Skip to main content
كرسي في أول صف

كرسي في أول صف

By Yasser Negm

بودكاست باللغة العربية تتضمن محتوى ثقافي في موضوعات متنوعة صحية وتاريخية واجتماعية وعلمية
من السكن والمودة لمحاكم الأسرة
من السكن والمودة لمحاكم الأسرة
هل يتعارض رفض العريس لعدم التكافؤ مع الحديث الشريف: ؟( إذا جاءكم من ترضون دينه وخلقه فزوجوه …إلا تفعلوه تكن فتنة في الأرض وفساد كبير) . هل صحيح أن الائمة الأربعة أجمعوا أن المرأة ليست ملزمة بخدمة زوجها وبيتها ؟ . قانون الأحوال الشخصية الحالي ..هل هو عادل ومنصف ؟ . هل تختلف حقوق وواجبات الزوجة العاملة عن الزوجة ربة المنزل ؟ . هل يعني حق الكد والسعاية أن الزوجة تتقاسم مع زوجها مكاسبه المادية لقاء مشاركتها في أعباء الحياة ؟ . كيف تتصرف المرأة التي ترغب في العمل لتحقيق ذاتها وتأمين مستقبلها بشكل يتوافق مع الشرع اذا كان زوجها رافضا خروجها للعمل؟ —————————— إجابات هذه الاسئلة وغيرها  مع الدكتور عاطف رفاعي..أستاذ علوم القرآن..
39:30
November 25, 2022
حدوتتنا من الدهب للدولار
حدوتتنا من الدهب للدولار
 قصة هيمنة الدولار على العالم وترويض الذهب في المائة سنة الأخيرة، وحكاية سيطرة مدرسة شيكاغو على مقدرات البشر.. كيف تركزت 50% من ثروات الأرض في أيدي 1% فقط من البشر؟ نتحدث عن نفوذ الرأسمالية على الحكومات، وصعود أسلوب الحياة المادي ليتحكم في كافة جوانب حياتنا.. كيف تعامل العالم مع الأزمات المالية المتتالية وهل يتوقع الخبراء كوارث إقتصادية عالمية في المستقبل القريب؟
40:34
November 18, 2022
حدوتة الفلوس والدين والسُلطة
حدوتة الفلوس والدين والسُلطة
من خربأ لإيلون.. حدوتة الفلوس والدين والسُلطة.. في العالم اللي احنا عايشينه النهارده..البنك بيتحكم في حياتنا بالكامل.. . الفلوس اللي بتتعامل بيها كل ساعة بيطبعها بنك.. الأسعار بيحددها بنك.. البطاقات اللي بينزل عليها مرتبك واللي بتدفع منها بتاعة بنك.. أي قروض في حياتك بيتحكم فيها بنك.. بتحوش فلوسك في بنك.. . اذا كنت فقير حياتك بيقودها بنك.. واذا كنت غني برضه حياتك بيقودها بنك.. . اذا كنت مواطن غلبان البنك بيتحكم فيك..واذا كنت ملك او رئيس برضه انت في ايد البنك.. …….. ازاي البنوك وصلت للمكانة دي في حياتنا؟ ازاي بقت تحكم العالم ؟ وازاي البنوك كدست نص ثروات الدنيا في ايدين ١٪؜ فقط من أهل هذا الكوكب ؟!!! ___________________________________________ هانرجع للحدوتة من أولها خااااالص...من قبل اختراع الفلوس ونحكي اللي حصل لحد يومنا هذا..
29:25
November 10, 2022
أمريكا التي لا تعرفها - الجزء الثاني
أمريكا التي لا تعرفها - الجزء الثاني
ايه هي طرق الهجرة للولايات المتحدة الأمريكية وأنواع الفيزات المختلفة؟ . هل بتفكر تبعت أولادك يدرسوا في أمريكا؟ . ايه هي المعلومات المهمة؟ . هل فيه خوف عليهم ؟ . هل ممكن تربي أولادك في أمريكا وتندمج في المجتمع مع الحفاظ على هويتهم ودينهم وقيمهم ؟ . هل فكرة الزواج من أمريكية جيدة أم سيئة ؟ . ايه هي الجوانب المظلمة للحياة في أمريكا؟
31:04
November 03, 2022
أمريكا التي لا تعرفها
أمريكا التي لا تعرفها
في رأيك الهجرة لأمريكا..فكرة جيدة ولا سيئة؟ . طيب انت مش بتفكر تهاجر لأمريكا علشان شايف ان مالكش فرص كويسة هناك؟ . يعني انت مش عايز ولا مش قادر؟ . طب فيه سن معين للهجرة؟ ......... هل ينفع تحافظ على هويتك وتربيتك لأولادك وفي نفس الوقت تندمج هناك؟ . ايه هي الطرق والخطوات المطلوبة؟ ........ بتفكر تبعت أولادك يكملوا دراستهم هناك؟ . هل أحسن تروح ولايات فيها مصريين وعرب كتير، ولا البعد عنهم غنيمة؟ ........ ايه هي المهن اللي المصريين ماشيين فيها هناك؟ ....... هل الشعب الأمريكي زي ما بنشوفه في أفلامهم؟ ولا زي ما بنشوفه في سياسات حكوماتهم معانا؟ ولا هم لا دول ولا دول؟ . هل انت مع ولا ضد الزواج من أمريكية؟ . الحلم الأمريكي؟ هل هو حقيقة ولا وهم؟ ____________________________________________ إجابات هذه الأسئلة وغيرها مع السيدة إيمان عبدول..مهاجرة مصرية لأمريكا منذ 24 سنة...
28:25
October 27, 2022
السرطان: أنقذ نفسك ومن تحب
السرطان: أنقذ نفسك ومن تحب
-ايه هي ال٥ تغيرات اللي ممكن نعملها في حياتنا اليومية علشان نقلل احتمالات الاصابة بالسرطان ؟ . - ازاي وصل التقدم الطبي دلوقتي انه حالات السرطان الميئوس منها بقت تعيش سنين بدل شهور؟ . - ايه هي الفحوصات الدورية اللي المفروض نعملها علشان نلحق السرطان في اوله..ونوصل نسبة الشفاء منه لأكتر من ٩٠٪؜…وفي أي سن نعملها؟ . - ايه هي الفروق في التعامل مع السرطان بين مصر وأمريكا..سواء على مستوى الأطباء أو المرضى أو الدولة؟ . - ايه هي العلاجات الجديدة اللي مافيهاش لا جراحة ولا علاج كيميائي ولا اشعاعي ؟ ————————- اجابات الاسئلة دي وغيرها مع الدكتور طارق الضوي..كبير أطباء مركز بينساكولا للأورام - فلوريدا - الولايات المتحدة الامريكية.. .
28:24
October 20, 2022
مش مُلزَمة..مش مُلزَم
مش مُلزَمة..مش مُلزَم
موقف الشريعة الإسلامية من المشاكل الزوجية المعاصرة..مع الدكتور عاطف رفاعي..أستاذ التفسير وعلوم القرآن. تناقش الحلقة مسائل ثار الجدل حولها مؤخراً..مثل القايمة والمهر والمؤخر والشبكة وقوامة الزوج والإنفاق على البيت والتكافؤ بين الزوجين وأسباب ارتفاع نسب الطلاق وصعوبات الزواج وغيرها.
30:54
October 13, 2022
الآنسة نوفوتص بتعمل ايه بالليل؟
الآنسة نوفوتص بتعمل ايه بالليل؟
واحنا رايحين في نوم عميق بالليل، بتحصل جوه أجسامنا أحداث جسام..ملحمة عظيمة بمعنى الكلمة بتديرها ساعتنا البيولوجية.. يا ترى ايه أحسن وقت في اليوم للدراسة، وأنسب وقت نمارس فيه رياضة، وأكتر وقت بننتج فيه ونبدع ونبتكر وتنور في أدمغتنا فيه حلول عبقرية..؟ حتى دخول الحمام، فيه أوقات له بتفضلها ساعتنا البيولوجية.. يا ترى ايه اللي بيحصل بالظبط لخلايانا وأجهزتنا الداخلية لما نومنا يقل أو يتقطع أو يتلخبط؟ هل حياتنا العصرية بما فيها من موبايلات وكمبيوترات وشاشات وسهرات ووسائل تواصل وامتداد لأوقات العمل والدراسة بتأثر سلباً على هورموناتنا وصحتنا البدنية والنفسية؟ ومين هي الأنسة نوفوتص المديرة العظيمة اللي بتؤمر وتنهي وتدير ده كله؟
18:09
October 06, 2022
في عشق المكان والإنسان: الإسكندرية
في عشق المكان والإنسان: الإسكندرية
ما بين الحين والآخر، هاقدم حلقات تعبيراً عن حبي لمكانٍ ما في بلاد الله الواسعة...هاتناول المكان بمفهوم أكبر من كونه مكان جميل بنتصور فيه أو نوصفه أو نفتكر فيه ذكرى أثرت فينا.. هاتناول الأهم من كده..اللي هو الإنسان اللي عاش في المكان ده وتوحدت روحه مع روح الحياة فيه..كل طرف فيهم بقى جوه التاني..المكان بقى بيسري في دم الإنسان، والإنسان بقى في قلب المكان.. الحلقة دي في عشق إسكندرية والإنسان السكندري.. ضمن الحلقة، استضافة للخبير الإستشاري الهندسي العالمي الأستاذ محمود صقر واستعراض لكتابه: إسكندرية..سنوات الشفق والغسق، اللي بيحكي عن التغيرات اللي حصلت لإسكندرية على مدار 40 سنة..
29:04
September 29, 2022
تطعيمات الأطفال: الأسئلة المهمة
تطعيمات الأطفال: الأسئلة المهمة
ايه حكاية الزئبق والألومينيوم اللي بيحطوهم في تطعيمات الأطفال؟ وايه أهمية التطعيم اللي ضد سرطان عنق الرحم؟ نطعم ضد الكوفيد والانفلونزا الموسمية ولا لأ؟ لو حد مناعته ضعيفة ايه اللقاحات اللي ياخدها واللي ماياخدهاش؟ ايه قصة حساسية الطعام مع لقاح الحصبة والحصبة الألماني والغدة النكفية؟  هل ممكن طفل واخد تطعيمات معينة يشكل خطورة بالتواجد جنب أمه الحامل ؟ . ...إجابات هذه الأسئلة وغيرها في هذه الحلقة
18:07
September 22, 2022
آلة الزمن: 22 يوليو 1952
آلة الزمن: 22 يوليو 1952
هانركب آلة الزمن ونرجع بيها 70 سنة، ونعيش مع بعض يوم واحد في تاريخ مصر..يوم 22 يوليو 1952...آخر يوم في عهد الملك فاروق.... هانلف مصر من شمالها لجنوبها ومن شرقها لغربها في اليوم ده.. من القاهرة للأرياف للصعيد لاسكندرية لمدن القناة.. الأحياء الراقية والأحياء الشعبية.. السياسة والاقتصاد والفن والثقافة والخدمات والجامعة والمدارس والمستشفيات والمصانع والمزارع والمحلات وأحوال البشر..بالنهار وبالليل.. الدين والأخلاق والذوق والحقوق والحريات.. ____________________ هانسيبنا من ادعاءات المتحيزين من الجانبين، ونحاول نعرف الحقايق من المصادر الموثوقة والناس اللي كانوا عايشين وقتها..الوقائع الثابتة..المؤرخين المحايدين..تغطيات الصحف وأخبارها..الشخصيات المعروف عنها النزاهة والوطنية والموضوعية..الناس العاديين غير المسيسين..اللي مالهمش مصالح ولا أهواء..
36:11
September 15, 2022
اتيكيت كيس الكشري وأغرب 10 اتيكيتات
اتيكيت كيس الكشري وأغرب 10 اتيكيتات
تنبيه هام: الحلقة دي مليانة "لا مؤاخذات"...كلنا محتاجين نرتقي ونستعيد الذوق ونعيش حياتنا بالأصول.. الحلقة دي بتشارك في موضوع الاتيكيت بشكل مختلف.
17:27
September 03, 2022
حرب السلايف وصراع الأحذية
حرب السلايف وصراع الأحذية
عندنا مثل شعبي حلمنتيشي بيقول: "مركب الضراير سارت ومركب السلايف غارت"..والضراير زي ما احنا عارفين هم الستات اللي متجوزين راجل واحد، لكن الصغننين من الأجيال الجديدة يمكن مايعرفوش يعني ايه "سلايف"..السلايف يا جماعة هم الستات اللي متجوزين أخين..يعني بالنسبة للست، سلفتها هي مرات أخو جوزها. فالمثل يعني بيقول انه ساعات العلاقات بين السلايف بتخرب الدنيا أكتر حتى من الخلافات بين الست وضرتها.. طيب بينا مع بعض نتابع أهم حرب حصلت بين السلايف في القرن العشرين..حرب وصل تأثيرها لنا كلنا بشكل أو بآخر..
23:33
August 30, 2022
الفُرجة على جريمة قتل
الفُرجة على جريمة قتل
في الحال المطافي والشرطة وصلوا، لكن الاتنين رفضوا انهم ينقذوه.. الله!! امال احنا جايبينكم ليه يا جماعة؟ علشان تتفرجوا زيكم زينا..؟؟!! عشرات المتفرجين وقفوا مستنيين اللي هايحصل..ما هي الشرطة والمطافي موجودين.. هل الضحية تستحق المساعدة؟ هل أنا عندي القدرة اني أساعدها أصلا؟ ايه العلاقة اللي بتربطني بيها؟ أنقذها علشان ايه ؟!! هاتعمل ايه لو كنت انت الضحية أو لو كنت شاهد على الجريمة وعندك فرصة انك تمنعها؟
20:05
August 20, 2022
فضيحة التطعيمات ومرض التوحد
فضيحة التطعيمات ومرض التوحد
.لتاريخ البشرية مع التطعيمات رحلة طويلة ممتدة على مدار مائتي سنة منذ اللقاح الأول ضد الجدري وحتى الجدل حول تطعيمات وباء الكوفيد.  لكن قصة واحدة تظل هي الأبرز والأشهر والأكثر تأثيراً طوال هذه الرحلة..ألا وهي فضيحة علاقة التطعيمات بمرض التوحد.. في هذا البود كاست نعيش تفاصيل هذه العلاقة.
14:40
August 10, 2022