اداريات بودكاست، مواطن/ة في إدارة
By idaraty
🔷 من طوا تنجمو تسمعونا وتزيدو تتفاعلو معانا بخصوص الإجراءات الإدارية
🔶اكتبولنا في التعاليق رايكم ومقترحاتكم وشاركونا قصصكم، نستناوكم/ن
اداريات بودكاست، مواطن/ة في إدارةApr 29, 2024
الحلقة الرابعة من بودكاست إداريات- مخاطر الحشرة القرمزية على صابة الهندي
في الحلقة الجديدة من بودكاست إداريات، حكينا فيها على بلاغ وزارة الفلاحة بخصوص الحشرة القرمزية وكيفاش تفيق بيها على بكري وشنوة لازمك تعمل وكيفاش تحمي الصابة متاعك باش تعرف أكثر تفاصيل، أدخل على موقع وزارة الفلاحة على الرابط الموالي
الحلقة الثالثة من بودكاست إداريات- أهم التحيينات على منظومة سجلني
في الحلقة الجديدة من إداريات بودكاست، حكينا على أهم التحيينات الي صارت على منظومة "سجلني"
كان تحب تعرف أكثر تفاصيل، تنجم تتصل بمركز الدراسات والبحوث للإتصالات عبر البريد الالكتروني sajalni@cert.mincom.tn وعبر الهاتف على 70835000
باش تعرف كل جديد وزارة تكنولوجيات الاتصال، أدخل على الرابط التالي
https://idaraty.tn/organisations/ministere-des-technologies-de-la-communication-et-de-leconomie-numerique
الحلقة الجديدة من إداريات بودكاست في موسمه الثاني - على القرض الشخصي للصندوق التقاعد والحيطة الاجتماعية والصندوق الوطني للضمان الاجتماعي
في الحلقة الجديدة من إداريات بودكاست في موسمه الثاني، نحكيولكم/ن على القرض الشخصي للصندوق التقاعد والحيطة الاجتماعية والصندوق الوطني للضمان الاجتماعي، أهم الشروط باش تتحصل عليه والقيمة متاعو قداش؟
🔴كان تحب تعرف أكثر تفاصيل، أدخل على موقع وزارة الشؤون الاجتماعية ⬇️https://idaraty.tn/organisations/ministere-des-affaires-sociales
🔴وزادة على موقع صندوق التقاعد والحيطة الاجتماعية ⬇️https://idaraty.tn/organisations/cnrps-tunis
الحلقة الأولى من الموسم الثاني من بودكاست إداريات-أهم التعريفات الجبائية في قانون المالية 2024
في الحلقة الأولى من الموسم الثاني من بودكاست إداريات، نحكيو على أهم التعريفات الجبائية الي جات في قانون المالية لسنة 2024 والمواعيد
شاركونا رايكم/ن ومقترحاتكم/ن للمواضيع الي تحبونا نحكيو فيها في الحلقات الجايين
باش تعرف أكثر تفاصيل على قانون المالية، ادخل على موقع وزارة المالية https://idaraty.tn/organisations/ministere-des-finances
Ministère des Finances -Tunisie #Tunisie #procedure #loi #finances #الجبائية
بودكاست إداريات : كيفاش تتحصل على المعرف الجبائي
في الحلقة الجديدة من بودكاست إداريات على كيفاش تتحصل على المعرف الجبائيوكان تحب تعرف وضعيتك الجبائية قبل ما يوفا العام وتسوي وضعيتك، أدخل على الرابط الموالي:
https://idaraty.tn/news/2021/03/sms-situation-fiscale-tunisie
شاركونا رايكم/ن وتعاليقكم/ن في الحلقة، وعلاش لا اقترحو علينا المواضيع الي تحبونا نحكيو فيها في الحلقات الجايا
المضمون الالكتروني ء هوية
في الحلقة الجديدة من بودكاست إداريات، نحكيو فيها على المضمون الإلكتروني ء-هويةأدخل على الرابط الموالي باش تعرف أكثر تفاصيل على الإجراءات اللازمة
https://idaraty.tn/procedures/e-houwiya-extrait-naissance
الحلقة 9 من بودكاست إداريات- المنح الجامعية في تونس
في الحلقة الجديدة من بودكاست إداريات، نحكيو فيها على كل ما يخص إجراءات المنح الجامعية في تونس بالنسبة للخطوات اللازمة باش تجدد المنحة متاعك،
هذا الرابط باش يعاونك
https://idaraty.tn/procedures/obtention-dune-bourse-universitaire-en-tunisie-renouvellement
باش تعرف أكثر تفاصيل على المنح الجامعية في تونس، أدخل على موقع ديوان الخدمات الجامعية على الرابط هذا
https://idaraty.tn/organisations/office-des-oeuvres-universitaires-du-nord
تاغي صحابك الي تعرفهم يلوجو على المعلومة وزيد بارتاجيها معاهم باش يستفادو
إجراءات توريد سيارة FCR
في الحلقة الجديدة من بودكاست اداريات، نشوفو فيها مع بعضنا كيفاش تجيب كرهبة من الخارج بالنسبة للتوانسة المقيمين/ات بالخارج وباش يرجعو نهائيا للتونس ونجاوبوكم/ن على أهم أسألتكم/ن الي جاتنا في هالخصوص
هذا الرابط باش يعاونك تعرف الاجراءات الادارية اللي لازمك تعملهم
https://idaraty.tn/procedures/importer-un-vehicule-sous-fcr-en-tunisie
هذا الرابط باش يعاونك تحسب مدة الاقامة متاعك
https://www.douane.gov.tn/?id=600&L=1
#تونس #FCR #douane #résident #PROCÉDURE #administration #ادارة #اجراءات #سيارة
الحلقة السابعة من بودكاست إداريات- منظومة سجلني
إنت مقيم/ة في الخارج وجاي/ة تعدي في عطلة الصيف في تونس وتاليفونك تبلوكا؟
جاك تاليفونك من الخارج وما عرفتش كيفاش تسجلو؟
في الحلقة الجديدة من بودكاست اداريات نحكيو فيها على منظومة سجلني بالتفصيل
هذا الرابط باش يعاونك زادة في الخطوات اللازم تعملهم https://idaraty.tn/.../sajalni-declarer-son-appareil...
ما تنساوش باش تبرتاجيوها مع صحابك واحبابك الي تعرفهم قاعدين يلوجو على المعلومة هذي
بودكاست إداريات الحلقة السادسة- مجموعة من الخدمات الديوانية الي تهم حياة التوانسة المقيمين في الخارج
🔴⚪️إنت مقيم/ة في الخارج وجاي/ا باش تعدي عطلة الصيف بحذا الفاميليا وتحب تعرف شنوما الاجراءات الادارية الي تنجم تعملهم في الديوانة التونسية؟في الحلقة السادسة من بودكاست إداريات، خمّمنا فيكم/ن وحبيّنا نسهلو عليكم/ن الاجراءات الادارية، وباش نحكيو على 3 اجراءات تهمكم/ن وهي
🔷رخصتي🚗⬇️https://idaraty.tn/procedures/autorisation-de-circulation-rokhsati
🔷أمتعتي⬇️https://idaraty.tn/procedures/declaration-des-effets-personnels-amti3ati
🔷وضعيتي⬇️https://idaraty.tn/procedures/situation-vehicule-wadh3iati
إداريات بودكاست الحلقة 5- بطاقة التعريف الوطنية
🔴⚪️تحب اطلّع بطاقة تعريف والا تجددّها وحاير في الأوراق وما تعرفش كيفاش تعمل ومنين تبدا؟ 🔹في الحلقة الخامسة من بودكاست إداريات اخترنا باش نحكيولكم على الخطوات اللازمين باش اطلع بطاقة تعريفك، وقدّاش هي كوثيقة إدارية مهمة في حياتنا كتوانسة🔸كيفاش تتحصل على بطاقة تعريف أول مرة 👇 https://idaraty.tn/procedures/obtention-de-la-carte-didentite-nationale-la-premiere-fois🔸كيفاش تجدّد بطاقة تعريف في تونس 👇https://idaraty.tn/procedures/obtention-de-la-carte-didentite-nationale-renouvellement🔸كيفاش تجدد بطاقة تعريف للمقيمين/ات في الخارج👇https://idaraty.tn/procedures/obtention-dun-passport-pour-les-tunisiens-residents-a-l-etranger-renouvellement-🔸كيفاش تعدّل بيانات بطاقة التعريف👇https://idaraty.tn/procedures/obtention-de-la-carte-didentite-nationale-modification-de-donnees🔸كيفاش تتجدد بطاقة التعريف في حال تسرقتلك أو تقطعتلك👇https://idaraty.tn/procedures/obtention-de-la-carte-didentite-nationale-perte-vol-ou-deterioration
إداريات بودكاست الحلقة 4 - بطاقة الاحتراف الفني في تونس
🔵عسلامة، مرحبا بيكم/ن في البودكاست عدد 5 وين حكينا فيها على إجراءات الحصول على بطاقة الاحتراف الفني في تونس.
🔸من بين انواع بطاقات الاحتراف الفني، اخترنا باش نحكيو على بطاقة احتراف الأنشطة الموسيقية :
https://idaraty.tn/procedures/octroi-dune-carte-professionnelle-artistique-des-activites-musicales
🟩باش تعرف بقية الإجراءات المتعلقة موش كان ببطاقة الاحتراف الفني فقط وانما كل ما يخص حياة الفنان والفنانة في تونس، أدخل على الليان هذا⬇️
https://idaraty.tn/services/artiste-tunisie
#فنان #artiste #carte #culture #
إداريات بودكاست الحلقة 3- الأكياس البلاستيكية في تونس
عسلامة وصحة شريبتكم، هذي الحلقة الثالثة من بودكاست إداريات، وين نحكيو فيها أهم المخاطر البيئية التي تهدّد سلامتنا، وفي السياق هذا جات مبادرة وزارة البيئة لمنع توزيع اكياس البلاستيك في كافة المخابر انطلاقا من شهر رمضان 2023ما تنساوش باش تتفاعلو معانا بمقترحاتكم وأرائكم في هذا الخصوص، وكيف لعادة ما تنسناو باش تشاركونا مقترحاتكم للمواضيع الي تحبونا نحكيولكم عليها في البودكاست الجاياباش تعرف كل جديد وزارة البيئة، ادخل على الليان هذا
https://idaraty.tn/organisations/ministere-de-lenvironnement-et-du-developpement-durable
#environnement #tunisie #développement #compagne #ramadan #رمضان #تونس #بلاستيك #بيئة وزارة البيئة-تونس
اداريات بودكاست الحلقة 2 - الماء في تونس
عسلامة هذي حلقتنا الجديدة من بودكاست إداريات وين نحكيو فيها على الحق في الماء وكيفاش ادخّل الماء للدارك
بالنسبة للملاّك، هذا الليان فيه كل التفاصيل اللازمة باش تقوم بإجراء توصيل الماء
https://idaraty.tn/procedures/branchement-de-leau-potable-proprietaire
بالنسبة للمستأجر، هذا الليان فيه كل التفاصيل اللازمة باش تقوم بإجراء توصيل الماء
https://idaraty.tn/procedures/branchement-de-leau-potable-locataire
كان عندك تجربة عشتها مع الادارة باش ادخل الماء للدارك، ما تنساش باش تشاركها معانا وتبرتاجي زادة البودكاست هذي مع صحابك باش يستنفعو من المعلومة
#idariyet #podcast #tunisie #eau #branchement #اداريات #sonede
#Tunisie #Idaraty
اداريات بودكاست الحلقة 1 - ذوي وذوات الإعاقة والادارات
عسلامتكم
الليلة نشاركوكم/ن الحلقة الأولى من بودكاست اداريات إلي قررنا باش نهديوها إلى ذوي وذوات الإعاقة وين حكينا على اجراء "بطاقة إعاقة" وشنوما الإمتيازات
باش تعرفو كل التفاصيل والخطوات اللازمة باش تتحصل على بطاقة اعاقة، أدخل على الليان هذا
https://idaraty.tn/procedures/octroi-carte-handicap
شاركونا رايكم في التعاليق وما تنساوش باش تبرتاجيوها مع أصحابكم/ن وإلي يعنيهم الأمر
#idariyet #podcast #handicap #بودكاست #اداريات
#Tunisie #Idaraty
اداريات بودكاست، مواطن/ة في إدارة - إطلاق المبادرة
إلى كل متابعين ومتابعات إدارتي نقدمولكم بودكاست إداريات
من طوا تنجمو تسمعونا وتزيدو تتفاعلو معانا بخصوص الإجراءات الإدارية
اكتبولنا في التعاليق رايكم ومقترحاتكم وشاركونا قصصكم، نستناوكم/ن
#podcast #idaraty #idariyet #procédures #administration #إدارتي
#Tunisie #Idaraty