請原諒我要十二點前瞓覺

最近搬到新家，是我第一次有完全屬於自己的空間。新居在維港旁，每一扇窗都裝滿海港與路過的船。白天晚上沐浴於海風之中，好像所有生活中的不如意都變得好過一點。星期五工作遇到阻滯時，眼光放空望着一艘艘船緩緩駛過，好多自己覺得是天大的事，海浪不會停、日落亦不會等人，世界仍然不停轉。這時候呼一口氣，嗯，都是小事一樁。這是我第一次搬家。原來，搬屋的過程很像告別某個階段的自己，又像在塑造新一個版本的自己。我相信環境造就一部份的自己，所以告別一個空間、環境，便是吿別那部份的自己⋯⋯

詳文請看：https://thelesserevil.co/podcast/ep58-the-midnight-library

🧠🔍🧠🔍🧠🔍🧠🔍🧠🔍🧠🔍🧠🔍🧠

曾幾何時，我發誓我要找一個會做運動的男朋友。我自小不運動，沒有任何運動天份。二十多歲時因為覺得生活沒有什麼寄託、嗜好，加上剛剛畢業覺得自己一無是處，納悶至極時想到做運動既可kill time也實惠，便開始每天做運動的習慣。在最熱衷運動的那一年，我對自己承諾，以後一定要找一個會做運動的伴侶。到最後真的找到了，但人與人之間相處又豈可單靠一個共同嗜好維繫？雖然運動不再是我的擇偶條件的must-have，但我仍然深信運動有改變一個人的魔力⋯⋯

詳文請看：https://thelesserevil.co/podcast/ep57-fitness   

🧠🔍🧠🔍🧠🔍🧠🔍🧠🔍🧠🔍🧠🔍🧠

一行禪師是越南人，而剛巧我第一次覺得真正「食」過一餐飯也是在越南。我經歷在熙來攘往的馬路上以為自己要被車死的驚嚇後，還遇上微微雨，終於到達電話上的地址。差不多黃昏時間，天暗又下雨，我在門外來回走了兩遍，心想一定是得罪了的士大佬。我不心息，對一對街名，查一查街號，於是膽粗粗走進夾在兩幢矮小的建築之間的小巷。小巷的天花很矮，左右兩邊泊了十數架電單車，我再往前走，便聽到刀刀叉叉相撞和港式大排檔充滿「鑊氣」熱騰騰的炒菜聲音。最記得左右邊都是日本餐廳，因為我在想為何日本餐廳會有炒菜聲。我記得這些細節，因為我知道這些就是我脫離視覺感受前可以記得的東西⋯⋯

詳文請看：https://thelesserevil.co/podcast/ep54-how-to-eat

🧠🔍🧠🔍🧠🔍🧠🔍🧠🔍🧠🔍🧠🔍🧠

小時候，我不喜歡戴眼鏡，更不喜歡戴眼鏡照鏡。我覺得自己其貌不揚，於是instead of using a filter，我就利用身體的自帶濾鏡——幾百度近視，朦朦朧朧地認住自己的樣子。跟很多朋友說過，大家都覺得匪而所思。大概是覺得我太誇張，又或是對近視作為濾鏡這個發明感到詫異。若干年後，真要拍拍自己膊頭，讚吓自己－－誰會料到如今濾鏡竟然風靡全球。有誰的自拍是手機直出毫無修飾，便能夠冠以一個#nofilter的光環，可想而知filters的力量。這裡說的filters當然不是Instagram獨有，但卻跟它淵源頗深。如果你也跟我一樣，擺脫不了旁人的目光，就必定要聽這一集了。之前隨筆提過，最近在讀一本Instagram的進化史，說有機會要跟大家分享。幾星期後，終於讀畢此書。本來以為內容屬於老生常談那一類，教導大家Instagram害人不淺等等大道理，但驚喜是此書涉獵頗多Instagram與Facebook內部決定的背景，側面描寫了Mark Zuckerberg是怎樣的一個人，令我更了解最近鬧得沸沸揚揚的新聞——Facebook改名成為Meta的原因和方向。

全文請閱：thelesserevil.co/podcast/ep52-instagram-zuckerberg-metaverse-snowcrash 

🧠🔍🧠🔍🧠🔍🧠🔍🧠🔍🧠🔍🧠🔍🧠

自從上一集探討工作帶來的壓力以後，我的思緒自然飄到為何我們要工作？直白來說，問的就是My Little Airport的《邊一個發明了返工》。這星期讀完的其中一本書是James Suzman的《Work: A history of how we spend our time》。書令我想起Jared Diamond的《Guns, Germs and Steel》，因為兩者都是從考古和歷史的角度分析人類進化。作者首先定義工作為「energy capture」，就是所有生物都需要賴以為生的動作（「to live is to work」）。根據這個框架，所有生物都需要工作。但是人類95%的歷史告訴我們，工作並不是我們現在所知所為、為人生帶來意義、滿足感、成就感的「purposeful work」⋯⋯

詳文請看：https://thelesserevil.co/podcast/ep50-i-know-who-invented-work

🧠🔍🧠🔍🧠🔍🧠🔍🧠🔍🧠🔍🧠🔍🧠

既然講到因為工作令自己過於緊張，不如跟諸位打工仔分享一下我最近看過印象最深刻的一篇文章吧。文章題為《The Religion of Workism Is Making Americans Miserable》，作者Derek Thompson。文章以美國為中心，但論述也可以應用在香港上。作者說，隨著科技發展和工業自動化，宏觀來看人類的工時的確比以前少了，但我們未必留意到的是，有錢人的 工時反而比以前長了許多。工作由「a means of material production」進化成「a means of identity production」。文章題目中的workism指相信工作是體現一個人的身份和人生意義的渠道，相信為了體現自己，唯一辦法就是工作更多而不是工作更少⋯⋯

詳文請看：https://thelesserevil.co/podcast/ep49-workism

🧠🔍🧠🔍🧠🔍🧠🔍🧠🔍🧠🔍🧠🔍🧠

最近都幾開心，因為我竟然可以喺一個weekend入面睇晒一本書！所以好想同大家分享。呢本書叫《Cultish》，副題為「The Language of Fanaticism」。我係喺Instagram上面嘅書友仔嘅account發現到呢本書嘅。其實第一眼係因為佢個封面有個幾突出嘅typeface，好膚淺呀呵？先唔講內容先，最近DSE放榜，加上呢本書就勾起咗我細個嘅回憶。。。

詳文請看：https://thelesserevil.co/podcast/ep48-cultish-the-language-of-fanaticism

🧠🔍🧠🔍🧠🔍🧠🔍🧠🔍🧠🔍🧠🔍🧠

希望大家鍾意啦！Check out Hallie's work from https://www.instagram.com/leftinmonfalcone/ !!

Full IG version: https://www.instagram.com/p/CRbyj0igNkq/ 

(1:36) 家中的Matisse - Blue Nude II

(6:05) 我哋點識？ How did we know each other

(8:00) Hallie / Haizi / Leftin = ？

(12:00) 點解開始寫文章？ How we started

(22:00) 創作過程 Creative Process

(28:00) 創作是和自己和解的過程 Creation as a form of self-acceptance

(32:00) 每一篇IG文章都是嘔心瀝血的成果 

(43:00) 愛情💓與旅行🧳 Eat, travel, love

(52:00) 我們的本科：社會學、語言學 + Fine Arts

(1:02:00) Abstract Art

(1:14:00) Books/Artists Reco 

🧠🔍🧠🔍🧠🔍🧠🔍🧠🔍🧠🔍🧠🔍🧠

唔知大家鍾唔鍾意買衫呢？如果你有睇過我之前喺果籽嘅訪問，就會知道我以前係一個不折不扣嘅購物狂。我有好多衫。當時喺外地讀書，網上購物可以話係先進過亞洲好多地方。當時已經有Asos，跟住我甚至乎sign up咗same day delivery，每日都有包裹，連college嘅porters都認得係我同另外一個星加坡同學日日都有parcels。。。啲衫可以多到一個學期8個禮拜都唔使洗衫，所以我去Laundry嘅次數應該係得一兩次。其中一次我終於的起心肝買咗一支好大嘅laundry detergent，諗住放喺laundry room啦唔係又要咁重拎返上樓，點知洗完一機衫之後返到去，竟然成支變咗空樽。自此之後，我就冇再嘗試洗衫⋯⋯

詳文請看：https://thelesserevil.co/podcast/ep47-secondhand-fashion-pros-and-cons

🧠🔍🧠🔍🧠🔍🧠🔍🧠🔍🧠🔍🧠🔍🧠

大家對氣味敏唔敏感呢？感官之中，視覺、味覺係可以自主，例如我哋可以選擇唔睇、唔食；但係聽覺、嗅覺係無得揀。眾所周知，氣味訊息會傳遞到腦入面負責smell identification、記憶同情緒嘅部位。所以我覺得我哋都有少少underrate嗅覺嘅重要性！喺2013年The Guardian嘅文章入面，Central Saint Martins嘅Amy Radcliffe嘅MA Project入面，一部佢命名為Madeleine嘅機器可以將物件同埋環境嘅氣味吸入，然後根據化學分析，重新製造呢一種氣味。佢話就好似影咗一張菲林相，然後拎去曬咁。睇來，一個可以完全虛擬，但係滿足晒我哋各種感官嘅世界，同我哋都唔係咁遙遠⋯⋯

詳文請看：https://thelesserevil.co/podcast/ep46-history-of-fragrance-and-digital-aroma

🧠🔍🧠🔍🧠🔍🧠🔍🧠🔍🧠🔍🧠🔍🧠 

今次都想帶大家減下壓，諗下一啲平時未必會諗嘅嘢。唔知你會唔會幻想老咗嘅世界係點呢？你會即刻諗到啲乜嘢景象呢？係都市入面嘅悲情故事，定係哈爾移動城堡入面嘅蘇菲婆婆嘅豁達呢？睇過一篇文章，入面有一個字「longevity revolution」，其實就同Harari嘅《Homo Deus》講嘅類似，就係人類好似想變成神，想長生不老。就好似BBC呢一篇文章咁講《The ambitious quest to cure ageing like a disease》，將老去呢一個自然過程變成一個疾病咁去醫治。但係咁樣就帶出咗一個問題：are we now living longer, or dying longer？

詳文請看：https://thelesserevil.co/podcast/ep45-ageing-living-or-dying-longer 

🧠🔍🧠🔍🧠🔍🧠🔍🧠🔍🧠🔍🧠🔍🧠 

最近大家不停聽到NFT Art，其中一單不停有人重重複複reference嘅呢就係Mike Winkelmann, also known as Beeple，一個NFT作品名為《Everydays: The First 5000 Days》喺藝術拍賣行Christie’s賣得超過六千九百萬美金。今集將會為大家解釋吓究竟咩係NFT art，同埋究竟買咗佢即係買咗啲咩呢。。。。之前第42集講過關於ownership同access嘅概念，都有輕輕帶過NFT Art。NFT可以衝擊我地對ownership嘅概念。如果想深入啲了解呢個topic，我約埋唔同content creators一齊，希望可以帶俾大家唔同嘅角度。大家可以移玉步到《Madchun講科技》嘅最新一集，同Explainerhk嘅infographics。事先聲明，我唔係專家，所以請大家多多指教🙇🏻‍♀️

詳文請看➞ http://thelesserevil.co/podcast/ep44-nft-art-access-ownership 

個個都睇書，唔通個個都識睇書咩！哈囉哈囉咁多位書友仔，今次延續Instagram上面嘅【你問我答】嘅問題，就係點樣先會記得睇過嘅書嘅 內容或者組織睇過嘅內容，成為一個「intellectual」。先唔講我唔覺得自己能夠稱得上係一個「intellectual」先啦，我希望今集都可以拋磚引玉，同大家討論吓我自己嘅習慣同睇法

詳文請看：https://thelesserevil.co/podcast/ep43-how-to-read-a-book

🧠🔍🧠🔍🧠🔍🧠🔍🧠🔍🧠🔍🧠🔍🧠

之前係instagram嘅「你問我答」入面，有唔少人問我點樣先至可以睇多啲書，又或者點樣先可以肯定自己記得書嘅內容。於是我其中一個答案就係要間書。由以前溫書嘅年代，直到畢業出黎做野、睇書，我一直都係唔錫書嘅人。凡係我睇過嘅書，通常個cover page我都會印個embossing，然後我又會寫低我幾時開始睇呢本書，有陣時會寫埋啲key themes，同埋一路揭會有啲highlight或者underline等等。我當時喺instagram就講笑話咁係我嘅佔有慾太強掛。於是就令我聯想到乜嘢係佔有、擁有嘅概念⋯⋯

詳文請看：https://thelesserevil.co/podcast/ep42-access-vs-ownership

🧠🔍🧠🔍🧠🔍🧠🔍🧠🔍🧠🔍🧠🔍🧠

講到時裝，有一次我搭巴士嘅時候，舉目四顧，全部人都著住同一樣嘅制服！呢個唔係發夢，係實實在在嘅真人真事。所有圍繞住嘅人都係著住一樣大家衣櫃入面一定有好多嘅－－牛仔褲！如果你而家喺街，可以四圍望吓，數吓一分鐘之內，有幾多人著住牛仔褲或者任何用牛仔布整嘅衣物行過？今次呢個故事對我嚟講別具意義，原因係同一樣嘅故事，我由2018年想講，只係當時我嘅觀眾唔多，但係到咗2021年我終於有返咁上下嘅audience，即係你哋！好多謝你哋聽今集。

詳文請看：https://thelesserevil.co/podcast/ep41-denim-making-and-indigo

🧠🔍🧠🔍🧠🔍🧠🔍🧠🔍🧠🔍🧠🔍🧠

大家好嗎？唔知大家喺疫情下點樣識朋友嘅呢？有冇用過坊間嘅dating app呢？想當年我都算用過一段時間。當時我好熱衷舉重同埋高強度運動。如果呢度有CrossFit 嘅朋友仔可以相認吓！我通常first date會約對方去gym，都嚇親唔少對象😂 宜家應該改做去《好青年荼毒室》行返轉買返本書先。唔知大家有冇試過，睇相好似唔錯，網上面傾計都好傾，但到真人見面嘅時候，就似一個空洞嘅軀殼，無話題，亦都唔知點樣打發約出嚟嘅時間。如果你話我哋認識朋友嘅時候，可以認識咗佢嘅內在先，你話幾好呢？所以就萌生念頭，諗如果我可以設計一個dating app我會點呢？

詳文請看：https://thelesserevil.co/podcast/ep40-designing-my-own-dating-app

🧠🔍🧠🔍🧠🔍🧠🔍🧠🔍🧠🔍🧠🔍🧠

喺寫緊呢篇稿嘅時候，我喺彌敦道上面嘅巴士上面。望住五光十色嘅招牌，密密麻麻嘅文字，我由太子一路搭到油麻地。耳筒入面響起soundtrack入面嘅緩慢、深沉嘅節奏，鼓聲配上一種近乎係tribal同宗教儀式入面嘅歌聲。望住窗外嘅景色，如果而家落雨嘅話，應該會同作品入面嘅場景有啲相似⋯⋯

詳文請看：https://thelesserevil.co/podcast/ep39-ghost-in-the-shell

🧠🔍🧠🔍🧠🔍🧠🔍🧠🔍🧠🔍🧠🔍🧠 

呢個podcast算係我喺動盪不安嘅年代少少嘅喘息空間，令我可以脫離現實。大家有冇睇過Ronnie Chieng嘅棟篤笑？希望可以令大家笑著咁休息十分鐘。

詳文請看：https://thelesserevil.co/podcast/ep38-time-ownership-and-magic-of-not-giving-a-fck

🧠🔍🧠🔍🧠🔍🧠🔍🧠🔍🧠🔍🧠🔍🧠

最近唔見咗兩個禮拜係因為Clubhouse！！唔知你哋有幾多人同我一樣都係introvert內向嘅人呢？我發現我真係唔係一個轉數好快嘅人，同埋要同人對話真係令我覺得好攰好攰，所以玩咗一個禮拜Clubhouse我就已經burn out！為咗呢一集，我特登搵番遠在澳洲嘅好朋友Joyce送俾我嘅一本書《Quiet》嚟睇。呢本書作者Susan Cain。好好笑，個封面副題係：The power of introverts in a world that can't stop talking。真係好應景。當年睇咗呢本書係令到我開竅，令我embrace自己嘅性格原來係冇問題嘅。

詳文請看：https://thelesserevil.co/podcast/ep37-introverts-in-clubhouse

🧠🔍🧠🔍🧠🔍🧠🔍🧠🔍🧠🔍🧠🔍🧠

星期六嘅時候被邀請去參觀最近好多人講嘅皇都戲院。大家都喜歡拍皇都的屋頂，但我鍾意嘅係拆咗假天花而得以重見天日嘅戲院內部。沿著一個暗暗嘅入口，當時裡面係工程當中，所以牆都是灰灰的，靠著窗邊而來嘅微弱陽光，上咗幾層去到超等座⋯⋯另外一樣我好想好想今個禮拜講嘅呢，就係好紅嘅Clubhouse。喺五官之中，大家已經玩夠咗visual，由YouTube、Instagram去到Tik Tok，大家都攰啦下嘛？而嗅覺、皮膚觸覺、味覺又未係好多嘢玩，所以聽覺就係下個要征服嘅世界。AI時代，需要嘅係好多連上個人嘅身份嘅數據。劇本已經寫好，歡迎大家終於來到連對話都可被監控、預測嘅新時代！

詳文請看：http://thelesserevil.co/podcast/ep36-clubhouse-and-the-future-of-surveillance

一直以來，作者主張大家可以從消費入手，每一蚊都係改變制度嘅一票，成為一個ethical consumer。幾十年來，佢食素、買有機食物、唔買快時尚，甚至為有意識消費寫書。呢一種用消費令世界變得更好成為咗佢嘅identity。佢嘅轉捩點係喺肺炎席捲全球期間，佢問自己，我哋社會嘅問題，由氣候危機到制度上嘅種族歧視、到經濟嘅不公平嘅問題，原來係咁嚴重、咁深入制度，而一場疫症令我哋不得不面對呢啲不公。簡單來講就係，搞咗咁耐，到有事嘅時候原來都仲係有咁多問題！！！所以，佢走咗去Gap買衫🚬🤷🏻‍♀️

【#HongKong級別】Patrons鳴謝：Nikolas & Gimki 多謝你地嘅支持！！

（後話：道德消費者唔等於環保撚！係！我認我用咗clickbait！！但因為佢呢篇文題目翻譯做中文悶到抽筋⋯⋯ 新一集真心低質，只係抓到個皮毛，但好好值得用一集去講Elizabeth Cline嘅呢一篇文章，畢竟係佢令我放棄快時尚。雖然覺得論證唔係好tight，同埋講到左派右派少少，不痛不癢咁，好明顯就嚟大選加落去啦，但係都講到少少嘅，算係可以引出少少討論反思咁啦，最緊要係我都係唔係好信佢真係走咗去買Gap 🥺）

詳文請看：https://thelesserevil.co/podcast/ep35-consumer-activism

🧠🔍🧠🔍🧠🔍🧠🔍🧠🔍🧠🔍🧠🔍🧠 

今次決定要做一個比較輕鬆啲嘅題目，靈感係來自之前instagram上面問大家有啲咩問題想問我嘅時候，唔少嘅回覆都係環繞住點樣學英文嘅。而間唔中都有人問我同一個問題。之前一路都唔知點答，因為呢個唔係一個學語言嘅頻道，我亦都唔係老師，但係被問得多都有啲答案係不停重複又重複。亦都好多謝大家咁俾面，喺一個廣東話podcast入面聽我講點樣學英文😂 詳文請看：https://thelesserevil.co/podcast/ep34-chris-wong-and-english-learning  

🧠🔍🧠🔍🧠🔍🧠🔍🧠🔍🧠🔍🧠🔍🧠  

唔知大家識唔識打麻雀嘅呢？我就係所有聯誼遊戲嘅白痴，啤牌、麻雀全部都唔識，但係最近睇到一副麻雀，個設計都非常特別喎，就引起好多人嘅注意！其實cultural appropriation係好值得我哋留意，尤其係而家種族、文化嘅關係微妙，大家都如履薄冰。喺現今globalised全球化嘅社會，經常有文化交流，再加上最近好多香港人講移民⋯⋯如果淨係一個文化嘅人先可以consume自己嘅文化，咁我哋唔可以聽hip hop、食pizza、唔可以煮法國菜、唔可以講英文？究竟幾時先係cultural appropriation，幾時先係cultural appreciation？

詳文請看：https://thelesserevil.co/podcast/ep33-cultural-appropriation

🧠🔍🧠🔍🧠🔍🧠🔍🧠🔍🧠🔍🧠🔍🧠 

《Mindf×ck》講嘅除咗係SCL到CA嘅前世今生點樣由軍用去到用於政治，亦都係我哋好多人都睇漏咗嘅：有data都要有人識用，先可以f×ck people up。Data只係基本，但更重要嘅係點樣摧毀一個群體。由摧毀、分化犯罪集團，到點樣為極右思想埋下根基，呢本書都可以為你提供答案⋯⋯

詳文請看：http://thelesserevil.co/podcast/ep32-what-data-cant-do

🧠🔍🧠🔍🧠🔍🧠🔍🧠🔍🧠🔍🧠🔍🧠

幻想下，你而家喺床上面暖笠笠嘅被鋪入面。而家係朝頭早嘅8點正，鬧鐘根據你琴晚上床訓覺嘅時間、日出時間同埋你今日嘅agenda計算到你今朝差唔多時間起身。 "Hi Joanna. Your mood is under average rating vs population. You are prescribed a dose of happiness today. Please make sure you take it before your 9.25am appointment. Have a nice day!"

詳文請看：https://thelesserevil.co/podcast/ep31-digital-drugs

🧠🔍🧠🔍🧠🔍🧠🔍🧠🔍🧠🔍🧠🔍🧠

話咁快就第三十集喇！唔知大家今年過得點呢？我就覺得今年過得好漫長。每一日都有好多難受嘅新聞。其實點解開始呢個podcast係因為我喺上年開始有失眠嘅問題，試過meditation、bedtime music，於是我就想臨訓前聽一啲輕鬆柔和啲嘅故事，但係搵極都無。把心一橫，我就諗不如自己錄俾自己聽啦。所以其實大家而家聽緊嘅每一集都係好personal嘅創作，感動唔到、啟發唔到我嘅，我係唔會整出嚟架！今次唔再扮《好青年荼毒室》哈哈，要講嘅係Highsnobiety嘅一篇文章《Creativity is Dead, Long Live Curation》，作者Ana Andjelic。隨著社交媒體同資訊普及化，無論你鍾唔鍾意都好，策展人嘅角色唔再局限喺展覽入面，時代嘅策展人，係你同我。

詳文請看：http://thelesserevil.co/podcast/ep30-we-are-all-cultural-curators 

🧠🔍🧠🔍🧠🔍🧠🔍🧠🔍🧠🔍🧠🔍🧠

今個禮拜六嘅天氣唔係幾好，今日又有幾十宗確診，最好呢就係留喺屋企睇書！呢個禮拜我都好想睇哂《娛樂至死》呢一本書。咁岩又睇到最近新鮮出爐嘅虛擬化妝系列，同埋矽谷最新嘅一個淨係可以以聲音交流嘅社交平台。喺未來，我哋嘅身份證唔再係基於樣貌，而係biometrics例如基因、瞳孔等等。如果我哋將呢一個未來，連同《娛樂至死》入面嘅知識傳播model一齊諗，我哋嘅美麗新世界又會係點嘅呢？ 

詳文請看：http://thelesserevil.co/podcast/ep29-loreal-filters-on-zoom

🧠🔍🧠🔍🧠🔍🧠🔍🧠🔍🧠🔍🧠🔍🧠 

今次呢一集係極其驚嚇同痛苦嘅心情寫嘅。以後我哋會用乜嘢方式去measure思想呢？喺Homodeus嘅新時代，我哋嘅一舉一動都被電器記錄。而家網上見到嘅廣告，係根據我哋係網上世界嘅一舉一動。以前我哋會有好多common grounds，因為我哋資訊嘅吸收係報紙、電視，我哋marketing嘅人叫佢哋做mass communication。但係近呢十年多咗嘅係targetted communication。好聽嘅係每個人收到嘅訊息係custom-made，但係難聽嘅係每個人嘅真相都可以唔同。當商家可以咁樣利用data，political campaigns亦都可以。有時我唔知究竟係政治、軍事活動帶動科技，定係vice versa。

詳文請看：https://thelesserevil.co/podcast/ep27-cambridge-analytica

之前有一集《不如我哋唔好再自欺欺人》，係我睇過一篇New Yorker嘅文章，然後講自己嘅感想。嗰一集嘅迴響都唔錯。今次分享嘅係The Atlantic嘅Ideas section，8月31日刊出嘅《All that performative environmentalism adds up》，作者Annie Lowrey。唔知大家有冇睇過喺Netflix上面Bill Gates嘅documentary呢？我曾經同一個朋友討論過其中關於核能發電嘅一集。佢話：「其實個人嘅力量真係好細，只有發展新科技先可以change at scale。」呢句說話留咗係我心入面好耐。如果係咁嘅話，我一直以來做嘅嘢真係垃圾到唔垃圾，對於政策上嘅改變我真係無從入手⋯⋯

我記得我第一次接觸嘅植物奶就係杏仁奶。細個嘅時候飲過嘅杏仁汁就係茶餐廳嘅熱杏霜，發現原來大家對杏仁嘅味道好兩極化。有啲人鍾意，有啲人唔鍾意。近幾年因為想避免飲牛奶，朋友推薦杏仁奶，貪佢夠厚身、同埋味道香濃。於是我就去搵一啲關於杏仁嘅資料。今集就想帶大家去到美國西岸嘅加州……

唔知大家細個屋企嘅公公婆婆有無送過一塊玉俾大家呢，我記得細個嘅時候曾經擁有過一條用紅繩掛住嘅玉。屋企人相信，玉有去凶、避邪、擋煞嘅作用，所以我諗唔係淨係我一個細個帶著一塊玉周圍跑。而家諗返起，我仲記得好似係一個潘桃。唔知有無勾起大家童年嘅回憶呢！

七月嘅北緬甸天氣日頭大概21至23度左右，21歲嘅Si Thu Phyo望住清晨5點落住雨嘅天空，照計應該差唔多畢業喇。佢離開同九個屋企人住嘅屋企去搵佢七個好朋友。鏡頭一轉，佢低頭望住一堆堆灰黑色嘅碎石⋯⋯

你知唔知道點樣可以喺現實世界搵到互聯網呀？如果俾你估，你會估係邊度呢？如果你跟住架空通訊電纜喺森林或原野一路行，去到某一個位你就會搵到internet⋯⋯

Disclaimer: 如果聽到睡著了，就是我想追求的效果 XD。

最近在看一本書，叫《Why We Sleep》。十分滿分的話，這本書大概十一分。不是因為它很好看，相反，因為作者是一個學者，所以敘事手法非常沈悶，但每個論點都有實驗論證，對於實事求是的讀者應該不錯。十一分的原因是它會為所有夜貓子平反！