Skip to main content
閒置中 Liber Podcast

閒置中 Liber Podcast

By Liberresearch
《閒置中》係班做研究既朋友攰攰地個陣,停一停將平日關注既唔同議題沈澱同累積,用把攰攰地既聲同大家深度講解,破除迷思同發掘新諗法,提著亂世之中唔好閒置自己,仍然關注香港身邊事物既朋友記著follow我地,想聽啲咩都歡迎PM同我地講。

研究員:劍、Caesar、Brian、希、涼、史 and more

Facebook: www.facebook.com/localresearch/
IG: www.instagram.com/liberresearch/
支持本土研究社:https://liber-research.com/support-us/
Where to listen
Apple Podcasts Logo

Apple Podcasts

Google Podcasts Logo

Google Podcasts

Overcast Logo

Overcast

Pocket Casts Logo

Pocket Casts

RadioPublic Logo

RadioPublic

Spotify Logo

Spotify

EP106 遮天中 - 油旺重建一飛沖天
日後旺角啲樓會高到連朗豪坊都睇唔到嗎?市建局一直收收埋嘅油旺研究最近因為要過城規會而絕密公開。講咗咁耐既油旺變天會點具體改變旺角?到底市建局想旺角起到幾高幾密?咁大規模嘅重建,份影響評估點出術取巧話「問題不大」?市建局聯同規劃署低調快速通過大規模規劃會否成常態?今集研究員消化完幾百頁技術評估,同你講下油旺重建最新嘅問題。 研究完:王、青、涼、正
39:26
June 29, 2022
EP105 不安中 - 市建局不想提的(不)安置政策
市建局策略逐漸轉向大規模重建,迫遷呢件事可能比你想像中近。到時市建局職員來到你門口會(唔)同你講乜?除咗收補償金同公屋,仲有咩選擇?市建局迫遷咁多住戶,點解安置大廈會長年空置?市建局現有嘅安置政策足夠應付未來嘅重建項目嗎?無原區安置嘅重建到底係發展定掠奪?一個理想嘅安置政策應該係點?今集研究員同你傾下市區重建被迫遷租戶去向呢個核心但經常被政策討論忽略嘅問題。 研究完:青、絲、卡、涼 #市建局 #舊區重建 #迫遷 #租戶 #安置大廈 #安置政策 #閒置中 #本土研究社
46:10
June 23, 2022
EP 104 置業終 - 「只租不買」邊個得?
林鄭退任講自己將會租樓住,自我否定過住林鄭政府一直推崇的「置業階梯」。今集研究員同你細談林鄭「只租不買」的背後動機同意義,一齊睇下置業主導嘅房屋策略點樣影響緊香港人嘅各種居住需求?而家香港私人租住市場又出現咗咩問題?而「租住」本身又係咪可以成為香港人居住選項呢? 研究完:劍、涼 #林鄭 #只租不買 #租樓 #置業 #置業階梯
37:08
June 19, 2022
EP 103 看海中 - 海洋工程大檢閱
佔香港七成面積的海洋空間看似風平浪靜,除明日大嶼之外,原來隱藏的開發壓力不比陸上工程少。適逢世界海洋日,今集研究員同你介紹近年半60多個海域面積相當於半個港島嘅海事工程。天然氣接收站、漁業養殖區、碼頭工程、跨海隧道,呢啲工程有咩隱藏影響?環評又點隱藏呢啲影響?點解海事工程一直以來好似無乜人理?除咗講生態影響,有咩思考框架可以幫到我地盡力重奪屬於所有萬物的海洋空間,避免海洋淪為空無一物、僅待無序發展的傾倒區及開發區? 嘉賓:香港海豚保育學會 希汶 研究完:新、青、絲
33:57
June 09, 2022
EP102 屠龍中 - 被劫去的九龍城
市建局重建摧毀不少特色社區,最新的魔爪更伸入九龍城,今次以重置為名,實則拆走九龍城街市起豪宅,更有六成範圍係公有土地,強行將公家資源私有化。被選中嘅九龍城面臨咩危機?市建局又有咩新嘅重建招數?呢啲「規劃工具」會點樣影響日後舊區發展? 研究完:屍、鴻、史、卡 #市建局 #舊區重建 #九龍城 #九龍城街市 #李基醫局 #戰前唐樓 #閒置中
53:55
May 27, 2022
EP 101 思鄉中 - 勿忘明日鄉
「城•鄉•郊•野」的「鄉」往往是夾在中間較為忽略的一環,面對過往對本土鄉郊的進擊,鄉郊在未來香港還會剩低多少?香港人如何認識我們的鄉郊,是否只是得丁屋、棕地與有待開發的同義詞? 研究完:夏、屍、青 #鄉郊 #明日鄉 #未來環境研究 #閒置中
50:03
May 23, 2022
EP 100 閒置終(?) - 突破100集 你問我答
《閒置中》已經嚟到第一百集,今次研究員終於同大家真.閒置,講下過往本研點解錄Podcast嘅初衷、錄咗近100小時嘅製作歷程 aka 辛酸以及未來去向。今次仲收集到唔少聽眾對閒置中嘅問題,講番大家一直以來想知嘅嘢。最後感謝各位聽眾兩年來嘅支持,未來繼續一齊繼續在亂世中閒置! 研究緊:劍、Brian、涼、Caesar
50:08
May 21, 2022
EP 99 興奮中(?) - 東鐵過海衍生問題大檢閱
「鐵粉」搶閘搭頭班過海車景象成為城市奇觀,究竟東鐵過海的事只有忘我的鐵路迷及方便?是次我們找到交通研究關注組織朋友一齊剖析鐵路迷之謎、東鐵過海通車後的客流變化觀察,與所謂「以鐵路為骨幹」的交通政策下被邊緣化的社區、紅磡站上蓋、直通車停運、交通規劃諮詢及羅湖延伸等隱藏在衝閘畫面後的課題。 (今集因技術問題影響音質,請見諒。) 研究完:劍、鴻 特別嘉賓:Fred、Rex (關注交通議題觀察者) #東鐵過海 #鐵粉 #鐵路迷 #港鐵 #交通政策
56:26
May 18, 2022
EP 98 偷工中 - 工廈已死?
工廈租金今年2月創歷年新高,作為香港僅餘平租的生存空間都逐漸消失。今集研究員同你傾下,平時大家出出入入的工廈空間,除了見到各種無奇不有的小店,其實對於城市經濟有幾重要?近十年工廈又面對緊什麼樣的演變以及挑戰,活化、改裝、重建、再工業化等等又係唔係工廈未來出路? 研究完:夏、陳、黃 #工業 #工廈 #工廠 #再工業化 #活化工廈
56:29
May 11, 2022
EP 97 派錢中 - 鄉紳一呼值千金?
自2018年有鄉紳不斷要求劃一農地收地價至一千蚊,今日政府大改沿用超過30年嘅收地補償計算機制,大地主/地產商就算乜都唔洗做,散落新界四周嘅土地儲備都可能自動升值成倍。究竟如同「送錢」般的機制改動,可唔可以令到政府收地起樓快啲?配合今年政府一連串的土地行政改動,除咗擺明送錢俾大地主,今次改動又會唔會為現時新界土地利益格局帶來大變動? 研究完:劍、黃、涼 #收地清拆補償機制 #大地主福利主義 #土地房屋研究 #閒置中
53:22
May 04, 2022
Ep 96 提綱中-未來特首的口號吶喊
一般人理解嘅競選政綱,係展現候選人從政抱負及對市民作出承諾嘅場域。但顯然未來特首新一份競選政綱打破咗大眾對政綱嘅一般理解:呢份號稱以「結果為目標」嘅政綱,竟然連建屋硬性指標都冇寫。既然選舉結果已塵埃落定,研究員今集分析呢份「孤獨的政綱」,同大家沙盤推演一下未來土地房屋政策係多變嘅局勢下將如何影響大家。 研究完:劍、鴻、涼
53:58
April 29, 2022
EP 95 去濕中-南生圍是非
米埔有世界級嘅濕地,南生圍係唔少人嘅集體回憶...但香港濕地將面臨近年來最迫切的發展威脅。發展商有咩發展濕地嘅奇招?香港嘅濕地發展項目同外國有咩分別?「濕地零損失」嘅數字遊戲仲漏計咗啲咩?除咗「發展保育平衡」之外,香港濕地仲有咩出路?可以點樣闊啲咁理解「發展」同「保育」嘅關係?本研早前開展嘅濕地專題研究陸續有來,今集同大家講下仲可以點為香港濕地做啲嘢。 研究完:劍、斯、黃 #濕地 #濕地補償 #南生圍 #圍沼濕地 #專題研究 #閒置中
51:10
April 26, 2022
EP 94 追數中-誰偷走了你的社區?
早前市建局被揭開深水埗重建項目中玉石廣場得番「四舊石」,跟當初配合「地方特色」嘅構思似乎貨不對辦。隨著近年市建局不斷揭發有走數項目,呢種用「地方營造」包裝嘅重建策略究竟係點?其實點解可以成日走數?對我地居住緊嘅社區又有咩影響? 研究完:劍、淳、史、樂
40:42
April 21, 2022
Ep 93 加持中 - 特首「超」速發展觀?
小時候學「釣勝於漁」,今日未來特首反過來講「以結果為目標」,牽起了一番關注會否更加不摘手段的爭議。憑初步的班底同言行透露,究竟未來「超」式發展觀,會為我地既城市引向乜既結果? 研究完:劍、淳、斯
38:39
April 12, 2022
Ep 92 劃一中-點解香港地愈估愈唔值錢?
近日政府公佈喺新發展區劃一補地價,將本來喺工廈實施嘅先導計劃,擴展至新界。補地價一直作為政府審批發展項目中十分神秘嘅環節,有發展商更會歸咎土地供應慢由於補地價太貴,究竟今次劃一補地價會唔會令到土地供應快咗?是政府還是發展商,才是拖住補地價的原凶?今集同大家拆解補地價所為何事,好可能牽涉的唔單止係政府重要財政收益,更可能係牽動整個新界農地兼併狀況。 研究完:涼、青、黃  #標準地價 #補地價 #精簡發展流程
45:33
April 09, 2022
Ep 91 人海中-究竟近年香港有冇移民潮?
近日林鄭唔承認香港「剩移出人口」係關移民事,究竟我地點樣先判斷而家香港有冇移民潮呢?近年人口數字的估算同變化我地又應該點理解? 人口數字作為城市管治嘅核心,香港人口政策更係政府施政嘅「元」政策,今集研究員同大家傾下近年香港人口數字的變化同趨勢,以至香港的人口政策點樣影響我地城市管治、規劃發展以及資源運用? 研究完:涼、青、黃
56:11
March 31, 2022
Ep 90 環視中-環(評)多麼需要理
在「加快審批程序」的發展觀下,政府今次環評修例打算「標準化」程序,縮短環評用時。今次「精簡」環評程序,究竟將環評視為保護環境嘅程序關卡?還是推動所謂「保育與發展並行」嘅推土機?加上環評條例本身的漏洞及問題為人貽病,今次修例又會唔會將本身的漏洞進一步惡化?當中又會引發什麼環境問題? 環評本身最應該改善的又是什麼? 研究完:涼、青、菜
44:24
March 28, 2022
Ep 89 測試中 - 你是城市發展達人嗎?
原居民燒炮仗同鎖車係咪合法權益?業主會都有政府特惠批地?香港邊度有999年嘅地契?今次研究員從24條挑戰題揀出幾條最多人錯同鬼鼠嘅問題,畀特別嘉賓實測橫跨土地、房屋、規劃、環境等測試題,再講解試題設計因由。呢啲問題可以帶出咩研究方向?可以點幫助進一步了解香港城市發展現況同問題?無論你分數係「城頭大汗」定「城吉思汗」,聽完都包你「學有所城」! 研究完:涼家菜 特別嘉賓:Anson
52:12
March 25, 2022
Ep 88 敵視中-架空公眾的發展程序
「精簡」發展程序講咗成年,尋日終於公佈咗建議細節,都比我地想像中重手。呢個敵視民意嘅建議點逆世界潮流?市民喺政府土地有無stake,可唔可以申請改劃土地用途?以後只有地主先可以提出改劃申請或反對收地?啱啱上車嘅中產業主都會受影響?唔洗規劃都可以填海?其實呢啲建議仲同「加速」有無關?今集同大家分析下咁重手嘅「精簡」背後嘅動機。 研究完:青、菜、涼
43:14
March 17, 2022
Ep 87 造數中 — 赤字變盈餘的絕密財技
疫情同移民潮夾擊下經濟蕭條,又派錢又打針,大家都估緊庫房幾時都清零,不過啱啱財政預算案,竟驚見今個財年原預計嘅赤字1000億,變成盈餘近200億。邊度冇啦啦變咁多錢出嚟?睇真啲,原來本業係會計師嘅財爺施展咗四大「財技」,令實際蝕錢變賬面賺錢。今集閒置中嘅研究員同大家細閱魔鬼細節:其實咁造數法,只不過係 "you will pay later"。 研究員:鴻、涼、凱
52:12
February 25, 2022
Ep 86 爆疫中 — 逐漸消失的防疫訊息
抗疫由社區層面做最有效,隔離屋有無中?點樣中?幾時中?掌握基本資訊,起碼心裡都有個譜,唔駛慌失失。但自第五波疫情爆發,政府唔再公佈每宗個案詳情,因為「已經冇乜意義」,近日因為「數據滯後」,連初步確診數字都無埋,對大眾會有咩問題?今集研究員同大家講下,在逐漸消失嘅防疫資訊,如何影響市民理解病毒及城市空間之間的關係,以及其潛在後果。 研究員:劍、涼、鴻
42:25
February 21, 2022
Ep 85 轉移中 — 油旺重建仲拆剩啲乜?
市建區襯新年假期靜雞雞咁,出咗油旺重建研究嘅資料手冊,究竟市建局會點用轉移地積比、整合街區等等呢啲規劃法寶去「玩謝」油旺?今次研究員就同你全面檢閱呢份歷時近五年、但公佈得46頁嘅重建研究,唔單止揭示市建局大玩數字遊戲,仲預視油旺日後將會點變。 研究完:青、黃、夏、菜
01:04:35
February 08, 2022
Ep 84 規損中- 城規修例 修埋你把口
岩岩立法會出咗未來一年立法建議,見到政府終於打算向城規程序修例開刀。政府近年成日講城規程序「架床疊屋」,究竟城規程序係咪真係咁多餘?城規背後又代表緊什麼功能及理念?今集邀請積極關注城市規劃及生態保育嘅環團王子Roy同我地分享多年民間參與城規程序以及環評嘅經驗,一齊拆解政府嘅「精簡」謬誤。 研究完:劍、黃、涼、長春社公共事務經理吳希文
52:25
January 31, 2022
Ep 83 暗湧中-打卡人潮淹沒最後郊野樂土?
大家有冇去過新界最東北端嘅印洲塘?夠膽講呢度同附近一帶嘅海岸同地質公園係全港保存得最好嘅郊野:波平如鏡、水清沙幼、渺無人煙,但呢個原始狀態將迎來一場巨變。 研究完:劍、王、史
01:05:03
January 26, 2022
Ep 82 陋室中—呢五年你有冇住好咗?
特首林鄭5年任期以嚟,信心爆棚推出多個房屋政策,任內政府聲言要終結納米樓、又重建置業階梯,比人大有建樹嘅感覺。今集研究員由輪候公屋基層、租樓青年人、買樓家庭客、私樓中產不同階層出發,林鄭任期結束前回顧一聚措施對不同人啲切身影響,呢五年嚟你有冇住好咗? #公屋總數變化 #居屋平均面積 #漸進式按揭 #還款四十年 研究完:涼、王、希
01:02:51
January 21, 2022
Ep 81 爛grade中 — 等到古蹟也拆了
1444項歷史建築自2009年經歷咗13個年頭竟然都仲有8項遲遲未評級,研究員將同大家一齊剖析吓8項古蹟嘅慘狀,發現問題嘅心路歷程,同埋點解古蹟們等到頸都長晒,生晒草、拆爛晒,甚至重建埋都仲未評級。另外,都會講下業主、政府同古諮會各自嘅角色同立場,點樣令保育一直都唔到位,發展總係大過保育? 研究完:劍、Brian、Stewart #古蹟保育 #中環街市 #荷李活道60號 #太白臺8至9號 #興漢道19號 #石澳村405及407號 #井欄樹村43號 #大浪村 #鹹田村
56:57
January 17, 2022
Ep 80 分餅中 — 特首跑馬仔正式開鑼?
『五光十色』嘅立會開鑼,但主角唔係立法會議員,而係係度熱身準備跑馬嘅林鄭。第一次特首答問大會,議員都未問問題,林鄭已經反客為主,先花5500字篇幅講述跨越佢任期嘅執政藍圖:拆新「房屋局」、北部都會區快馬加鞭「精簡」城規環評程序、放寬祖堂地....但呢啲措施無一正中土地房屋危機核心。「跑馬仔」、「分餅仔」嘅遊戲規則下,公眾利益被邊緣化,土地房屋問題只會進一步惡化。 研究完:劍、黃、涼
01:03:33
January 12, 2022
Ep 79 穩賺中— 起公屋居屋可以年賺幾十億?
房委會岩岩公佈來年財政預算,原來上年2021年無賣新居屋計劃都賺90多億,你估起居屋公屋一定蝕?房委會近年究竟點樣賺咁多錢?政府成日強調對綠置居/居屋資助有幾大,房委會究竟係大水喉定係負擔?睇番而家政府對公營房屋政策,公屋居屋本來作為層安居樂業嘅同義詞,搖身一變成為置業階梯第一級。 研究員﹕劍、涼、希
47:41
January 07, 2022
Ep 78 花落中-中部水域與海花島失守之夜
岩岩過去嘅平安夜,環保署批准明日大嶼嘅環評開工,成中部水域失守之夜。今日,恒大海花島39棟樓被拆。兩者有咩關係?明日大嶼嘅環評竟然可以無邊界?填島、起樓、起橋三樣嘢斬件上嘅明日大嶼,點解最終可能會無咗條橋?填島邊界可以拎咗環評approval之後再改唔遲?今集搵嚟綠色和平呀淳同香港海豚保育學會嘅希汶嚟講呢兩項人工島嘅環評問題,從環評嘅各種「破天荒」睇下政府為咗明日大嶼可以去到幾盡,未填海就已經神仙。 研究完:劍、正、綠色和平項目主任陳可淳、香港海豚保育學會副會長麥希汶 #今日海花明日大嶼 #浪花一朵朵
01:00:41
January 03, 2022
Ep 77 營毀中-香港管不到的還有私營營地
周圍都係嘅私營glamping site營地合規嗎?營多麼需要理,香港現有規劃制度跟唔跟得上?營地會毀掉香港鄉郊嗎?去camp同營運campsite有咩分別?今集研究員分享去私人營地貨不對辨嘅經驗,透過貝澳呢個case睇下私人營地(無奈要)行走嘅灰色地帶,同埋其他地方點透過研究逐步建立規劃同法律框架應對glamping呢個趨勢。 研究員﹕劍、涼、正、史 #香港地少營多 #親親大自然定鏟鏟大自然
50:53
December 28, 2021
Ep 76 攪珠中 - 2022年居屋綠置居你要唔要?
下年過萬間新居屋+綠置居周街都睇緊抽唔抽,其實又有幾多人真係有需要抽? 原來當中仍賣唔出既綠置居貨尾,絕大多數都是187呎納米單位,為左追數未來公屋係咪「細」之所趨? 近日政府消息人士頻頻放風加長轉售年期限制,又會唔會令想買居屋自住既市民容易抽左? 今集唔係上樓攻略,但想買嘅你要知。 研究員﹕劍、涼、希 #六百萬綠置居 #納米居屋 #炒居屋 #傳增長轉手年期
46:44
December 24, 2021
Ep 75 失跡中 - 2021古蹟「傷亡」報告
「歷史就是歷史,不能迴避」。所以我地研究員今次就盤點出2021年內「被消失」嘅歷史古蹟,「唔迴避」直視其中11項比較具代表性嘅,同大家分析一下箇中情況以及共通點。又一齊睇吓到底一眾古蹟係點樣「死法」,而佢咃嘅「死因」又係咩。歷史仲有好多其他用途同目的嘅,唔係剩係拎嚟嚇人嘅。 研究完﹕劍、Brian、Stewart #古蹟之死 #歷史建築 #保育古蹟 #古蹟辦 #古諮會 #觀塘賽馬會健康院 #天宮台 #皇都戲院大廈 #愛華大廈 #銀禧炮台 #繼園街唐樓 #大浪村 #馬頭角公眾碼頭 #邵氏片場 #加士居道地段界石 #灣仔分域碼頭 #海軍商場 #平安里
01:18:20
December 21, 2021
Ep 74 升級中 — 元朗聚星樓反起樓所為何事?
新世界借地俾光村攪過渡屋,元朗屏山鄉事全力反對,近月聚星樓掛血書殺氣滿滿,點解連深層次問題都咁大膽阻礙? 究竟係為風水、為環境、為規劃,定還是想R躉符? 研究完:劍、涼、史 #元朗星戰 #全民造星 #聚星樓 #屏山鄉事 #躉符費
50:26
December 16, 2021
Ep 73 拆邨中 — 舊公屋唔拆 可以做古蹟?
政府對市區舊屋邨的地皮虎視眈眈,近年重新推出不少重建計劃。80年代公屋結構醜聞引來大規模重建,今日保存完整的舊屋邨原來背後都與一間已經被很多人遺忘的機構有關。說到早年公屋單位質素,原來除了「鄔勵德原則」,當年還有另一批人為推動公營房屋的現代化而努力。透過重塑當年「超前時代」高質公屋的建屋考量,為現今鉛水、空心牆、納米化的公屋提供一個參考。 研究員﹕劍、希 特別嘉賓﹕Will #鄔勵德 #祈德尊 #公屋重建 #西環邨 #高質公屋
42:45
December 13, 2021
Ep 72 -閒置綜- 納米旺角新搞作 · 長策變長了? · 北都賤賣創科地 · 填海玩賽車
今次閒置「綜」,為大家綜合平日資訊碎片化下心思思想知,有啲影響深遠、有啲又幾「詼諧」嘅幾則新聞摘要,加上研究員嘅即時反應、日常觀察以及精要分析,務求以最短時間內為大家掌握城市問題的最新動態。 研究完:劍、希、涼
37:05
December 09, 2021
Ep71 施恩中-私人居屋咁大隻蛤乸隨街跳?
近日新世界要非牟利咁「建好生活」,話起五折私人居屋,引起全城洗版關注。今次新世界「概念先行」嘅私人居屋計劃,今集研究員同你閒談究竟五折係咪真係咁抵買,呢種私人參建居屋模式嘅運作究竟係乜嚟?背後又會唔會潛藏咩問題?最後分享下新世界近年嘅「慈善地產學」,睇下發展商點做埋慈善大亨?   研究完:劍、黃、涼
45:16
December 07, 2021
Ep70 拆劃中 — 巨型重建來臨前的居民調查
成個MK會無咗?後樓梯有床?今集請來特別嘉賓油尖旺區議會副主席朱子洛(Leo)及其助理Cody,分享他們在油旺重建規劃建議的整合重建範圍內,收集咗300多份居民意見問卷的發現及觀察。佢地以傾計的形式與研究員交流,這個號稱總收購成本超過一萬億的重建項目的最新狀況。今次重建同之前嘅重建有咩分別?對整個街區有咩影響?十數萬MK街坊唔知幾時被人拆樓,已經面對緊咩問題?仲有咩旺角重建奇聞? 研究員:劍、希 特別嘉賓﹕Leo、Cody Facebook: www.facebook.com/localresearch/ IG: www.instagram.com/liberresearch/ 支持本土研究社:https://liber-research.com/support-us/ #油旺重建 #原區安置 #三無大廈 #報告消失 #搬去明日大嶼 #油尖旺金毛玲這夜有心事
01:11:14
December 03, 2021
Ep69 — 訂閱中 — 香港Podcast起義
《閒置中》已經不知不覺去到第69集,一直為大家深度探討過唔少城市大小議題。去到今集Podcast,研究員同大家「後設地」喺講番究竟點解要錄Podcast,或者公眾點解又會想聽Podcast?面對公眾接受資訊愈來愈碎片化,媒體轉型似乎成為當時民間時代任務。究竟Podcast作為聲音媒介又可以點發揮?未來又可以點發展? 研究完:劍、涼、史、Brian、蔡
59:53
November 24, 2021
Ep68- 撲殺中- 城市人應如何與野豬共存?
漁護署突然U-turn 野豬政策,幾日前主動搏殺7隻「越界」野豬,引起犯眾怒。但其實野豬已經是在城市邊緣生活多年,與我們共存多年的鄰居,何來「越界」?今集研究員同大家分享,野豬點樣係幾十年前從受保護動物名單除名?參考外國例子,野豬面對人類搏殺會有咩反撲?我哋係咪真係了解野豬?要同野豬和平共存的話應該點做? 研究完:劍、涼、史、Brian
01:07:41
November 19, 2021
Ep67 -解讀中- 終審釋丁權?
丁權今日終審判丁權「贏」,但讀過34頁判詞,新界鄉紳係咪真正羸家? 今集有專研丁屋政策3位研究員,同你深入導讀今次判決主要新觀點新定義,同埋法官既「得意諗法」,可以為未來丁屋政策帶來乜令人意想不到既影響。 研究員:Brian、涼、劍
54:39
November 05, 2021
Ep66 - 暴露中- 全面落實「掃」碼港
安心出行全面監控嘅第一步,已經整到全城都勞民傷財。今集研究員同你深入剖析政府強推「擾民」措施嘅背後動機究竟係咩?防疫?通關?日後落實「港康碼」?定係自己一廂情願?配合智慧燈柱呢啲監控基建,可以點樣一步步塑造全面監控城市?又點樣改變我地嘅城市空間以至城市生活? 研究完:劍、涼、史
01:03:36
November 02, 2021
Ep65 - 超譯中 - 土地查冊的終站?
隨著最新修訂嘅私隱條例,琴日土地註冊處及公司註冊處突發宣佈,11月就會推實名查冊,「查冊四寶」將直接面臨不同程度嘅審查及管制。今次研究員同大家試下演/超譯新法例,睇下呢條「反起底法」可以有幾含糊?而民間又應該點樣應對/自處?呢年政府忽然重視私隱,私隱問題其實應該點理解? 研究完:劍、黃、涼
58:55
October 26, 2021
Ep64 - 縮水中 - 明日大嶼削700公頃 邊個最傷心?
今日林鄭正式宣佈最新得意諗法,將明日大嶼願景大減700公頃,究竟因乜解究本來係林鄭任內既旗艦項目,變左可加可減既「後日大嶼」? 未諮詢就直接宣佈,究竟邊個最傷心? 做一半唔做一半會令明日大嶼出現什麼處境? 研究完:劍、希、Kristy、Stewart
43:12
October 18, 2021
Ep63 - 賣祖中 - 是誰令祖堂也變?
今年施政報告公佈眾多天馬行馬的措施,其中包括放寬祖堂地出售門檻。而背後嘅影響好有可能係估你唔到咁深遠,特別喺現時鬥地主嘅風聲下,究竟林鄭呢一著會點樣改變未來新界整個土地利益格局?今集研究員同你深度傾下今次祖堂地放寬背後的利益版塊變化,祖堂地研究員又收到啲咩鄉事嘅內幕消息?究竟政府係咪(扮)唔知祖堂地嘅位置同分佈?又會點樣引發鄉事同發展商嘅新互動? 研究完:劍、黃、涼
53:10
October 11, 2021
Ep62 - 喪施中 - 施政報告的土地瘋聲
又新界北又祖堂地又濕地緩衝區又綠化地,2021年施政報告前,土地發展多咗好多新嘅風聲。明日大嶼都係1,700公頃,宜家吹到可發展用地有8,000多公頃。啲地係邊度嚟?所謂突破舊思維嘅「綜合發展規劃概念」綜合咗啲咩?漏咗啲咩?明日大嶼隨時變後日大嶼?取而代之嘅會係咩?現時嘅新界亂象會持續到幾時?今日研究員同綠色和平嘅朋友,由兩三層樓高嘅垃圾山同川龍嘅劏車場,到港版「肺病村」,傾下施政報告「土地瘋聲」會點廷續香港土地亂象。 研究完:劍、正、銓 綠色和平特別嘉賓: 淳
51:30
October 05, 2021
Ep 61 - 開箱中 - 點查到離岸公司最新玩法?
繼16年巴拿馬文件曝光世界政要富豪避稅,近日再有避稅密件「潘朵拉文件」(Pandora Papers)爆出兩位香港前特首持有離岸公司,究竟當中會唔會涉及潛在利益衝突呢?今集同你閒談下香港土地房屋問題「公司離岸化」嘅最新現況,究竟香港避稅合法化可以點玩?富豪政要避稅又點影響到香港市民?同時又反映緊香港面對緊什麼嘅稅制黑洞? 研究完:劍、涼、蔡
45:05
October 04, 2021
Ep 60 - 落貨中 - 目擊走私市民究竟睇到乜?
走私活動暫時已經一片寧靜,但村民其實唔係咁諗。今集研究員從大嶼山島民視覺,聽到睇到啲乜震撼場面,引述目擊村民親眼目睹走私活動佈署同分工,路人皆見但點解報左咁多次警都唔見人。 研究完:劍、Stewart 朋友:Eddie (大嶼山居民)
48:22
October 03, 2021
Ep 59 - 豚扣中 - 走私船與白海豚
究竟大嶼山西南除咗走私貨仲有啲咩係個海到呢? 今集請嚟香港海豚保育學會兩位豚友Anson同希汶為大家介紹下生活喺大嶼山一帶嘅真。原居民—中華白海豚。一齊探討海豚生境同走私船活動範圍高度重疊下,點樣變咗船下亡魂? 兩位豚友原來仲曾親眼目擊走私船喺白海豚身邊高速駛過!到底一年有幾多海豚死於非命? 研究完:劍、Kristy 特別嘉賓兩位豚友:Anson、希汶
45:08
September 29, 2021
Ep 58 - 走Sea中 - 走私單嘢唔係咁簡單
近日沙洲走私水警衝突事件,早前更有過百隻大飛喺香港水域有來有往,背後究竟發生緊咩事?原來香港一直有幾個走私熱點?或者背後會唔會有不見光嘅密謀勾結?海上走私一直同大家衣食住行息息相關,今日研究員就同大家一齊同大家重組呢個走私現象,睇下呢個海洋亂象嘅始末同背後嘅「走私產業鏈」嘅操作。 研究完:劍、涼、Stewart
01:00:04
September 27, 2021
Ep 57 - 施壓中 - 地產商就嚟冇得玩?
琴日,有外媒傳出香港地產商被中央施壓,要解決香港房屋問題。今次研究員同你深入傾下,除咗「鬥地主」外,究竟應該點樣去解讀呢個消息?配合著呢幾個月嘅土地房屋發展,又反映緊什麼局勢?如果你係地產商,你諗你會點應對?最驚啲咩? 研究完:劍、涼、Caesar 特別嘉賓:義工Steven
38:37
September 18, 2021
Ep 56 - 瞭望中 - 地質公園整Lookout(觀景台)?
破邊洲觀景台設計比賽作品引起熱議,但更多人質疑的是政府在郊野範圍設立這種入侵式旅遊設施的需要,尤其在糧船灣這個世界地質公園。破邊洲嘅六角柱係點形成?喺上面起嘢會有咩潛在問題?過往有無例子參考?今次比賽評審有咩睇法?研究員對佢地睇法又有咩睇法?今集研究員同大家追溯返破邊洲觀景台嘅「郊野公園旅遊化」政策脈絡,郊野範圍應有嘅規劃限制,同埋西貢一億四千萬年前嘅地質歷史。 研究完:Brian、劍、Kristy、Caesar
50:29
September 14, 2021
Ep 55 - Hard Sell 中 - 咁樣硬銷明日大嶼都得?!
面對住海砂供應不足、超支同延誤危機嘅機場三跑近日完工,林鄭好興奮咁話機場三跑嘅「嶄新填海技術」既環保又成功,可以喺明日大嶼大派用場,明顯係度借三跑嘅例子嚟推銷公眾有強烈保留嘅萬億人工島。 三跑填海其實一波三折,當中遇到嘅問題可能喺明日大嶼中以幾何級數規模重演,研究員同大家拆解當中嘅修辭,認清楚呢個填海嘅氹有幾無底深淵。 研究完:Brian、Kristy、Caesar
45:58
September 10, 2021
Ep 54 - 停播中 - 沒有論壇的城市
香港電台長壽節目 - 城市論壇亦被停播。除了伴隨香港市民近40年歷史,節目中多次對辯亦成為全城茶餘飯後的熱門話題,亦顯示城市論壇當中的公共性及時代意義。今次有研究員同你清談一下,過往親身參與城市論壇的經歷、城市論壇作為公共場域、以及當中對辯論戰如何發生。最後,在現時「全面管治」下,更需要從中嘗試尋找公共空間的新出路。 研究完:劍、涼、史
45:01
September 06, 2021
Ep 53 - 奪舍中 - 解決房屋問題新玩法
近日被熱烈討論嘅土瓜灣呃樓事件,究竟背後嘅「龐大犯罪團伙」涉及嘅人點樣各施其職促成罪案? 民間調查方法被收緊,又會唔會令市民更難保障自己,令市民成為騙徒嘅囊中物?研究員同大家一齊探討案情鬼魅之處! 研究完:劍青、Brian、Kristy
49:49
September 03, 2021
Ep 52 - 肢解中 - 誰是規劃加速師?
官方近月不斷放風精簡城規程序,當中最駭人聽聞的建議包括﹕放寬濕地緩衝區發展密度和縮減城規公眾申述等。中央最關注香港房屋問題的矛頭,逐漸由搵不夠地轉移成官僚程序拖慢。近兩年跨部門精簡發展管制督導小組推出的措施,似乎由早期刪減部門間重覆的審批,到今日考慮極具爭議性的項目,未來數月這些本月專題探討的 #肢解城市規劃 措施亳無疑問會陸續浮面,其長遠影響仍難以估計,但必然十分重要。 研究完:劍、涼、希
50:44
August 26, 2021
Ep 51 - 密佈中 - 地有多大產?
上星期五土地共享計劃「靜靜雞」公佈咗兩個發展商申請,今集研究員就同你傾下呢種由地產商主導既土地「共孽」嘅現況,究竟會引伸咗咩規劃、空間以及社區問題?當中又反映緊未來香港點樣嘅城市發展趨勢? 研究完:鴻、劍、涼
01:04:38
August 09, 2021
Ep 50 - 即時閒置 - 下一站 土地查冊
今日突發傳出現任警務處財務、政務及策劃處處長譚惠儀8月將接任土地註冊處處長,繼車牌、公司查冊之後,土地查冊亦無一倖免成為政府針對嘅目標。今集研究員同你快問快答探討現時呢個人事調動背後有咩潛在嘅社會影響同意義,尤其喺國安法時代,究竟喺警隊辦事嘅處長會點影響土地註冊處?呢個人事調動又釋出緊咩管治訊息?又會唔會改動現時土地註冊嘅制度同查冊程序?對傳媒、研究社以及民間有咩深遠影響? 研究完:劍、涼、Brian
25:36
July 28, 2021
Ep 49 - 721兩周年 鄉黑勢力被削弱?
【閒置中-特急】721兩周年 鄉黑勢力被削弱? 721事隔兩年,有白衣人被揭發曾參與曉門套丁案,而丁屋大王王光榮亦被廉署調查。 今集研究員同你快問快答,迅速探討這兩年間721白衣人、鄉事派以及政府背後政經結構嘅角力,回顧喺套丁問題上最新嘅土地、政治及經濟現況,同時嘗試回應呢兩年民間發起嘅清算鄉黑行動結果如何?套丁問題係咪就咁解決咗?鄉事派係咪就咁沒落? 研究完:涼、劍
21:43
July 22, 2021
Ep 48 - 無盡永恆中 - 冇地點養起你條鐵?
近年成日講減少依賴港鐵發展,講依賴莫過於「鐵路+物業」既霸權模式,好似係理所當然,但係係咪真無得揀? 港鐵究竟有咩鮮為人知既歷史玄機? 研究完:涼、劍、Stewart
01:02:47
July 08, 2021
Ep 47 - 墮樂中 - 大嶼山下一個郊野亡魂?
水療中心、Wibit水上樂園、「快感與刺激」Zip-line、露營波波屋,不禁問一句:「這是我們理想中的郊野嗎?」 近年政府將郊野公園視為可開發展資源,早係2018年公佈嘅大嶼山康樂及旅遊發展研究,積極地以旅遊之名入侵郊野公園,揭示大嶼山準備成為下一個郊野亡魂。#香港真係好靚 係靠前人努力守護同捍衛得嚟嘅成果,可惜政府偏偏意圖收割前人嘅成果嚟換取旅遊收益,根本就係殺雞取卵。 研究完:Brian、Kristy 特別嘉賓: 義工Christy
01:04:00
June 21, 2021
Ep 46 - 失救中 - 連保育都被譴責
近日再度牽起保育熱潮,適逢本研社取得8803項全港唯一一次嘅歷史建築普查名單,隨即引嚟各媒體先後報導、全民亦熱熾加入研究行列,好不熱鬧。但係事情並未完結,一個又一個歷史文物遭遇拆卸危機。立法會上葉劉亂扣帽子,批評政府容許發展32公頃粉嶺高球場土地,有份提倡嘅本研社只講英軍建築,又指斥只許「西婦」保留前政府總部西座。究竟而家嘅保育政策係咪為邊個服務?係為廣大市民定權貴行先?民間又有冇咩可以參與?
01:00:54
June 11, 2021
Ep 45 - 閃避中 - 誰能避過香港收地呃運?
真實收地嘅過程中不斷出現嘅暴力逼遷場面-元朗橫洲、上水蕉徑等等,最受影響嘅反而係手無寸鐵、世代耕作嘅村民。咦?唔係話「鬥地主」咩?今集閒置中研究員同大家分析下,「收地」其實係咩一回事,同點樣以小見大睇到香港土地房屋問題嘅癥結:係咪好似政府咁講收地好困難?點解收地地產商囤積、無人使用嘅土地竟然能避過收地一劫? 研究完:劍、Brian、Caesar
50:41
May 20, 2021
Ep 44 - 斬件中 - 丁權自肥計劃
今集研究員同你突破盲腸,揭露一直被政府隠藏嘅丁地係閒置生緊草?丁地規劃有邊幾方面出現咗問題?丁地一定要用嚟起丁屋?丁地能否成為新的土地供應選項?今集同你直擊解決套丁嘅進擊思考模式,丁地的運用應該需要重新研究、思考以及規劃。 研究完:涼、劍
50:07
May 06, 2021
Ep 43 - 改劃中 - 你個海壞咗呀!
自政府一推出明日大嶼後,有唔少人都覺得政府勢在必行,市民好似大石砸死蟹咁-無聲出。作為普通市民係咪完全無嘢可以做到呢? 平時喚籲大家入城規反對改劃就聽得多,還海於海行動召集人-Tony就倒轉叫大家入紙支持改劃保留個海,究竟過程係點?一個市民點樣利用返政府現有尚未崩壞嘅部分,獲得更多平時係官方口中唔會得知嘅事呢? 嘉賓:Tony (還海於海行動召集人) 研究完:劍、Stewart、Kristy
42:26
April 29, 2021
Ep 42 - 協調中 - 新「土改」前膽
近日有風向傳中央要出手解決香港現時房屋土地問題。作為一直有跟進土地議題嘅一眾研究員就同大家一齊拜讀紫荊黨嘅「中央有權協調香港土地供應」一文,分析現時中方如何理解香港嘅土地房屋發展嘅利益版塊,探討究竟邊個先係所謂「既得利益者」?同時呢啲既得利益者又點樣從香港土地制度中獲利?所謂「鬥地主」嘅土改情況係咪會喺香港發生? 研究完:劍、涼
48:48
April 23, 2021
Ep 41 - 激光中 - 疫後香港能源轉營
後疫症全球在橦憬「綠色復蘇」,大力推動「綠色經濟」轉營,當中又有幾多綠?香港能源自給與永續之路都是舊問題,2021當下又有何倡議有望破局?今次《閒置中》邀得「日光社區」計劃成員來分享最新以城市公共空間作太陽能發電倡議,與研究員從土地談到外地,探索民間一條多元化可再生能源之路。 嘉賓:Rainbow、阿歡 (日光社區計劃成員) 研究員:Kristy、劍
41:47
March 19, 2021
Ep 40 - 調查中 - 套丁被捕 清算地主?
「丁屋大王」王光榮早前被廉署以嫌疑套丁被捕,呢位「丁屋大王」其實已經多次出現喺本研嘅套丁研究報告之中,單單一個丁屋屋苑「曉門」就已經多達139幢丁屋。而今次突發拘捕究竟有咩含義?係唔係真係坊間所講「鬥地主」?鄉紳係咪被人用完即棄?跟現時整個政治形勢有咩關係?今集研究員同你更深入探討今次拘捕「丁屋大王」背後潛藏嘅管治術,將會如何影響整個新界利益分佈以及未來鄉事派的命運。 #阿!拉丁神燈 研究完:劍、涼、鴻
48:40
March 16, 2021
Ep 39 -玩郊中- 郊野公園旅遊化
政府成日對郊野公園虎視眈眈,早排財政預算案竟然係財赤情況下,竟然撥咗5億係郊野公園增設樹頂歷奇同搞豪華露營,嘗試以「旅遊」之名開發郊野公園資源,究竟同郊野公園嘅原意係有咩衝突? 研究完:Brian、KimChing、Kristy
53:11
March 11, 2021
Ep 38 -倒退中- 特首可以傾出嚟?
早前有人放風話特首可以經協商產生,前特首梁振英仲援引歷史文件(?)嘅中英聯合聲明。今次研究員就同你追溯呢條「協商特首」條文嘅歷史原意,睇下點解香港代議體制上會出現呢個「漏洞」?當時中英係點傾出嚟?如果特首可以「傾出嚟」,會有咩影響? 研究完:劍、涼
31:53
February 05, 2021
Ep 37 -常規中- 封區管治術
【劏房 x 封區】早前佐敦突發封區,再到油麻地地區(在錄制過程中已經封埋油麻地),政府指明呢啲地區因為多劏房夠密集。今集研究員同你拆解封區嘅背後理由究竟係乜?劏房點解會成為封區嘅理由?封區又點樣改變我地對空間嘅認知?封區管治術會點發展落去?
31:42
January 26, 2021
Ep 36 - 種金中 - 變質的丁權
丁權司法覆核案上訴庭判決話丁屋合憲,鄉議局第一時間出嚟表示贏番3比0,今次研究員就同你分析上訴庭判詞,指出當中可能遺漏嘅歷史事實,睇下丁屋係咪真係所謂「傳統」?定係已經變哂種金嘅特權?今次判決會為香港帶嚟啲咩潛在影響同後果?丁權覆核案後續又係點?
50:54
January 19, 2021
Ep 35 - 壓縮中 - 納米樓怪談
納米樓報告發佈引起媒體討論,本集研究員同各位回顧報告最受關注的發現,拆解最多人誤解觀點,分享納米樓奇怪開則趣聞,仔細分析納米樓出現背後的成因。 #納米樓 #房屋研究 #屋企只夠位企?
54:53
January 11, 2021
Ep34 - 搞郊中 - 從纜車動物園到礦場豪宅 - 馬鞍山郊野公園
今次馬鞍山郊野公園邊陲起豪宅嘅改劃問題多多:由滅村、破壞馬鞍山礦場遺址、到幫地產商鋪橋搭路、喺郊野公園外起樓。咁近郊野公園邊界,點解政府可以話發展就發展?馬鞍山喺郊野公園成立前已經被發展商睺住?40年前諗住搞馬鞍山纜車計劃+動物園?今集同你由馬鞍山改劃嘅前世今生出發,再講下郊野公園邊界發展嘅解密文件同埋香港土地發展原則。
42:43
December 18, 2020
Ep33 - 無視中 - 施政報告咁大件事冇人講?
唔講唔覺,上星期林鄭終於公佈咗今年度「專政」報告。我地都知道大家唔係好想聽林鄭把聲,所以不如今次就研究員為你聲音導航,講下份報告有咩要魔鬼在細節嘅地方,全方位咁揭示下政府有幾咁不堪。
45:15
December 05, 2020
Ep32 - 手軟中 - 有線主席的暗黑財技
身兼有線同遠東發展主席嘅邱達昌7月曾言「如果英國嚟嗰300萬個BNO,你就賣到手軟!」呢邊廂有線選擇性裁員,打壓新聞自由,加速移民潮;嗰邊廂,遠東喺英國同揸住大把樓盤等緊你買。人血饅頭食法真係層出不窮。到底邱達昌手上有幾多英國樓盤,令香港打壓越勁,佢就越多商機?仲有邊個有線股東喺英國有樓?中港地產商喺英國樓市嘅情況係點?
42:05
December 03, 2020
Ep31 - 冷笑中 - 立法會有特權?
本保護議員嘅特權法可以用嚟反控議員,象徵緊啲咩?點解立法會淪落到咁?今集同大家講下特權法嘅故仔,發掘下當年立法時發生咗咩「趣事」,或者可以帶俾我地一啲嘅歷史啟示。
41:53
November 24, 2020
Ep30 - 查冊中 - 唔畀查冊,點拆?
港台記者因查冊被警方以虛假聲明控告,究竟成件事有幾唔合理?今集同你傾下政府會點樣進一步收緊查冊、限制公開資料嘅途徑。除咗唔畀記者朋友繼續追查外,唔畀查冊仲有咩影響?民間又可以做啲咩?
40:04
November 12, 2020
Ep29 - 狙擊中 - 套丁報告一出 官商鄉黑見光死
套丁報告2020正式發佈,重擊鄉黑核心利益,今集簡明講下報告幾個超重點,睇下班鄉黑可以有幾放肆,睇下有冇可以針對佢地非法經濟來源、「制裁」鄕黑嘅方法
42:45
November 03, 2020
EP28 - 摸底中 - 土地共享曖昧的交易
土地共享半年都未收到申請,今日地產商毫不諱言曾與政府「摸底」,林鄭就話地產商「唔捨得」。政府收回土地本有主導性及公權力,點解要靠咁曖昧嘅公私合營?公私合營呢條橋邊個諗出嚟?政府鋪橋搭路俾地產商,換到啲咩?聽落咁筍,點解而家仲未有發展商申請?政府同地產商仲要互摸到幾時?
39:52
October 23, 2020
Ep27 - 交戰中 - 嶼箭在弦
林鄭北上完,就番嚟話今次「打餐大」撐明日大嶼,加上近排不斷見有人衝出嚟「吹奏」填島。今集就同你傾下最新「嶼」情,呢班究竟係咩人呢?佢地有組織有預謀咁做有咩目的?而家明日大嶼嘅最新戰況究竟係點?
43:01
October 20, 2020
Ep26 - 抽屋中 - 點解居屋咁難抽
依期興抽居屋,今集同大家全面盤點居屋政策方方面面嘅問題,分析大家點解會抽唔到? 新一輪居屋申請今日截止,僧多粥少的情況下,無可避免又有新一批的市民望門輕嘆。今集研究員同大家盤點居屋作為一種房屋資源,普通人一共有多少種途徑上到樓,連帶分享一些不少人不知的小秘密,居屋配額裡面原來有個世代房屋問題?居屋可以賣貴成本價四倍的原因又是甚麼呢?抽中居屋代表你即袋「被動收入」上百萬?
45:51
October 07, 2020
Ep25 - 圈地中 - 有地都變冇地
喺屯門掃管笏,十年發展蒼海桑田,政府靜雞雞將當區1.5個維園咁多既政府地變賣為私樓。政府點樣將呢個新區規劃全面豪宅化?市區「搶地」爭議係咪幻象?大型基建陸續有來,「掃管笏模式」會否成為香港土地發展的常態?今集研究員帶你從掃管笏睇政府土地分配。 #掃管笏的土地 #掃地 #黃金海岸
42:26
September 30, 2020
Ep24 - 在途中 - 路由單車踩出來
疫情與運動,再度刺激了城市另類交通模式的想像及可能性。一旦鐵路隧道不通,單車可扮演什麼城市功能?「山多平地少」是否香港單車死症?有何民間研究可推動友善單車政策?近年多了不少交通關注團體落力推廣,今次找來嘉賓分享過往研究小貢獻。
42:44
September 26, 2020
Ep23 - 封閉中 - 消失的CSI 口罩
CSI口罩去哂邊?催眠彈成份因公眾利益唔公開? 點解市民咩都唔知? 今集同大家講下點解政府可以咁封閉,同時諗下究竟有冇方法可以重奪市民嘅知情權、監督權甚至係主導公共資源的運用。
39:58
September 22, 2020
Ep22 - 明日大嶼搞唔搞、點搞、仲有冇得搞?
另一重大深水炸彈,隨著下屆臨立會又來臨,大家準備好討論明日大嶼未,定還是覺得問題已經相當清楚?政府會唔會真係做,如何推會點做,今時今日,大家又可以做什麼?
39:29
September 20, 2020
Ep21 - 集權中 - 三權論述戰
政府帶頭重新演繹「三權分立」,究竟背後動機係咩?今集想同大家傾下自80年代起,香港作出過不同三權分立嘅嘗試和討論,預視下將面臨集權化嘅攻勢,我地應該如何應對?
40:15
September 08, 2020
Ep20 - 執波中 - 粉嶺哥爾夫球場遊記
粉嶺哥爾夫球場啱啱831約滿。民政靜靜雞幫佢做咗啲咩「特別過渡安排」?當初話攞出嚟起屋嘅32公頃去咗邊?點解呢類「私人遊樂場」可以有1000蚊咁嘅特惠待遇?呢個政策仲合唔合時?研究員有幸入過去一次咁多,今集聲音導航帶大家入粉嶺哥爾夫球場,分享下喺入面會見到邊個,一杯咖啡幾錢,同佢份私人遊樂場契約又有咩關係。
41:44
September 04, 2020
Ep19 - 避彈中 - 算靶啦 - 香港的靶場用地
香港鎗會射完即飛,射擊垃圾堆積多年,嚴重污染郊野公園及引水道範圍,明顯違反當初以優惠地價1000蚊換返嚟嘅地契。水務署又告佢唔入,地政又唔做嘢。點解會咁? 今集研究員同大家分享槍會「膠野」範圍嘅考察經驗。順便講下香港有幾多靶場用地?香港係咪需要咁多靶場用地?或者應該問--香港需唔需要咁多槍?算靶啦。 研究完:劍青、涼、Caesar
37:51
August 28, 2020
Ep18 - 和你讀通數據城市
今集整個數據城市讀書組前瞻,同大家淺談下有關數碼都市點樣影響緊我地嘅生活,其實數據城市除咗「智慧燈柱」、「智慧監獄」及「健康碼」嘅監控問題外,數碼同我地身處城市嘅關係又係點?呢啲問題都希望之後透過讀書組同大家深入討論下。
37:04
August 27, 2020
Ep17 - 海岸膠野
上回講過政府膠官「玩郊」癖好陰魂不散,我哋嘅郊野面對威脅其實點止發展威脅?每日成千上萬膠樽發泡膠等等嘅海洋垃圾湧上沙灘同石灘,每次打完風之後更加慘不忍睹,污染海岸線、毒害海洋生物。 但我哋嘅政府對「執膠」就唔多積極,令熱愛香港環境嘅市民忙於淨灘,不禁令人問政府啲膠官究竟搞緊乜膠野。今集我哋請到特別嘉賓、本研社義工Kristy 同我哋分享佢對於香港海洋垃圾嘅研究。究竟政府對於海洋垃圾嘅源頭、去向等數量有冇掌握?海洋垃圾問題嘅源頭-都市固體廢物政策、生產者責任制進展又如何? 特別嘉賓:Kristy 研究完:劍、涼、Brian、Caesar
41:02
August 21, 2020
Ep16 - 郊遊中 - 陰魂不散的郊野公園膠
自從陳茂波2013年話郊野公園並非神聖不可侵犯,政府及其打手學者正式啟動發展郊野公園嘅輿論戰。政府「玩郊」癖好陰魂不散,單計2020年至今已經講過至少15次發展郊野公園。二害取其輕、邊界模糊化、專業主義撻術語等政府套路,喺其他政策都見到,大家都熟悉不過。 今集研究員就同大家一齊睇下,政府點打呢場輿論戰?點樣透過研究一嘢篤爆佢?郊野公園對香港人嘅身份有咩意義?其他國家點理解郊野公園?流浮山以外都有蠔?旺角邊度見到螢火蟲? 研究完:劍青、涼、Caesar、Kelvin
41:37
August 17, 2020
Ep15 - 永續中 - 萬年立法會
人大最近宣佈香港現屆立法會延續「最少一年」,分分鐘變「萬年立法會」,究竟未來一年議會會點?今集深入傾下香港立法會喺角色同功能變化,同時預視緊延任議會將有咩重要事情發生。 研究完:劍青、Brian、涼
37:23
August 13, 2020
Ep14 - 年青人注定住劏房?
房屋問題影響最深的無疑是初投社會的年青人。今集一眾研究員會從自爆搵樓初體驗,講到劏房市場背後的資金和集團式代理人的作用。現時政府對應劏房的措施狀況又係點呢?究竟又收埋左幾多光復劏房既絕招呢? 研究完:劍青、涼、Kelvin、希
39:06
August 12, 2020
Ep13 - 丁權覆核 鄉黑末日?
今日起一連四日,高等法院上訴庭將聆訊世紀丁權司法覆核案,萬眾期待。上年四月,法庭已判丁屋政策部分不合憲,由於丁屋牽涉歷史背景複雜、政策大走樣滋生龐大鄉黑利益,各方都不滿結果繼續上訴。研究員今集傾下初審結果、透過解密檔案分析丁屋政策由來,為大家前瞻一下上訴聆訊,探討下丁權點樣成為左新界鄉黑搖錢樹之一途,同埋丁權末日係咪快將黎明來到。 研究完:劍青、涼、Brian
43:54
August 11, 2020
Ep12 - 反送中 - 世紀級的引渡問題
近日法國成為第七個暫停跟香港引渡協議嘅國家,代表香港嘅法制、自治甚至外交上嘅地位漸漸唔受國際認可。引渡協議對香港除咗推動「加速」之外,仲有冇其他嘅意義呢?究竟當時港英點同加拿大、澳洲呢啲國家又傾又砌呢啲「引渡」條例呢?當時佢地擔心啲乜?研究員今集透過解密檔案傾下引渡協議嘅歷史,可以幫到我地了解更多當初嘅原意同對現在嘅意義。 #像極了愛情 研究完:劍青、涼、Caesar、Kelvin
33:50
August 07, 2020
Ep11 - 困惑中 - 點解咁既形勢重有人話會買樓?
運動與疫情改變了一個城市的命運,但好像未有打破香港樓市的神話。今次同大家傾下點解疫情同信心危機下,仍然樓價好似重企得咁硬,新世代對買樓置樓既諗法有冇唔同左,面對林鄭既房屋政策,一般市民有咩對策。 研究完:阿希、Brian、劍青
43:04
August 06, 2020
Ep10 - 點解香港仲有緊急法?
上年立蒙面法,今次林鄭就用緊急法延遲立法會選舉一年。其實緊急法好似毒品咁,「不可一.不可再」。其實上年已經有人問,呢條嘢係咩嚟?點解可以咁惡?點解當時人權法冇廢除佢?今集又帶大家回顧下緊急法嘅歷史,透過英國解密檔案同埋法律嘅學術文章去了解下緊急法嘅前世今生,再同大家傾下一啲緊急法嘅歷史迷團。 研究完:劍、Caesar、涼
36:12
August 03, 2020
Ep9 - 全面DQ權
近日政府不斷加速,一下子DQ咗十二個參選人。DQ呢個政治行為除咗加速個攬炒之外,DQ對我地究竟有咩意義呢?今集就同大家傾下DQ、香港殖民歷史同權力之間嘅關係。 研究完:劍、涼、Caesar 支持本土研究社:https://liber-research.com/support-us/
46:15
August 01, 2020
Ep8 - 宇宙級反棕亂港
噢噢噢~我耳朵想旅行~香港棕地議題都講到口臭,香港政府棕地政策都係冇乜改善過,仲不時搬啲外國例子出嚟撻人。但政府梗係講啲唔講啲啦。淨係講外國公私合營,又唔講人地大規模收地?大家唔好被佢嚇親,今集同大家由淺入深,理解咩係棕地?其他國家係點理解棕地?同香港嘅有咩分別?香港落後嘅棕地政策對香港嘅房屋危機有幾大影響?今集同大家飛去英國同瑞典,理解佢地嘅棕地政策同先例,再返嚟香港,破解政府嘅棕地迷思,理解「棕」地如何「亂港」。 研究完:劍、Brian、Caesar 支持本土研究社:https://liber-research.com/support-us/
42:49
July 30, 2020
Ep7 - 全檔睇清光 - 本研檔務半年回顧
近排有好多人關心點退黨,但有冇人理點睇檔? 其實本研一直都好關心檔,呢半年一直全力為檔辦事。今集同大家透露下本研過去半年頻繁嘅檔務工作,睇番舊時港英政府嘅解密檔案究竟有咩用? 睇檔案有冇咩限制? 檔從何來? 橫惦長文冇人理,蜻蜓點水一炮過講哂半年來34篇檔案文章同報導嘅精華。
37:45
July 27, 2020
Ep6 - BNO唔O
近日英國開始對BNO推出移民條件,同時都成為咗中英外交上嘅風眼,中國聲稱進一步「反制」。其實呢條通往英國公民的途徑都唔係第一次,本研為你睇番英國解密檔案,剖析90年當時中方究竟做咗啲咩威脅?聽下今次研究員同你閒聊,可能幫到我地了解到依家嘅BNO平權計劃,甚至幫我地預視現時中方下一波嘅「反制」措施。 研究完:劍、Brian、涼
32:45
July 25, 2020
Ep5 - 721破元朗結界
十八鄉主席曾經喺727元朗遊行前話,你唔入村界村民就唔會「有行動」。到底「村界」喺邊?條界又係邊個嘅界?「先霸後租」又係咩玩法?我可摸以踩過界,霸埋一份?耶嚟啦最多我俾返錢啦~各種邊界及準則直接同套丁、棕地、僭建、殯葬區等鄉紳利益有關。今集同大家分享下新界日日新嘅各種邊界。 研究完:劍、Brian、Caesar 支持本土研究社:https://liber-research.com/support-us/ Facebook: https://www.facebook.com/localresearch/ IG: https://www.instagram.com/liberresearch/
39:39
July 22, 2020
Ep4 - 7.21 查三代
無人會忘記721當晚發生咩事。各方朋友仍然持續靠僅有的線索尋找真相。今集研究員帶大家返去幾十年前,透過官方解密檔案,回帶了解白衣人背後根深蒂固既鄉村政治經濟結構:白衣人靠咩搵食?元朗喺有咩巧威威威水史?鄉黑經濟圈的其中一個推手竟然係前港督衛奕迅? 研究完:劍、Brian、Caesar 支持本土研究社:https://liber-research.com/support-us/ Facebook: https://www.facebook.com/localresearch/ IG: https://www.instagram.com/liberresearch/
38:58
July 21, 2020
Ep3 - 島上的波兒 - 人工島世代之爭
人工島研究撥款過唔島,陳健波(收成期)又訓斥後生仔,點解令到研究員又嬲又好笑呢?嬲完笑完,今集同大家審視下而家關於人工島嘅局面。人工島撥款會梅喺下屆立法會期(如有)翻生呢?政府仲有啲咩茅招霸王硬上弓呢?之後同大家(再一次)篤爆一啲同人工島有關嘅香港土地迷思(in case收成期唔知)。香港一直都係填海返嚟,點解而家唔填得?唔填海,仲有咩方法搵地?政府嘅估算make sense嗎?島上的波兒是否要賭上香港的未來? 研究完:劍、Brian、涼、Caesar 支持本土研究社:https://liber-research.com/support-us/ Facebook: https://www.facebook.com/localresearch/ IG: https://www.instagram.com/liberresearch/
41:50
July 20, 2020
Ep2 - 邊個喺橫洲打橫嚟講?
邊個喺橫洲打橫嚟講? 橫洲收地爭議持續多年,居民被地政要求於7月29日前搬離。飽受收地過程煎熬後以痛失家園作結,另一邊廂的鄉黑繼續橫行其道。到底成日講嘅「官商鄉黑」具體上係點勾結?「原居民」同「非原居民」喺香港土地發展過程中有咩差別待遇?橫洲個名係點嚟?失去橫洲對整個香港有咩意義?大家仲可以做啲咩?今集本研嘅朋友同大家分享橫洲嘅小小歷史、最新情況、土地爭議嘅本質、同埋未來嘅研究空間。 研究完:劍、魚、Caesar 支持本土研究社:https://liber-research.com/support-us/ Facebook: https://www.facebook.com/localresearch/ IG: https://www.instagram.com/liberresearch/ 
40:38
July 18, 2020
Ep1 – 明日大嶼,真係駁唔島
萬億明日大嶼拎工程撥款,即將進入另一個階段,今集解說東大嶼人工島前世今生,個島重有幾多未知既隱藏成本,又同桂山島 (又名曱甴尾) 有既鮮為人知既關係,重有啲乜值得更深入調查同發掘? 研究完:劍、Caesar Facebook: https://www.facebook.com/localresearch/ IG: https://www.instagram.com/liberresearch/ 支持本土研究社:https://liber-research.com/support-us/
38:34
July 17, 2020