Radio Ibufuliiru Podcast

Kitaabo ikyayandikwa na Leah Fifi. Kiliri mu Kifuliiru na mu Kingereza.

Lenga hano: https://shorturl.at/nwR29

Kifuliiru no'buhinga buhyahya, tugweti tugaganuula higulu tumenye ngisi ho indeto yitu Kifuliiru ikolera na ngisi byo igweti igayungunka ukushangirana na ngisi kwo ubuhinga buhyahya bugweti bugagebda bumuyitunda.

Ku zeene abandu ngisi abagweti bagakulikirana ibindu ibigweti ibigadetwa no'kukolwa, ubuhinga buhyahya bukola hala bweneene.

Haliri ibindu nga ChatGPT, Bard AI, Microsoft Copilot, ne'bindi bingi. Bino bigweti bigakola no'kukolesibwa abandu banasomerwe. Haliko indeto yitu Kifuliiru italiri mu ndeto izangakolesibwa ukudeta kwo yibyo binabwenge biyuvwe indeto yitu. Byo'bitumiri tukwaniini tukole bukayu, tuyegeeze indeto yitu hala.

Twalamusa. Tuyegerere tweshi. Zeene tugaganuula higulu lye' Kifuliiru no'buhinga buhyahya. Kino kiliri kihande kya mbere. Tugagenderera ukuganuula higulu tumenye bingi ku ngisi ibigweti bigakolwa na ngisi Mufuliiru ukudeta kwo indeto yitu igenderere, iyegere imbere. Biki byo kera Umufuliiru akola ukudeta kwo indeto yitu uyunguke ku bindu byooshi bingi byo buhinga buhyahya? Bino byo tugagenderera ukuganuula kwohe.

Biki kera byo Umufuliiru akola ukulengera mu buhinga buhyahya higulu lyo'kutabaala indeto yitu Kifuliiru? Kuti kwo abandi bandu bakakola kandi li bagweti bagakola ukudeta kwo bahise imyazi y'abandu, y'ahandu, kandi li ye'ndeto? Ka twangamenya injira bakagenda balengamwo?

Umufuliiru ayiji, ashobwiri, kera anakola bingi. Tuyemeziri kwo indeto yitu igayunguka ukulengera mu buhinga buhyahya.

Kera twakola namuyehuulo mu Kifuliiru, bibaja ibikolihisiri bishatu mu Kifuliiru naho. Tugweti tuganagenda tugabika indeto yitu mu bibaja bingi nga ku Facebook, ku Twitter (X), ku Spotify, ku YouTube, ku Instagram, ku TikTok, ku Threads. Na kwokuno tugenderiri ukukola bweneene ukudeta kwo indeto yitu uluguke mu bandu.

Kera twakola ne'kibaja kyo'kumenyeesa imyazi miyandike kandi li mu video. Tuyemeziri kwo tugahika hala bweneene.

Tuyegerere tweeshi, tukole, tuhike hala.

Twalamusa. Muyegerere kandi mu Mu Bihiiza Bya' Bafuliiru. Guno guliri muganuulo higulu lyo'mukeni no'mugale mu Kifuliiru. Guno muganuulo gwalenga mu Kihiiza Imigeeza ye' Kifuliiru. Kiliri kihiiza ikiliri mwohe Abasimbahwa bingi be'Kifuliiru. Mu yabo haliri shokulu Masikosiko Ruseke, na'bandi bingi abagweti bagaganuula higulu Umufuliiru atateereke na atateere imigeeza yage.

Guno muganuulo bagweti bagashuvya ngisi ukabuuza higulu lyo mugale no mukeni; biki umugale agweti byo umukeni atagweti? Biki umugale agweti ibyangatuma agaberangirwa mugale? Biki umukeni abuziri ibyangatuma bagamuberangira mukeni? Yibyo byooshi biliri bibuuzo ibigweti bigaloonga ishuvyo mu guno muganuulo ugwamala isiku izitali na niini.

Baguma bayerekana kwo ubugale bushagini na ngisi kaya umundu aliri mwohe na ahandu. Yivyo binatumage ngisi abashuba muganuula bagayerakana kwo ibitumiri bagadeta kwo ubugale no bukeni bishagini na ngisi ho mundu aliri higulu uwangaba mugale mu kaya kaguma agayigwana kwo akola mukeni kandi li mundu muniniini mu kandi kaya. Shikulu Masikosiko Ruseke na'bandi abayiji yingira mu nzaliro zage, banayerekanage kwo ngisi kwo utwaya tulirina ngisi kwo tuhimini kwo na kwookwo ibimubonekana nga bugale bimugenda bigahiimana. Banayerekane kwo nga mu twaya twitu twe' Bufuliiru, nge' Kyanyunda ho shokulu Masikosiko atuziri, ubugale buliri muharurwa mu madalo na mu bitugwa umundu agweti. Ahandi naho umundu anaharure ku byuma nga pikipiki umundu angaba agweti kwo bwo bugale yubwo. Unayijagi gwana kwo yibyo bindu tumugwata kwo bugale ahandi handu bikola binini kandi li hali abagweti ibisumbiri yibyo hala na hala ku bwingi, ulya ushuba muyigwata kwo aliragi mugale mu kaya ke'mwabo, yaho naye akola agaba mukeni.

Ugundi naye ayijagi deta higulu lya ngisi uwabo ukahika mu kihugo kye' Tanzania anahika imwo'wabo ukamuyingiza mu nyumba igweti ibindu ibitali na binini mu bibambazi. Uyo wabo anabagage akababwira kwo iyomunda akazitira, ifwi ziliri mu maji mu kibambanzi, na handi mu kindi kibambazi haliri ibindu bindu, ne' televizyo iliri mu kibambazi. Yiyo byanaba bihyahya ku yehe. Anayijagi babwira kwo inomunda imwitu ndazo nyumba tugweti. Yivyo binayerekanage kwo abagale be'mwitu ukubayumania na yabo be'yo'mundo, bakola bagabonekana kwo kiri baliri bagale haliko haliri abandi ababahimiri.

Yugo muganuulo gwagenderera ukuhisa zene ulw'iposho, shokulu Masikosiko anaba ngamaliriza mu kuyiji yerekana kwo ishuvyo lyabonekana haliko abandu bangagenderera ukuganuula. Ukuhisa ku kino kinyerere twabika bino hano, tutakishubi yuvwa kandi li ukubona ugundi mundu uwashubi gira kyagadeta ku yibyo kandi li yumo mu Kihiiza Imigeeza Ye' Kifuliiru.

Kino kihiiza kiliri kihamu ku zene higulu kigweti kigatabaa;la abandu ukuemenya bingi mukuba muliri abasimbahwa bingi nga Dr. Mushinio, Dr. Muke, Inspecteur Mukome naye tukamuyuvwamwo, na'bandi bingi, kugumaga noyo shokulu Masikosiko Ruseke ugweti ugatabaala mu bindu bingi ngokushuvya ibibuuzo ibitali na binini ibigweti bigabuzibwa mu Kifuliiru higulu lyo' Mufuliiru, ne' Bufuliiru, ne' Kifuliiru ubwakyo nga ndeto nyija, ndeto yitu twehe Bafuliiru. 

Mazina maki twangahereza abana biitu. Ingingwe agaliri mu Kifuliiru.

Twalamusa. Ino épisode iliri nyija bweneene higulu abagingi bagweti bagashuvya ikibuuzo ikikabuzibwa higulu lya'amazina agangayinikwa abana biitu. Ukubuuza kino kibuuuzo aliri mwenewitu wa Ayivugwe Kabemba Mukome. Ngangisi kwo yenene akayidetera, atakubuuza kwo ndago mazina ge'Kifuliiru gayiiji, haliko akabuuza nu kuloza ukumenya bingi ne'ngingwe higulu lyo'kuloza ukuyuvwa ngisi kwo abandi bandu bayiji na bweneene bweneene ngis kwo abagingi biitu bayiji.

Abakaganuula baliri bingi, bakanasimisibwa na yikyo kibuuzo. Twasimira bano bagingi abakashuvya: 

1. Majaliwa Hatari Rusoka

2. Masikosiko Ruseke

3.  Masemo Mukome

4. Benjamin Luzolo Muke

5. Busomere Mururu

6. Byarurema Kabemba

7. Ayivugwe Kabemba

Na ngisi gundi twangaba tutabiika hano higulu lyo'kulenga.

Twalamusa. Twasima ukukumania biguma mu bikadetwa mu Bihiiza Bya'Bafuliiru higulu tubibike mu KIfuliiru. Tuyiji kwo bikiri bikayu ukudeta kwo tuyandike igambo Kifuliiru ku Internet unayamilonga imikolwa yiitu. Tugweagi tugakola kwoshi tushobwiri higulu lyo'kudeta kwo bakizilonga imikolwa yiitu nge'kyanya bangaloza amagambo magumamaguma ku Internet. Koko kwongwa bweneene benewitu. Tugweti tugakola bukayu bweneene higulu tuzamuule indeto yiitu Kifuliiru. Kongwa bweneene, tuyegerere tweshi. 

Twalamusa. Tuyegerere. Tuyuvwirize ibimuganulwa mu kino kihiiza higulu lye'Migeeza ya'Bafuliiru na ngisi kindi kyoshi kyotwangayuvwa mwo. Kino kihiiza kiliri kigale bweneene kushagana ne'bimuganulwa mwohe. Muliri abandu bingi nga Shokulu Masikosiko Ruseke, Docteur Mihuhi, Benjamin Luzolo Muke, na'bandi bingi. Mu Bihiiza bya'Bafuliiru. Kihiiza Imigeeza Ye'Kifuliiru 14/05/2022.

.Twalamusa. Tuyuvwirize ibigweti bigaganulwa mu kino Kihiiza. Mu Bihiiza bya'Bafuliiru 13/05/2022. Kihiiza Imigeeza Ye'Kifuliiru.

Nalamusa. Tuyegerere tuyuvwirize ibikaganulwa mu Kino kihiiza kya'Bafuliiru. Tuliri bandu tuyiji, tushobwiri. Ngisi Mufuliiru ukigweti inzaliro no'rukundo lye'mwitu amusimisibwa no kubona kwo ibindu bitu bigaba biija ngisi kyanya. Mu kino Kihiiza muliri abandu bingi. Na bano bandu baliri kwingi. Mu kio kihiiza muliri Shokulu Masikosiko, uno anere agweti agatabala bweneene. Tugweti Docteur Mihuhi Nicolas. Uno anabere agweti agatabaala bingi bweneene naye. Na'bandi bingi. Mu Bihiiza bya'Bafuliiru 12/05/2022. Kihiiza Imigeeza Ye'Kifuliiru.

Twalamusa. Tuyegerere tuyuvwirize ibikaganulwa mu kino kihiiza kya'Bafuliiru higulu lye'Migeeza yiitu ye'Kifuliiru. Mu kino kihiiza ngisi mundu agweti agatabula byayiji mu Kifuliiru, mu migeeza ye'Kifuliiru. Kino kiliri Kihiiza Imigeeza Ye'Kifuliiru. Mu Bihiiza bya'Bafuliiru 11/05/2022. Kihiiza Imigeeza Ye'Kifuliiru.

Twalamusa. Tuyuviwirize ibikaganulwa mu kino Kihiiza higulu lye'Migeeza ye'Kifuliiru. Mu Bihiiza bya'Bafuliiru 10/05/2022. Kihiiza Imigeeza Ye'Kifuliiru.

Mu Bihiiza bya'Bafuliiru 09/05/2022. Kihiiza Imigeeza Ye'Kifuliiru. Twalamusa. Tuyuviwirize ibikaganulwa mu kino Kihiiza higulu lye'Migeeza ye'Kifuliiru.

Mu Bihiiza bya'Bafuliiru 07/05/2022. Kihiiza Imigeeza Ye'Kifuliiru. twalamusa. Tuyuviwirize ibikaganulwa mu kino Kihiiza higulu lye'Migeeza ye'Kifuliiru.

Mu Bihiiza bya'Bafuliiru 06/05/2022. Kihiiza Imigeeza Ye'Kifuliiru. twalamusa. Tuyuviwirize ibikaganulwa mu kino Kihiiza higulu lye'Migeeza ye'Kifuliiru.

Mu Bihiiza bya'Bafuliiru 03/05/2022

Twalamusa. Tuyegerere tuyvwe ibikaganulwa mu Kihiiza Imigeeza Ye'Kifuliiru ku siku 02/05/2022

Twalamusa. Bino biliri bindu ibyaganulwa mu kihiiza kya'Bafuliiru ikiri muberangirwa IIMIGEZA YE KIFULIIRU ikiliri ku WhatsApp. Muno mu kino kihiiza muliri shokulu usimiri bweneene indeto yiitu anagweti agakola kwoshi ashobwiri higulu lyo'kudeta kwo indeto yiitu izamuke. Amuberangirwa Masikosiko Ruseke.

Twalamusa. Ku zene abandu bingi kera bashagalukira ubuhinga buhyahya. Abandu bangaba bagweti inzaliro ndebe, ukudeta kwo bazihikize abandu bingi bamuyikumanya mu bihiiza. Kushagira kare Abafuliiru li balikiziba bagaganula, balikizi twala amagambo mu kihiiza, yumwo munda balikizi shola, no'kuganula bayahumananie amagambo ne'nzaliro. Ku zene ibihiiza bingi bigweti bigakoleka mu njira zo'buhinga buhyahya. Injira mbamu bweneene bagweti bagakoleesa iliri WhatsApp. Twasima tukizi bahikiza ngisi byotugakiziba twalonga mu yibyo bihiiza.

Tusomese abana bitu bwija. Ikindu kihamu bweneene twangakolesa ukudeta kwo tugenderere, ne'mwitu hagenderere, tubanini ukukolesa amasomo ga'bana bitu. Ku kyanya abana bitu bagaba basoma bwija, tugaba tuyiji kwo ibindu bingi bigaba bija. Byo'bitumiri twalalika ngisi Mufuliiru hoshi hotuliri, li wangabona umwana wo'Mufuliiru, utamuleke agende kwokwo. Li wangaba ushobwiri ukumusomesa, kiri angaba aliri muhalanshongo, musomese. Ugaba wasomesa Umufuliiru. Agatabala bingi kushezi. Kongwa bweneene. Tuliri Bafuliiru. Tusimane, tusime imwitu, tusime no'kugwasanya.

Tukole mu Kifuliiru, tukolere indeto yitu. Guno guliri mulali ku ngisi Mufuliiru. Ngisi Mufuliiru alimusima ukuyuvwa no kubona kwo indeto yitu igazamuka. Tumuhaya indeto yitu kwo iliri ndwto ngale. Yubo bugale tubanini tubukolese tunabukolere. Mu ndeto izimuganulwa na'Bandu banini, indeto yitu nay ilirimo. Tubanininagi ukukola bweneene higulu lyo'kudeta kwo tugizamule. Ku bibusi ibiliri hohe zene, haliri abakirimusima indeto yitu haliri na bandi i Kifuliiru itakiri ndeto ya kuganula. Haliko ku ngisi Mufuliiru yeshi, tutakwanini ukukola higulu tuzamule indeto yitu. Biki byo kera wakola higulu lye'Kifuliiru? Nzaliro ngi nzogweti higulu lye'Kifuliiru? Biki byoyiji byowangasima bihikiire indeto yitu. Bino biliri bibuuzo tubanini ukushuya. Tuyegererage tweshi, tukole mu Kifuliiru, tuzamule indeto yitu. Kongwa.

Kifuliiru ndeto yitu kikola hingi. Tuyegerere tukole tuzamule indeto yitu. Tuli Bafuliiru, tuli bandu nga'bandi. Tuyiji bingi, kera twakola bingi. Guno mukolwa tukayinika Radio Ibufuliiru. Tulozizi tukizi gananula indeto yitu Kifuliiru. Tuyegerere, tukole tweshi. Tuzamule indeto yitu. Kongwa.

Muyegerere tuyuvwirize, tukizinayuvwiriza indeto yitu Kifuliiru. Twalamusa. Tuyegerere tweshi bana be'Bufuliiru. Kino kibaja kiliri hano higulu tumenye bingi mu kifuliiru. Indeto yitu tugiganule, tugiyuvwe hoshi twangaba tuliri. Kifuliiru. Tuliri Bafuliiru, tuli bandu nga bandi. Tushobwiri byoshi byo ngisi abandi bandu bashobwiri. Tuyiji bingi nitu. Kino kibnaja kiliri hano higulu tukizi ganula, tukizisalizanya, tukizihanulana, tukizi yuvwiriza indeto yitu. Tugwetu ubushambale buhamu bwenene ukuba tuliri Bafuliiru, tunagweti tugakola higulu lyo'kudeta kwo tukizi zamuka. Ndaye gundi mundu ugatukolera imikolwa mihamu li tutali twehe twenene. Kongwa.

Kifuliiru Ndeto ngale. Biki ibimutuma tugadeta yukwo? Tumusima bweneene ukukolesa lino gambo kandi li ino mbula. Ngisi Mufuliiru yeshi amusima bweneene ukudeta kwo indeto yitu iliri ngale. Yubo bugale buliri bugale buki? Ka bili ukuli kwo indeto yitu iliri ngale? Iliri ngale kuhima ndeto nyiki? Bino biliri bibuuzo tubanini tuyibuuze bweneene, ne'ngingwe tubanini tuloze ishuvyo. Kongwa. Tugweti tugaganula mu gano magambo manini higulu lya yibyo.