Iz mau Realtalk
By Gian Mader und Luc Blunier
Iz mau RealtalkOct 11, 2020
E27: Nimm dis Testo
Nehmet nech de Titu zherz. Spässli. Kmdd. Uf jede fau heimr wük zu 0 Prozent vor irgendöpis sinnvous i die Fougebeschriebig dri ztue. Hei üs denkt es lohnt sech efach nid. Anstattdessen hie e Definition vonere Kaffeetasse:
Kaf·fee·tas·se
Substantif, feminin [die],
Tasse, aus der Kaffee getrunken wird.
Ds isch e chline Teaser was euch i dere Foug erwartet. Es hout nech vo de Socke. Believe me. Naja. Mir wünsche euch e wunderbari Wuche. Ohne beschwerden. Choufet ke Waffe, und wenn doch, verchoufet se widr. We call it Handel. But not Use. Please. Thank You. See you Later, Alligator.
E26: Realshort
Churz aber ungloublech spassig isch die 26. Episode vo Iz Mau Realtalk. Thematisch aber verglichbar mit der Silverstar im Europapark. Neujahresvorsätz werde kulinarisch gwürzt und thematisch künstlech versüesst. Nach vergangenem Abstimmigssunnti heimr ds no Formgrecht düregno, und ordentlech wegbesproche. Die Überbouigsordnig nehme mir so nid ah. Und mir kämpfe o gege ds Ergebnis. RIGGED! Und übrigens, wie weimr e Planet erreiche wo hunderti vo Liechtjahr entfernt wird? Efach mau Bezug nä. Mir wünsche euch e entspannti Wuche vou vo agnehmer Liechtigkeit und Spassigkeit. Löht doch e Follow da und probiers mal, mit Gemütlichkeit mit Ruhe und Gemütlichkeit. (Bis ehrlech du hesh de Satz gsunge) Naja, Tschöss.
E25: Miss World
Wer wird i dere Foug zur Iz mau Realtalk Miss World krönt? Ishs der Pitbull oder doch dr Alain Berset? Klar ish, YB spiut nächst Jahr Champions League. Emu füre Gian, dr Luc ish da noni so sicher. Ws ni darf fehle si die deepe Theme, und dadrvo heimr hüt sogar mehreri, es isch ungloublech. Dir wüsset was zdüe ish. Shnapped nech e Teddybär und versammlet nech imene Kreisli mit eune Liebste. Löt üsi Stimm i euch itouche wie dr Michael Phelps (ja me schribt ne so i ha nachegluegt) ir Olympiadisziplin. Machet nech e schöne, gniesset no chli Sunne bevors nächst Wuche widr zrüg ungere Pullover geit. (Übrigens, Pull = ziehen, und over = drüber, aso zemme eig drüberziehen. Nid zverwechsle mit Pullunder = drunterziehen). Me ghört sech gli und i vouer Pracht wes widr heisst: Top, die Wette gilt.
E24: ****** *** ****
Was versteckt sech ech hinger de magische Sternli? Und i welem Kontext wirds ech verwendet. Das und viu meh erfahret dir i dr 24 Usgab vom Iz mau Realtalk Podcast. Me chönt meine, ds isch e Adventskalender, nume ds jede Mänti Wienachte isch (Zwinkersmiley). Es wird wärmer, aso schmeisset eui Teetassene weg, verrummet eui Dounejäggli, es geit it Sunne. Tanket e chli Vitamin D und loset drzue die voui Kost vo üsere Laberkunst. Themene si breitgfächeret, und wahnsinnig interessant. Spass. Isch trash. Aber lustig. Aso Lose. Danke. Dankeschön. Merci. Me ghört sech. Tschüss. ;)
E23: Biologisch Urinstinkt
Biologisch Urinstinkt: Was meine mr drmit. I dere Foug heimr es sehr aktuells, aber o kontroverses Thema besproche. Mir hei spontan über öpis gredt, womr üs im Moment Gedanke drzue gmacht hei, und üs dementsprechend chli verlore hei im Verlouf vom Gspräch. Mir hei üs trotzdem drzue entschide, die Foug ufezlade, wiu t'Mainussag i üsne Ouge immer no üser aktuelle Meinig entspricht. We dir aber findet, mir gseh das fausch, oder wenn mir Sache angers ahluege aus dir, denn wäre mr froh um Feedback und Inputs us eurer Sicht. I hoffe mir hei niemer persönlich ahgriffe und wünsche euch e schöne Start it Wuche. Merci für z'lose, und bis zum nächste Mau.
E22: Seminar 101
Du wosh rich werde ohni seuber e Idee z'sueche? Du wosch e Marktlücke schliesse ohni gross züberlege? Denn bsuech ize z'Seminar 101, Abteilig wie wirdi rich, ungerrichtet vom Iz mau Realtalk Podcast. Mir zeige euch i eim oder weniger schritte, wieme cha rich rich werde. Aber trotzdem. Me muess de wahre Tatsache it Ouge luege. Dr Klimawandu verfougt üs, und genau glich verfougt euch o t'Husufgab, z'Video gluegt zha vo Simplicissimus. Wiu anhand dem werde mir dr Klimawandu mau so richtig wegdiskutiere, ohni wenn und aber. Sit aber ni trurig, wiu mir hei e guete Winter hinger üs. Z'Jahr 2020 isch ume und mir hei viu drus glernt. Mir hei glernt wert schätze, und ds mache mr o mit üsne Views. Merci für z'inelose. Ds isch SRF Meteo gsi, adieu mitenand.
E21: Error 50/50
Lang vermisst aber nie vergesse. Iz mau Realtalk startet iz 2021i mitemne 90minüter. Mir sege ja immer: Quantität vor Qualität, aber hüt ish Quantität gleich Qualität. :) Wie o dr Biden heimr dr Elefant im Ruum müesse ahspreche: Zum eine natürlich t'USA, und zum andere Corona. Aber: gwürzt mit feinstem "Iz mau Realtalk"-Aroma, unverwechselbar und einzigartig. Aso los, dr Griff zude Marshall-Chopfhörer isch nid wit. Gönnet nechs und löhts la würke. Wiu: üsi Jahresvorsätz si endlech da. Endi jahr werde mr zemme ahluege, öb mr se hei erreicht oder nid. Es isch es Prachtwerk, ig chami fash ni zrückhaute. Göttlech. Na dann, mir rite iz i Sunneuntergang, dr Luc ufem brune Ross avalon und ig ufm Schimmu Eclipse. Lul, comedy gold. Iz aber fertig, ds zieht sech ja meh it Längi aus t'Präsidentschaft vom Trump. (mittlerwile übrigens fertig, liebi Republikaner). Tschüüüüüüüüüüüss.
E20: Interessant
E19: Amazonien
New week, new realtalk. Vili Spannendi Theme, und vorauem Frage a Luc. Nachdem mr no churz üse Talk über Corona vo letscht Wuche rekapituliert hei, heimr über üsi Plän und Gedanke zum Uszieh und zum Lese besproche. Witer heimr üs öpis Grosses vorgno punkto Jahresvorsätz. Sit gspannt! Comme d'habitude natürlich viu Theme ohni Zemmehang aber trotzdem i eire Foug uf 60 Minute abebrätscht. Oder wie me o seit, g'realtalked. Sone Spruch vo üs. Me gseht sech und ghört sech. Tschöss.
E18: Chase dini dreams
Uii Präsidentschaftswahle hei ni nume bir Uszeuig Zyt brucht, sondern o i dere Foug t'Besprechig. We der üsi beide Sichtwise zu dem Thema weit wüsse, was mir vom Biden, oder vor abgloffnige Präsidentschaft vom Trump haute, unbedingt ihschaute. O Corona het ja wieder e chli für Tumult gsorgt i üsem Land, und mir si ganz ehrlech, mir chöis niso ganz nachevouzieh. Aber jo, es isch wie so viles Meinigssach. Sit ni gd ihgschnappt we öper ni genau glich denkt wie dir, tuschet nech us und lehret neui Sichtwise kenne. Mir si ja schliesslech ni z'Amerika (zwinkersmiley). Und nie vergesse, machet was nech Spass macht, föht mit neue Sache ah und göt o mau es Risiko i mit der Chance es neus Hobby zfinde. Chased. Eui. Dreams. Peace-out!
E17: Oh Mann!
E16: Frühwinterlich
E15: Airplane-Hype
Die Foug isch ja gloffe wie e Spitzesportler im Walking (i Chlammere komischi Sportart tho). Mir hei über t'Synchronisationsparadies Dütsch gredt, und wie interessant mirs finde, neui Sprache z'lerne. Spoiler: Ei Partei chli meh aus die anderi. Drzue o no e ernsthafti Bitt vom Iz-Mau-Realtalk-Komitee und Fanverband: Bruchet z'Wort "gedänket" NIEMEH! Danke. Fänks for listening and sharing. Chlini Randbemerkig, nehmet dr Schluss nid z'ernst. Tschöss.
E14: Chrap
Foug 14 Bitcheesss. Wieder spannendi Theme si behandlet worde. Mir hei über z'Schusystem gredt und drüber wie dr Wandu zur Digitalisierig ufghaute wird. Drzue vrzeut dr Gian no e chlini und sehr amüsanti Gschicht über sini Vergesslechkeit. Und aus grande Finale plane mr usm nüt und ohni Vorbereitig üsi Troumferie und entscheide üs weli Aktivitäte mir da drbi mache. Und we du wosch erfahre was dr Titu uf sech het, denn click in. See ya next week.
E13: Unagnähm
Die Foug isch so deep me chönt meine si wär vom Lewis Capaldi. Wük e sehr interessanti Foug worde unds uf jede Fau wert ahglost zwerde. Aso we dir weit wüsse was mir denke, wrum me Angst het vor bestimmte Lüt persönlechi Sache z'säge oder üsi laiehafti psychologischi Analyse werum "Rede" so ungloublech wichtig isch denn let's go und drück druf!! Wie bereits erwähnt vergesset nid uf üsem Twitter-Account verbizluege für t'Umfrag zu mire Maturarbeit und natürlich o für angere Stuff. Mir bedanke üs wie immer für jede Zuehörer und hoffe natürlich es het nech gfaue. Wie immer würde mir üs freue we dir andere drvo würdet vrzeue. Mfg, mit freundlichen Grüssen,
Die Welt liegt uns zu Füßen, denn wir stehen drauf.
E12: Lot's Geu!
Interessant, gseht so us aus hät dr Luc und dr Gian e neui Podcastfoug ufeglade. Es verbreite sech Grücht, das die Foug anschinend sehr interessant und amüsant isch zum ahlose. Ah dire steu würdi iz z'Pischi ahlege, uf z'Sofa sitze, sech mitmne Gläsli Wisse vor z'Kaminfür pflanze, efach abschaute und sech dadrbi ahlose wie sech die beide über medizinischi Operatione, die letschti Foug und nid erhautnigi Zuesage und Absage ungerhaute. Wie gseit, es isch nur es Grücht, aber überzüg di doch seuber. Drzue verbreitet sech anschinend, dass si sehr dankbar füre durchgehend Support si. Aso denn, mach drs gmüetlech und leg los. Eui Gerüchteküche.
E11: EigEigEig
E bitz ihgrostet simer zrüg us dr Summerpouse. Chli e dürwuschleti Foug aber trotzdem e Ufruef wert. Idere Usgab "Iz-mau-Realtalk" heimer besproche werum sech so viu lüt so schneu offendet füehle und öb das je nach dem zu recht passiert. Drzue heimer zum Schluss e sehr interessanti Diskussion gha, öb z'Schwizer Radio und Fernseh gnue uf di Junge lüt ihgaht, oder ob si sech no meh chönte drbi engagiere. Mir hoffe wie immer ds nech o die Foug gfaut und bis nächst Wuche.
E10: Inefuchse
Foug 10 vor der Summerpouse. E knackigi Stund gfüut mit interessante Inhaut und interessante Talks. Spass. nid bi üs! Gönnet nech üsi Gspräch über z'aktuelle Gschehe, und erfahret wases mit "Im Mittupunkt" und "I'm Joking" uf sech het. Drzue: Neui Rubrike und Weisheiten aller erster Sahne. Viu Spass. Teilet und füehlet nech frei angerne Lüt drvo z'vrzeue. later.
E9: Pubertäre Liechtsinn
E8: Göt chli me ufe Friedhof!
Scho die achti Foug. Themene i dere Foug hei e klassischi "Iz mau Realtalk" Varianz. Mir rede übere Fuessbau, und drüber öb der Tod friedlech isch. Mir hoffe natürlich es het nech gfaue und es würd nis freue we der ne teilet. Und vrgesset nie: Göt chli meh ufe Friedhof und Hala Madrid. Mfg
E7: Spändeufruef
E rechtzitig ufegladni foug 7. Thema? Organ- und Bluetspende und witeres. Für meh Informatione bezüglech Organspende bsuechet doch leben-ist-teilen.ch und für Bluetspende ichspendeblut.ch. Machets, vilecht bruchts ja de dr Joe Biden. Mit fründleche und spendende Grüess. Eui Hosts. Hiube!
E6: Massnahme über Massnahme
E5: Black Lives Matter
-
E4: Fäischter
E3: Dänkät a Storch!
Und hie ish Foug 3! I dere Foug bespreche mr t'Wichtigkeit vor LGBQT-Bewegig, und philosophiere drüber, wie mr wou i paar Jahr werde outofahre. Zum Schluss giz no paar wiukürlechi Themene ohni Zemmehang. Viu spass drmit und merci für z'ahlose!
E2: Verallgemeinisiere
Foug 2 isch duss. I dere Foug heimr dr Rege schön gredt, über z'ändi vor mönschheit philosophiert, und es paar Brandredene und Flames si natürlich o drbi. Viu spass mit dere Foug, teilet se weder weit und schribet üs eui Meinig privat. Danke ah jede wo o i dere wuche het ihgschaute. Mir hoffe es gfaut nech und bis zum nächste mau!
E1: Iz mau Realtalk
Di ersti Foug "Iz mau Realtalk" isch da. Ir erste Foug bespreche mr, ob Maturprüefige sötte oder chönnte düregfüert werde, und rege üs über die Person uf, wo sech drzue entschide het, Musig ir Telefonwarteschlange lah z'loufe. Zum schluss giz no e eher nachdenkleche Realtalk, öbs mittlerwile no abracht isch sech aus lebensziu richtum z'setze. Mir hoffe es gfaut nech und viu Spass!