er í boði Elko Gaming, Hringdu og Yay! gjafakortaappsins.
02:17:10
July 06, 2022
114. Star Wars Jedi Knight 3: Jedi Academy
Sorrí, einn Star Wars þáttur í viðbót og svo smá pása. Já hlustendur kærir, í dag er það költ leikurinn Jedi Academy sem fær útreið frá Tölvuleikjaspjallinu. Þessi er á meðal elstu sem við höfum fjallað um, alla leið frá 2003. Þá var Arnór eitthvað að dandalast í Terra Mitica á Benidorm og Gunnar var að kenna Skaganum hvernig draga skal tölvustól yfir götu. Í þessum þriðja og síðasta leik Jedi Knight seríunnar taka spilarar stjórn á dularfullu persónunni Jaden Korr. Þú ræður hvaða kyn og uppruna persónan hefur og ræður einnig hvort þú heldur þig sem boðbera ljóss og friðar eða daðrar við illu öfl myrku hliðarinnar. Arnór Steinn og Gunnar ræða allt sem hægt er, bardagakerfið, hreyfingar, sögu, hrikalegan raddleik og margt, margt fleira.  Við vitum að Jedi Academy er sérstaklega vinsæll á meðal Íslendinga og því hlakkar okkur mjög til að heyra hvað ykkur finnst! Þátturinn er í boði Elko Gaming, Hringdu og Yay! Gjafabréfa.
01:05:03
June 29, 2022
113. Ghost of Tsushima III: Iki Island DLC
*VARÚÐ: HÖSKULDARVIÐVÖRUN FYLGIR ÞÆTTINUM* Draugurinn hefur sigrast á mongólunum … en hann á eftir eitt ævintýri í dýragarðinum á Iki Eyju. Það er rétt hlustendur kærir, í þessum þætti ætlum við að taka fyrir aukapakkann Iki Island sem kom út árið 2021. Ghost of Tsushima heldur áfram að fá geggjaðar viðtökur og ef Director’s Cuttið er ekki komið í safnið þitt þá skaltu laga það hið snarasta. Arnór Steinn og Gunnar hafa af nægu að taka. Er þetta góður aukapakki? Hvernig eru viðbæturnar? Hvernig er sagan? Við mælum allavega hiklaust með þessum frábæra aukapakka - til viðbótar við afspyrnu góðan leik. Eru allir bikararnir frá Iki eyju komnir í þitt safn? Láttu okkur vita! Þátturinn er í boði Elko Gaming, Hringdu og Yay! Gjafabréfa.
01:08:10
June 22, 2022
112. Leikja Kynningar Sprengja
Síðasta helgi var smekk full af kynningum frá hinum og þessum tölvuleikjafyrirtækjum! Arnór Steinn og Gunnar segja frá áhugaverðustu punktunum og koma með hugmyndir um hvað er í vændum. Sony var með State of Play, Geoff Keighley var með Summer Games Fest, við fengum indie veislu hjá Future Games Show og Xbox&Bethesda komu með algjöra haglabyssu af efni. Capcom rúnaði þetta af í gær með nettri kynningu sem Resident Evil og Street Fighter aðdáendur ættu að fíla í tætlur. Við ræðum Starfield kynninguna í þaula ásamt því að minnast á nýja leiki sem við teljum líklega til vinsælda. Tjékkið á þessu og látið okkur vita ef það er eitthvað sérstakt sem þið viljið að við fjöllum frekar um. Hver veit nema við þurfum bara að ná viðtali við einhverja framleiðendur á leikjum sem þið eruð spennt fyrir! Þátturinn er í boði Elko Gaming, Hringdu og Yay! Gjafabréfa.
01:32:20
June 15, 2022
111. Jedi: Survivor, Kenobi þættirnir og meira Star Wars!
Hvað segiði, vantaði nýjan Star Wars þátt? Ekkert mál, það er af NÆGU að taka. Nýlega var tilkynnt að framhaldið af Fallen Order væri væntanlegt á næsta ári. Ekki nóg með það, heldur mun hann tengjast nýju Obi Wan þáttunum! Okkur fannst upplagt að ræða þetta allt saman í þætti vikunnar. Við rifjum aðeins upp Fallen Order, hvað við fíluðum við hann og hvernig við sjáum fyrir okkur Survivor. The tribe has spoken. Eruð þið spennt fyrir nýjum Star Wars leik? Látið okkur vita! Þátturinn er í boði Elko Gaming, Hringdu og Yay! Gjafabréf.
58:24
June 08, 2022
110. Mjamix - viðtal við Marín Eydal
Marín Eydal hefur átt ævintýralegan feril sem streymari. Hún byrjaði að streyma úr einangrun í janúar og er nýbúin að klára seríu af þáttum fyrir GameTíví! Geri aðrir betur! Tölvuleikjaspjallið heldur áfram umfjöllun sinni um íslenska streymara, að þetta sinni er það Marín, eða mjamix eins og hún kallar sig á Twitch, sem kemur í Nóa Síríus stúdíóið og segir okkur frá ferlinum. Við fáum að vita um tölvuleikina sem kveiktu áhugann í æsku, hvernig hún byrjaði að streyma, Iceland RP serverana í GTA Online og margt, margt fleira. Var rætt um Skyrim? Já. Var spurt um stealth archer? Að sjálfsögðu. Við þökkum Marín alveg kærlega fyrir frábæran þátt og hlökkum til að sjá hana aftur! Þið getið fylgt henni á twitch.tv/mjamix Einnig bjóðum við velkominn nýjasta styrktaraðila þáttarins, Yay! Gjafabréf. Setjið appið í símann og skoðið frábært úrval gjafabréfa fyrir þig og þína! Þátturinn er í boði Elko Gaming, Hringdu og Yay!
01:25:46
June 01, 2022
109. Trek to Yomi
Hvað gerir þú þegar draugar fortíðar byrja að berja þig í alvörunni? Indie leikurinn Trek to Yomi hefur verið umdeildur frá útgáfudegi. Hann er með einstakt lúkk sem virðist ekki hafa verið gert áður. Hins vegar eru ekki allir á eitt um hvort það sé góður hlutur eður ei. Arnór Steinn og Gunnar eru allavega ósammála um leikinn í þessum þætti - eitthvað sem gerist ALDREI. Við ræðum söguna, bardagakerfið, lúkkið og margt, margt fleira. Hvor fílaði leikinn meira? Er Trek to Yomi í þínu safni? Hvað finnst þér? Þátturinn er í boði Elko Gaming og Hringdu.
59:41
May 25, 2022
108. Uncharted 3: Drake's Deception - með Sigurði Pétri
Er fjársjóður sama virði og vinátta? Það kom loksins að því! Lokahlekkurinn í upprunalegu trílógíunni um Nathan Drake og félaga er hér til umfjöllunar. Við fáum til okkar góðann gest, Sigurður Pétur er sérfræðingur okkar um Uncharted en hann er einmitt sá sem platínaði alla þrjá leikina á einni viku á Playstation 3. Geri aðrir betur. Við tökum söguna, karakterana, spilun og margt margt fleira í stórskemmtilegum þætti. Við þökkum Sigga kærlega fyrir komuna! Hvað finnst þér um Uncharted 3? Besti leikurinn í seríunni? Sendu á okkur! Þátturinn er í boði Elko Gaming og Hringdu. 
01:23:32
May 18, 2022
107. It Takes Two
Það er fátt, ef eitthvað, sem skiptir meira máli í samböndum en samskipti. Hvernig er best að sýna fram á það? Jú, með tveggja spilara samspilunarleik! Í þætti vikunnar kafa Arnór Steinn og Gunnar í It Takes Two, leik ársins samkvæmt Game Awards í fyrra. Þar stjórna spilarar (já, fleirtala) hjónakornunum May og Cody, en vegna slæmra samskipta eru þau á leiðinni að skilja. Einhverjir galdrar verða til þess að þau breytast í dúkkur dóttur sinnar og þurfa að ferðast í gegnum nágrenni sitt í maurastærð og vinna saman til að komast aftur heim. Við förum yfir söguna, spilun, karaktera og allt annað! Hefur þú spilað It Takes Two? Sendu á okkur! Þátturinn er í boði Elko Gaming og Hringdu.
51:10
May 11, 2022
106. Electronic Arts hluti I - Skrýmsli fæðist
Við þekkjum öll þetta fyrirtæki. Það var kosið versta fyrirtæki Bandaríkjanna tvö ár í röð, reyndi að plokka peninga af spilurum oftar en þrisvar og hefur margt, margt, MARGT á ferilskránni sem gerir það umdeilt og hatað í tölvuleikjaheimum. En ... af hverju? Af hverju er Electronic Arts svona hatað? Hvað gerði þetta fyrirtæki til að verðskulda þessi viðbrögð? Arnór Steinn og Gunnar kafa í konseptið í tja ... allavega fyrsta þættinum okkar um EA. Við skautum yfir sögu þeirra til sirka 2003 og skoðum hvaða viðskiptahættir, attitjúd og skandalar áttu sér stað og hvað mögulega fylgdi þeim til nútímans. Í seinni þættinum sem kemur út eftir nokkrar vikur fjöllum við um restina af sögunni.  Hvað finnst þér um EA? Endilega sendu á okkur ef það er eitthvað sem við gleymdum að fjalla um eða sögðum ekki alveg rétt frá! Þátturinn er í boði Elko Gaming og Hringdu. 
48:53
May 04, 2022
105. Ömurlegar tölvuleikjakvikmyndir VIII: Sonic the Hedgehog
Hver bjóst við því að blá ófreskja myndi kenna okkur mikilvæga lexíu um vináttu í formi bíómyndar? Það er nákvæmlega það sem gerist í hinni ágætu Sonic the Hedgehog frá 2020. Í þessum nýjasta þætti geysivinsælu seríunnar Ömurlegar Tölvuleikjakvikmyndir taka Arnór Steinn og Gunnar alls ekki ömurlega mynd fyrir. Þar bregður stórleikarinn Ben Schwartz (betur þekktur sem Jean Ralphio úr Parks & Rec) í gervi Sonic, en í þessari sögu er hann geimvera sem neyðist til að vera á flótta í gegnum alheiminn sökum krafts síns. Hann vingast við Tom, fógeta smábæjarins Green Hills og þarf að leggjast á heljarinnar flótta frá hinum ógnvænlega og fluggáfaða Dr. Robotnik, leikinn lystilega vel af goðsögninni Jim Carrey. Við ræðum plottið, karakterana, nokkrar senur og hvort hún eigi skilið að vera tekjuhæsta tölvuleikjakvikmynd allra tíma. Við erum að nálgast formúluna á bak við það að gera góðar tölvuleikjakvikmyndir, þetta er alveg að gerast! Þátturinn er í boði Elko Gaming og Hringdu. 
42:36
April 27, 2022
104. NFT, Örgreiðslur og annað peningaplokk
Tölvuleikjaspjallið kafar dýpra í alls konar peningalega hluti í þætti vikunnar. Eftir að hafa rætt áskriftir í þaula fórum við aðeins að pæla meira í NFT. Einhver fyrirtæki á markaðnum eru farin að fikta með þetta torskilda hugtak og við viljum endilega útskýra hvað það þýðir fyrir spilara. Hvað er NFT? Hvernig er verið að blanda þeim í heim tölvuleikja? Við stoppum þó ekki þar. Arnór Steinn og Gunnar fara enn dýpra í sögu peningaplokks innan tölvuleikjaheimsins. Við tökum fyrir örgreiðslur, loot boxes, fjárhættuspil, tíu dollara plottið hjá EA og margt, margt fleira. Hlustið á þáttinn til að læra hvernig tölvuleikjafyrirtæki láta lítið sem ekkert stoppa sig við að hirða af ykkur hverja eina og einustu krónu! Þátturinn er í boði Elko Gaming og Hringdu.
54:40
April 20, 2022
103. Tiny Tina's Wonderlands
Ævintýri, sprengingar, bein og meiri sprengingar! Ef Tiny Tina sjálf væri fengin til að lýsa leiknum sínum væri það mögulega einhvern veginn svona. En við ætlum ekki að eyða einni setningu í að lýsa stórverkinu Tiny Tina‘s Wonderlands. Við ætlum frekar að segja ykkur frá leiknum í þætti! Það er heldur betur umfjöllunarefni vikunnar! Arnór Steinn og Gunnar eru búnir að kafa í Undraheiminn og segja hér frá öllu því helsta sem þú þarft að vita. Þátturinn er laus við allar höskuldarviðvaranir og því getur hver sem er hlustað! Við ræðum karakterana, klassana, bardagakerfið, lúkk og margt, MARGT, fleira! Er Tiny Tina‘s Wonderlands kominn í þína tölvu? Við mælum hiklaust með, það er NÓG að gera! Þátturinn er í samstarfi við Elko Gaming og Hringdu.
56:34
April 13, 2022
102. Playstation Plus Premium og aðrar áskriftir
Í dag erum við með bestu tölvurnar, bestu tæknina og sjúklega góða leiki. Gallinn við nútímann er sá að við þurfum fyrst að fjárfesta í þessu öllu og SVO bætist við áskriftargjald við þína uppáhalds leikjatölvu. Já, í dag ætlum við að fjalla aðeins um nýjustu fréttir frá Playstation. Sony ætlar loksins að svara frábærri þjónustu Xbox og bjóða upp á þrepaskipt áskriftarmódel þar sem - já maður - það verður hægt að spila gamla leiki allt niður í Playstation 1! Arnór Steinn og Gunnar taka fyrir nýja módelið, skoða verðin og kanna hvað spilarinn fær fyrir sinn snúð. Svo tökum við nokkrar aðrar áskriftir fyrir og könnum hvað er í boði þar. Xbox, Nintendo og GTA (???). Þátturinn er í boði Elko Gaming og Hringdu. 
54:26
April 06, 2022
101. Tölvuleikjagerð í Menntaskólanum á Ásbrú - viðtal við Darra Arnarson
Þegar gömlu kallarnir í Tölvuleikjaspjallinu voru ungir drengir fyrir sirka 150 árum þá dreymdi þá um að læra eitthvað tengt tölvuleikjum í menntaskóla. Nú í dag, kæru hlustendur, er það hægt. Já heldur betur, Menntaskólinn á Ásbrú er í ár að fara að útskrifa sinn fyrsta hóp sem lærði tölvuleikjagerð innan þeirra veggja - þriggja ára stúdentsprófsnám þar sem þú lærir tölvuleikjagerð! Til að læra meira um þetta skemmtilega verkefni fóru Arnór Steinn og Gunnar í bíltúr út brautina og í skólann. Þar tók Darri Arnarson, fagstjóri tölvuleikjagerðar, við drengjunum og sýndi allt sem skólinn hefur upp á að bjóða. Svo fengum við að nota stúdíóið þeirra (sem var kærkomið og ÓTRÚLEGA vel þegið) og tókum þetta viðtal við hann. Við fáum að vita allt sem vita þarf um stúdentspróf í tölvuleikjagerð, einnig skemmtilega innsýn í það ferli sem er að búa til leiki. Við þökkum Darra kærlega fyrir að fá okkur í heimsókn og fyrir skemmtilegt viðtal! Þátturinn er í boði Elko Gaming og Hringdu. 
49:16
March 30, 2022
100. Strákarnir búa til tölvuleik
TIL HAMINGJU MEÐ HUNDRAÐASTA ÞÁTTINN ELSKU HLUSTENDUR! Við erum svo endalaust, ENDALAUST þakklátir fyrir þennan frábæra áfanga. Í byrjun var þetta eitt af okkar villtustu takmörkum, að ná að framleiða hundrað stykki en það tókst! Á tuttugu mánuðum tókst okkur að gera fjölbreytta þætti um allt sem tengist tölvuleikjamenningu. Það er ekki amalegt ... Hér bjóða strákarnir upp á viðhafnar útgáfu af umræðum sínum. Í fyrsta skipti er hægt að horfa á okkur á MYNDBANDI! Það er víst ný og æsispennandi tækni sem allir krakkarnir eru vitlausir í. Þátturinn okkar verður aðgengilegur á YouTube um leið og þúsund ára gömul tölva Arnórs nær að exporta öllu klabbinu. Umræðuefni þáttarins er einnig glænýtt: Strákarnir ætla að búa til sinn hvorn tölvuleikinn og kynna fyrir hinum! Við byrjum á að giska á hvers lags tölvuleik hinn myndi gera og svo dembum við okkur í veisluna. Arnór byrjar að kynna sinn og svo tekur Gunnar við.  Hvernig tölvuleik heldur þú að Arnór geri? Hvernig tölvuleik heldur þú að Gunnar geri? Þátturinn er í boði Elko Gaming og Hringdu.
01:14:34
March 23, 2022
99. Splitgate
Það styttist óðfluga í HUNDRAÐASTA þáttinn okkar og því hendum við í einn léttan þátt um áhugaverðan leik! Umfjöllunarefni vikunnar er einhvers konar bræðingur af Halo, Portal og öðrum FPS leikjum.  Útkoman er Splitgate, leikur sem kemur á óvart þrátt fyrir að vera nokkur einsleitur við fyrstu sýn. Spilarar koma saman í alls kyns leikjategundum en algengasta markmiðið er að slátra hinu liðinu áður en það slátrar þér og þínum. Ólíkt öðrum fjölspilara fyrstu persónu skotleikjum þá eru leikmenn gæddir eins konar víddarbyssu eiginleikum - þú getur flakkar hornanna á milli í gegnum víddir, eða portal, sem gerir slátrunina talsvert auðveldari. Arnór Steinn og Gunnar ræða þennan leik í þaula og reyna að komast að niðurstöðu hvar hann kemst fyrir á markaðnum. Er pláss fyrir Splitgate eða er þetta annar gleymanlegur klóni? Við erum mjög forvitnir að vita hvort hlustendur hafi prófað leikinn - endilega sendið á okkur! Þátturinn er í boði Elko Gaming.
46:00
March 16, 2022
98. Elden Ring
Eftir langa, LANGA bið, er þessi risastóri leikur loksins kominn út. Mörg ykkar hafa beðið í ofvæni eftir honum, mörg ykkar hafa lítið pælt í útgáfunni. Hvað sem því skiptir, þá er umfjöllunarefni vikunnar ELDEN RING. Nýjasta útspil From Software er unnið í samstarfi við hinn margrómaða George R.R. Martin. Leikurinn er margslunginn og flókinn og fokk erfiður, honum er held ég ekki betur lýst í eins stuttu máli. Arnór Steinn og Gunnar koma með sín fyrstu áhrif í þessum höskuldarlausa þætti. Það er margt að ræða! Klassarnir, landslagið, óvinirnir, bardagakerfið og ósanngirnin og geðveikin er ekki langt undan. Annar þeirra er ekki eins hrifinn og hinn ... getið þið giskað hvor er búinn að gefast upp? Þátturinn er í samstarfi við Elko Gaming. --- Í byrjun þáttar eru stutt skilaboð frá okkur til ykkar, kæru hlustendur. Það eru alls konar hlutir í gangi og vendingar sem við höfum ekki búist við. Endilega hlustið og við þökkum óendanlega fyrir allan ykkar stuðning!
58:43
March 09, 2022
97. Open World Leikir
Hvað nákvæmlega er opinheimsleikur? Strákarnir hafa oftar en tíu sinnum lýst yfir aðdáun sinni á slíkum leikjum og því var upplagt að gera þátt sem er algjörlega helgaður þeirri umræðu. Við spyrjum nokkurra spurninga, þá helst: Hvað einkennir góðan opinheimsleik? Eru þeir allir eins? Arnór Steinn og Gunnar skoða sögu leikjastefnunnar stuttlega og fara svo í umræður. Nokkrir leikir breyttu forminu og byltu því. Sumir leikjaframleiðendur hafa bókstaflega sett út sama leikinn í nokkuð mörg ár.  Strákarnir eru ekki alveg sammála, en þið megið endilega hlusta og segja okkur hvað ykkur finnst! Þátturinn er í boði Elko Gaming. 
01:11:33
March 02, 2022
96. Horizon Forbidden West
Hann er loksins kominn! Framhaldið á opinheims ævintýrinu Zero Dawn er í tölvum okkar og er umfjöllunarefni vikunnar. Hér eru bara first impressions, við erum ekki búnir með leikinn og komum bara með fyrstu viðbrögðin. Er hann þess virði? Í stuttu máli þá JÁ.  Í löngu máli þá mælum við með að hlusta á þennan þátt. Hann er laus við allar höskuldarviðvaranir þannig að við skemmum ekki neitt fyrir neinum. Ef þið eruð ekki búin að spila fyrri leik þá er það nokkuð mikilvægt samt.  Leikkerfið og spilunin er búin að þróast ótrúlega mikið og strákarnir ræða það allt saman í þaula.  Endilega sendið á okkur ef það er eitthvað sem við ræddum ekki, þá höfum við það í næsta þætti þar sem við ræðum plottið og allt annað sem við tókum ekki fyrir hér!
54:21
February 23, 2022
95. Rockstar Games
Nú þegar búið er að tilkynna að GTA 6 komi út á næstu 10-15 árum þótti okkur upplagt að rýna aðeins betur í eitt umdeildasta tölvuleikjafyrirtæki okkar tíma. Rockstar Games! Fyrirtækið sem er á bak við GTA, Midnight Club, Max Payne og Red Dead seríurnar. Hvaðan kom það? Hverjir eru á bak við það? Hvert er það að fara? Við svörum eins mörgum spurningum og við getum ásamt því að renna yfir stutt æviágrip fyrirtækisins. Einnig eru erfiðari spurningar sem við reynum að tækla. Hvar stendur Rockstar í umræðunni um vonda vinnustaðamenningu tölvuleikjafyrirtækja? Er fyrirtækið sekt um crunch menningu og almennt volæði? Einnig komum við með okkar eigin spár og hugmyndir fyrir GTA 6.  Hvað finnst þér um Rockstar? Ræðum um það! Hvaða tölvuleikjafyrirtæki eigum við að taka fyrir næst? Þátturinn er í boði Elko Gaming. 
01:06:50
February 16, 2022
94. Ömurlegar Tölvuleikjakvikmyndir VII: Assassin's Creed
Fyrsta mynd hins nýja árs er hin hrikalega lélega Assassin's Creed frá 2016. Hvers vegna í ósköpunum þessi mynd var gerð á þennan hátt er óvíst, en víst er að Arnór Steinn og Gunnar horfðu á alla myndina og ræða hana hér. Michael Fassbender fer með aðalhlutverk sem bæði Callum Lynch og forfaðir hans Aguilar de Nerha. Hann fær það verkefni frá Abstergo samsteypunni að andskotast í líkama forföður síns og finna Epli Eden til að bjarga heiminum, eða eitthvað. Strákarnir ræða söguna, karakterana og margt, margt fleira. Við tökum einnig fyrir hvaða Assassin's Creed leik við værum persónulega til í að sjá sem mynd. Hefur þú séð þessa mynd? Hvað fannst þér? Endilega vertu í bandi og segðu okkur frá! Þátturinn er í boði Elko Gaming. 
59:24
February 09, 2022
93. Uncharted 2 - Among Thieves
Það er komið nýtt ár, Gunnar er búinn að slátra einangrun og allir eru í HVÍNANDI stuði. Hvað þýðir það? Jú, auðvitað að við ætlum að halda áfram með UNCHARTED seríuna! Fyrsti þátturinn okkar um ævintýri Nate, Sully og Elena (og fleiri) sló í gegn og því ekki eftir neinu að bíða.  Uncharted 2 er í fyrsta lagi frábær viðbót við fyrri leik. Hann byrjar ótrúlega vel, flæðir betur og inniheldur mörg geðveik móment úr tölvuleikjasögunni.  Hér stýrum við Nate í gegnum Borneó og Tíbet í leit að hinni ævafornu Cintamani peysu - ég meina Cintamani steininum. Mörg ljón eru í vegi, þar á meðal stökkbreyttir verndarar og morðsjúkir stríðsherrar. Þættinum fylgir höskuldarviðvörun - við ræðum söguna og persónur leiksins í þaula. Annar stjórnendanna telur þennan leik vera þann besta í seríunni. Hvor haldiði að það sé? Eruð þið sammála? Sendið á okkur ef þið viljið spjalla um Uncharted eða bara hvað sem er! Þátturinn er í boði Elko Gaming. 
01:01:43
February 02, 2022
92. God of War 2018
Fyrst Horizon Zero Dawn og næu God of War. Tveir FRÁBÆRIR leikir sem við fá framhald núna í ár. God of War 2018 var einn af fyrstu leikjunum sem áhorfendur báðu okkur um að taka og hér er hann! Sirka einu og hálfu ári síðar ... seint koma sumir en koma þó. God of War er stórkostlegur leikur. Saga Kratos og sonar hans Atreus hefur bergmálað í tölvuleikjaheimum frá útgáfu og tók sér sæti sem einn áhrifamesti leikur síðustu ára strax við útgáfu. Arnór Steinn og Gunnar ræða allt við leikinn. Bardagann, útlitið, persónur og margt, margt fleira.  Annar þeirra gefur honum algjöra topp einkunn. Getið þið giskað hvor? Hvað fannst þér um God of War? Ef þú átt þennan eftir þá er hann spilanlegur bæði á Playstation og á PC. Takk fyrir það, Sony. Þátturinn er í boði Elko Gaming.
58:42
January 26, 2022
91. Bónusþáttur! Microsoft kaupir Activision Blizzard
Það er allt of langt síðan síðasti bónusþáttur kom út, þannig að hér er hann!  Fréttir vikunnar og mögulega ársins er að Microsoft festi kaup á Activison Blizzard, umdeildasta tölvuleikjafyrirtæki síðasta árs. Það lá alltaf við að tölvuleikjaspjallið myndi gera þátt um málið, en það er smá hængur á ... Gunnar er í einangrun sem þýðir að gestur þarf að sjá um að stýra þætti vikunnar. Hilmar Smári Finsen hljóp í skarðið og ræðir kaupin við Arnór Stein. Hvað þýðir þetta fyrir tölvuleikjaspilara? Hvað verður um exclusive leiki? Er leikjatölvustríðið búið? Við veltum fyrir okkur mörgum þáttum, öll púsluspilin skipta máli. Við erum sammála um eitt: framtíðin er drullu spennandi ef þú ert tölvuleikjaspilari.  Hlustið og segið okkur hvað ykkur finnst! Batakveðjur á elsku Gunnar okkar
46:19
January 21, 2022
90. Ubisoft
Þau eru óteljandi tölvuleikjafyrirtækin sem fjölmenna markaðinn, en þau eru ekkert svakalega mörg sem hafa endast í jafn langan tíma. Ubisoft er á meðal þeirra elstu starfandi, enda fyrirtæki sem hefur áorkað miklu. Margar af frægustu seríum heims hafa runnið undan rifjum franska risans. Assassin's Creed, Far Cry og Watch Dogs til að nefna örfá dæmi.  Fyrirtækið er þó ekki skandalslaust. Í gegnum árin hafa leiðtogar og aðrir stjórnendur gerst sekir og verið ásakaðir fyrir ýmist vafasamt.  Í þætti vikunnar kafa Arnór Steinn og Gunnar í fyrirtækið frá byrjun til nútíma. Hvaðan kemur það? Hvernig fór það frá litlu tölvubúnaðarfyrirtæki yfir í einn stærsta tölvuleikjadreifingaraðila í heiminum? Er eitthvað til í ásökunum á hendur fyrirtækisins? Allt þetta og meira í stút fullum og þrælskemmtilegum þætti! Þetta er okkar fyrsta tilraun til að kryfja heilt fyrirtæki og þau eru mörg önnur sem við ætlum að fjalla um. Hvað finnst þér um Ubisoft? Eru leikirnir skemmtilegir og fjölbreyttir eða er Ubisoft formúlan staðreynd? Þátturinn er í boði Elko Gaming. 
58:14
January 19, 2022
89. Horizon Zero Dawn
Frumstætt samfélag lifir í eilífri ógn við fornar maskínur sem enginn skilur. Allt í einu fær útskúfuð stelpa tól til að skilja ekki bara tilgang vélanna, heldur forsögu alls mannkyns. Bæði fyrri tortímingu og annarri yfirvofandi. Plottið á Horizon Zero Dawn er drulluflókið þannig að við eyðum frekar tíma í að ræða það í þættinum.  Já, í þætti vikunnar tökum við Zero Dawn í nefið! Stutt er í Forbidden West þannig að það lá við að við myndum taka hann fyrir. Arnór Steinn og Gunnar ræða spilun, persónur, bardagakerfi, óvini og margt, MARGT fleira. Það er nóg að ræða, enda stór leikur! Þættinum fylgir höskuldarviðvörun - við ræðum öll smáatriði tengd sögunni og fleira gott.  Spilaðir þú Horizon? Segðu okkur frá!  Þátturinn er í boði Elko Gaming. 
01:00:56
January 12, 2022
88. Spyro: Reignited Trilogy
Gleðilegt ár hlustendur kærir! Tölvuleikjaspjallið hefur þetta herrans ár á stórum þætti um Spyro: Reignited trílógíuna!  Arnór Steinn og Gunnar kryfja leikina þrjá og finna hvað er gott og hvað er ekki svo gott. Leikirnir eru mjög ólíkir og því af mörgu að taka.  Við tökum fyrir karakterana, mismunandi objectives í leikjunum þremur, ómöguleg borð og leiðinlegir vondukallar. Það er nokkuð auðvelt að halda því fram að þetta sé algjörlega frábær endurgerð á leikjunum. Ef þið spiluðuð ekkert Spyro í gamla daga þá mælum við eindregið með því að þið kíkið á YouTube og skoðið muninn.  Ef þið eruð ekki búin að spila Spyro, geriði það! Ef þið eruð búin að spila, þá megiði endilega senda okkur skiló og við getum spjallað að vild! Er þetta vel gert? Hefðu þeir átt að vera léttari?  Þátturinn er í boði Elko Gaming. 
01:01:45
January 05, 2022
87. Áramótasérþáttur 2021
Gleðilegt ár kæru hlustendur nær og fjær! Síðasta ár var ekki upp á marga fiska, veður- eða covidlega séð þannig að við ætlum að rífa upp stemminguna með heljarinnar áramótasérþætti! Við förum yfir helstu fréttir og leiki ársins og segjum hvað okkur finnst. Við teljum líka upp margt sem okkur hlakkar til á nýju ári. Það væri engin áramótasérþáttur án ykkar - hlustenda. Við erum svo endalaust þakklátir fyrir ykkur að orð fá því ekki lýst. Takk. Haldiði áfram að vera svona ótrúlega dugleg að senda okkur skilaboð, vera í bandi um allt og ekkert og bara VERA ÞIÐ! Þátturinn er að sjálfsögðu í boði Elko Gaming.  Takk aftur og gleðilegt nýtt ár!!!
01:24:11
December 29, 2021
86. Uncharted: Drake's Fortune
Óvenjuleg ævintýri einkenna hinn afar áhugaverða karakter Nathan Drake. Það er einmitt það sem spilarinn fær í andlitið þegar fyrsti leikurinn í Uncharted fjórleiknum er settur í gang. Taumlaust ævintýri með endalausum möguleikum. Já góðir hlustendur, þið spurðuð og við svöruðum. Hér kemur fyrsti þátturinn okkar af (að minnsta kosti) fjórum um Uncharted leikina! Í þætti vikunnar fara Arnór Steinn og Gunnar í saumana á fyrsta leiknum, Drake‘s Fortune. Við ræðum plottið, persónur, byssuspil og margt, margt fleira. Það fylgir því höskuldarviðvörun með þessum þætti – við hlífum engu! Hefur þú spilað Uncharted? Spjöllum um hann! Þátturinn er í boði Elko Gaming.
01:00:60
December 22, 2021
85. Mass Effect 3 - ásamt Bríeti Blæ
Góðir hlutir koma í þrennum, sagði einhver, ábyggilega, einhvern tímann. Það er einmitt hægt að segja um Mass Effect trílógíuna. Þrír FRÁBÆRIR leikir sem strákarnir eru loksins búnir með! Hvernig fagnar maður því að einhverju þrennu er lokið? Jú, með því að fá þriðju manneskjuna í sett! Við bjóðum hjartanlega velkomna hana Bríeti Blæ, en hún er einn mesti Mass Effect sérfræðingur landsins. Arnór Steinn og Gunnar ræða allar hliðar þessa síðasta leiks ásamt Bríeti. Karakterarnir, ákvarðanirnar, hláturinn, gráturinn og margt, MARGT fleira. Við þökkum hlustendum kærlega fyrir að þrauka með okkur í gegnum einhverja allra bestu tölvuleiki sem við höfum spilað. Takk einnig til Bríetar fyrir ofboðslega skemmtilegan þátt! Þátturinn er í boði Elko Gaming.
01:40:23
December 15, 2021
84. Red Dead Redemption 2 - annar þáttur
Það er aftur byrjað að snjóa sem þýðir að það er upplagt að rifja upp tímann í Red Dead 2 þar sem maður þarf að vaða í gegnum mjaðmadjúpan snjó og flýja risastór bjarndýr. Ójá hlustendur kærir, við erum sko heldur betur að fara að fjalla um tölvuleikinn Red Dead Redemption 2. Aftur! Glöggir aðdáendur muna að einn af okkar allra fyrstu þáttum var um þetta ótvíræða meistaraverk og okkur fannst upplagt að ræða hann aðeins aftur. Í þetta skiptið er allt tekið fyrir. Sagan, karakterarnir, ákvarðanir og allt. Sumsé, stór höskuldarviðvörun fylgir þessum þætti. Hver er besti kafli leiksins? Hver er verstur? Hvernig er sagan? Karakterarnir? Arnór Steinn og Gunnar fara yfir þetta allt saman. Þátturinn er í boði Elko Gaming.
01:18:54
December 08, 2021
83. XCOM 2 vs Age of Empires 2
Jólamánuðurinn er hafinn og því er glórulaust að gera annað en að eyða heilum þætti í að tala um tvo herkænskuleiki. Já krakkar mínir nú skulum við sko demba okkur í langdregna, flókna og erfiða leiki þar sem maður þarf að hugsa áður en maður gerir. Horfnir á braut eru dagarnir þar sem maður skýtur fyrst og hugsar svo. Hér skal pælt og sigrað. Gunnar kynnir fyrir Arnóri Steini leik sem hann hefur spilað í nokkur ár, en það er leikurinn XCOM 2. Hann segir frá sögu leikjaseríunnar, hæðum og lægðum og svo fer hann vel yfir einn leik og allt sem nýgræðingur þarf að vita til að spila hann. Arnór Steinn kynnir svo fyrir Gunnari leikinn Age of Empires 2. Hann einnig fer yfir sögu seríunnar og útskýrir stuttlega hvernig tuttugu og tveggja ára gamall leikur er ennþá að fá reglulegar uppfærslur. Hafið þið spilað annan hvorn? Hvað finnst ykkur um herkænskuleiki? Þurfum við að taka fleiri svoleiðis fyrir? Verið í bandi og segið okkur frá! Þátturinn er í boði Elko Gaming.
01:14:28
December 01, 2021
82. Prison Architect
Er það ekki draumur okkar allra að reka fangelsi í gróðraskyni? Ef svo er þá er Prison Architect leikurinn fyrir þig! Ef ekki þá þarftu ekki að líta í eigin barm. Samt sem áður er Prison Architect leikurinn fyrir þig! Grínlaust þá er um að ræða einn upprunalegasta leik okkar tíma. Arnór Steinn og Gunnar kafa í allt sem tengist leiknum. Það er flókið mál að byggja fangelsi og því nóg að rabba um. Ert þú búin/n að prófa Prison Architect? Segðu okkur hvað þér finnst! Þátturinn er í boði Elko Gaming.
01:16:03
November 24, 2021
81. Nostalgíuspjall Gunnars og Alla
Þáttur vikunnar er með breyttu sniði. Í þetta skiptið er það Arnór Steinn sem ekki gat komið í stúdíóið. Þáttastjórn fellur því alfarið í hendurnar á Gunnari sem bauð æskuvini sínum, Alexander Maron, til að verma sætið í fjarveru Grjótsins. Alexander hefur áður komið til okkar að ræða tölvuleiki og foreldrahlutverkið, þannig að hann er vel kunnugur staðháttum og hæfur til að halda uppi samræðum. Í þetta sinn taka þeir fyrir klassískt nostalgíuspjall. Hvaða leiki voru þeir að spila á sínum tíma útí sveit? Diablo, WoW, makkar og margt, margt fleira. Tölvuleikjaspjallið þakkar Alla kærlega fyrir komuna! Arnór snýr aftur úr sóttkví í næstu viku! Þátturinn er í boði Elko Gaming.
01:27:15
November 17, 2021
80. Marvel's Guardians of the Galaxy
Þú hefur litla sem enga stjórnunarhæfileika og þarft að fara í gegnum vetrarbrautina með fjóra siðlausa morðingja sem liðsfélaga ... hvað gerir þú? Skrýtnar aðstæður? Já heldur betur. En svona er stemmingin í tölvuleiknum Marvel‘s Guardians of the Galaxy kynnt fyrir þér. Þú ert Star-Lord, eða Peter Quill, og þarft að leiða teymið þitt í gegnum alls kyns rugl og vitleysu. Söguþráðurinn er á þann veg að Verndararnir eru að reyna að byggja upp orðspor eftir að risastór geimstyrjöld hefur skilið allt eftir í molum. Eitthvað fáránlegt gerist og verndararnir þurfa bókstaflega að bjarga vetrarbrautinni allri. Arnór Steinn og Gunnar ræða leikinn allan í þessum samstarfsþætti okkar með Elko Gaming. Leikurinn kom hressilega á óvart og skilur margt eftir sig. Við ræðum söguna, persónur, spilun og margt, margt fleira.  Við mælum eindregið með þessum leik. Þar sem hann er nokkuð nýr þá er engin höskuldarviðvörun með þessum þætti. Ef þið hafið ekkert spilað leikinn þá getið þið samt hlustað á þáttinn. Við munum klárlega gefa út annan þátt þar sem við ræðum allan leikinn í þaula, það er af nægu að taka! Er leikurinn ólíkur myndunum? En myndasögunum? Segið okkur hvað ykkur finnst! Þátturinn er í boði Elko Gaming.
01:11:03
November 10, 2021
79. Witcher 3: The Wild Hunt - Hluti I
Hvernig treður maður einum stærsta leik allra tíma í einn þátt? Stutta svarið er: það er ekki hægt. Tölvuleikjaspjallið ákvað því að gera marga. Já börnin góð, þáttur vikunnar er tileinkaður meistaraverkinu WITCHER 3. Þar sem Gunnar er nýbyrjaður að spila leikinn og við höfum ekki beint tíma til að eyða öllum okkar tíma í einn leik (við erum að spila svona þúsund) þá verður formattið svona: Gunnar klárar einn og einn kafla og segir Arnóri Steini hvernig gengur. Arnór hefur spilað leikinn og þekkir eins og handarbakið á sér. Í þessum þætti förum við yfir grunn þætti leiksins, bardagakerfi, RPG elementa og fleiri.  Svo ræða þeir hvernig Gunnari gekk að skríða í gegnum drullupollinn sem er Velen. Hann er kominn í Novigrad og segir Arnóri frá reynslunni. Ef þið eruð ekki búin að gera ykkur grein fyrir því núna þá er þessi þáttur stút fullur af Witcher 3 spoilerum.  Þátturinn er í boði Elko Gaming. 
01:03:01
November 03, 2021
78. Tölvuleikja-leikari - Viðtal við Aldísi Amah
Hvernig er það að leika í tölvuleik? Fara í búninginn og láta hreyfifanga (e. motion capture) allt sem þú gerir? Til að finna það út þá fengum við leikkonuna Aldísi Amah Hamilton í heimsókn, en hún leikur aðalhlutverkið í leiknum Echoes of the End frá Myrkur Games. Leikurinn er al-íslenskur og hefur verið ræddur hér áður, þegar við tókum viðtal við Halldór Snæ, framkvæmdastjóra Myrkur. Arnór Steinn og Gunnar ræða margt við Aldísi. Hún er mikill tölvuleikjaspilari og hefur margt að segja um það. Við förum einnig vel yfir upplifun hennar að leika í tölvuleik, hvernig það kom til, hvernig það er að vera í búningnum, hvað er frábrugðið við að leika í bíómynd og tölvuleik og margt, margt fleira. Við þökkum Aldísi kærlega fyrir komuna og hlökkum til að fá hana aftur í heimsókn þegar hún má segja okkur meira frá leiknum! Þátturinn er í boði Elko Gaming.
01:04:44
October 27, 2021
77. Ömurlegar Tölvuleikjakvikmyndir VI: Free Guy
Í sjötta þættinum okkar af hinni víðfrægu seríu Ömurlegar Tölvuleikjakvikmyndir tökum við fyrir mynd sem er ekki beint tölvuleikjamynd, en er það bara samt. Jú, í dag ætlum við að ræða Free Guy! Ryan Reynolds leikur Guy, en hann er NPC í leiknum Free City. Hann gerir sama hlutinn dag eftir dag og hefur ekkert annað val en að njóta þess. Eitthvað verður til þess að hann verður eitthvað meira - eitthvað annað en bara forritaður NPC. Hann blandast á ótrúlegan hátt inn í atburði í kjötheimum þar sem allt er undir. Arnór Steinn og Gunnar ræða allt sem við kemur myndina. Plottið, persónur, tengsl við tölvuleiki og margt, margt fleira. Er myndin ömurleg? Er hún góð? Strákarnir eru sammála í sinni skoðun en það verður áhugavert að vita hvort einhver sé ósammála okkur. Þátturinn er í boði Elko Gaming. 
01:16:14
October 20, 2021
76. Mass Effect 2
Ef fyrri Mass Effect leikurinn gerist á umrótstímum, þá gerist þessi í ótömdum glundroða. Hér ræða drengirnir einhvern besta leik sem komið hefur út – Mass Effect 2. ALLT bættist við gerð þessa leiks. Sagan varð dýpri, auka missions urðu fjölbreyttari og skemmtilegri, fleiri karakterar, skemmtilegra díalóg, bíl helvítið farið til andskotans, Garrus á sínum stað og allt í hvínandi botni. Arnór Steinn og Gunnar fara í saumana á leiknum, með það að markmiði að ræða hið goðsagnakennda suicide mission sem breytir upplifun leiksins algjörlega. Þegar maður veit í hvað stefnir ... þá er erfitt að pæla ekki í því. Við tökum fyrir karakterana, spilunina, muninn á númer eitt og tvö og auðvitað ræðum við skemmtilegasta mini-leik sem komið hefur á sjónarsviðið. Hvað fannst þér um Mass Effect 2? Hlustaðu á þáttinn og segðu okkur hvað þér finnst! Þátturinn er í samstarfi við Elko Gaming.
01:26:02
October 13, 2021
75. Deathloop
Það er alltaf gaman þegar tölvuleikir leika sér með formið. Leikur vikunnar gerir það mjög frjálslega. Hann leikur sér að dauðanum. Deathloop gerist á eyjunni Blackreef þar sem alls ekkert er með felldu. Sami dagurinn virðist ganga aftur og aftur og launmorðinginn Colt Vahn virðist vera sá eini sem veit hvað er í gangi. Hann þarf að gera ógeðslega mikið aftur og aftur til að stoppa geðveikina. Ég held að það sé ekki hægt að lýsa leiknum betur í styttra máli. Arnór Steinn og Gunnar ræða leikinn DEATHLOOP í þaula ásamt góðum vini þeirra Tómasi Árna. Hann er mikill tölvuleikjanördi og hjálpar drengjunum að fylla í eyðurnar á hinum og þessum vafamálum. Drengirnir eru í fyrsta skipti fullkomlega ósammála um leikinn. Hvað heldur þú að valdi því? Þátturinn er í boði Elko Gaming.
01:26:44
October 06, 2021
74. Bíóblaður - viðtal við Hafstein Sæmundsson
Hvað er þetta, blöndungs þáttur? Heldur betur, í þætti vikunnar fá strákarnir til sín góðan gest, Hafsteinn Sæmundsson stjórnanda Bíóblaðurs! Glöggir hlustendur muna þegar við kíktum til hans í heimsókn og skemmtum okkur konunglega. Núna snúast borðin heldur betur. Arnór Steinn og Gunnar ræða margt og mikið við Haffa. Við förum yfir hvernig það var að byrja með hlaðvarp (hann byrjaði í sömu viku og við!), tölvuleikjaæskan, DVD safnið og margt, margt fleira. Spilar Haffi leiki þar sem hann fær ekki að drepa eitt né neinn? Það kemur í ljós hér! Tjékkið á Bíóblaðri á Spotify og YouTube og fylgið honum á Instagram og TikTok! Þátturinn er í boði Elko Gaming.
01:34:36
September 29, 2021
73. Toonstruck - viðtal við Tómas Valgeirsson
Tíundi áratugur síðustu aldar gaf af sér marga snilldina. Hann gaf líka af sér snilld sem ekki allir þekkja til. Fjölmiðlamaðurinn og atvinnu nördinn Tómas Valgeirsson mætir í stúdíóið til að segja frá einni slíkri snilld. Í þætti vikunnar spjalla Arnór Steinn og Gunnar við Tomma um nokkra áhugaverða leiki frá þessum goðsagnakennda áratug – þá helst point-and-click leiki. Aðalatriðið er falda gersemin Toonstruck, en það er í alvörunni fáránlegt að leikurinn sé ekki frægari en hann er. Stjörnum hlaðið sýrutripp sem var því miður markaðsett glórulaust illa. Við ræðum einnig almennt um smellileiki, æsku Tomma og margt fleira. Við þökkum honum kærlega fyrir komuna! Tjékkið á Poppkúltúr á uppáhalds hlaðvarpsveitunni þinni – þar fáið þið meira af Tomma! Þátturinn er í boði Elko Gaming.
01:01:11
September 22, 2021
72. Playstation Showcase 2021
Hvílíkt. Og. Annað. Eins. Fyrir utan þessi fjögur orð þá er maður eiginlega nokkuð orðlaus með Sony sýninguna þetta árið. Við fengum fjölbreytta og sjúklega áhugaverða kynningu og ofboðslega spennandi titla sem við hlökkum til að kjamsa á! Arnór Steinn og Gunnar ræða góðu og geggjuðu hlutina við kynninguna en einnig það sem betur mátti fara. Síðast en ekki síst þá ræða þeir það sem nákvæmlega enginn bað um. *hóst* *hóst* GTAV AFTUR *hóst*. KOTOR, Spiderman 2, Wolverine (???) og svo auðvitað God of War! Hvað fannst ykkur um kynninguna í ár? Þátturinn er í boði Elko Gaming
01:22:01
September 15, 2021
71. The Outer Worlds
Fyrir sirka fimmtíu þáttum síðan ræddu Arnór Steinn og Gunnar stuttlega um leikinn The Outer Worlds. Í þætti vikunnar gera þeir það aftur. Bara betur. Ójá. The Outer Worlds er einn af bestu leikjum síðustu ára að mati vina ykkar hjá Tölvuleikjaspjallinu. Hér ræðum við hann í þaula. Allt saman. ALLT! Plottið, baksöguna, vopnin, spilunina, krúið, skipið, pláneturnar, fagurfræðina og hvaðeina. Hvaða ákvörðun tók Gunnar sem skar Arnór inn að beini? Þið komist að því með því að hlýða á fögur orð okkar um þennan frábæra leik. Þar sem þetta er í annað skipti sem við ræðum leikinn þá leyfum við okkur að tala frjálslega um söguna og aðra hluti, þannig að það er nokkuð stór höskuldarviðvörun með þættinum. Ef þú, kæri hlustandi, ert ekki búinn að spila Outer Worlds þá skaltu gera það eins og skot. Við mælum hiklaust með. Þátturinn er í boði Elko Gaming.
01:20:35
September 08, 2021
70. Ömurlegar Tölvuleikjakvikmyndir V: Mortal Kombat 2021
Jæja þá. Þeim tókst loksins að gefa út þriðju Mortal Kombat myndina. En er hún eitthvað góð? Það kemur í ljós í þætti vikunnar af Ömurlegum Tölvuleikjakvikmyndum! Arnór Steinn og Gunnar ræða allt saman, það góða og það slæma (merkilegt nokk, það er NÓG af hvoru) við myndina og reyna að koma með gott svar við þeirri spurningu. Við höfum séð þessa karaktera áður, plottið er fjandi svipað en hér er bæði blóð og blót. Er Sonya Blade jafn góð og Bridgette Wilson Sampras var í fyrstu myndinni? Er Liu Kang með jafn hellað hár og Robin Shou var með í fyrstu myndinni? Hvar er Johnny Cage? Öllum þessum spurningum verður svarað. Engar áhyggjur. Hvað fannst ykkur um Mortal Kombat? Endilega látið okkur vita! Fleiri Ömurlegar Tölvuleikjakvikmyndir eru í vændum, segið okkur bara hvað við eigum að taka næst! Þátturinn er í boði Elko Gaming og Le Kock.
01:15:52
September 01, 2021
69. Íslenskir streymarar - viðtal við Eggert Unnar Snæþórsson (eggertunnar)
Tölvuleikjaspjallið heldur áfram umfjöllun sinni um íslenska streymara! Í þetta sinn er það Eggert Unnar Snæþórsson, streymara og efnissmið, en hann er að fagna þriggja ára streymisferli um þessar mundir. Við ræðum við hann um allt á milli himins og jarðar. Um upphaf streymisins, um fyrstu leikina í æsku, hæðir og lægðir á ferlinum og margt fleira. Helst ber að nefna að hann streymdi í sólarhring til að safna fyrir bleiku slaufuna! Hér er á ferðinni virkilega skemmtilegt og einlægt viðtal sem enginn má láta fram hjá sér fara. Við þökkum Eggerti kærlega fyrir komuna, tjékkið á honum á öllum helstu samfélagsmiðlum og Twitch undir nafninu eggertunnar. Þátturinn er í boði Elko Gaming og Le Kock.
01:05:58
August 25, 2021
68. Mass Effect 1
Heimurinn er búinn að stækka. Mannkynið er ekki lengur eitt og sér í alheiminum. Nú eru þúsundir geimverutegunda út um allt og við að stíga okkar fyrstu skref í að kanna óendanlegan heiminn. Plottið í Mass Effect hefst á þessum umrótstímum. Þú ert Commander Shepard og þú þarft heldur betur að redda frekar skítlegum málum. Þegar einn af færustu hermönnum vetrarbrautanna fer að haga sér á mjög svikulan hátt þarft þú að ferðast endanna á milli til að finna hann, sanna sekt hans og varpa ljósi á samsærið sem virðist ætla leggja allt á hliðina. Til þess hefur þú fullt af geimverum til að hjálpa þér. Veldu vel! Arnór Steinn og Gunnar ræða allt um Mass Effect 1 í þessum samstarfsþætti okkar við Elko Gaming. Leikurinn er frábær og verður bara betri endurútgefinn sem hluti af Mass Effect Legendary Edition. Þátturinn er því miður ekki laus við spoilera – það er ómögulegt að ræða alla þrjá leikina (þ.e. við tökum Mass Effect 2 í öðrum þætti og svo framvegis) án þess að spilla fyrir því sem gerðist í fyrri leikjum. Við tölum því nokkuð frjálslega um leikinn hér. Hvað fannst ykkur um Mass Effect? Er mikill munur á þessum og upprunalega? Þátturinn er í boði Elko Gaming og Le Kock.
01:22:06
August 18, 2021
67. Ratchet & Clank: Rift Apart
Goðsagnirnar eru komnar aftur! Í þessum samstarfsþætti okkar við Elko Gaming köfum við ofan í nýjasta Ratchet & Clank leikinn, en hann heitir Rift Apart! Félagarnir eru í miðjum hátíðarhöldum þegar erkióvinurinn Dr. Nefarious ræðst AFTUR á þá og stelur byssunni Dimensionator – byssa sem Clank lagaði fyrir vin sinn svo hann gæti mögulega fundið aðra af sinni tegund. Allt fer stórkostlega til andskotans þegar víddir blandast saman og hliðstæða Ratchet úr annarri vídd – kvenkyns lombax að nafni Rivet, hjálpar þeim félögum að kippa raunveruleikanum í liðinn. Arnór Steinn og Gunnar ræða allt um þennan frábæra leik. Byssurnar, heimana, grafíkina, allt sem Playstation 5 býður upp á (og það er MARGT). Gunnar náði að platína leikinn fyrir þáttinn – náði Arnór því? Þátturinn er í boði Elko Gaming og Le Kock.
01:00:40
August 11, 2021
66. Spider Man: Miles Morales
Hvað þýðir það að vera köngulóarmaður? Tölvuleikurinn Spider Man: Miles Morales reynir að svara þessari spurninu eins best og hægt er. Í leiknum stýrir maður samnefndum karakter sem er búinn að vera að læra fagið frá Peter Parker í að verða ár. Aðstæður verða til þess að Miles er einn í New York og þarf að takast á við Underground gengið, leitt af hinum dularfulla Tinkerer. Arnór Steinn og Gunnar ræða þennan ágæta leik í þaula í þætti vikunnar. Hvað er nýtt, hvað er gott, hvað má betur fara og meira skemmtilegt. Við tökum einnig fyrir hvað við værum til í að sjá í næsta Spider Man leik – strákarnir eru ekki alveg sammála um það. Engin höskuldarviðvörun fylgir þessum þætti. Ef þú hefur ekkert spilað leikinn þá getur þú gert það með góðri samvisku. Þátturinn er í boði Elko Gaming og veitingastaðarins Le Kock.
58:36
August 04, 2021
65. Activision Blizzard og eitruð vinnustaðamenning
Sumarfríið er að ná hámarki hjá Tölvuleikjaspjallinu og Gunnar er ekki í bænum! Arnór Steinn sjanghæjaði til sín þekkta gesti spjallsins, Daníel Freyr Swenson, hypemálaráðherra Cyberpunk og Jón Pálsson, sérfræðing okkar í Overwatch málum, til að ræða Activision Blizzard. Fyrr í vikunni kom út skýrsla ráðuneytis atvinnu- og húsnæðismála í Kaliforníu um „frat boy“ menningu á vinnustað fyrirtækisins. Skýrslan er afrakstur tveggja ára rannsóknar á málunum. Margt slæmt hefur komið í ljós, slæm staða kvenna innan fyrirtækisins en þær þurfa að líða alls kyns áreiti dag hvern. Viðbrögð fyrirtækisins hafa verið mismunandi og er augljóst að Activision Blizzard er ekki að fara að tjá sig frekar um málið fyrr en allt fer fyrir rétt. Arnór Steinn, Daníel Freyr og Jón ræða þetta allt saman og kanna hvað gæti mögulega gerst næst. Þátturinn er í boði Elko Gaming og veitingastaðarins Le Kock.
01:09:44
July 28, 2021
64. Firewatch
**HÖSKULDARVIÐVÖRUN Á EFTIRFARANDI TÍMASTIMPLI: 40:10 TIL 53:45** Við erum öll að flýja eitthvað. Er hægt að flýja allt? Jafnvel þó maður taki sér vinnu úti í ysta rassgati? Það er ein af mörgum spurningum sem meistaraverkið Firewatch reynir að svara. Leikurinn kom út árið 2016 og stimplaði sig strax inn sem einn af allra bestu indí leikjum síns tíma. Þú leikur Henry – mann sem ákveður að fá sér vinnu sem skógareldavaktmaður í Wyoming fylki (lesist: úti í ysta rassgati) þegar aðstæður heima verða yfirþyrmandi. Þar er hann aleinn. Hans einu samskipti eru í gegnum talstöð við yfirmann sinn – Delilah, kona sem er alveg að brenna út í starfi sínu. Eins og reikna má með þá er ekki allt með felldu í Shoshone skóginum. Dularfullir hlutir fara að gerast sem Henry getur ekki útskýrt. Það er þitt að leysa ráðgátuna og tja ... lifa af. Það er HÖSKULDARHLUTI í þættinum. Frá 40:10 til 53:45 ræða Arnór Steinn og Gunnar söguna og endinn í þaula. Ef þú hefur ekkert spilað leikinn þá mælum við alveg eindregið með því að þið forðist þann hluta þáttarins. Allt annað er laust við spilliefni. Þátturinn er í boði Elko Gaming og Le Kock.
01:00:04
July 21, 2021
63. Heimavöllur - viðtal við Gunnar Þór Sigurjónsson
Tölvuleikjamarkaðurinn er í stöðugri þróun og þá sérstaklega rafíþróttir. Margt spennandi er að gerast hér á landi í þeim málum og eitt af þeim er Heimavöllur, nýtt verkefni sem strákarnir í Tölvuleikjaspjallinu eru ofboðslega spenntir að vita meira um. Til þess fengu þeir til sín Gunnar Þór Sigurjónsson, framkvæmdastjóra Heimavallar. Arnór Steinn og Gunnar spyrja hann spjörunum úr um verkefnið, hvaðan hugmyndin kom og hvernig þetta kom allt saman. Við þökkum Gunnari kærlega fyrir komuna og hlökkum til að kíkja í spil! Þátturinn er í boði Elko Gaming og Le Kock.
59:47
July 14, 2021
62. Eins Árs Afmæli!
Við erum eins árs! Arnór Steinn og Gunnar eru uppfullir af þakklæti og gleði yfir þessum áfanga. Það eru ekki öll hlaðvörp sem ná heilu ári, hvað þá að halda útgáfum sínum stöðugum eins og strákarnir hafa gert. Til að fagna þessu ári gerum við smá sérþátt þar sem við ræðum þættina sem komið hafa út, okkar uppáhalds, YKKAR uppáhalds og svo svörum við spurningum ykkar frá Instagram. Ef þið eruð ekki að fylgja okkur þar, þá mæli ég eindregið með! Arnór Steinn er með skemmtilega tilkynningu, Gunnar segir að það komi ekkert á óvart hver uppáhalds leikurinn hans er á tímabilinu, og við erum með margar hugmyndir um hluti sem við getum gert til að stækka sem hlaðvarp. Við þurfum samt hjálp hlustenda við það! Takk fyrir samfylgdina þetta árið og við hlökkum rosa mikið til þeirra næstu!
01:00:50
July 07, 2021
61. Draugurinn í Tsushima II
Í þessum spoiler fyllta þætti kafa Arnór Steinn og Gunnar dýpra ofan í meistaraverkið Ghost of Tsushima. Það er nóg til að ræða enda klóruðu þeir bara rétt á yfirborðið í síðasta þætti. Við viljum ítreka að allar hliðar leiksins eru ræddar í þaula í þessum þætti. Ef hafið ekki spilað Ghost neitt og viljið fara algjörlega blint í hann þá mælum við frekar með því að hlusta á fyrri þátt okkar (nr. 12). Hins vegar geta allir hlustað á umræðuna okkar um Ghost of Tsushima: Legends. Sú umræða (ásamt smá bónus umræðu um hvað Arnór er duglegur að svara bottum á Instagram) hefst á tímastimplinum 01:02:40. Við ræðum hér allar sögurnar í leiknum, alla karakterana, hver er raunverulegi vondi kall leiksins og almennt um hvað okkur finnst eftir að hafa klárað allt klabbið. Þátturinn er samstarfsþáttur við Elko Gaming. Hann er einnig í boði veitingastaðarins Le Kock.
01:25:03
June 30, 2021
60. Bónusþáttur! Island of Winds playtest - viðtöl við starfsfólk Parity Games
Ævintýri Tölvuleikjaspjallsins og Parity Creative House heldur áfram! Í síðasta þætti okkar með fyrirtækinu spjölluðum við við Maríu Guðmundsdóttur um vegferð hennar í bransanum og um það að stofna glænýtt tölvuleikjafyrirtæki á Íslandi. Í þessum bónusþætti ræða Arnór Steinn og Gunnar um það að playtesta leikinn sem þau eru að framleiða - Island of Winds! Þeir spjalla um ferlið, hvernig það var að taka þátt og segja eins mikið um leikinn og þeir mega. Einnig náðu þeir tveim stuttum viðtölum sem eru spiluð í þættinum. Í fyrra viðtalinu sat Arnór á milli Daniel Pilkington, sem er character artist, og Heiðu Rafnsdóttur, sem er lead concept artist. Í seinna viðtalinu spjallaði hann við Sylviu Wallace, sem er 3D artist. Þátturinn er í boði Elko Gaming og Le Kock.
30:31
June 25, 2021
59. E3 2021
E3 gefur tölvuleikjaunnendum árlega það sem þau hafa ekkert við að gera; tóm loforð, ýkta trailera og alls konar óvænt rugl sem er sjaldan eitthvað sem fólk er að bíða eftir. Var árið í ár einhver tilbreyting? Ef til vill að einhverju leyti, því að í þetta skiptið var hægt að horfa á allt heila klabbið á netinu! Hátíðinni var dreift yfir nokkra daga og allt saman sýnt beint á YouTube og öðrum streymisveitum. Tölvuleikjaspjallið fylgdist með og kemur með samantekt á þessu helsta fyrir ykkur yndislegu hlustendur. Var eitthvað sem kom á óvart á E3 í ár?
01:14:41
June 23, 2021
58. Leikjarinn - viðtal við Birki Fannar
Í þætti vikunnar forum við um víðan völl með Leikjaranum – Birki Fannari, sem er sannur tölvuleikjaáhugamaður og streymari! Hann á langa sögu að baki í tölvuleikjaheiminum og hefur komið víða við. Safnið í tölvuherberginu segir bara hálfa söguna! Arnór Steinn og Gunnar ræða við hann um streymi, YouTube draumana, Elder Scrolls og margt, margt fleira. Takk kærlega fyrir komuna og við hlökkum til að heyra í þér aftur! Þátturinn er í boði Elko Gaming og Le Kock.
01:27:47
June 16, 2021
57. Afrek og bikarar í tölvuleikjum
Hvað fáum við út úr því að safna afrekum og bikurum (e. achievements, trophies) í tölvuleikjum? Er það bara söfnunarárátta? Eða er það leið tölvuleikjaframleiðenda til að veita okkur spilunarefni umfram aukaefni? Þetta eru á meðal þeirra spurninga sem Arnór Steinn og Gunnar reyna að svara í þætti vikunnar. Þeir fara saman yfir sögu afreka í tölvuleikjum, sem nær alla leið aftur til ársins 1977 (!!!), telja upp nokkur eftirtektarverð afrek, hvort sem þau eru fyndin, skrýtin, ómöguleg eða bara of einföld.  Í síðasta hlutanum ræðum við niðurstöður könnunar sem við lögðum fyrir notendur Tölvuleikjasamfélagsins og Tölvuleikir - Spjall fyrir Alla hópana á Facebook. Þar spurðum við einfaldlega hvers vegna fólk safnar afrekum og um þeirra erfiðustu afrek. Þátturinn er í boði Elko Gaming og Le Kock!
01:36:11
June 09, 2021
56. Tölvuleikir og foreldrar - viðtal við Alexander Maron
Hvað breytist tölvuleikjalega séð þegar maður eignast börn? Í stuttu máli … allt. Þetta er samt spurningin sem Arnór vildi spyrja Gunnar og æskuvin hans Alexander Maron (já, sá Alexander sem Gunnar er alltaf að tala um OG sá sem samdi stefið okkar!) í þætti vikunnar. Horfir maður öðruvísi á tölvuleiki þegar maður á afkvæmi? Er það bara tímaleysið sem hefur áhrif eða er það meira? Við ræðum þó margt, margt fleira. Lan-menningin á Akranesi, nostalgíuleikir og alls kyns vafasamt dót kemur við sögu. Er það krakkhausahegðun að ýta skrifborðsstólnum sínum yfir hálfan bæinn til að fara á lan? Við þökkum Alexander Maron kærlega fyrir komuna og mælum með hans eigins hlaðvarpi! Pabbaorlof er einnig á vegum Podcaststöðvarinnar og er aðgengilegt á Spotify, Apple Music og á öllum þessum helstu stöðum! Þátturinn er í boði Elko og Le Kock.
01:22:38
June 02, 2021
55. Resident Evil Village
Gátu kjúllarnir í Tölvuleikjaspjallinu klárað Resident Evil Village? Það gátu þeir sko heldur betur, en það þurfti að þvo allar buxur á báðum heimilum eftir á. Í þessum stútfulla samstarfsþætti okkar við Elko Gaming ræðum við allt sem hægt er að ræða um nýjasta Resident Evil leikinn, VILLAGE. Arnór Steinn og Gunnar spiluðu hann í gegn og taka allt saman fyrir. Þeir ræða söguna, persónurnar, spilunina og alla upplifunina af þessum hryllings-spennuleik. Við ræðum þetta allt án þess að spilla neinu, en það er sérstakt SPOILER SVÆÐI frá 1:02:27 til 1:18:37. Ekki nóg með það, þá tók Arnór stutt viðtal við eina Íslendinginn sem starfar hjá Capcom og kom að gerð leiksins, en það er Vilhelm Smári Ísleifsson! Hann segir okkur frá því hvernig það er að vinna hjá japönsku leikjafyrirtæki og við spjöllum aðeins um leikinn. Takk Elko Gaming fyrir þennan samstarfsþátt, takk Vilhelm fyrir skemmtilegt viðtal og takk hlustendur! Án ykkar værum við ekki svona hugrakkir.
01:27:01
May 26, 2021
54. Íslenskir streymarar - viðtal við Snorra Frey (djentlemanxiii)
Tölvuleikjaspjallið styður íslenska streymara!  Við viljum kynna hlustendur fyrir þá flóru af íslenskum streymurum sem eru til. Við byrjum seríuna á að spjalla við Snorra Frey, betur þekktur sem djentlemanxiii á Twitch. Síðan 2015 hefur hann verið streymari og spilað alls kyns leiki.  Við ræðum við hann um æskuna, hvaða leikir mótuðu æskuna hans, hvernig hann byrjaði að streyma, hvernig það var að vera einn af fimm Xbox 360 spilurum Íslands á sínum tíma og svo auðvitað hvað hann fær úr streymum sínum! Snorri streymir þriðjudaga, fimmtudaga og annan hvorn sunnudag.  Kíkið á hann á twitch: @djentlemanxiii! Þátturinn er í boði Elko Gaming og veitingastaðarins Le Kock!
01:08:51
May 19, 2021
53. Gagnamagnið Leikurinn THINK ABOUT ALIENS - viðtal við Jóhann Sigurð úr Gagnamagninu
Það styttist í Eurovision og við hjá Tölvuleikjaspjallinu fengum ótrúlega skemmtilega ábendingu um að hljómsveitin Gagnamagnið, sem ætlar að koma með Júróbikarinn heim í ár, gaf nýverið út mobile platforming leik sem heitir THINK ABOUT ALIENS! Þar er öllum sex meðlimum Gagnamagnsins rænt af geimverum. Þú byrjar að spila sem Daði og þarft að hoppa um og drepa geimverur til að bjarga hinum meðlimunum. Hver og einn karakter er með sérstakan eiginleika sem nýtast gegn mismunandi óvinum. Sagan er ótrúlega skemmtileg og fyndin, og falin út um allt í leiknum eru fyrrverandi keppendur Íslands í Eurovision!  Við fengum Jóhann Sigurð úr bandinu í viðtal, en hann var með kveikjuna að leiknum og var með í fimm mánaða ferlinu sem tók til að gera leikinn. Arnór Steinn og Gunnar spyrja hann um allt mögulegt, hvernig það var að læra á Unity til að byrja að þróa leikinn, hvernig það fjölgaði í þróunarteyminu og hvernig það er að hafa sig sjálfan sem karakter í tölvuleik! Tjékkið á leiknum, hann er ótrúlega skemmtilegur, og fylgið Gagnamagninu á Instagram! Android: https://play.google.com/store/apps/details?id=is.samlist.dadioggagnamagnid&hl=en&gl=US iPhone: https://apps.apple.com/us/app/da%C3%B0i-gagnamagni%C3%B0-aliens/id1557033096 ÁFRAM ÍSLAND Þátturinn er í boði Elko Gaming og veitingastaðarins Le Kock!
01:08:07
May 12, 2021
52. Outriders
Í þessum samstarfsþætti okkar við Elko Gaming ætlum við að fjalla um leikinn OUTRIDERS. Um er að ræða nýjan co-op action RPG loot shooter (reyndu að segja það tíu sinnum hratt) frá pólska fyrirtækinu People Can Fly.  Hér stjórnar leikmaður einum svokölluðum Outrider, sér þjálfuðum hermanni sem  fer ásamt 500.000 eftirlifandi jarðarbúum til plánetunnar Enoch. Eins og má svo sem reikna með þá fer allt til fjandans, og þú, eftir að hafa valið á milli fjögurra mögulegra klassa, þarft að drepa allt í kringum þig. Það er hægt að spila einn en co-op er mjög skemmtileg leið til að komast áfram og þróa karakterinn þinn.  Arnór Steinn og Gunnar spiluðu leikinn saman og hafa margt um hann að segja. Í stuttu máli er þetta skemmtilegur og spennandi skotleikur með ótrúlega áhugaverðu class kerfi, sem verður bara erfiðari og skemmtilegri með hverjum bardaganum. Í lengra máli ... tja ... hlustið bara á þáttinn! Þátturinn er í boði Elko Gaming og veitingastaðarins Le Kock!
01:06:27
May 05, 2021
51. Ömurlegar Tölvuleikjakvikmyndir IV: Mortal Kombat: Annihilation
Það er algjört fatality hvað þessi mynd er ömurleg ... Við erum búnir að taka fyrri MK myndina þannig að við eiginlega urðum að taka númer tvö líka, áður en við kíkjum í bíó á nýju myndina! Mortal Kombat: Annihilation gerist strax eftir að fyrri myndin klárast.  Það sem gerir þetta strax frekar glatað er að það er búið að skipta út 90% leikaranna, enginn Christopher Lambert að hlæja vafasamt sem Rayden og engin Bridgette Wilson-Sampras sem Sonya! Arnór Steinn og Gunnar ræða þennan rjúkandi ruslagám í þaula. Hvers vegna er hún svona mikið verri en fyrri myndin? Þátturinn er í boði Elko Gaming og veitingastaðarins Le Kock!
01:04:14
April 28, 2021
50. Fimmtugasti þáttur! Topp tíu nostalgíuleikir
Þann fyrsta júlí árið 2020 gáfu tveir ungir drengir, með ekkert nema hljóðnema og draum, út þátt um tölvuleiki.  Nú í dag, fjörutíu og níu þáttum síðar, eru þeir búnir að halda sig við öll markmið sem þeir settu sér og gera meira en það! Vikulegir þættir, góð samskipti við hlustendur, spons, fjölbreytt efni svo fátt eitt sé nefnt.  Í þessum fimmtugasta (!!!) þætti Tölvuleikjaspjallsins ræða Arnór Steinn og Gunnar sína topp fimm nostalgíuleiki. Það geta verið leikir sem þeir tengja einhverja sérstaka minningu við eða eru úr æsku. Þetta verður allavega fjölbreytt. Þeir fara líka yfir nokkra uppáhalds nostalgíuleiki hlustenda! Við viljum einmitt þakka þeim alveg sérstaklega mikið fyrir, án ykkar værum við ekki að þessu. Haldið áfram að vera frábær og við höldum áfram að gera þætti! Einnig viljum við þakka Podcaststöðinni, Elko Gaming og Le Kock fyrir að halda þessu gangandi með okkur!
01:49:53
April 21, 2021
49. Overwatch League
Það styttist í að ein skemmtilegasta rafíþróttadeild heims - Overwatch League - fari í gang og því ákváðum við að henda í smá upphitunarþátt!  Þetta verður fjórða tímabil deildarinnar og spennan magnast. Eins og er með allar rafíþróttir þá eru liðin fjölbreytt og með sín einkenni. Þó þau séu mis góð eða léleg þá er um að ræða bestu spilara heims í téðri íþrótt og það getur ALLT gerst!  Við bjóðum velkominn sérstakan Overwatch League sérfræðing Tölvuleikjaspjallsins Jón Pálsson velkominn! Hann fræðir Arnór Stein og Gunnar um sögu deildarinnar, liðin, leikmennina og hvernig þetta hefur farið síðustu ár.  Ef þú hefur aldrei horft á Overwatch League þá er algjörlega málið að byrja núna. Þátturinn er í boði Elko Gaming og veitingastaðarins Le Kock!
01:09:31
April 14, 2021
48. Cyberpunk II
Í þætti vikunnar, sem er samstarfsþáttur við Elko og Elko Gaming, ræðum við aftur um Cyberpunk 2077!  Við tókum góða umræðu um hann rétt eftir að hann kom út en núna hefur margt vatn runnið til sjávar. Búið er að laga ýmist (alls ekki allt) með nýju uppfærslunni og umræðan hefur batnað – allavega aðeins. Góður vinur Tölvuleikjaspjallsins, Daníel Freyr Swenson, betur þekktur sem Hype-málaráðherra Cyberpunk er meðstjórnandi vikunnar.  Arnór Steinn og Gunnar taka dýpri umræðu við Danna um margt og mikið. Sagan, lúkkið, spilunin, „life choices“ og annað sem við ræddum ekki síðast. Þáttur þessi er laus við spoilera en við vörum hlustendur samt við! Í seinni helming þáttarins förum við frekar djúpt í söguna og ákvarðanir sem þú tekur í leiknum. Ef þú hefur ekkert spilað Cyberpunk og vilt fara algjörlega blint í leikinn þá förum við kannski of djúpt. Ef þú hefur spilað leikinn eitthvað aðeins og ert jafnvel efins um að prófa hann aftur – þá skaltu hlusta!  Við þökkum Elko aftur kærlega fyrir samstarfið og ykkur hlustendum fyrir að vera svona frábær! Þátturinn er í boði Elko Gaming og veitingastaðarins Le Kock!
01:11:45
April 07, 2021
47. Ömurlegar Tölvuleikjakvikmyndir III: Mortal Kombat
Það styttist óðfluga í nýju Mortal Kombat myndina og Tölvuleikjaspjallið ykkar allra ætlar að hita upp með að gera tveggja parta ÖMURLEGAR TÖLVULEIKJAKVIKMYNDIR þátt um báðar Mortal Kombat myndirnar!  Í þætti vikunnar spjalla Arnór Steinn og Gunnar um fyrri MK myndina. Leikstýrð af Paul W.S. Anderson (frægur fyrir Resident Evil myndirnar) og stútfull af nokkuð óþekktum leikurum, þá er hún bara ... tja ... við erum ekki alveg  vissir ... hlustið bara á þáttinn og finnið það út! Þátturinn er í boði Elko Gaming og veitingastaðarins Le Kock!
01:09:29
March 31, 2021
46. Overwatch
Loksins loksins!  Eftir margra mánaða bið þá er Gunnar byrjaður að spila Overwatch! Við ræddum leikinn aðeins fyrst í viðtalinu okkar við streymarann Jönu Sól, en nú gerum við sér þátt. Hér ræðum við aðeins hvernig Gunnari hefur gengið að byrja og Arnór Steinn kemur með nokkur góð ráð. Þeir fara yfir hetjurnar, game modes og alls kyns gúmmelaði.  Við hlökkum til að fjalla frekar um Overwatch, þar á meðal Overwatch League sem fer í gang aftur í apríl og auðvitað Almenna Bikarinn á Íslandi! Þátturinn er í boði Elko Gaming og veitingastaðarins Le Kock!
01:00:51
March 24, 2021
45. Skyrim II
Hvaða leikur hefur haft mest áhrif á þessa kynslóð tölvuleikjaspilara?  Það er erfitt að negla það niður nákvæmlega, en við getum flest verið sammála um að Skyrim sé andskoti ofarlega á lista. Leikurinn kom út í nóvember 2011 og enn þann dag í dag er verið að rýna í allt sem hann hefur gert fyrir tölvuleikjalandslagið. Við erum ennþá að spila hann (að sjálfsögðu einungis sem stealth archer) og höfum bara fjandi gaman af.  Í þætti vikunnar köfum við dýpra ofan í Skyrim en við gerðum í fyrri þætti okkar um leikinn, ræðum Thieves Guild, Dark Brotherhood, Companions, aðal söguna og margt, margt fleira.  Arnór Steinn og Gunnar fá í stúdíóið meðstjórnanda, en það er enginn annar en Skyrim sérfræðingurinn Daníel Freyr, hlustendur þekkja hann ef til vill betur sem hype-málaráðherra Cyberpunk 2077. Þátturinn er í boði Elko Gaming og veitingastaðarins Le Kock!
01:20:42
March 17, 2021
44. Hitman 3
Viltu ferðast um heiminn? Skoða fallega og framandi staði? Kynnast menningunni? Drepa mjög mikilvægt fólk á téðum stöðum og fá borgað fyrir? Þá er Hitman 3 leikurinn fyrir þig! Í þessum samstarfsþætti okkar og Elko fjalla Arnór Steinn og Gunnar um lokaleikinn í trílógíunni World of Assassination. Hitman 3 er fyrsti stóri leikur ársins og því um margt að tala. Við tökum fyrir borðin, spilunina og okkar reynslu ásamt því að Gunnar rifjar upp ást sína á gömlu góðu Hitman leikjunum. Þátturinn er laus við spoilera.  Hvað fannst ykkur um Hitman 3? Ef þið eruð ekki búin að prófa, eruð þið spennt að spila hann? Eigum við að taka fyrir hina tvo leikina í trílógíunni? Látið okkur vita! Þátturinn er í boði Elko Gaming og veitingastaðarins Le Kock!
01:04:59
March 10, 2021
43. Parity Games - viðtal við Maríu Guðmundsdóttur
Tölvuleikjaspjallið heldur áfram umfjöllun sinni um íslenska tölvuleikjaframleiðslu.  Í þetta sinn spjalla Arnór Steinn og Gunnar við Maríu Guðmundsdóttur, stofnanda og framkvæmdastjóra Parity Creative House. María hefur mikla reynslu úr bransanum og var lengi vel hjá CCP, var meðal annars í Kína að vinna að Eve titli!  Hún stofnaði Parity árið 2017 og fyrirtækið vinnur nú að spennandi leik sem heitir Island of Winds. Hún segir okkur frá ferlinum, stofnun Parity og frá leiknum. Við þökkum Maríu kærlega fyrir komuna og hlökkum til að þiggja boðið hennar um heimsókn á skrifstofuna! Þátturinn er í boði Elko Gaming og veitingastaðarins Le Kock!
45:31
March 03, 2021
42. Blizzcon Online 2021
Misstir þú af Blizzcon?  Ekki örvænta! Vinir þínir hjá Tölvuleikjaspjallinu horfðu á það fyrir þig og koma með samantekt í þætti vikunnar! Við ræðum helstu tilkynningar Blizzard og komum með okkar skoðun á málum.  Diablo IV, Diablo II Resurrected, WOW Classic og Overwatch 2. Er hægt að biðja um meira? Þátturinn er í boði Elko Gaming og veitingastaðarins Le Kock!
52:17
February 24, 2021
41. Mafia Definitive Edition
"Remember that money, jobs, even best pals will come and go. But family? Family is forever." Í þessum samstarfsþætti við Elko ræða Arnór Steinn og Gunnar endurgerðina á Mafia sem kom út árið 2002. Þessi leikur hefur verið gerður frá toppi til táar upp á nýtt og það sést heldur betur á öllum hliðum leiksins. Við ræðum söguþráðinn að einhverju leyti en við spillum ekki fyrir endinum né neinum mikilvægum sögupunktum, þannig að þú getur hlustað á þáttinn og spilað leikinn eftirá.  Við ræðum bílana, erfiðleikastigin, gunplay og allt mögulegt. Við erum nokkuð sammála um að þetta er mjög góður leikur og við mælum klárlega með honum. Við þökkum Elko alveg kærlega fyrir eintak af leiknum og hlökkum til að spila fleiri Mafia leiki! Þátturinn er í boði Elko Gaming og veitingastaðarins Le Kock!
53:08
February 17, 2021
40. Gælunöfn (e. nicknames) Íslendinga í Tölvuleikjum
Eitt af markmiðum Tölvuleikjaspjallsins er að rannsaka tölvuleikjamenningu Íslendinga.  Í þessum þætti uppfyllum við hluta af því markmiði OG gerum eitthvað sem er einstakt áhugamál þáttastjórnenda; Rannsökum gælunöfn (e. nicknames/nicks) Íslendinga í tölvuleikjum. Þau geta komið hvaðan sem er.  Arnór Steinn (keisaritunglsins) og Gunnar (Bismark) ræða meðal annars sín eigin gælunöfn og hvaðan þau koma. Við förum svo yfir hluta af niðurstöðum könnunar sem framkvæmd var á Facebook í upphafi janúar – en þar spurðum við fólk einfaldlega um að segja okkur söguna á bak við þeirra gælunafn. Rúmlega 280 manns svöruðu (!!!) sem þýðir að við náum ekki að koma öllu fyrir í einum þætti.  Planið er því að flokka gagnasafnið aðeins og gera bara fleiri þætti svo við náum að fara yfir það allt saman. Þið eruð öll snillingar, takk alveg æðislega fyrir þátttökuna! Þátturinn er í boði Elko Gaming og veitingastaðarins Le Kock!
42:07
February 10, 2021
39. GameTíví - Viðtal við Ólaf Þór Jóelsson
Tölvuleikjaspjallið er að miklu leyti starfandi í dag vegna þess að GameTíví lagði grunninn að íslenskri tölvuleikjaumfjöllun á sínum tíma.  Í þætti vikunnar fáum við Ólaf Þór Jóelsson, framkvæmdastjóra Senu og upphafsmann GameTíví í viðtal! Arnór Steinn og Gunnar ræða við hann um sögu GameTíví og hvernig þættinum gengur í dag, um VR aðstöðuna hjá Smárabíó, Playstation 5, Sinclair Spectrum tölvuna og margt, margt fleira. Við þökkum Óla kærlega fyrir komuna og hlökkum til að heyra í honum aftur! Þátturinn er í boði Elko Gaming og veitingastaðarins Le Kock!
01:08:37
February 03, 2021
38. Spider-Man
Spider-Man! Hvað þarf meira að segja?  Jæja ókei ... segjum aðeins meira. Hér tekur spilarinn upp þráð Köngulóarmannsins eftir átta ára feril og reynir að halda á lofti einkalífi Peter Parker og ferli hans við að berjast við glæpamenn.  Arnór Steinn og Gunnar ræða alla helstu þætti leiksins í algjörlega SPOILER FREE þætti. Hvað fannst ykkur um Spider-Man? Þátturinn er í boði Elko Gaming og veitingastaðarins Le Kock!
50:05
January 27, 2021
37. Arkham Knight
Hvað gerir góði kallinn þegar markmiði hans er náð? Í þessum lokaþætti okkar um Return to Arkham seríuna fjöllum við um Batman: Arkham Knight! Þessi frábæri leikur gerist níu mánuðum eftir atburði Arkham City. Hér þarf Blakan að kljást við hinn ógnarlega Scarecrow sem hefur hrætt líftóruna úr Gotham borg og hyggst gera allt sem hann getur til að sýna umheiminum að Batman er bara lítil og hrædd manneskja. Með honum í liði er hinn dularfulli Arkham Knight.  Batman þarf bæði að sigrast á Scarecrow en einnig þarf hann að leysa ráðgátuna um Riddarann ... hver er hann og hvernig þekkir hann Batman svona vel? Við tökum það fram að þátturinn er ekki laus við spoilera! Arnór Steinn og Gunnar ræða lokakaflann, kostina og gallanna, karakterana og umhverfið.  Hvað fannst þér um Arkham Knight? Fílaðir þú bílinn eða ekki? Þátturinn er í boði Elko Gaming og veitingastaðarins Le Kock!
01:06:16
January 20, 2021
36. Bónusþáttur! Lucasfilm Games og EA
Árið 2021 byrjaði á þeirri sprengju að EA væri ekki lengur með einkarétt á Star Wars leikjum.  Geta fréttir almennt verið betri? Nei við segjum svona.  En í þessum bónusþætti ræða Arnór Steinn og Gunnar um hið nýja Lucasfilm Games og hvað ákvörðunin þýðir fyrir framtíð Star Wars leikja. Tölvuleikjaspjallið hefur lengi kallað eftir því að EA missi einkaréttinn og það er mjög greinilegt að forkólfar Lucasfilm hafi hlustað á okkur og séu að taka ráðleggingum okkar fagnandi.  Við þökkum Lucasfilm (og ykkur hinum) að sjálfsögðu fyrir hlustið! Þátturinn er í boði Elko Gaming og veitingastaðarins Le Kock!
40:29
January 18, 2021
35. GTA V
Fyrir rétt rúmum sjö árum síðan kom út GTA V.  Tveimur leikjatölvukynslóðum síðar hefur leikurinn komið út á sjö tölvum og selt fleiri en 130 milljón eintök. Arnór Steinn og Gunnar ræða þennan ágæta leik en þar spilar þú sem þrír karakterar - Michael, Franklin og Trevor - og færir þá upp metorðastigann í undirheimum Los Santos. Við ræðum flestar hliðar leiksins, söguna, lúkkið, bílana og byssurnar.  Við geymum Online og margt annað fyrir aðra þætti - það er eiginlega ómögulegt að koma fyrir góðu spjalli um allar hliðar GTA V í einum þætti. Þátturinn er ekki laus við spoilera, þannig að ef þú ert ekki búin/n að spila GTA V þá máttu endilega drífa í því og hlusta svo á þennan þátt!  Þátturinn er í boði Elko Gaming og veitingastaðarins Le Kock!
01:06:41
January 13, 2021
34. Rafíþróttasambandið - Viðtal við Aron Ólafsson
Fyrsti þáttur ársins er ekki af verri gerðinni. V ið fengum til okkar í viðtal framkvæmdastjóra Rafíþróttasambands Íslands (RÍSÍ), Aron Ólafsson! Við förum um víðan völl í þessum ótrúlega skemmtilega þætti. Við byrjum á að heyra hvaðan Aron kemur „tölvuleikjalega“ séð og hvernig hans fyrstu kynni við mótahald í tölvuleikjum voru.  Seinni hluti þáttarins er um starf RÍSÍ og þá sérstaklega um óefnd loforð Reykjavíkurborgar um að styrkja rafíþróttalið í borginni. Sveitarfélög úti á landi eru að gera ótrúlega hluti hvað varðar rafíþróttir og það er leiðinlegt að rafíþróttir séu einhverskonar pólítísk skiptimynt í borgarstjórn. Tölvuleikjaspjallið þakkar Aroni kærlega fyrir komuna og við hlökkum mjög mikið til að fjalla meira um þessa stærstu íþrótt heims! Þátturinn er í boði Elko Gaming og veitingastaðarins Le Kock!
01:59:01
January 06, 2021
33. Áramótaþáttur Tölvuleikjaspjallsins
Tölvuleikjaspjallið kveður árið 2020 með stæl!  Rúmlega tveggja klukkustunda þáttur þar sem farið er um VÍÐAN völl og ýmsir hlutir ræddir í þaula! Arnór Steinn og Gunnar ræða hvernig það var að byrja hlaðvarp um tölvuleiki og söguna á bak við „heimastúdíóið“ hans Arnórs.  Við ræðum okkar uppáhalds þætti og alla þá leiki sem við höfum spilað á árinu, bæði nýja og eldri. Við tókum líka smá spurningakeppni úr þeim leikjum sem við höfum fjallað um ásamt því að svara spurningum hlustenda í "beinni!" Við ræðum stuttlega framtíðina, hvað við ætlum að gera árið 2021 og margt, MARGT annað!  Tölvuleikjaspjallið þakkar hlustendum fyrir ótrúlega gott ár, við þökkum líka Elko, Le Kock og Podcaststöðinni fyrir ótrúlega fallegt og gott samstarf. Segjum bless við þetta kúka ár og óskum hlustendum og ekki-hlustendum gleðilegrar hátíðar og farsældar á nýju ári! Þátturinn er í boði Elko Gaming og veitingastaðarins Le Kock!
02:12:26
December 30, 2020
32. Arkham City
Þorláksmessuþátturinn þetta árið er Batman: Arkham City!  Í þessum frábæra framhaldsleik Arkahm Asylum skellir þú blökuhettunni á þig, mundar blökuverplana og byrjar að berja alla vondu kalla Gotham borgar. Í þetta sinn er það hin fluggáfaði Hugo Strange sem hefur klófest fátækrahverfi borgarinnar og búið til hið alræmda Arkham City ofurfangelsi utan um. Blakan neyðist til að fljúga í gegnum fangelsið og berjast við enn fleiri kunnug andlit úr myndasögunum. Ásamt Strange og hinum alræmda Jóker þá tekst þú á við Penguin, Two-Face, Killer Croc og hinn dularfulla Ra's Al Ghul. Og já, þú færð einnig að spila sem Kattakonan.  Arnór Steinn og Gunnar fara yfir allt sem þarf að tala um í leiknum. Þeir eru ósammála um ágæti hans, annar þeirra segir að hann sé frábær en hinn telur eitthvað vanta upp á. Getið þið giskað hvor segir hvað?  Þátturinn er í boði Elko Gaming og veitingastaðarins Le Kock!
51:38
December 23, 2020
31. Cyberpunk 2077
**ÞETTA ER ALGJÖRLEGA SPOILER FREE ÞÁTTUR**  Hann er loksins kominn! Eftir margra ára bið er þessi risastóri leikur kominn í hendur spilara. Í þessum samstarfsþætti okkar við Elko Gaming fjöllum við um Cyberpunk 2077. Hann gerist í steiktri framtíð þar sem bilið á milli manna og vélmenna hefur minnkað allsvakalega. Það eru meira en sjö ár frá því að hann var kynntur og því fannst okkur upplagt að taka saman nokkra hluti sem hafa gerst á þessum sjö árum.  Við ræðum combat kerfið, karakter-creation kerfið, tökum stutt viðtal við Daníel Frey Swenson sem er hype-málaráðherra Cyberpunk á Íslandi og tökum almennt fyrir okkar fyrstu kynni af leiknum.  Eins og áður kom fram þá er þetta algjörlega spoiler free þáttur, við tölum ekki neitt um söguna, ræðum bara gameplay og okkar reynslu hingað til. Við hlökkum ótrúlega mikið til að gera fleiri þætti um þennan leik, þið megið búast við þeim á næsta ári! Þátturinn er í boði Elko Gaming og veitingastaðarins Le Kock!
01:14:13
December 16, 2020
30. Assassin's Creed: Valhalla
Ert þú ekki búin/n að leita að spoiler-free þætti um Assassin‘s Creed Valhalla í margar vikur?  Leitaðu ekki lengra, því strákarnir í Tölvuleikjaspjallinu eru búnir að græja hann fyrir þig! Í þessum samstarfsþætti okkar við Elko Gaming förum við yfir víkinga RPG leikinn sem mikil spenna hefur verið fyrir. Þú stýrir víkingnum Eivor í gegnum Noreg og England þar sem þú þarft að mynda vinasambönd við smá- og stórkonunga, sefa illdeilur og kljást við hina dularfullu Reglu, sem aðdáendur AC seríunnar þekkja sem Templarana.  Leikurinn er fjölbreytt og skemmtilegt stökk frá fyrri leikjum og það var ótrúlega gaman að spjalla um hann. Ert þú búin/n að spila leikinn eða ertu að bíða eftir PS5? Í báðum tilfellum er þessi þáttur fyrir þig! Þátturinn er í boði Elko Gaming og veitingastaðarins Le Kock!
01:19:18
December 09, 2020
29. Fallen Order
Ekki skera þig úr, gleymdu fortíðinni og ekki treysta neinum. Þetta eru orðin sem Cal Kestis, padawan á tímum Jedi hreinsunarinnar þurfti að tileinka sér til að lifa af, hundeltur af veiðimönnum Veldisins.  Í þessum þætti ræða Arnór Steinn og Gunnar leikinn Star Wars: Fallen Order! Hann kom mjög á óvart þegar hann kom út í fyrra og í tilefni af eins árs afmæli leiksins þá rifja þeir hann upp. Hér stýrir maður fyrrnefndum Cal Kestis, en Veldið finnur hann eftir fimm ára feluleik og hann neyðist til að leggja á flótta. Með hjálp fyrrum Jedi meistara þarf Cal að bjarga lista yfir force-sensitive börn úr klóm Veldisins. Ef þú ert ekki búin/n að spila Fallen Order þá er þessi SPOILER FREE þáttur klárlega málið.  Þátturinn er í boði Elko Gaming og veitingastaðarins Le Kock!
01:03:21
December 02, 2020
28. Myrkur Games - viðtal við Halldór Snæ
Tölvuleikjaspjallið fjallar loksins um innlenda tölvuleikjaframleiðendur eins og hlustendur hafa beðið okkur um!  Arnór Steinn og Gunnar ræða hér við Halldór Snæ Kristjánsson, framkvæmdastjóra Myrkur Games, en þar vinna metnaðarfullir tölvuleikjaáhugamenn að stórum og spennandi leik. Hann talar um sitt upphaf í tölvuleikjaspilun og hvaða leikir höfðu helst áhrif á hann. Svo talar hann um stofnun fyrirtækisins og hversu auðvelt það var að fá hjálp frá fólki í iðnaðnum. Myrkur Games er að framleiða leikinn The Darken. Halldór segir Arnóri og Gunnari allt sem hann gat um þetta spennandi verkefni. Þetta er ein skemmtilegasta upptaka Tölvuleikjaspjallsins og við hlökkum mikið til að spjalla frekar við fólk úr iðnaðnum! Þátturinn er í boði Elko Gaming og veitingastaðarins Le Kock!
01:25:17
November 25, 2020
27. Watch Dogs: Legion
Hefur þig alltaf langað til að hakka þig inn í síma fólks og gefa þeim raflost?  Ef svo er þá er mögulega eitthvað smá í ólagi hjá þér, en þú getur gert nákvæmlega þetta og margt meira í leiknum Watch Dogs: Legion! Í þessum SPOILER FREE samstarfsþætti okkar við Elko Gaming ræðum við nýjasta leikinn í WD seríunni. Sögusviðið er London í náinni framtíð þar sem tækni hefur tekið yfir flestar hliðar mannlegs samfélags. Hakkarahópurinn Dedsec þarf að hreinsa mannorð sitt eftir að hryðjuverkahópur kennir þeim um nokkrar sprengingar. Þitt hlutverk er að koma af stað andspyrnuhreyfingu á meðal borgarbúa.  Hvern leikur þú í leiknum? Jú, alla borgarbúana! Allt að níu milljón mögulegir spilanlegir karakterar í leiknum, öll með mismunandi eiginleika. Byrjaðu að hakka og frelsaðu London! Þátturinn er í boði Elko Gaming og veitingastaðarins Le Kock!
59:51
November 18, 2020
26. Star Wars: Squadrons
Hversu mikið langar þig til að fljúga X-Wing eða Tie Fighter og fljúga um geiminn? Núna er það hægt!  Í þessum samstarfsþætti við Elko Gaming ræðum við um Star Wars Squadrons! Hann kom út fyrir stuttu síðan og þar er spilað geimflaugabardaga í fyrstu persónu! Það hljómaði spennandi þegar við töluðum stuttlega um það í síðasta Stjörnustríðsþætti (númer 7) og það hljómar spennandi núna! Leikurinn gerist stuttlega eftir atburði Return of the Jedi og uppreisnarherinn hefur breyst í Nýja Lýðveldið. Veldið er enn til staðar þrátt fyrir að Palpatine keisari sé dauður.  Þú velur þér tvær spilanlegar persónur, eina í liði Nýja Lýðveldisins og eina í liði Veldisins. Sagan skiptist á milli þessara tveggja sjónarhorna og maður flýgur fjórum geimflaugum hjá hvorri hlið.  Arnór Steinn og Gunnar ræða hér leikinn í þaula, bæði söguna og multiplayer hliðina. Hvað fannst þér um Star Wars Squadrons?  Þátturinn er í boði Elko Gaming og veitingastaðarins Le Kock!
42:13
November 11, 2020
25. Arkham Asylum
Eins og einhver orðaði það, þá er þetta eini hryllingsleikurinn þar sem ÞÚ ert hryllingurinn.  Já heldur betur, í þessum samstarfsþætti við Elko Gaming ætlum við að ræða þrekvirkið Arkham Asylum sem kom út árið 2009. Leikurinn sló algjörlega í gegn en þar fær maður að stýra Batman í þriðju persónu um Arkham eyju og Arkham geðspítalann. Jókerinn hefur náð völdum og þú þarft að nýta öll vopn í búri Blökunnar til að leysa ráðgátur vondukallanna ásamt því að berja algjörlega úr þeim líftóruna.  Hér er einnig um að ræða fyrsta leikinn sem notaði svokallað "free-flowing" bardagakerfi en það er næstum því einsdæmi ef tölvuleikir í dag nota ekki það kerfi.  Arnór Steinn og Gunnar spiluðu leikinn (í ræmur) og ræða allt um hann hér. Hvað fannst þér um Arkham Asylum?  Þátturinn er í boði Elko Gaming og veitingastaðarins Le Kock!
51:25
November 04, 2020
24. Hrekkjavöku Sérþáttur
Hver er hryllilegasta tölvuleikjaupplifunin þín?  Þetta er ein af mörgum spurningum sem Arnór Steinn og Gunnar spyrja hvern annan í þessum fyrsta HREKKJAVÖKUSÉRÞÆTTI TÖLVULEIKJASPJALLSINS! Eins og alþjóð veit þá eru þeir báðir algerir aumingjar og kjúklingar og þora ekki að spila neina hryllingsleiki. Samt spjalla þeir um sínar upplifanir af hryllingsleikjum (sem eru furðulega margar miðað við kjúklingaskapinn í þeim), almennt um af hverju fólk spilar hryllingsleiki og líka um þá skoðun að hryllingsleikir bera að einhverju leyti ábyrgð á streymara-sprengingunni sem hefur átt sér stað síðustu ár.  Tölvuleikjaspjallið óskar hlustendum og öllum öðrum gleðilegrar hrekkjavöku! Haldið ykkur heima og þvoið ykkur um hendur! Þátturinn er í boði Elko Gaming og veitingastaðarins Le Kock!
50:51
October 31, 2020
23. Portal
Nostalgíukast vikunnar er í boði Tölvuleikjaspjallsins!  Hefur þig ekki alltaf langað til þess að fara í gegnum ógeðslega steikta þrautabraut með einhverskonar gátta-byssu á meðan tölvukerfi niðurlægir þig og kallar þig morðingja? Ef svo er, þá er Portal leikurinn fyrir þig!  Fyrsti Portal leikurinn kom út árið 2007 og sló rækilega í gegn. Þar spilar þú sem Chell, en hún prufukeyrir gáttabyssuna í gegnum nokkuð margar þrautabrautir á meðan tölvukerfið GLADoS kallar þig öllum illum nöfnum. Í næsta leik ert þú aftur Chell. Þá eru fleiri borð, skemmtilegri þrautir og annað morðótt vélmenni að hóta þér öllu illu.  Arnór Steinn og Gunnar ræða hér báða Portal leikina og áhrifin sem leikirnir höfðu. Hvað finnst þér, kæri hlustandi? Standast þeir tímans tönn eða eru þeir barn síns tíma?  Þátturinn er í boði Elko Gaming og veitingastaðarins Le Kock!
46:08
October 28, 2020
22. Ömurlegar Tölvuleikjakvikmyndir II: Hitman myndirnar
Hefur þig alltaf langað til að horfa á allar þær ömurlegu tölvuleikjakvikmyndir sem til eru en þorir ekki að taka skrefið? H afðu ekki áhyggjur, því að Arnór Steinn og Gunnar hjá Tölvuleikjaspjallinu horfa á þær fyrir þig og gera svo þátt! Í dag ræða þeir um tvær myndir. Gunnar horfði á Hitman myndina frá 2007 þar sem Timothy Olyphant rakaði hausinn sinn og skaut fullt af fólki sem hinn goðsagnakenndi leigumorðingi. Arnór horfði á Hitman: Agent 47 frá árinu 2015 þar sem Rupert Friend rakaði hausinn sinn og skaut svo fullt af fólki sem, já, sami goðsagnakenndi leigumorðinginn. Þeir hafa sitt að segja um þessar ... tja ... ekki góðu myndir, en þeim tekst þó alltaf að finna eitthvað gott til að segja. Hefur þú séð aðra hvora? Jafnvel báðar? Hvaða aðrar ömurlegu tölvuleikjakvikmyndir dettur þér í hug? Þátturinn er í boði Elko Gaming og veitingastaðarins Le Kock!
01:03:32
October 21, 2020
21. Xbox X Series X
Eru “the console wars” búin?  Við reynum að svara þessari erfiðu spurningu í þætti vikunnar þar sem við fjöllum um Xbox í öllu sínu veldi. Aðal efnið eru auðvitað nýju tölvurnar – Series X og Series S. Við ræðum bara um skemmtilegu hlutina og berum tölvuna meðal annars saman við Playstation 5. Við ræðum líka mögulega hvað Microsoft er að pæla með allar þær breytingar sem fylgja nýju tölvunum.  Við tökum einnig fyrir Showcase þáttinn sem Xbox sýndi núna í júlí. Leikirnir sem eru að koma þar eru allir áhugaverðir og er margt skemmtilegt þar að sjá. Þátturinn fór aðeins út í rugl þegar Arnór og Gunnar fóru út í samsæriskenningar, Bill Gates og framtíð tölvuleikja. Satt best að segja þá skemmtum við okkur báðir mjög mikið við að taka þennan upp.   Ætlar þú að fá þér Xbox eða PS5? Kannski bæði? Endilega láttu okkur vita! Þátturinn er í boði Elko Gaming og veitingastaðarins Le Kock!
01:09:47
October 14, 2020
20. Fall Guys
Á þessum óvissutímum er gott að gera það sem okkur öll dreymir. Vera bollukall og hlaupa niður þrautabraut með 59 öðrum bolluköllum og reyna að vinna kórónu. Allavega er það plottið í meistarastykkinu FALL GUYS! Þessi ótrúlega skemmtilegi partí-MMO-battle royale leikur kom út í ágúst og sló rækilega í gegn. Arnór Steinn og Gunnar fara í saumana á leiknum og ræða allt sem hægt er að ræða. Þrautabrautirnar, lúkkið, tónlistina og stemninguna! Hefur þú prófað Fall Guys? Láttu okkur vita hvað þér finnst!  Þátturinn er í boði Elko Gaming og veitingastaðarins Le Kock!
53:18
October 07, 2020
19: Bónusþáttur! Tölvuleikir og heimsfaraldur II
Ertu í sóttkví? Heimavinnandi út af heimsfaraldrinum?  Hentu þá þessum bónusþætti af Tölvuleikjaspjallinu í eyrað og hlustaðu á Arnór Stein og Gunnar bulla! Við gerðum svipað í þætti 8, hér ræðum við leiki sem okkur finnst sniðugt að prófa þegar maður neyðist til að vera heima vikunum saman vegna heimsfaraldursins. Þeir ræða m.a. hvað þeir eru að spila í dag og taka fyrir nokkra leiki sem eru góð tímaeyðsla. Við viljum líka nota tækifærið og fá að heyra betur í hlustendum. Eruð þið búin að þurfa að hanga heima dögunum saman einhverntímann frá því að heimsfaraldurinn tók yfir? Endilega látið okkur vita, segið okkur hvað þið spiluðuð og hvernig ykkur gekk! Tölvuleikjaspjallið óskar öllum hlustendum sínum góðs gengis í þessu ömurlega ástandi. Saman sigrumst við á þessu. Hlýðum yfirvöldum og verum góð hvort við annað!  Þátturinn er í boði Elko Gaming og veitingastaðarins Le Kock!
51:59
October 05, 2020
18. No Man's Sky vs. Outer Worlds
Það er aftur komið að því! Arnór Steinn kynnir leik fyrir Gunnari og Gunnar kynnir leik fyrir Arnóri.  Í þetta skiptið er smá þema, báðir leikirnir gerast úti í geimi!  The Outer Worlds kom út í október 2019 og er RPG leikur frá Obsidian. Sögusviðið er stjörnuþokan Halcyon sem er "nýlenda" jarðarinnar í himingeimnum. Skipið Hope, með hundrað þúsund manns frosin um borð, fór frá jörðinni til Halcyon en eitthvað bilaði á leiðinni. Skipið reikaði rafmagnslaust um himingeiminn í nærri því 70 ár þangað til að vísindamaðurinn og útlaginn Phineas Welles  braust um borð og frelsaði einn farþega úr frystikistunni - þig! Hefur þú það sem þarf til að bjarga Halcyon frá glötun?  No Man's Sky er mjög óhefðbundinn leikur sem kom út árið 2016. Útgáfan var mjög umdeild en leikurinn var nokkuð langt frá því að vera það sem var lofað. Reiði og vonbrigði tölvuleikjaspilara var svo gífurleg að tölvuleikjamarkaðurinn breyttist að miklu leyti. Í dag er leikurinn talsvert betri og er eiginlega orðinn það sem lofað var í byrjun. Þú leikur the Traveller sem vaknar á fjarlægri plánetu með ónýtt geimskip. Þú þarft að laga skipið og hefur svo risa stóra stjörnuþoku til að skoða, safna allskonar efnivið, læra geimverutungumál og stækka skipið þitt!  Hefur þú spilað annan hvorn? Þátturinn er í boði Elko Gaming og veitingastaðarins Le Kock!
01:03:00
September 30, 2020
17. Besti Tölvuleikjakarakterinn
Hver er raunverulega besti tölvuleikjakarakter allra tíma?  Í þessum þætti ræða Arnór Steinn og Gunnar niðurstöður könnunar sem lögð var fyrir Facebook hópana Tölvuleikjasamfélagið og Tölvuleikir - Spjall fyrir Alla. Þar var einfaldlega spurt: Hver er besti spilanlegi tölvuleikja karakterinn?  Svörin voru mörg og alveg ótrúlega fjölbreytt. Arnór og Gunnar tóku saman niðurstöðurnar úr báðum hópum og ræða topp fimm karakterana sem voru kosnir. Þar er ákveðin fjölbreytni, en mikill aldursmunur er á milli karakteranna. Einn þeirra kom fyrst fram á sjónarsviðið fyrir þrjátíu (já, þrjátíu!) árum síðan, einn þeirra segir ekki eitt aukatekið orð í öllum leikjunum sem hann kemur fram í og einn getur verið bæði karl og kona.  Við tökum líka fyrir nokkra karaktera sem komust ekki fyrir í topp fimm.  Margir kusu óspilanlega karaktera (NPC) en við vorum að leitast eftir besta spilanlega karakternum hér. Við ætlum klárlega að spyrja um bestu NPC allra tíma líka og gera þátt.  Við höfum líka í huga að gera þátt um bestu kvenkyns spilanlegu karakterana. Það er af nógu að taka!  Hver er uppáhalds karakterinn þinn? Var hann á þessum lista? Endilega láttu okkur vita! Þátturinn er í boði Elko Gaming og veitingastaðarins Le Kock!
46:28
September 23, 2020
16. Playstation 5
Það má segja að allir hafi fengið eitthvað fyrir sig á Playstation 5 sýningunni í gær!  Sony staðfesti loksins útgáfudag fyrir tölvuna og sýndi efni úr nokkrum leikjum, bæði þeim sem hafa þegar verið kynntir og úr nokkrum óvæntum. Arnór Steinn og Gunnar ræða almennt um tölvuna og um allt það sem er staðfest. Þeir fjalla um alla þá leiki sem kynntir voru til sögunnar á sýningunni, en þar er af mörgu að taka.  Final Fantasy XVI, Resident Evil VII, Hogwarts Legacy, Deathloop, Demon‘s Souls Remake og að sjálfsögðu God of War: Ragnarök!  Þessi þáttur er unninn í samstarfi við Elko og er einnig í boði Le Kock.
53:32
September 17, 2020
15. Far Cry 5
Hefur þú það sem þarf til að sigra þungvopnaðan sértrúarsöfnuð? Í þessum þætti ræða Arnór Steinn og Gunnar leikinn Far Cry 5. Hann fylgir svipuðu þema og fyrri leikir, þar sem leikmaðurinn þarf að frelsa stórt svæði frá einhverjum hópi. Þessi leikur, ólíkt hinum, gerist í Bandaríkjunum, á meðan fyrri leikir gerðust á mjög framandi svæðum. Sögusviðið er Hope sýsla í Montana ríki. Þar hefur öfgatrúarhópurinn Project at Eden‘s Gate tekið yfir allar hliðar samfélagsins og einokað íbúa frá umheiminum. Þú stýrir lögreglumanni eða konu sem þarf að leiða byltingu gegn hópnum og frelsa sýsluna.  Leikurinn býður upp á fjölbreytt úrval vopna, ökutækja og bardagamann sem geta slegist í för með þér. Leikurinn fékk ágæta dóma en var þó smá umdeildur.  Arnór og Gunnar ræða allar hliðar leiksins (enda er þátturinn aðeins lengri en venjulega) og aðeins um Far Cry seríuna í heild. Þátturinn er ekki alveg spoiler-free. Við kjöftum ekki frá endinum en við tölum frekar mikið um aðra sögupunkta í leiknum sem ekki allir vilja endilega heyra.  Hvað fannst þér um Far Cry 5?  Þátturinn er í boði Elko Gaming og veitingastaðarins Le Kock!
01:15:29
September 16, 2020
14. Ömurlegar Tölvuleikjakvikmyndir: Super Mario Bros og Street Fighter
Hver er versta tölvuleikjakvikmynd sem þú hefur séð?  Við höfum séð andskoti margar og því ákváðum við að henda í nýja þáttategund sem við ætlum að kalla "Ömurlega Tölvuleikjakvikmyndir"!  Hér horfir Arnór Steinn á eina mynd, Gunnar á aðra og svo kynna þeir myndirnar fyrir hvor öðrum. Við tölum um hvað þær eru ömurlegar, hvort það sé eitthvað gott í þeim og svo í lokin hvort við mælum með þeim.  Gunnar fékk þann heiður að horfa á allra fyrstu tölvuleikjakvikmyndina, en hún heitir Super Mario Bros og er (mjög lauslega) byggð á Super Mario leikjaseríunni.  Arnór Steinn horfði á Street Fighter myndina sem er byggð á Street Fighter seríunni.   Báðar myndirnar eru í stuttu máli hrikalegar, en önnur þeirra er bara nokkuð skemmtileg þrátt fyrir það. Hvor þeirra ætli það sé? Þátturinn er í boði Elko Gaming og veitingastaðarins Le Kock!
01:00:23
September 09, 2020
13. The Last of Us: Part Two
Hvað þurfa hin síðustu okkar að hugsa út í? Uppvakningum með ofurheyrn? Ofbeldisfullum villimönnum? Skort á skotfærum? Öllu þessu í einu?  Það er eiginlega staðan í tölvuleiknum The Last of Us: Part II og það sem við ætlum að ræða í þessum samstarfsþætti okkar við Elko og Elko Gaming.   Fimm ár eru liðin frá atburðum fyrri leiks. Ellie er nítján ára gömul og þarf að takast á við nýjar áskoranir í ömurlegu landslagi Bandaríkjanna. Við kynnumst einnig nýrri persónu, Abby, en sögur þeirra tvinnast á spennandi hátt. Arnór Steinn og Gunnar ræða þennan frábæra leik á alveg spoiler-free nótum. Þeir ræða öll helstu svið spilunarinnar og mæla annaðhvort með eða á móti leiknum.  Þorði Arnór að spila hann með heyrnartólum í myrku herbergi eins og Gunnar? Þið komist að því aðeins með því að hlusta! Þátturinn er einnig í boði veitingastaðarins Le Kock!
47:19
September 02, 2020
12. Draugurinn í Tsushima
Hefur þig ekki alltaf langað til þess að vera samúræji?  Í þessum fyrsta samstarfsþætti okkar við Elko förum við í saumana á leiknum The Ghost of Tsushima. Hann kom út í sumar við frábærar viðtökur.  Leikurinn gerist árið 1274 þegar Mongólar undir stjórn harðstjórans Khotun Khan réðust á eyjuna Tsushima í Japan. Þú stýrir Jin Sakai, sem er samúræji og síðasti eftirlifandi erfingi Sakai ættarinnar. Jin neyðist til að beygja allar reglur samúræjanna til að brjóta á bak innrás mongólanna – sem hefur í för með sér afleiðingar sem hann gat ekki séð fyrir.  Arnór og Gunnar spiluðu leikinn og spjalla um allt sem þarf að vita. Engin höskuldarviðvörun (e. spoiler alert) fylgir leiknum, þannig að ef þú hefur ekki spilað hann þá þarftu ekki að hafa áhyggjur, við munum ekki eyðileggja söguna fyrir þér. Ef þú ert hins vegar búinn að spila Ghost of Tsushima máttu endilega segja okkur hvað þér finnst!  Tölvuleikjaspjallið þakkar Elko kærlega fyrir samstarfið og okkur hlakkar mjög til að vinna meira með þeim!
01:03:53
August 26, 2020
11. Stelpur í tölvuleikjum - Viðtal við Jönu Sól
Í þessum fyrsta viðtalsþætti Tölvuleikjaspjallsins ræða Arnór Steinn og Gunnar við Jönu Sól Ísleifsdóttur, streymara og mótshaldara!  Hún hefur látið sig ýmist varða í málefnum stelpna í tölvuleikjum. Hún talar við þá um það áreiti sem hún hefur fengið á sig fyrir að vera stelpa í tölvuleikjum. Vandamálið virðist oft vera að fólk neitar að viðurkenna það að stelpur og konur verða fyrir áreiti í online leikjum - bara út af kyni sínu. Stelpur spila oft á reikningum bræðra sinna eða maka og nota ekki hljóðnema, til að losna við áreiti.  Þau ræða líka á léttu nótunum um Overwatch, singleplayer vs multiplayer og Facebook hópinn "Gömul Íslensk Skip". Já. Það gerðist. Fylgið Jönu á Twitch og Instagram; @twintailfox.  Þátturinn er í boði veitingastaðarins Le Kock!
56:41
August 19, 2020
10. Fallout 4
Þetta er allt gott og blessað, en önnur nýlenda sárlega þarfnast þinnar hjálpar! Hlustendur báðu um þetta og við hlustuðum! Hér er hinn eini sanni Fallout 4 í allri sinni dýrð. Eftir kjarnorkustyrjöld sem meira og minna grandaði öllum heiminum fóru lítil samfélög að myndast hér og hvar í Bandaríkjunum. Í Fallout 3 fengum við að ferðast um höfuborgarsvæði Bandaríkjanna, í New Vegas fórum við um Mojave eyðimörkina en í númer 4 drekkum við í okkur Boston og svæðið þar í kring.  Arnór og Gunnar hafa báðir spilað þennan leik nokkuð mikið en það eru skiptar skoðanir á ágæti hans. Er þetta góður leikur í raun og veru? Hefur Gunnar þolinmæði í að byggja nýlendur? Getur Arnór ráðið við það að aðalpersónan talar?  Hvað fannst þér um Fallout 4? Þátturinn er í boði veitingastaðarins Le Kock!
53:48
August 12, 2020
9. Leikurinn hans Gunnars! Giants: Citizen Kabuto
Bíddu ... bíddu, hvaða leikur? Í þessum fyrsta framhaldsþætti Tölvuleikjaspjallsins köfum við ofan í leikinn sem Gunnar talaði um í fyrsta þætti, Giants: Citizen Kabuto! Nostalgían hans og æska einkennast að miklu leyti af þessum leik.  Arnór tók sig til og keypti hann og spilaði í gegn. Hvernig var fyrir hann að spila e l d gamlan leik sem hann hafði aldrei heyrt um áður? Fannst honum leikurinn geggjaður eða var hann ömurlegur? Er vinátta Arnórs og Gunnars lokið? Þú finnur það út með því að hlusta á þáttinn!!! ... þú kannski finnur það líka út ef það koma ekki út fleiri þættir ...  Við mælum eindregið með því að kíkja á fyrsta þáttinn til að rifja upp umræðuna ef þið hafið ekki enn gert það. Og líka bara að hlusta á alla hina þættina!
44:58
August 05, 2020
8. Bónusþáttur! Tölvuleikir og heimsfaraldur
Þarftu að hanga heima í sóttkví eða jafnvel einangrun? Eins gott að við höfum tölvuleiki! Í þessum óvænta bónusþætti ræða Arnór og Gunnar um tölvuleiki og ástandið sem skapast hefur á landinu vegna heimsfaraldursins. Við þurftum mörg hver að hanga heima í vor og það virtist henta tölvuleikjaspilurum nokkuð vel. Þeir ræða hvaða leiki þeir spiluðu í samkomubanninu og hvað þeir hyggjast spila núna þegar búið er að tilkynna aftur frekari aðgerðir í samfélaginu. Að lokum mæla þeir með nokkrum leikjum sem henta vel ef maður þarf að fara í sóttkví eða einangrun.  Í þessum þætti heyrið þið líka nýtt inngangslag sem þúsundþjalasmiðurinn Alexander Maron samdi fyrir okkur. Við þökkum kærlega fyrir það!
56:45
July 31, 2020
7. Stjörnustríðstölvuleikir
Fyrir langa löngu síðan í leikjatölvu langt langt í burtu …  Þessi þáttur er tileinkaður öllum þeim Star Wars leikjum sem komið hafa út, og fjandinn hafi það þeir eru MARGIR. Hér fjöllum við um handfylli af Stjörnustríðsleikjum, spáum í þeim og spökulerum og veltum fyrir okkur hinni eilífu spurningu … hvernig er góður Star Wars leikur?  Arnór og Gunnar ræða meðal annars um KOTOR, Force Unleashed, LEGO Star Wars (að sjálfsögðu) og nýjasta leikinn Fallen Order. Við tölum líka um lítt þekktari leiki og nokkra sem urðu aldrei að veruleika. Vegna tímamarka ákváðum við að tala ekki um Battlefront seríuna en við ætlum að gera sér þátt um þá umdeildu snilld.  Hver er besti Star Wars leikur allra tíma? Hver er sá versti?
01:00:30
July 29, 2020
6. Gömlu Góðu GTA
Hver er raunverulega besti GTA leikurinn af þessum gömlu? Þá erum við að tala um Claude, Tommy Vercetti og Carl Johnson. Við stýrðum þessum snarbiluðu geðsjúklingum upp stiga glæpaheims Rockstar í þremur mis góðum leikjum.  GTA III átti sér stað í Liberty City og það þarf ekki að skafa af því - hann gjörbreytti tölvuleikjaspilun þegar hann kom út árið 2001. GTA Vice City kom út aðeins einu ári síðar með neonlýstri borg sem minnir á Miami. Strax voru verstu gallar III leystir og leikurinn algjörlega frábær. GTA San Andreas sópaði svo keppinautunum af borðinu árið 2004. Þrjár stórar borgir, fjölbreytt spilun og feykinóg af samfélagsádeilunni sem Rockstar getur heldur betur stært sig af. Arnór og Gunnar kryfja þessa þrjá leiki og kanna hvort þeir standist tímans tönn. Þeir eru ekki sammála um það hver þeirra er bestur, en hvað segir þú hlustandi góður? Hvaða gamli GTA leikur er bestur? Hver er verstur?  Lag: Aries Beats
55:21
July 22, 2020
5. Black&White og Hotline Miami
Hvað hefur Gunnar spilað sem Arnór hefur ekki spilað? Hvað hefur Arnór spilað sem Gunnar hefur ekki spilað?  Spjall vikunnar er einhvernveginn á þessa leið. Gunnar kynnir fyrir Arnóri "guðaleikinn" Black & White, en sá leikur er úr smiðju mannsins á bakvið Fable seríuna. Þar er spilarinn guð sem þarf að redda sér fylgjendum og búa til heim - þú ræður hvort þú ert vondur eða góður guð.  Arnór kynnir fyrir Gunnari Hotline Miami sem er ofbeldisfull neonsýra. Grímur, byssur, blóð og gjörsamlega ómögulega erfið spilun. Svona ... í stuttu máli.  Hefur þú spilað annan hvorn?  Lag: Aries Beats
48:38
July 15, 2020
4. Af hverju spilum við tölvuleiki?
Svona í alvörunni, hvers vegna gerum við þetta eiginlega? Í þessum þætti taka Arnór og Gunnar (ekkert svakalega) heimspekilega umræðu sem tölvuleikjaaðdáendur hafa ef til vill oft spurt sig: Af hverju spilum við tölvuleiki? Hvað er svona gaman við það að deyja þúsund sinnum á móti einum vondukalli? Skipta afreksverðlaun (e. achievements) einhverju máli? Eru tölvuleikir í rauninni bara hollir og góðir fyrir heilsuna? Við reynum eftir bestu getu að svara öllum þessum spurningum.  En þú, kæri hlustandi? Af hverju spilar þú tölvuleiki?  Lag: Aries Beats
45:58
July 08, 2020
3. Red Dead Redemption 2
Hvað er það sem gerir góðann mann?  Í þessum þætti ræða Arnór Steinn og Gunnar Rockstar leikinn Red Dead Redemption 2. Útlagaöld bandaríska vestursins er að líða undir lok. Kúrekinn Arthur Morgan hefur margt á sinni könnu. Ekki nóg með að halda genginu sínu lifandi í heim sem er búinn að afneita þeim, þá þarf hann einnig að finna sinn stað í heiminum og hvaða tilgangi hann þjónar.  Þeir ræða spilunina, söguna, auka missions og margt, margt fleira.  Hvað fannst þér um Red Dead Redemption 2?  Lag: Aries Beats
44:01
July 06, 2020
2. Skyrim
Þú kannt að eitthvað um seyði, nennirðu að brugga handa mér öl? Í þessum þætti ræða Arnór Steinn og Gunnar tímamótaleikinn The Elder Scrolls V: Skyrim. Hvar stendur hann í dag - tæpum tíu árum eftir útgáfu? Þeir ræða mismunandi spilunarhætti, um söguna og margt, margt fleira. Er þetta raunverulega góður leikur eða er nostalgíutilfinningin að skemma fyrir okkur? Hvaða einkunn myndir þú gefa Skyrim eftir allan þennan tíma?  Lag: Aries Beats
55:07
July 03, 2020
1. Leikjaspjall
Verið velkomin í glænýtt vikulegt hlaðvarp um tölvuleiki! Í þessum fyrsta þætti kynnumst við stjórnendunum, Arnóri Steini og Gunnari. Þeir ræða  mikilvægasta hlutann í lífi tölvuleikjaspilara: upphafið. Hvað spiluðu þeir fyrst? Hvaða leikir mótuðu spilunina? Voru það leikir úr kornflex pökkum eða var NES tölva á heimilinu? Allt um það og meira í þessum þætti! Lag: Aries Beats
44:06
July 01, 2020