كوبايتين قهوة - Kobayten Ahwa
By Kobayten Ahwa
كوبايتين قهوة - Kobayten AhwaApr 05, 2021
الديرتي ثيرتي ٤
خناقة
احنا اتخانقنا..و سجلنا..و عملنالكوا من الخناقة حلقة
حلقة مليانه دراما و كلام انجليزي كتير، و وحشتونا كالعادة
ازاي ننظم وقتنا في رمضان؟؟
يمكن الحلقة دي تبقى متأخرة شوية عشان بقينا في نص الشهر الكريم، بس يمكن تنفعك في النص اللي فاضل او رمضان السنة اللي جاية
و احنا مش بس جايين نديكوا شوية نصايح مفيدة في رمضان، احنا فعلا بنتسائل ازاي بتنظموا وقتكوا في رمضان؟؟
الديرتي ثيرتي ٣
ممكن سن التلاتين يبقى مخيف شوية، عشان كدة هريدي بيكلمكم عليه انهاردة في تالت حلقة من سلسلة الديرتي ثيرتي، و بينضم ليه من بودكاست كوالا ساندوتش و نص نص محمد جمال الدين جيمي، اللي هيتم التلاتين كمان كام يوم، و هيتكلم على اللي عمله في التسعة و عشرين سنة اللي فاتو و عن توقعاته ايه في سن التلاتين
كل سنة و انتم طيبين و رمضان كريم
اظبط نفسك (من التوتر)
مش هنقولك ان بعد الحلقة دي التوتر و القلق هيختفوا..لكن اللي نقدر نقوله فعلا ان بعد ما تسمع الحلقة هتعرف ازاي تسيطر عليهم
حلقة جديدة من سلسلة اظبط نفسك مع خالد ديوان بس من غير هريدى في بودكاستكم المفضل
فاعليات
كوبايتين قهوة بالنسبالنا مش مجرد بودكاست، و حد بيتكلم في مايك و حد بيسمع في سماعات
الموضوع اكبر من كدة بكتير، لأننا عايزين نكبر عائلة كوبايتين قهوة
و عشان كدة عملنا فاعليات هتعرفوها لما تسمعوا حلقة انهاردة من بودكاستكم المفضل
اظبط نفسك (حلقة التركيز)
قبل كوبايتين قهوة، هريدي و خالد كان عندهم برنامج على راديو ترام اسمه اظبط نفسك، اللي كانوا بيتكلموا فيه عن الصحة عامة
في الحلقة دي اعادوا احيائه تاني و ابتدوا بموضوع التركيز اللي معظمنا مفتقده اليومين دول
لو ركزت في حلقة هتعرف ايه هاشتاج اللي هتكتبوا على الجروب بعد ما تسمع
ايدينا مع بعض
في حلقة انهاردة استضفنا الخلوق و الملهم محمد حطب، اللي على مدار ساعتين، حكالنا بكل اريحيه عن مشاور تعافيه من سرطان الدم (اللوكيميا)، و ازاي اسس مؤسسة "ايدينا مع بعض" الخيرية لذوي البتر و بقى طرف مهم جدا في عمل الخير
"Meninists"
اين ذهبت حقوق الرجل؟ و مين هو الرجل التمام اللي يستاهل هذه الحقوق؟؟
اعرفوا اجابات الأسئلة دي في حلقة انهاردة من يور فيفوريت بودكاست
انت متربتش!!
كل سنة و انتم مجاورين 🥰
كل سنة و انتم مستمعين ❤️
قهوة عربي
هو ليه خالد بيتكلم كدة؟؟ كلمة عربي و عشرة انجليزي؟؟ هو بيتعوج علينا؟؟
و ليه في ناس بتتكلم كوكتيل و فرانكو اراب؟؟ و يا ترى لغة الجيل القادم هتبقى عاملة ازاي؟؟
احنا سمعناكوا و قرينا تعليقاكوا على الموضوع ده..فا حبينا نحسم الجدل و نكلمكوا عربي فقط في حلقة انهاردة
Calma!!! Silencio...
يا فاشل يا فاشل
قصص النجاح كلها جميلة، بس رد فعلنا من كتر ما بنسمعها الفترة دي بيبقى "يااه..اما قصة، عبرة صحيح" وش كده
و عشان كدة قررنا ان احنا نشاركم قصص فشلنا اللذيذة و الممتعة في مراحل مختلفة في حياتنا و تقريبا وصلنا لسر النجاح
لو عايزين تعرفوه..اسمعوا الحلقة دي من بودكاست كوبايتين قهوة
انت مش عويل !!
خلي عند امك سنس!!
و لو هتنصح صاحبك الغريق ده، هتنصحه بعنف و لا تخلي عند امك شوية سنس؟؟
ده اللي خالد و هريدى هيتكلموا فيه النهارده بعد توقف البودكاست ٥ شهور
Koree's art and creativity
ضيفنا انهاردة هو كوري, اسما و موضوعا
و هو من الناس اللي خليت شغفهم يسوقهم و يبقى مصدر رزقهم و علم يعلموه للناس
جي من خلفيه فيها مزيج لأكتر من ثقافة، مصري و امريكاني واكيد كوري عشان دي اول حاجة قولناها
و عشان منرغيش كتير، عبدالرحمن جبر هو سفير سوني فيلمز الشرق الاوسط و مؤسس
www.koreefilms.com
www.artandcreativity.com
اعرفوه اكتر فى حلقة انهاردة الخطيرة
و اه صحيح كان معانا جيمي من كوالا ساندوش منعرفش ليه، محدش يديله اهتمام
ازاي نخس فى رمضان؟
فى حلقة انهاردة
غير كده هل التشجيع على الخسسان او اي حاجة تانية لازم يبقى بطريقة عنيفة ولا بسلاسة و سهولة و بالراحة؟
كل ده و اكتر كان مع ضيفنا من البودكاست المجاور علاء الشيخ و بالمرة بنحتفل بمرور ٣ سنين على اول حلقة من البودكاست
دولارات ياما !!
و ده رد فعل المواطن المصري اول ما صحي على خبر التعويم و زيادة سعر الدولار الامريكي قصاد الجنية المصري..
طبعا حالة ذعر و خوف من الحالة الاقتصادية المستقبلية...و احنا فى الحلقة دي بنقولك الذعر مش هيفيدك
كل ده و اكتر فى حلقة انهاردة من البودكاست
الديرتي ثيرتي ٢
و صدفت ان زي النهاردة من سنتين هريدى نزل حلقة "الديرتي ثيري" لوحده احتفالا بعيد ميلاده
التلاتين،
بس حلقة انهاردة احنا بنحتفل بالتلاتينات عامة مع رجوع بودكاستكم المفضل دائما و ابدا بعد توقف تسع شهور.. كوبايتين قهوة..يلا بينا
It's Coach K!
مين هو اكرم السبكي؟ و مين كوتش ك؟ و ازاي ده بقى ده؟ و مين احمد مرعي؟ طب نعمل ايه عشان نبتدي نتمرن و نروح الجيم؟؟
كل دي اسئلة هيجاوب عليها ضيف حلقتنا انهاردة
A talk with "JAG"
حلقة انهاردة مع مازن يس "just a go proer"
مع ان المفروض كانت تبقى حلقة خفيفة للترحيب بمازن فى عالم البودكاست..لكنها تحولت لحلقة من اتقل حلقاتنا, لما
تعمقنا اكتر و سمعنا قصة من امتع القصص عن الشغف الممكن نسمعها, لدرجة ان احنا مكناش عايزنها تخلص
خلصوا الحلقة و اطلعوا بعديها على طول على بودكاست مازن يس على كل المنصات
ازازتين كوكا
قوم ايه يا سيدي, عمك كريستيانو شال ازازتين الكوكا من قدامه و قال عايز ميه..خسر كوكا 4 مليار دولار!!
يا تري ايه الحصل؟؟ عامته احنا عايزين حد يفهمنا فعلا بس لحد ما نلاقي الشخص ده
اسمعونا و احنا بنتكلم عن القصة دي و اكتر فى حلقة انهاردة
فلسطين..اما بعد
بس للاسف كانت فترة صعبة علينا ان حتى يبقى لينا نفس ان احنا نعمل حلقة خلال الاحداث الكانت بتحصل فى القدس و غزة
و دي وجهه نظرنا المتواضعة،كلام شارع على القهوة،و تعليقنا على الاحداث
و اخر الحلقة محتاجين ايدكوا معانا
#savesheikhjarrah
#savesilwan
ASMR يا اسمراني
فى حلقة انهاردة هريدي و خالد شربوا قهوة مع رولا امبابي, صاحبة قناة "رولاز دياري" على يوتيوب, المن خلالها بساعد الناس العندهم ارق او بيعانوا من التوتر انهم يناموا عن طريق حاجة اسمها "اي اس ام ار"..فا ايه هو
ده؟ و يتعمل ازاي؟ و يتسمع فين؟؟
كل ده و اكتر فى حلقة انهاردة من البودكاست
Detox | ديتوكس
هريدي الفترة حاسس بشوية ضغط نفسي و شايف ان قفل فيسبوك و انستاجرام بتوعه هو شكل من اشكال الديتوكس..ولا هل ده هروب؟
و بيجاوب على السؤال ده خالد و بيشرح ايه هو الديتوكس الحقيقى نفسيا و جسديا
كل ده و اكتر فى حلقة انهاردة من البودكاست
كفاية بقى كوبايتين قهوة
حلقة انهاردة اول و ان شاء الله مش اخر حلقة كروس اوفر ما بين بودكاستوكوا المفضل دائما "كوبايتين قهوة" و بودكاستكوا المفضل الجديد "كفاية بقى" بقى
و الصراحة مش عارفين ايه المميز فى حلقة انهاردة عشان عملنهالكوا قبل كدة كتير..علاء الشيخ تقريبا اكتر واحد طلع فى كوبايتين قهوة بعد خالد و هريدى..بس حبينا نطلع القطط الفطسانة فى بعض نقول لبعض كفاية بقى على شوية حاجات كدة
O7 coffee
فى حلقة الاسبوع ده شربنا قهوة مع صديقنا اللدود من كوالا ساندوتش دكتور محمد فاروق، و صديقنا الجديد دكتور اشرف بخيت مؤسس "او سيفن ثرابي" ، واحدة من انجح منصات العلاج النفسي اونلاين
اتكلمنا كلام كتير عن الصحة النفسية و اهميتها، فا ادخلوا عالحلقة عشان تسمعوه
انت كفاية...بقى
فى حلقة انهاردة بنوجه رسالة لكل حد مش شايف نفسه كفاية, او كافي لمواجهة الحياة بحلوها و مرها و مشاكلها و
قرفها و بنقوله/بنقولها ان انتوا كفاية
غير كده بندي شوية افكار لعلاء الشيخ على مواضيع ممكن يقول عليها كفاية بقى فى البودكاست بتاعه الاسمه كفاية بقى
Anti-Fragile
فى حلقة انهاردة من البودكاست استضفنا صديقنا كريم ياسر فى قعدة مطولة، و اتكلمنا معاه فيها عن مواضيع كتير جدا، اهمهم انك ازاي تبقى ضد القابليه للكسر..
حضروا كوباية قهوة كبيرة و تعالوا اقعدوا معانا
كتالوج التفاعل مع المجتمع
!!بالرغم انهم ملتصقون, بس خالد وهريدى شخصيتهم مختلفة, واحد انطوائي و التاني فاتحها عالبحري
يا تري انهو شخصية احسن فى التعامل مع المجتمع؟ و ازاي نوازن بين الشخصيتين؟
Alexandrian In Cario "work/life balance"
هريدى نقل القاهرة و عمل شيفت كارير..و خالد عايش بس عشان يشتغل
يا ترى البودكاست هيكمل ازاي؟؟
ده الهتعرفوه فى حلقة انهاردة من بودكاستكم المفضل دائما..#كوبايتين_قهوة
أخ وأخوه مع عمرو ديوان | Part 2
بعد ما هريدي عمل حلقة مع اخوه محمود بطل مصر فى السنوكر، خالد قال اشمعني وجاب اخوه عمرو ديوان، واحد من احسن فنانين الجرافيتي فى مصر اذا مكانش افضلهم
اسمعوا مشواره الفني فى حلقة انهارده
لو أنت ما كنتش أنت، كنت أنت هتبقي إيه؟ مع علاء الشيخ وهاشم المصري
سألنا ٣ أسئلة فى حلقة انهارده، لو أنت ما كنتش أنت، كنت أنت حتبقى ايه؟ ومين؟ وهل أنت راضي عن الشخص اللي أنت هو دلوقتي؟
هتعرفوا إجابات الأسئلة دي فى حلقة مليانة قلش وعشوائية وغوغائية مع حبايبنا علاء الشيخ وهاشم المصري
Recap El Recap 2020
فى حلقة انهارده لخصنالكوا حلقة حلقة من الـ٣٠ حلقة اللي عملناهم فى ٢٠٢٠.. لكن قبل ما نعمل كده يا ترى كانت ايه الاحداث الاتسلط عليها الضوء فى حياة خالد وهريدى؟؟
Have a podU new year!!
بما انها حلقة اخر السنة..و احنا خلاص فيصنا من ٢٠٢٠، فا طلبنا من زمايلنا و حبايبنا على بوديو انهم يعملوا الحلقة دي بدالنا...كل سنة و هما و انتوا طيبين و ٢٠٢١ تبقى ارحم شوية
كوبايتين أسود
تخيلوا لو "كوبايتين قهوة" من غير خالد ديوان؟
أو "أبيض وأسود" من غير أحمد حسن؟
فى حلقة انهاردة حققنالكوا الخيالات ديه ودمجنا البودكاستين عشان نطلعلكوا حلقة من الضحك المبرح. بنقدملكوا "كوبايتين اسود" مع أحمد الهريدى وبدر نور
رواية حياتك!! رحم الله د/نبيل فاروق د/أحمد خالد توفيق
قبل ما نسجل الحلقة جالنا خبر وفاة الروائي العظيم د/نبيل فاروق رحمه الله، الخلى جيل كامل يتعلق بمصر و نمى عنده حب الوطن من خلال سلسلة رجل المستحيل و غيرها من القصص و الروايات، بندعيله بالرحمه و المغفرة و ربنا يجازيه عننا خير بقدر ما خلانا نقرا....
و سألنا بعض "لو قصة حياتك اتحولت رواية، هتبقى عامله ازاي"
اجابة السؤال ده و اكتر فى حلقة انهاردة من البودكاست
الاهلي ضد الزمالك.. وما بينهما
صراع الأهلي و الزمالك صراع أبدي، وهو أمتع الصراعات فى الكرة المصرية. يا تري ازاي ابتدي حب جمهور الفريقين لنواديهم؟ وامتي يبقى الصراع بره الملعب بين الجماهير لذيذ ومقبول وامتى بيزيد عن الحد لدرجة الكره والتعصب والعنصرية؟
كل ده هنناقشه وأكتر فى واحدة من ألذ حلقاتنا
كوباية يوسف بدوي: افتراضات الافلام
شكراً جدا لكل الناس اللي بعتتلنا محاولتها للبودكاست، منهم البنفس طريقة كوبايتين قهوة ومنهم اللي فكرته جديدة
ويا ريت تفضلوا تبعتولنا عشان ان شاء الله حنثبت حلقة انتوا تعملوها بنفسكوا، ما هو مش حنفضل نعملكوا القهوة وانتوا تشربوها عالجاهز على طول 😂
Make your own cup of Coffee | اعمل قهوتك بنفسك
وما زالت معاناة هريدى مستمرة إن خالد مش متاح للبودكاست ومش لاقيله بديل، بس الحل عندكوا انتوا، وده اللي هتسمعوا فى البودكاست انهارده
أخ وأخوه - مع محمود الهريدي
رجعنالكوا تانى بعد ما فوتنا الأسبوع الفات من غير حلقة... وعشان ظروف قهرية خالد بيضرب كرسي فى الكلوب وميطلعش الحلقة دي، فا هريدى يتصرف ويجبلكوا أخوه الصغير اللي صادف إنه يكون بطل مصر والعرب فى رياضة السنوكر
خبيب
احنا فى كوبايتين قهوة مبنحبش نمشي أو نتكلم على تريندز أو خناقات وما أكترها اليومين دول..
بس استوقفتنا ظاهرة ومش حتتكرر غير بعد كتير قوي ممكن تلخص كل حاجة احنا عايزين نقولها فى حلقة انهاردة، وهو بطل اليو اف سي خبيب نورماجوميدوف
يا صباح ومساء الفل عليكوا
فى حلقة انهارده حقيقى ملقناش حاجة نقولها، كنا هنننزل حلقة قديمة ومنزلنهاش، بصينا بصه على بوديو، ومن الاخر عايزينكوا تيجوا تشربوا معانا قهوة.. ازاي؟ هتعرفوا لما تسمعوا الحلقة كلها
كوكتيل أعشاب مع كريم بركات
فى حلقة الأسبوع ده من البودكاست كريم بركات بياخد هريدى وخالد فى رحلة، من مصر لكندا لمصر تاني، ومن هندسة طيران لمحل صغير صاحبته عجوزة اسمها هيلين لنهاية المطاف
"the apothecary egypt"
حضر لنفسك كوباية قهوة وانضم معانا فى الرحلة
الحياة ما بعد الجواز
فى حلقة انهاردة مكناش مجرد بودكاست وبس، لكن كنا بمثابة ملاذ أمن لأي راجل متجوز عايز يتنفس سيكا، ويهرب من الواقع ويطلع كده شوية حاجات جواه، اللي هتسمعوها من خلال ضيوفنا من اللوران جانج علاء الشيخ، هاشم المصرى أحمد مصباح، اللي بينضموا لخالد فى حسد هريدي على سنجلته وحياة العزاب الهلهي بتاعته
الملتصقون (حلقة البرومانس)
من ٢٠٠٥ و هما لازقين فى بعض، مش مفهوم ده حصل ازاي و فين وامتي، بس اهو حصل، واترتب على التجميه ده حاجات غيرت العالم بجد...
زي المواطن المصرى، ذا كوميدي بانش وبودكاست كوبايتين قهوة
اسمعوا فى حلقة انهاردة خالد وهريدي وعلاء الشيخ بيستعيدوا ذكريات ال١٥ سنة الفاتوا و بيغيروا موضوع الحلقة تماما زي ما غيروا العالم كده بظبط
The Art of Ahmed Gamal
حلقة انهاردة مع موهبة فذة وظاهرة صعبة التكرار، فنان حقيقى قدر انه يثبت نفسه فى مجاله ويتميز فيه..
حنتكلم انهاردة عن مشواره من اسكندرية لنيويورك لكاليفورنيا، من مصمم اعلانات لرسام فى
Dreamworks و Warner Brothers
ضيفنا هو الفنان المصري أحمد جمال عبد الغني، عيبه الوحيد انه اخو جيمي مقدم كوالا ساندويتش بودكاست
مجرة العصافرة
فى حياة عالكواكب التانية؟ كائنات فضائية بتزور الارض؟ طب هما بيتجوزوا ازاي؟ بيعملوا افراح زينا؟؟
هل خالد و هريدي كانوا شاربين حاجة غير القهوة فى الحلقة دي؟
كل ده هتعرفوه فى حلقة انهاردة من كوبايتين قهوة