R2 L2 Tölvuleikjaspjallið

R2 L2 Tölvuleikjaspjallið

By Podcaststöðin
Tölvuleikjaspjallið eru vikulegir þættir með almennum umræðum um tölvuleiki og leikjastefnur, umsögnum um leiki auk frétta úr tölvuleikjaheiminum.
Where to listen
Apple Podcasts Logo
Breaker Logo
Google Podcasts Logo
Overcast Logo
Pocket Casts Logo
RadioPublic Logo
Spotify Logo
10. Fallout 4
Það er komið að því! Hlustendur sýndu áhuga og við hlustuðum! Hér er hinn eini sanni Fallout 4 í allri sinni dýrð. Eftir kjarnorkustyrjöld sem meira og minna grandaði öllum heiminum fóru lítil samfélög að myndast hér og hvar í Bandaríkjunum. Í Fallout 3 fengum við að ferðast um höfuborgarsvæði Bandaríkjanna, í New Vegas fórum við um Mojave eyðimörkina en í númer 4 drekkum við í okkur Boston og svæðið þar í kring. Arnór og Gunnar hafa báðir spilað þennan leik nokkuð mikið en það eru skiptar skoðanir á ágæti hans. Er þetta góður leikur í raun og veru? Getur Arnór ráðið við það að aðalpersónan talar? Hvað fannst þér um Fallout 4?
53:47
August 12, 2020
9. Leikurinn hans Gunnars! Giants: Citizen Kabuto
Í þessum fyrsta framhaldsþætti R2L2 köfum við ofan í leikinn sem Gunnar talaði um í fyrsta þætti, Giants: Citizen Kabuto! Nostalgían hans og æska einkennast að miklu leyti af þessum leik. Arnór tók sig til og keypti hann og spilaði í gegn. Hvernig var fyrir hann að spila e l d gamlan leik sem hann hafði aldrei heyrt um áður? Fannst honum leikurinn geggjaður eða var hann ömurlegur? Er vinátta Arnórs og Gunnars lokið? Þú finnur það út með því að hlusta á þáttinn og þú kannski finnur það líka út ef það koma ekki út fleiri þættir. Við mælum eindregið með því að kíkja á fyrsta þáttinn til að rifja upp umræðuna ef þið hafið ekki enn gert það.
44:57
August 5, 2020
8. Bónusþáttur! Tölvuleikir og heimsfaraldur
Í þessum óvænta bónusþætti ræða Arnór og Gunnar um tölvuleiki og ástandið sem skapast hefur á landinu vegna heimsfaraldursins. Við þurftum mörg hver að hanga heima í vor og það virtist henta tölvuleikjaspilurum nokkuð vel. Þeir ræða hvaða leiki þeir spiluðu í samkomubanninu og hvað þeir hyggjast spila núna þegar búið er að tilkynna aftur frekari aðgerðir í samfélaginu. Að lokum mæla þeir með nokkrum leikjum sem henta vel ef maður þarf að fara í sóttkví eða einangrun. Í þessum þætti heyrið þið líka nýtt intro lag sem þúsundþjalasmiðurinn Alexander Maron samdi fyrir okkur. Við þökkum kærlega fyrir það!
56:45
July 31, 2020
7. Stjörnustríðstölvuleikir
Fyrir langa löngu síðan í leikjatölvu langt langt í burtu … þá ætlum við að fjalla um handfylli af Stjörnustríðsleikjum, spá og spökulera í þeim og velta fyrir hinni eilífu spurningu … hvernig er góður Star Wars leikur? Arnór og Gunnar ræða meðal annars um KOTOR, Force Unleashed, LEGO Star Wars (að sjálfsögðu) og nýjasta leikinn Fallen Order. Við tölum líka um lítt þekktari leiki og nokkra sem urðu aldrei að veruleika. Vegna tímamarka ákváðum við að tala ekki um Battlefront seríuna en við ætlum að gera sér þátt um þá umdeildu snilld. Hver er besti Star Wars leikur allra tíma? Hver er sá versti?
1:00:29
July 29, 2020
6. Gömlu Góðu GTA
Claude. Tommy Vercetti. Carl Johnson. Við stýrðum þessum snarbiluðu geðsjúklingum upp stiga glæpaheims Rockstar í þremur mis góðum leikjum. Arnór og Gunnar kryfja þessa þrjá leiki og kanna hvort þeir standist tímans tönn. Þeir eru ekki sammála um það hver þeirra er bestur, en hvað segir þú hlustandi góður? Hvaða gamli GTA leikur er bestur? Hver er verstur? Lag: Aries Beats
55:20
July 22, 2020
5. Black&White og Hotline Miami
Hvað hefur Gunnar spilað sem Arnór hefur ekki spilað? Hvað hefur Arnór spilað sem Gunnar hefur ekki spilað? Spjall vikunnar er einhvernveginn á þessa leið. Gunnar kynnir fyrir Arnóri "God" leikinn Black & White, en sá leikur er úr smiðju mannsins á bakvið Fable seríuna. Arnór kynnir fyrir Gunnari Hotline Miami sem er ofbeldisfull neonsýra. Hefur þú spilað annan hvorn? Lag: Aries Beats
48:37
July 15, 2020
4. Af hverju spilum við tölvuleiki?
Í þessum þætti taka Arnór og Gunnar (ekkert svakalega) heimspekilega umræðu sem tölvuleikjaaðdáendur hafa ef til vill oft spurt sig: Af hverju spilum við tölvuleiki? Hvað er svona gaman við það að deyja þúsund sinnum á móti einum vondukalli? Skipta afreksverðlaun (e. achievements) einhverju máli? Eru tölvuleikir í rauninni bara hollir og góðir fyrir heilsuna? Við reynum eftir bestu getu að svara öllum þessum spurningum. En þú, kæri hlustandi? Af hverju spilar þú tölvuleiki? Lag: Aries Beats
45:58
July 8, 2020
3. Red Dead Redemption 2
Í þessum þætti ræða Arnór Steinn og Gunnar Rockstar leikinn Red Dead Redemption 2. Útlagaöld bandaríska vestursins er að líða undir lok. Kúrekinn Arthur Morgan hefur það erfiða verkefni að halda uppi genginu sínu og einnig að finna sinn eigin tilgang. Hvað fannst þér um Red Dead Redemption 2? Lag: Aries Beats
44:00
July 6, 2020
2. Skyrim
Í þessum þætti ræða Arnór og Gunnar tímamóta leikinn The Elder Scrolls V: Skyrim. Þeir ræða mismunandi spilunarhætti og hvernig hann stendur sig nú í dag, næstum því tíu árum eftir útgáfu. Hvaða einkunn myndir þú gefa Skyrim eftir allan þennan tíma? Lag: Aries Beats
55:07
July 3, 2020
1. Leikjaspjall
Í fyrsta þætti Tölvuleikjaspjallsins ræða Arnór og Gunnar mikilvægan hlut í lífi tölvuleikjaspilara: upphafið. Hvað spiluðu þeir fyrst? Voru það leikir úr kornflex pökkum eða var NES tölva á heimilinu? Allt um það og meira í þessum þætti! Lag: Aries Beats
44:06
July 1, 2020