Wearldsproake Podcast

Vanaf den 16. maert steyt den nyen film Witte Wieven online. Gelöyvsweatenskopper Arjan Sterken hülp de filmmakers üm nen nyen drai to geaven an de olde volksverhalen. Ouk wüst hee se sou wyd to krygen dat allens in et neadersassisk güng. Wy spreaket em oaver volksverhalen en vanselvs den nyen film.

As y 100 jår sint, wat wil y dan noch? Roelf Wolterink uut Ryssen hevt ideen sat. Hee warket an en book, geyt der noch regelmåtig uut, eat alle dage twey eier un krigt souwat elken dag besöök. 

Wy spreaket em oaver upgroien in de jåren ‘20 un ‘30, den Tweyden Wearldoorlog, syne uutsending når neaderlandsk Indie, ümmegån med trauma’s, innige gesprekken med nen düütsken veteraan, de leevde van syn leaven Alie, un wat hee jungelüde med wil geaven vöär de tokumst. 

En inspirerend küervrågen med en bysünder menske. Up nå de 200, Roolf!

Synen guerilla-aktion med eygenmakede plaatsnaambrödte güng viraal in Neaderland. Skiti Németi (20) maket sik hard vöär meyr erkenning van et neadersassisk. "Platte skolen solde en mooi begin weasen."

De Streektaalpries van et Noorden, de Bosklopperbokaal, louvende wöörde van de kritikers, in Saksenmarken hevt Marlene Bakker öäre spoors al lange verdeend. Al seyd öär eyrste album RAIF is see neet meyr weg to denken in de streaktaalscene.

In deeselvde wearld sint Fenne un Imke Toenink nå verholding noch minder bekende gesichten. Al likt dår verandering in to kummen: Fenne deade al es med sukses med an The Voice Kids, ne hilversumske talentenjacht, un ouk Imke singt al längeren tyd. Beide spöälet se gitaar un piano, un sint se neet bange üm de keale flink lös to setten. Heyl bysünder was et dat se twey mål anslutend achter mekander et Twents Songfestival wünnen. De prys: uptreaden up et Zunnewende Festival.

Houge tyd üm disse dree dames by mekander an tåfel to setten un te kyken wat öär bewegt üm med neadersassisk beasig to gån. En gesprek oaver heimwee, klankenrykdom, uutdrukkingsmöygelikheiden un insichten van junge nye neadersassen.

#Podcast #Nedersaksisch #Neadersassisk #Plat #Plattdeutsch #plattdüütsch #MarleneBakker #DanielLohues #BernardGepken #FenneToenink #ImkeToenink #toenink #Twents #Denekamp #Dearnkaamp #Twente #Groningen #zunnewende #edestaal #Gronings

Chris Canter (1980) is nen olden bekenden van Wearldsproake. Al twey mål eyrder was hee gast. Ouk hülp hee by The Saxon Series, de eyrste engelske podcastryge oaver et neadersassisk.

In juni 2023 küm Chris synen dichtbündel HIELTIED ONBEKENDER uut, ne weake vöärdat et Zunnewende-festival ehölden wör in Heldern, Twente.

Wearldspråke was der by up den 24. juni 2023 un spröäk Canter oaver syne insichten oaver dichterye un skryverye, andere groute neadersassiske dichters un wåras hee syne ideen vandan haalt. Un vöärnamer noch: wåras et upan müt.

Wy sint weader en paar jår wyder en wyser. Eyn ding wat de Nysassiske Skryvwyse düdelik maket is dat ne ård standaard ne flinke brügge slån kan tüsken verskillende lüde. Wy hebbet al heyl wat versöken had üm meyr to leyren oaver en in disse nye skryvwyse.

Dan is et ouk logisk üm oaver nen vervolgtrad nå to denken: standaardisering. Dår wåget sik de meyste lüde neet an, want dår kryg y geheid nen houp volk med up de achterste beyne. Mär toch solde et neet heyl verkeyrd weasen, want et leyvert flink wat vöärdeylen up.

In dissen afsnid van de Wearldsproake Podcast bekyket wy wat et vöärdeyl der van is. Wo as en standaard der uut solde mütten seen, mag ylüde in de kommentaren byskryven.

In this final episode (Or is it...) of the Saxon Series, we delve into the wonders of social media, and what it has done for Low Saxon so far. Podcasts, YouTube, Facebook, Instagram, SnapChat, TikTok... Which one(s) should we pick? And should we?

We discover how the older generations are still a bit adverse to the idea of being on camera. They were raised in a time when cameras were newfangled things, far removed from their daily lives. Nowadays, everyone has a camera and a digital studio in their pockets. And everyone is much more digitally savvy. Is Low Saxon missing the boat? 

Martin points out that there is minor coverage of Low Saxon or in Low Saxon online. Yet, as younger generations are increasingly more eager to know about their history, we see an uptick in content being created. Often, we see the images perpetuated of a language stuck in the previous century. But Martin notices more and more calls for serious language material.

Daniel Bögre Udell is meduprichter van WikiTongues, en bedryv wat spreakers van minderheidsspråken helpen wil üm öäre språke vaste to leggen en an to jagen.

Den blöden Chris Spenkelink, den as anders nooit sou druk was up nåbertraditys, düt ineynen unmündig med by et båkesleapen. Wat mag dat weasen?

Vöärdracht: Martin ter Denge

Den Godfather van et Twentsk, Hermenegildus (Härmken) Felix Victor Maria Finkers, sköäv an by de Wearldspråke Podcast. Want dat had hee noch nooit dån düs dat leak em wal wat. Wy hebbet et van synen film De Beentjes van St-Hildegard, syne jöägd en skoletyd med Plat, syne oaversetting van Den Gloepensen Gruffalo, De Beatles, Daniël Lohues en noch nen heylen houp meyr. Lüstert mär.

As we finally enter the 21st century, Chris and Martin explore the dawn of the internet. They discuss the introduction of Low Saxon in schools, cultural expressions in Low Saxon, and devote a large chunk of this episode to the significance of the Low Saxon Wikipedia.

If you thought that the previous episode was gloomy, try this one! One of the most dramatic stories of a language in freefall, tumbling into the abyss. Or is it?

In this episode, we try to get into the 20th century, but there’s still some ground to cover in the 19th. So before we move into Low Saxon’s dark age, we must first discuss the events leading up to its sudden decline in the latter half, to a point where it was sort of actively ignored by the media and in education.

We discuss how multiple things lead to the situation of today. Firstly, the waning influence of the Hanseatic League and thus the cohesion of the language as a centrally 'governed' phenomenon, aided by the rise of the nation states and 'improved' education.

In this episode, we'll answer the question of whether Low Saxon should be considered a language at all, and delve into its history. From its humble beginnings as Old Saxon, through its high tide as the most prestigious language of north-western Europe in the later Middle Ages, to its gradual descent towards its fringe status throughout the 17th and 18th Centuries. 

In this new series of podcasts, Low Saxon connaisseurs Chris Canter and Martin ter Denge bare all about the Low Saxon language and sass it up. In English, for a change, because that has been long overdue.

Nen tükker up den vrömden. Mär vulleydig integreerd. Dat is Dick ter Steege. As Höyvd Ankundigingen (Perschef) van et neaderlandske Centraal Bureau voor Statistiek geyt hee oaver de cyfers van Neaderland. En wo as dee in de oapenbårheid kummet. Dee cyfers hebbet betrekking up al unse leavens. 

Wat skeedt der as y nen tükker en nen sweyd uut Skåne by mekander settet? Künnet dee mekander verstån, te jå of te ney? Up ne skåle van 1 töt 10? Wat sint de oavereynkumsten tüsken de skandinaviske en neadersassiske språksituatys?

Et sweydsk is stark döär et middelsassisk beinvloded, den vöärlouper van et sassisk sou as wy dat nudaags kennet. Wat verneamet wy dår nu noch van? In dissen podcast oaverbrügget wy 500 jår språkverandering.

#Twents en #Zweeds.

Marc Wübbenhorst is en bysünder man. Neet enkel ümdat hee sik reddet med düütsk, neaderlandsk, neadersassisk, freesk en engelsk. Ouk neet ümdat hee wild is van Byleveld, wat volgens valske tungen neet besteyt. En neet eyns sou seyr ümdat hee in Grönningen studeerd hevt. Mär ümdat hee ne bysündere seekde hevt, wårdöär hee minstens 20 liter up nen dag mut drinken.

Wy sprekket em oaver syne vöärleevde vöär byleveld, syn wark by Byleveld Marketing. Wördt der noch plat küürd in Byleveld? Jå, plautdietsch, van de mennoniten. Mär uns plat neet meyr. Marc küürt selv oustfreesk, want dår kümt syn volk weg.

Ouk kan hee sik sou upwinden oaver dialektisme: Dat lüde eynkennig en stüg öär eygene blyvet volgen en neet wat van en ander dialekt willet weaten. Dårmed holdet see selv de språke klein en unbelangryk.

En ouk syne seekde kümt an bud. Eyn up de 250.000 lüde hevt disse seekde, wårdöär de nyren en syne hypofyse neet good samenwarket. Vucht löpt der by em sou weader uut. Dårümme müt hee voordan blyven drinken. Ouk ’s nachtes. Mär Marc is nen positiven kearl. Hee hevt jüüst de publiciteit der med upesöcht, want meyr lüde müttet der van weaten. Inmiddels hebbet sou’n 300 miljoon lüde oaver de heyle wearld syne dokumentäre vöär nen britsken ümmeroop eseen.

Jå en noch vöäle meyr! Gewoan lüsteren, is good vöär u.

In disse anderhalve stunde bespreaket Wearldspråke en ‘berôpsfrysk’ Henk Wolf et wal en wey van de situaty in freeskland en sassenland. En dår sint årdig wat oavereynkumsten tüsken. Et geyt oaver identiteit en eygenwysigheid... en wat hevt meneyrken Wolf med de Nysassiske Skryvwyse te maken???

Platstryder en podcaster Jan Graf makeden sik hellig oaver et feit dat neadersassisk med 6 miljoon sprekkers noch altyd gin eygenen ümmeroop hevt. Wår ligt dat an? In et gesprek kummet wy by de eygene språkattitudes van de sprekkers uut, marsjeret de sorben noch vöärby en besprekket wy wat wy van de freesken leyren künnet. 

Jan Graf is nen grouten name in Noorddüütskland. As sanger makeden hee al name, mär hee warket ouk by de NDR as måndeliksen leaser van kolumns. Wyders is hee altyd gangs üm et anseen van de språke te verbetteren. Verleaden jår starteden hee syn eygen podcast: SPRAAK! (språke).

De Hanse wördt vake nöömd as vöärnaamste tyd vöär unse språke. Mär wat had dat nu echt kultureel te bedüden? Wat vöär de bouwstyl? Wat vöär politike uutwarkingen? En ouk, wat deade dat med de språken van Europa? Lüstert mär.

En bysunder fenomeen is de mööistewoordverkesing. Alle jåren stemmet lüde buten uwe en unse weatenskap oaver et ‘Aldermööiste Platte Woord van et Jår’. Vake sint dat olde, vergeatene wöörde, wår as gin menske noch wat med kan. Wår kümt dat toch van? Wee bedegt dee dinge? En wat künnet wy der med?

Drentsk-oaverysselsken skryver Chris Canter (her)untdekkeden en geskrivt uut 1672: de To Hooupe Kallinge van den Swarten Meyster en synen Knecht. Ne satiriske samenspråke tüsken Bommenbearnd en de düvel. Eyne van de öldste twentsk-achtige geskrivten dee wy kennet. En et is verraskend good te leasen ouk noch. 

Ne ümstreyden språkteory in de sassenkünde? Vandage een versöökpröätken oaver de Westfaalske Ekspansy, 'n versinsel en harsenspinsel van den olden Heeroma. Wårheid? Of rechtstreyks uut den dikken duum?

Ydereyne kan et, nüms weat wo as et kan. In dissen podcast neamet wy et allergrötste vrågstükke van de språkenkünde der by: wår kümt språke (in et algemeyn) weg? Wo kan et dat wy klanken maket en dår noch wat met bedüdet ouk? Wat segt gelöyve der oaver? Wy bespreaket de meyningen van nen psycholoog (Corballis), nen språkenkündigen (Everett) en nen grouten filosoof (Chomsky). En ouk Koko de Gorilla kümt an bud.

Al so lange at unse språke besteyt, sint der klagers dee lamenteert at unse språke so slim verandert. Mär is dat wal so slim? Is et jüüst gin teyken dat dee språke leavt en gesund is? Stilstand is ja achteruutgang. In dissen afsnid bekyket wy wårdöär språken verandert. Wat oarsaken sint vöär språkverandering en wat vöär vöärbealden as et in de geskydenisse gevt.

Geskydenisse, mode, politik, et hevt der allemål med te maken. Ouk et Ryssensk van gasthear Martin ter Denge is slim veranderd de lätste tweyhunderd jår. Lüstert mär. 

Seyt 2018 is et Twentehoes (Twentehuus) in Hengel de steade wår as y med al uwe vrågen en wunderwarken vöär de twentske språke terechte köänet. Ellen Peters (25) is medwarkster. In dissen podcast spreaket wy öär een uur, üm te höyren wat der ny en gåns is, wår see as nye spreakster teagenan löpt en wo as see de tokomst van et twentsk en et neadersasssisk in syn geheyl süt. 

Vråg y u wal es af wårümme of der noch altyd gin Facebook in et sassisk is? Wårümme of moderne öäversetfunktys van bv. Twitter, Google, YouTube , Alexa en Siri van sassiske skryverye van allens maket behalve sassisk? Dat kümt ümdat unse språke digitaal achterblivt. Dårümme is Janine Siewert, de Marie Curie van de sassiske språktechnology, gangs üm een dataset, ne gegeavenssammeling, up te setten, sodat algoritmen der voord med an de gang köänet en unse språke eandelik ouk medkümt med de internetrevoluty. 

Vöäle is der al segd oaver dat unse språke uut eynander trökken wördet döär twey DAKspråken: et neaderlandsk en et hougdüütsk. In den podcast van vandage höyret wy wo slim of dat is. NEWSFLASH: et valt noch wal med. 

Et sassisk van de lüde oaver den pål an de düütske syde krigt vöördan meyr hougdüütske kenmarken, wyldat et in Neaderland stöädigan hollandsker wördt, is de konsensus. Mär steyt dat begrip in de weg? In dit gesprek is düdelik een uur lange gin probleem te höyren.

Wearldspråke sprekket Arne Waldemar Lentföhr uut Kiel. Oaver nen afstand van 400 km is et begrip tüsken et hougdüütskige holsteynsk en et neaderlandskige twentsk noch årdig good. Arne is in de vrye tyd moderator van de Facebook-gruup Plattdeutsch - The Language of Champions. Den teller steyt inmiddels up so een 8500+ medleaden.

Underwarpen: stereotypen, olde garde vs. jungelüde, eilanddenken teagenoaver språkbreyd denken, skryvwysen en "fanpost".

Via unsen Instagram vröägen wy ulüde wat ylüde gearne up unsen Podcast beküred höyrden. Laura Beunk uut Ryssen wul weaten wo as wy et sassisk weader hip en hot kryget. Danke vöär de vråge, Laura!

Uperichted in 2006 is de neadersassiske Wikipedia inmiddels sowat 7000 artikels ryke. De underwarpen loupet uuteyne van (e)sport töt filosofiske underwarpen as tyd, sociology, lokale saken, dialektbeskryvingen en so voordan. Wikipedia drägt dårmed nit bloots by an et behold, mär ouk an den uutbouw van unse språke. Der wordet hyr saken beskreaven dee noch nooit eyrder in et sassisk beskreaven sint. Dårnöäst is et een belangryk untmötingspünt vöär verskillende dialektgrupen en leidden dat töt et uutklamusteren van de Nysassiske Skryvwyse, de eyrste oaverkupelende skryvwyse vöär et heyle språkgebeed.

In dissen podcast spreaket wy Sander Hunink, nen nyen neadersaks, den as weaderümme wil når syne wörtel. De beste wyse üm dat te doon is de språke te leyren. Toch löpt Hunink teagen tal van problemen an. Nit in de lätste steade van spreakers selv...

Vöäruut alvüste unwyse veruntskuldigingen vöär de vöäls te lange podcast med een vöäls te laeg gehalte neadersassisk. Verleaden vrydag 13 september 2019 organiseerden uutgeaver Van Gorcum een symposium, by de uutgave van et nye wark 'Nedersaksisch in een Notendop'. Meyrdere skryvers van et böken warren hyrby, üm ne körte leysing te holden oaver öär deyl van et book. Wearldspråke sat ouk in et publik en nöäm allens heymelik stykem up med de telefoon.

An et woord sint under meyr mevrouw Westerdijk van Stichting Oaverysselakademy, Hans Gerritsen van et SONT, Henk en Philomène Bloemhoff uut de Stellingwarven, Hougleyrer Rens Bod, Harrie Scholtmeier van de Ysselakademy, drentsk literatuurhistorikus Hendrik Nijkeuter en den heldersken språkundersöker Jan Nijen Twilhaar.  

Dårnå doot wy noch eaven nåküren med Henk Scholte, de belichaming van et grönningsk en anstichter van et böken, Arne Doornenbos van den drentsken thriller De Paddenvanger en medskryverske an den Nöätendop Philomène Bloemhoff.

Vöäle lüsterwille.

Den oorsprunglik Heinoosken rocksanger en -gitarist Hendrik Jan Bökkers (1977) genüt in Oustneaderland vöärdan meyr bekendheid. Nöäst syn wark by Jovink in dee tyd, is hee nu vöäral bekend van  syn eygen band Bökkers, dee in unvervalsked sallandsk singt en inmiddels een årdig gevolg hebbet med hits as Morattamottamotta en Annie uut de bochte.

Minder bekend is dat Hendrik Jan al jåren een underwysbevoogdheid hevt. De Ysselakademy hevt em vrågen nå te denken oaver een möägelik underwyspakket vöär de neaderlandske laegere skolen. 

In dee wodöänigheid köäm hee uut by Wearldspråke. Want as y dat wilt standaardiseren, heb y under meyr ne eyndüdige skryvwyse nöydig. En dår sint der noch al wat van in Neaderland. Üm noch mär te swygen van Düütskland.

In dissen podcast bespreaket wy under meyr wat der em van dücht wat vöär ne kante as et uut müt med et neadersassiske underwys, wo as de vlagge der nu by hangt vöär de språke en wat et Convenant der an düt, en wat de band dår an bydregt.

 Stelt dat wy med ne tydmachine når de sassentyd terügge oaverheyveld wördden, sullen wy dan de lüde verstån? Sullen se uns verstån? Der is ginnen kans üm dat te weaten te koamen, want upnames van dee tyd gevt et nich.

Et blivt giswark, mär med unse eyne uutspråke köänet wy wal nen ende koamen üm te kyken of wy der überhaupt sükela van köänet maken.  In disse afleyvering neamet wy et wearldwyd bekende verhaalken van de Tuunkruper (the wren) der by. Dat stünd al es een mål up YouTube, mär wy meynet dat wy et beater köänet. Nit ümdat wy der by warren in dee tyd, mär wal ümdat wy de upvolger van oldsassisk spreaket.  

Wat dücht u? Is et noch te volgen? Of maak y der heylemål niks van? 

Dat is et vöärnaamste vöär et bestån van unse språke.

Stelt dat neadersassisk een menske was. Wo stels du dy dat menske dan vöär? As ne junge friske dame? Of as een krakkemikkig old buurken?

In disse episode behandelt wy et imagoprobleem van et sassisk. Wat hevt dat med Donald Trump te maken? 

Wo as lüde oaver unse språke denket, hebbet wy heyl en deyl selv in de handen. Gåt wy vöär et imago van breaken en supen? Of wilt wy et uutbowen når ne språke wår as ydereyne sik prettig by vöölt? 

In Ierland geböäret mooie saken vöär de keltiske språke. Der is geld genog, de språke hevt officiäle EU-ståtus en alle yren kryget verplicht minstens 14 jår les in de språke. Ideaal, sul y seggen. Toch sint der in Yrland selv mär 1,7 miljoon lüde dee segt sik readelik med keltisk te künnen redden. En slechts ne magere 20.000 lüde segt dat et vöär öär de dagelikse ümmegangsspråke is. Up sowat 5 miljoon inwoaners!

Et blikt dat de verplichte lessen nit warket. Te minsten, nit up de ölderwetse wyse. De junge lüde kryget olde gedichten en mythology döär de strotte. Dår heb y in de supermarkt niks an.

Wår geyt et mis? Wat geyt der WAL good? En wat köänet wy dårvan learen?

Y kennet dat vaste wal: lüde dee by yder ny technologisk verskynsel vråget: "wo nööm y so wat in et Plat?" 

In dissen platcast bekyket wy wo as dat in et verleaden güng med al dee nye wöörde en of der öäverhöyvd een ny woord versünnen wör. Wydters bespreaket wy wo as Ysland et anvattet.  Dår is et ja volkssport üm so yslandsk möägelike wöörde uut te klamüsteren vöär allens wat mär een beaten van disse tyd is. 

Mär ouk in de neadersassiske kuntreien is dat nit vrömd. Wy versinnet ouk nye wöörde by de vleet. De vråge is enkel wo seriöös as wy dee neamet en of dee nå ne tyd nit oaver de holdbårheidsdåtum sint. An de andere syde van de skåle sit de engelsken. Dee kopieert allens wat lös en vaste sit.

Wat dücht u? Müt wy koste wat kost selv nye wöörde gån uutdokteren of kan et prima med de wöörde dee uns eböäden wordt?

Låt et uns weaten up wearldsproake@gmail.com

Et Twentehoes köäm up 1 april med de grap dat der nen twentsken Tinder untwikkeled wördt. Wy vråget uns hardup af: wårüm doot wy dat nit ECHT? En doot et dan medeyne vöär et heyle språkgebeed. Of wårümme sorget wy nit dat Tinder selv ümmesat wördt? En wo steyt et med de twentske språkherkenning van Google?

As et oaver digitaal spül geyt, trekket den döärsneyde Platspreaker al gauw nen waas vöär de ougen. En dat is doudsünde, want de meyste jungelüde spandeert heyle dage an digitaal wark. Nen gemisten kans! 

In dissen podcast beküert wy wat der by kümt kyken üm et terechte te krygen en wår wy et geld vandan halen köänet. Want dår sit et em uuteyndelik allemål up vaste.

Twey uur kwaken med drentsk-oaverysselsken skryver Chris Canter (38), oaver allerhande saken:
Skryvwysen, jögend en sassisk, underwys, oaver parallellen tüsken et sassisk in neaderland en de språksituaty in Spanje (wår as Chris woanet), of de språke tokumst hevt en wodöänig... genog te beköyeren ja.  

Heb y selv ideyen wo as wy de podcast better köänet maken, låt et dan weaten up wearldsproake@gmail.com 

In disse speciale afleyvering köyert wy med Gaston Dorren, skryver en språkenleevhebber. Wy vergelyket de ümstandigheyden in Limbörg en et Neadersassisk: wat köänet wy van mekander leyren, wat hebbet wy gemeyn, wu hangt de vlagge der by vöär et limbörgsk.  

Ouk bespreaket wy et idey van ne standaardisering van et neadersassisk. Gaston hevt dår wat ander ideyen oaver as wy. Hee bekyket et vanuut de hüdige functy van de språke.

Gaston hevt ouk een antal böyke up synen naam stån: Taaltoerisme, Lingua en Babel. Dårin bekikt hee de språken van disse werld en summet dår mooye weatkes van up.  En hee unthüllet ne unverwachtse band med Twente! :O 

Wat köänet underneamers nu doon vöär et sassisk? Sat! Gewoon et klimaat skeppen wårin as et gin probleem is üm Plat te küeren. Up de warkvloor, an 'n küerdråd, in e-mailverkeyr. Gewoon doon!

Ken y dat? So gau as et oaver unse språke geyt, kümt der ne heyle ryge cliché's en misvattingen üm 'n hook. As y dee up ne bingo-kaarte set, heb y binnen de körtste tyden de höyvdprys!

Enkele vöärbeylden: unse språke is mooi/lellik, old, håste uutstörven, nütteloos, gebrabbel, leev, y köänet der nit in skelden/skimpen...

Låt wy sorgen dat de lüde es andere vöäroordeylen kryget.